ئه‌ڤرۆ نيوز:
بو پشته‌ڤانیكرنا بانه‌گه‌شه‌یا ریفراندومێ وسه‌ربخویا كوردستانێ كو بریاره ل 25مه‌ها ئه‌یلولێ بهێته ئه‌نجامدان ئه‌ڤرو ئێڤاری 13-9-2017 ب ئاماده‌بونابه‌رێزان بهزاد علی ئاده‌م جێگرێ پارێزگه‌رێ دهوكێ نونه‌رێ پارێزگه‌رێ دهوكێ وئاراس حسن میرخان نوینه‌رێ شێخ سیروان بارزانی وخێزانێن شه‌هیدێن سه‌ربلندێن كوردستانێ وپێشمه‌رگێن ئه‌یلولێ وبه‌رپرسێن حزبی وئیداری وژماره‌كا زور یا گه‌نجان رێ ورسمێن هلدانا مه‌زنترین ئالایێ كوردستانێ لتاخێ‌گه‌لی ل هنداڤ روبارێ دهوكێ هاتنه گێران.
درێ ورسمێن هلدانا ئالای دا لبه‌راهیێ به‌رێز بلند شێخ مامون بریفكانی خودانێ پروژه‌ی په‌یڤه‌كخاند تێدا سوپاسیا به‌رهه‌ڤبویان كر كو ل هلدانا مه‌زنترین ئالایێ كوردستانێ ل باژێرێ دهوكێ به‌رهه‌ڤبوین وسوپاسیا به‌رێزان شێخ سیروان بارزانی وه‌زاره‌تا شاره‌وانی وگه‌شت وگوزار كر كو هه‌ڤكاربوینه دگه‌ل وان بو دورستكرنا ئالای وژخه‌لكێ كوردستانێ وپارێزگه‌ها دهوكێ هه‌موویان خواست كو ل روژا 25-9-2017 قه‌ستا سندوقێن ده‌نگێ بكه‌ن وبێژن به‌لێ بو ریفراندوم وسه‌ربخویا كوردستانێ .
پاش به‌رێز به‌هزاد علی ئاده‌م جێگرێ پارێزگه‌رێ دهوكێ په‌یڤه‌ك خاند وخوشحالیا خو دیاركر كو ئه‌ڤرو مه‌زنترین ئالا ل باژێرێ دهوكێ هاتیه دورستكرن و بناڤێ به‌رێز فه‌رهاد ئه‌مین ئه‌تروشی پارێزگه‌رێ دهوكێ وكارگێریا پارێزگه‌هێ ده‌ست خوشی ل به‌رێزان بلند شێخ مامون بریفكانی وشێخ سیروان بارزانی و وه‌زاره‌تا شاره‌وانی وگه‌شت وگوزاری كر كو ئه‌ڤ ئالایێ مه‌زن یێ كوردستانێ به‌رهه‌ڤكریه وخواست كو كومپانی ودلسوزێن ده‌ڤه‌رێ چاڤ ل وان بكه‌ن وڤان جوره پروژا چێكه‌ن وپشته‌ڤانیا بانگه‌شه‌یا ریفراندومێ بكه‌ن وته‌كه‌زكر كو ئالا هێمایێ هه‌ر ملله‌ته‌كیه وملله‌ت ب ئالا دهێنه نیاسین وژهه‌موو خه‌لكێ پارێزگه‌هێ خواست كو ل روژا ریفراندومێ قه‌ستا سندوقێن ده‌نگدانێ بكه‌ن وده‌نگێ به‌لێ بو سه‌ربخویا كوردستانێ بده‌ن.
هه‌ر بڤێ هه‌لكه‌فتێ رێڤه‌به‌رێ ره‌وشه‌نبیری ل دهوكێ په‌یڤه‌ك خاندن وبانگ ل هه‌موو گه‌نجان وخه‌لكێ پارێزگه‌هێ كر كو ده‌نگێ‌به‌لێ‌بوسه‌ربخویاكوردستانێ‌بده‌ن.
