ئه‌ڤرۆ نيو:

پشتی حكومه‌تا هه‌رێما كوردستانێ‌ بریار دای پارێ‌ پروژێن هاتینه‌ بجهئینان ل سالێن بوری ب رێژه‌ بو به‌لێنده‌را خه‌رج بكه‌ت ,
بریاره‌ سبه‌هی 29ى گۆلانا 2017 ل پارێزگه‌ها دهوكێ‌ كوژمه‌كێ‌ پاره‌ی ل سه‌ر به‌لێنده‌رێن پارێزگه‌هێ‌ بهێته‌ به‌لاف كرن ,
دداخویانیه‌كا تایبه‌ت دا بو روژناما ئه‌ڤرو (ئه‌ندازیار ئوسمان یونس) جێگرێ‌ پارێزگه‌رێ‌ دهوكێ‌ بو كاروبارێن ته‌كنیكی دیار كر كو حكومه‌تا هه‌رێما كوردستانێ‌ كوژمێ‌ 2 ملیار و 916 ملیون دینار بو به‌لێنده‌رێن پارێزگه‌ها دهوكێ‌ خه‌رجكرینه‌ بو پروژێن گه‌شه‌پێدانا هه‌رێما دێ‌ ل سه‌ر 105 به‌لێنده‌را ب رێژا 4.5% بو هه‌ر به‌لێنده‌ره‌كی هێته‌ خه‌رج كرن ژ پروژێن سالێن 2014 و 2015 و 2016 و هنده‌ك پروژێن سالا 2017 ێ‌ ,
بو زانین به‌ری چه‌نده‌كێ‌ هه‌مالن كوژمه‌ بو پارێزگه‌ها دهوكێ‌ هاتبو خه‌رجكرن و ب رێژا 66% بو پروژێن سالێن 2015 و 2016 ل سه‌ر به‌لێنده‌را هاتبونه‌ به‌لا فكرن .

ئەڤرو نیوز :

رێڤەبەریا گشتی یا پولیسێن پارێزگەھا دھۆکێ گرتن و سزادانا تاوانبارەکێ راگەھاند کو رابوویە ب دزینا مال و سامانێ خوە ، بو ڤێ مەرەمێ ژی یاری ب پولیس و مالا خوە کرینە.

چێروکا ئەڤی تاوانباری ژ وێ یەکێ دەست پێ دکەت کو ئەڤ کەسە ھندەک پارەیان ژ مال دبەت و چیتە جھەکێ و ب سوحبەت ڤە پەیوەندیێ ب مالا خوە دکەت کو ژلایێ کەسەکێ ڤە ھاتیە رەڤاندن و نھا ل ژێر دەستێ واندایە و داخوازا پاران دکەت ، و دبێژیت ئەگەر ھون پاران نەئینن دێ من کوژیت و لاشەیێ من ژی ھاڤێژن.

کەس و کارێن وی ژی پولیسان ئاگەھدار دکەن ، پشتی کو پولیس دگەھنە جھێ روودانێ کەسێ ل وان جھان نابنن بەلکو ئەڤ یە فلمەک بوو ژلایێ وی کەسی ڤە ھاتیە دروستکرن.

ژ بەرکو ئەڤی کەسی یاری ب پولیس و مالا خوە کرینە ، ل گورەی مادەیەکێ تایبەت دھێتە سزادان.