فوتو و زانیاری ، نەوزاد هلوری:
خودان دوکان و بازارێن چەلێ جارک دن دەست ب نوژەنکرنا بازارێن خوە کرن ڤە پشتی کو ل چەند روژێن بووری ژ ئەگەرا تەقینا تانکێ گازوایلا مالیدەکێ کارەبێ هاتبوونە سووتن.
ئەو بازارێن کو هاتینە سووتن پێکدهێن ژ 84 دوکانان و ل گورەی زانیاریێن ئەڤرو نیوز کو ژ خودان بازاران وەرگرتینە ب کوژمێ 700 هزار دولاران زیان ب وان کەفتینە.
هەتا نها پارێزگەها دهۆکێ چوو پێنگاڤێن قەرەبوکرنا وان نەهاڤێتینە ، ئەڤە د دەمەکێ دایە کو کارگێریا پارێزگەها دهۆک بریارا نوژەنکرنا ئافاهیێن بازار و دوکانان دایە کو دێ ژلایێ وان ڤە هێنە قەرەبوکرن.
ل گۆرەی زانیاریێن ئەڤرو نیوز سکالا لسەر خودنێن مالیدان و ئاڤاهیێ مالیدە لسەر هاتینەدنان ، هاتیە تومارکرن ژلایێ خودان بازاران ، ئەڤە زێدەباری سکالا داخوازکارێ گشتی لسەر هەموو وان کەسانێن کو بوینە ئەگەرێ سوتنا بازارێ چەلێ.

ئەڤرو نیوز :
وەزارەتا نافخو یا حکومەتا ھەرێما کوردستانێ چوار فرۆکە بو پارێزگەھا دھۆکێ دابینکرن کو دێ بو مەرەمێن بەرەڤانیا باژێرێ و ھاتن و چوون و ڤەگوھاتنا برینداران و رودانێن نەچاڤەرێکری ھێنە بکارئینان.
ل گورەی زانیایێن ئەڤرو نیوز پێشتر ستافەکێ تایبەت بو راھێنان و مەشقکرنێ بو بکارئینانا ئەوان فروکەیان ھاتیە بەرھەڤکرن و دێ خزمەتەکا باش بو پارێزگەھا دھۆک و قەزایێن سەر ب وێ ڤە ھێنە بکارئینان.
بڤی ئاوایی دھۆک دبیتە خودانا نێزیکێ ھەشت فروکەیێن بچوکێن ھەلیکوتپەر.

ئەڤرو نیوز:
ئێڤاریا ئەڤرۆ لسەر رێیا گشتی یا زاخۆ و دھۆک د رودانەکا ھاتن و چوونێ دا نەە کەسان گیانێ خوە ژ دەست دا و برینداربوون.
ئەڤرو ئێڤاری لسەر رێیا گشتی دناڤبەرا زاخۆ و دھۆک ژ ئەگەرێ بلەز لێخورینێ روودانەکا ھاتن و چونێ دناڤبەرا دوو ترومبێلێن تایبەت ژ جورێ ئوپل و تویوتا درۆست بو و د ئەنجام دا دوو کەسان گیانێ خوە ژدەست دا و حەفت کەس ژی برینداربوون.