ئەڤرۆ نیۆز،زنار تۆڤی:
یانا بارشەلۆنا یا ئیسپانی د‌ تیروپشكا وه‌رزێ نوو یێ چامپیۆنزلیگدا ل‌ سه‌رێ كۆمه‌لان‌ نابیت و ئه‌ڤە ئێکەم جارە‌ پشتی 19 سالێن بوری.
رۆژناما سپۆرت یا كه‌ته‌لۆنی ئاشكراکریە،کو ب ئەگەرێ گوهۆرینێن نوو یێن فیدراسیۆنا تەپا پێ یا ئورۆپا،ل وه‌رزێ نوو دا بارشەلۆنا ل سه‌رێ كۆمه‌لان‌ نابیت د چامپیۆنزلیگدا، چونكی‌ ب‌ پلا دویێ د خۆلا ئیسپانیا دا هاتیە،لەورا د گوهۆرینێن نوو یێن‌ یۆفایێ دا قارەمانێن هه‌شت خۆلێن ب هێز یێن ئورۆپا دێ ل‌ سه‌رێ کومەلێن چامپیۆنزلیگێ دابن.
ل دووڤ وان گوهۆرینان هه‌ر ئێک ژ ریال مه‌درید قارەمانا ئیسپانیا،یوڤێنتوس ل ئیتاڵیا،مۆناكۆ ل‌ فر‌نسا، چێڵسی ل ئینگلته‌را، بایرن میونشن ل‌ ئه‌ڵمانیا، شاختار ل‌ ئۆكڕاینا، سپارتاك مۆسكۆ ل‌ رووسیا و بنفیكا ل پۆرتوگال،دێ وه‌كو سه‌رێن كۆمه‌لان هێنە دیارکرن،كو قارەمانێن خولێن وەلاتێن خوەنە،لەورا بەرشە بوویە قوربانیا گوهۆرینێن یۆفایێ،هەروەسا د ڤان‌ 19 سالێن بوری دا ئێکە‌م جاره‌ بەرشە ل‌ سه‌رێ كۆمه‌ڵه‌یه‌كێ نه‌بیت دڤێ قارەمانیێ دا.

ئەڤرۆ نیۆز،زنار تۆڤی:
یانا ریال مەدرید یا ئیسپانی ئامادەکاریان بۆ پێشکێشکرنا دەستەواژەیەکا مەزن و خەیالی بۆ ئیدین هازاردێ ستێرا یانا چێڵسی دکەت،کو بوهایێ وی دگەهیته 100 ملیۆن پاوەندێن بریتانی و دێ بیتە مەزنترین گرێبەستا مێژوو یا تەپا پێ.
رۆژناما سەن سپۆرت یا بریتانی دیارکریە،کو ریال مەدرید دڤێت ب هەموو رەنگەکێ بیت هازاردی ببەتە ناڤ رێرێن خوە،لێ وی یاریکەری دووپاتکریە کو وی دڤێت ل گەل یانا چێلسی ب مینیت.
وێ رۆژنامێ گۆتیە، ریال مەدرید دڤێت ب 100 ملیۆن پاوەندان یانا چێڵسی رازی بکەت،کو ئەو دەستبەرداری یاریزانێ بەلجیکی ببن بۆ هندێ کو دڤێ هاڤینێ دا ئەڤ یاریکەرە پەیوەندیێ ب رێزێن یانا شاهانە بکەت و جهێ خامیس رۆدریگێزی بگریت،کو ئەو یاریزانێ کولومبی دێ رێزێن ریالێ بجه هێلیت.