پاش ئالایێ كوردستانێ ب شێوه‌كێ فه‌رمی ژلایێ خێزانێن شه‌هیدان هاته ڤه‌كرن وهلدان.
پاش ئاهه‌نگه‌كا هونه‌ری هاته ل دارخستن وچه‌ندین سرود وستران هاتنه پێشكێشكرن.
روبه‌رێ ئالایێ هان (2000) مترێن چار گوشه‌یه ودهێته هژمارتن ژمه‌زنترین ئالایێ كوردستانێ ل باژێرێ دهوكێ هاتیه بلندكرن، پروژه ژلایێ بلندشێخمامونبریفكانیوشێخسیروانبارزانیووه‌زاره‌تاشاره‌وانیوگه‌شتوگوزاری هاتیه دورستكرن .
ئه‌ڤرۆ نیۆز،ره‌مه‌زان هه‌رنى:
ئه‌ڤرۆ ئێڤارى ل پاوانێ گوندێ هه‌رنى ل سنورێ ناحیا دینارته وەلاتیه‌ك ل ده‌مى برینا داران دا،داره‌ك ب سه‌رى دكه‌ڤیت و گیانێ خوه ژ ده‌ست دده‌ت.
كه‌سه‌كێ نێزیكى وی كه‌سێ گیانێ ژ ده‌ست دای بۆ ئه‌ڤرۆ نیۆز دیاركر:پشتى نیڤرۆیا ئه‌ڤرۆ وەلاتى (ئیدریس سادق)کو ئاكنجیێ گوندێ هه‌رنێ یە ب مه‌به‌ستا برینا دارا قه‌ستا پاوانێ گوندى دكه‌ت ل ده‌مى برینا داران،ژ نشکەکێ داره‌ك ب سه‌ر وى دا دكه‌ڤیت و گیانێ خوه ژ ده‌ست دده‌ت.
وى كه‌سى دیاركر ژى:پشتى مه ته‌رمێ وى ڤه‌گۆهاستى بۆ نه‌خوشخانا ئاكرێ ب مه‌به‌ستا پشكنینێ،پاشی هاته راده‌ستكرن بۆ كه‌س و كارێن وى و ل گوندێ هه‌رنێ هاتە ڤه‌شارتن.
ئەڤرۆ نیوز:
ئه‌ميندارێ گشتى يێ نه‌ته‌وێن ئێكگرتى د داخۆيانيه‌كێ دا راگه‌هاند كو ئه‌و هيڤى خوازه كو هه‌رێما كوردستانێ و حوكمه‌تا عيراقێ پتر دانوستاندنێ بكه‌ن.
ئەمیندارێ گشتی یێ نەتەوەیێن ئێکگرتی، ئه‌نتۆنیۆ گۆتێرێس خویا كر کو ئەو ل داخوازیێن ھەرێما کوردستانێ دگەھیت و گۆت: پێدڤییە ھەولێر و بەغدا دانوستانێن پتر ل سەر مافێ چارەنڤیسی بکەن و ئەز دخوازم ھەردو لا رێکبکەڤن.”.
ئەڤرۆ نیۆز، تۆڤی:
هژمارا وان راگه‌هاندکار و كارمه‌ندێن ده‌ست ژ كاركرنێ ل كه‌نالێ ئێن ئار تی د‌كێشن روو ل زێدەبوونێ دانە و بەری دەمەکێ کێم ئێك ژ بێژه‌رێن سه‌ره‌كی یێن وی كه‌نالی ده‌ست ژ كاركێشا.
دیاری ئه‌نوه‌ر ،ئێك بوو ژ بێژه‌رێن سه‌ره‌كی یێن ئێن ئار تی کو ل ئه‌كاونتێ خۆ ل تۆرا كۆمه‌لایه‌تی یا فێسیووكی ده‌ست ژ كاركێشانا خۆ ل وی کەنالی راگه‌هاندیە کو ل دووڤ گوتنا وی پشتی حه‌فت سالێن كاركرنێ ل وی كه‌نالی.
