ئەڤرۆ نیوز ، نەوزاد ھلۆری:
ل چاڤدێریا نێچیرڤان بارزانی سەروکێ حکومەتا ھەرێما کوردستانێ و ب بەرھەڤبوونا پارێزگەرێ دھوکێ و چەند بەرپرسێن فەرمانگەھێن پەیوەندیدار بەرێ بنیاتی بو چێکرنا رێکا دوریانا گرشین بو دوریانا سحێلا ژ رێکا گشتی یا دەولی دھوک ئیبراھیم خەلیلا زاخو ھاتنەدانان.
ل دەستپێکا دانانا بەرێ بنیاتی ئەندازیار مەعسوم رێڤەبەرێ گشتیێ رێک وپرا دیارکر کو رێکا گرشین بو سحێلا ژروویێ بارزگانی ڤە گرنگەکا زور ھەیە و گۆت: (ئەم وەکو رێڤەبەریا رێک و پرا دڤی کاودانی دا باشترین دیاری پێشکێشی خەلکێ خویێ کوردستانێ بکەین بو وێ یەکێ خەلکێ مە ھاتن و چونا خو یا بلەز وئاسایی وبێ ئاستەنگی بکەت ئەڤ جاددەیە)
فەرھاد ئەمین ئەتروشی پارێزگەرێ دھوکێ پەیڤەکێ دا گۆت: (ئەم وەکو حکومەتا ھەرێما کوردستانێ بەری نوکە و نوکە ژی کار دکەین کو رێکێن گشتی دناڤبەرا ھەموو باژێر و باژێرکێن پارێزگەھێن ھەرێما کوردستانێ دورستکەین بو وێ یەکێ کاروبارێن بازرگانی و ھاتن وچونا گشتی یا خەلکێ کوردستانێ بھێتە خوشکرن .
، و مە ھەولدایە رێکێن ھەموو قەزایان ب سەنتەرێ پارێزگەھێ ڤە گرێدەین وخوشکەین تایبەتی رێکا ” دھوک – زاخو ” کێمەک مایە دێ بدوماھی ھێت ھەروەسا رێکێن دھوک شیخان وبەردەرش وئاکرێ کارێن بەردەوام ل سەر ھاتینە کرن وکێم ماینە دێ ب دوماھی ھێن و رێکا ئیبراھیم خەلیلا – دھوک بەری نوکە ژی کار ل سەر ھاتیە کرن و ئەڤرو ژی بەرێ بنیاتی بو پارچەکا دی ھاتە دانان رێکەکا گرنگ و دەولی یە و بزاڤەکا بازرگانی یا بەردەوام لسەر ھەیە وئەو رێک ب پارێزگەھێن ھەرێمێ وعیراقێ وترکیا ژی ڤە دھێتە گرێدان)
زێدەتر گۆت: (دڤێت کومپانیا جێ بەجێکار ل دوڤ ستاندەرێن بو ھاتینە دەست نیشانکرن وێ رێکێ بجھبینیت وکارەکێ دورست ئەنجامدەت ول دوماھیێ سوپاسیا سەروکێ حکومەتا کوردستانێ و وزیرێ ئاڤادەنکرن وئاکنجیکرنێ وھەموو لایەنان دکەین یێن بوینە ھاریکار بو بجھکرنا ڤێ رێکا دەولی)

دھێتە زانین کو رێکا دوریانا گرشین بو دوریانا سحێلا ژرێکا گشتی یا دەولی دھوک ئیبراھیم خەلیلا بکوژمێ پتر ژ٥٣ملیون و ٦٤٦ھزار دولاران دێ ھێتە ئەنجامدان ، و پارە ژی ژلایێ قەرێن سندوقا دەولەتی ھاتینە دابینکرن ، رێک یا دوو سایدە ٢٠کم یا درێژە ودگەل دا چوار ئەندەر پاس و دوو پرێن ھاتن وچونێ ھەنە ورێک ھەموو دێ ھێتە پەژانکرن ، و پروژە ژلایێ کومپانیا ترکی “ھەگەگە” دێ ھێتە چێکرن وبریارە دماوێ ٩٠٠ روژان دا بکەڤیتە دخزمەتێ دا.