هه‌ر چه‌نده وی بێژه‌ری هۆكارێ ده‌ست ژ كاركێشانا خۆ ئاشكرا نه‌كریه؛بەلێ ل چه‌ند ڕگرۆژێن بوری ب ئەگەرێ راگه‌هاندنا گرووپێ (نه‌خێر) بۆ سه‌ربه‌خۆیا كوردستانێ ژلایێ شاسوار عه‌بدولواحیدیڤە كو خودانێ كه‌نالێ ئێن ئار تی یە،ب ده‌هان كارمه‌ند و راگه‌هاندکارێن وی كه‌نالی ده‌ست ژ كار كێشایە.
ئه‌ڤرۆ نيوز:
به‌رپرسێ دوسيا كورد ل هه‌ڤپه‌يمانيا نشتيمانى ئه‌ڤرۆ رۆژا چارشه‌مبى 13ى ئيلۆنا 2017ێ ژڤانێ سه‌ره‌دانا شاندێ هه‌رێما كوردستانێ بۆ به‌غدا ئاشكه‌را كر كو بڕياره ده‌رباره‌ى ريفراندۆمێ و كێشێن ناڤبه‌را به‌غدا و هه‌ولێر دانوستاندنێ بكه‌ن.
عه‌بدولا زه‌يدى، به‌رپرسێ دوسيا كورد ل هه‌ڤپه‌يمانيا نشتيمانى د داخۆيانيه‌كا رۆژنامه‌ڤانى دا راگه‌هاند: “ئه‌ڤرۆ ژ لايێ فوئاد حسێن، سه‌رۆكێ ديوانا سه‌رۆكاتيا هه‌رێما كوردستانێ په‌يوه‌ندى پێ كريه و رێكه‌فتن ل سه‌ر ده‌ستپێكا حه‌فتيا داهاتى كو شانده‌ك سه‌ره‌دانا به‌غدا بكه‌ت”.
ئاماژه ب وێ چه‌ندێ ژى كريه كو شاندێ دانوستاندكارێ هه‌رێما كوردستانێ ب سه‌رۆكاتيا د. رۆژ نورى شاويس بيت و به‌رده‌وامى ب دانوستاندنێن ناڤبه‌را هه‌ردولا بهێته دان.
ئه‌ڤرۆ نيوز:
چه‌نده‌كێ به‌رى نوكه كۆمبوونا جڤاتا گۆڕان ب سه‌رۆكاتيا عۆمه‌رێ سه‌يد عه‌لى رێكخه‌رێ گشتى يێ بزاڤا گۆڕان ده‌سپێكر.
ب گۆره‌ى ئه‌و پيزانينێن ب ده‌ست ئه‌ڤرۆ نيوز كه‌فتين بڕياره د ڤێ كۆمبوونێ دا پرسا ريفراندۆمێ و ئاسايكرنا په‌رله‌مانى گه‌نگه‌شه بكه‌ن.
به‌رى ڤێ كۆمبوونێ ژى ب ده‌مه‌كێ كێم، برێت مه‌كگۆرك نوونه‌رێ سه‌رۆكێ ئه‌مريكا بۆ روو ب رووبوونا شه‌رێ داعش ل گه‌ل بزاڤا گۆڕان كۆمبوو.
ب گۆره‌ى ميديا گۆڕان ناڤبرى راگه‌هانديه كو ئه‌مريكا 100% دژى ريفراندۆما هه‌رێما كوردستانێ يه و دخوازيت ب رێيا په‌رله‌مانێ كوردستانێ ئه‌و پرسه بهێته پاشخستن.
د هه‌موو هه‌لكه‌فتێن خوه دا سه‌رۆكێ هه‌رێما كوردستانێ ته‌كست ل سه‌ر وێ چه‌ندێ نه‌كريه كو ئه‌و چاڤه‌رێ كه‌سێ نابن بۆ كوردان سه‌ربه‌خۆيێ رابگه‌هينن و ئه‌ڤرۆ ژى ل ياريگه‌ها ئاكرێ يا وه‌رزشى ته‌كست ل سه‌ر وێ چه‌ندێ كۆ و گۆتژى: “هه‌كه ده‌م نه‌يێ گۆنجايه، بلا بێژنه مه چ ده‌مه‌ك يێ گۆنجايه بۆ سه‌ربه‌خۆيێ”.
سه‌رۆك بارزانى رژديا خوه ژى ديار كو ب چو ره‌نگه‌كى و چو به‌هانه‌يان ريفراندۆم بۆ سه‌ربه‌خۆيا كوردستانێ ناهێته پاشخستن و هيڤى ژ خه‌لكێ كوردستانێ كر كو ب به‌لێ ده‌نگى بۆ سه‌ربه‌خۆيا كوردستانێ بده‌ن.
ئه‌ڤرۆ نيوز:
مه‌سعود بارزانى سه‌رۆكێ هه‌رێما كوردستانێ راگه‌هاند كو بڕيارا ئه‌نجامدانا ريفراندۆمێ بڕيارا هه‌موو خه‌لكێ كوردستانێ يه و دێ د ده‌مێ خوه دا هێته ئه‌نجام دان.
مه‌سعود بارزانى، سه‌رۆكێ هه‌رێما كوردستانێ د ئاهه‌نگا پشته‌ڤانيا ريفراندۆمێ دا ل ئاكرێ په‌يڤه‌ك پێشكێش كر و تێدا گۆت: “ئه‌وێن دبێژن ريفراندۆمێ پاش بێخن، پرسياره‌كا مه‌زن دروست دكه‌ن، ئه‌و ژى ئه‌وه ئه‌رێ ئه‌م كه‌نگى ئه‌نجام بده‌ين و كه‌نگى ده‌م يێ گۆنجايى يه”.
سه‌رۆك بارزانى روون ژى كر كو عيراق ژ ده‌سپێكێ ل سه‌ر بنه‌مايێن شه‌راكه‌تێ هاتيه دامه‌زراندن، به‌لێ ده‌ركه‌فت كو يا شكه‌ستى يه و شكه‌ستن ئينا.
گۆتژى: “ئێدى نابيت په‌يمانێن لۆزان و سايسك بيكۆ چاره‌نڤيسێ كوردستانێ ديار بكه‌ن و دڤێت خه‌لكێ مه و گه‌لێ كوردستانێ ئه‌ڤى چاره‌نڤيسى ديار بكه‌ن.
سه‌رۆك بارزانى د په‌ياما خوه دا ل ياريگه‌ها ئاكرێ يا وه‌رزشى ته‌كست ل سه‌ر وێ چه‌ندێ كر كو دڤێت براتيا هه‌وو نه‌ته‌وه و پێكهاتێن ئاينى و مه‌زهه‌بى و نه‌ته‌وى يا پاراستى بيت، “مه دڤێت ده‌ستێ براتيێ بۆ هه‌موو لايان درێژ بكه‌ين، به‌لێ هه‌كه ئێكى بڤێت شه‌رى بكه‌ت، بلا خوه ب جه‌ربينيت ئه‌و مه‌يدان”.
ئاماژه بۆ وێ چه‌ندێ ژى كر كو ماوێ 10 سالايه ماف و ئمتيازێن پێشمه‌رگه‌ى نه‌هاتينه دابينكرن، به‌لێ ماوێ دو ده‌مژمێران قانوون بۆ حه‌شه‌د شه‌عبى ده‌ركر.
سه‌رۆك بارزانى نه‌ڤه‌شارت ژى كو هه‌كه ئه‌و هه‌ڤپشكى و براتيێ قه‌بوول نه‌كه‌ن، كورد ژى خزمه‌تكاريێ قه‌بوول ناكه‌ن.بوڵ ناكات.
نيشاندان