ئه‌ڤرۆ نيوز، نيوار محه‌مه‌د سه‌ليم:
ب گۆره‌ى رێنمايێن كارى يێن گۆمركا خابۆر يا توركى هاتنوچوونا ترۆمبێلان هاتينه بۆ رێڤينگان هاته سنورداركرن و ئه‌ڤ سنورداركرنه دێ بۆ ماوه‌كێ نه‌ديار بيت.
ب گۆره‌ى راگه‌هاندنه‌كا گۆمركا ناڤبرى كو دانه‌ك ب ده‌ست ئه‌ڤرۆ نيوز كه‌فتيه ترومبێلێن جورێ ترافیك (قرانجی) ێن توركی دێ ژده‌مژمێر (8:00) سپێدێ هه‌تا (8:00) شه‌ڤێ رێ بۆ هێته دان بۆ هاتنوچوونێ و ڤه‌گوهاستنا رێڤینگان د ناڤبه‌را هه‌رێما كوردستانێ و توركیا دا.
هه‌ر د وێ راگه‌هاندنێ دا ئاماژه ب وێ چه‌ندێ ژى كريه كو ترومبێلێن عيراقی (قرانجی) ئه‌وێن رۆژانه هاتنوچوونێ دكه‌ن وه‌كو ترۆمبێلێن د ل سه‌رى دياركرى دێ ژ ده‌مژمێر (8:00) سپێدێ هه‌تا (8:00) شه‌ڤێ رێ بۆ هێته دان بۆ هاتنوچوونێ و ڤه‌گوهاستنا رێڤینگا د ناڤبه‌را هه‌رێما كوردستانێ و توركیا دا.
د لايه‌كێ دى يێ ڤێ راگه‌هاندنێ دا به‌حس ل ترۆمبێلێن تايبه‌ت كريه كو چ يێن توركى و عيراقى بن يان ژى يێن بيانى، ده‌هێ هاتنوچوونا وان دێ 24 ده‌مژمێران يێ ڤه‌كرى بيت، “ترۆمبێلێن پاس ژى يێن تايبه‌ت ب گه‌شيتاران دێ 24 ده‌مژمێران هاتنوچوونێ كه‌ن”.
ئه‌ڤرۆ نيوز، نيوار محه‌مه‌د سه‌ليم:
رێڤه‌به‌رێ گشتيێ ئۆفيسا دهۆك يا كۆمسيۆنا سه‌ربه‌خۆيا راپرسى و هه‌لبژارتنان ل هه‌رێما كوردستان راگه‌هاند كو ب هه‌بوونا ئێك ژ چار به‌لگه‌نامێن فه‌رمى يێن عيراقێ وه‌لاتى دشێن پشكداريێ د راپرسيێ دا بكه‌ن.
عه‌لى به‌ندى، رێڤه‌به‌رێ گشتيێ ئۆفيسا دهۆك يا كۆمسيۆنا سه‌ربه‌خۆيا راپرسى و هه‌لبژارتنان ل هه‌رێما كوردستان، بۆ ئه‌ڤرۆ نيوز گۆت: “ژ بوو پشكداريكرن د راپرسيا دێ ل 25ى ئيلۆنێ هێته ئه‌نجام دان وه‌لاتى دشێن ب ئێك ژ چار به‌لگه‌نامێن فه‌رمى (ناسناما بارێ كه‌ساتى، ناسناما عيراقى، پاسپۆرت يان ژى ده‌ستووريا هاژۆتنێ) ل گه‌ل خوه ببه‌ت”.
زێده‌تر گۆت: “پلێتا ئاهێن خوارنێ ب تنێ بۆ پشتراستبوونێ يه ل سه‌ر ناڤان و ب چو ره‌نگه‌كى پێدڤى ب كارتا بايومه‌ترى ناكه‌ت”.
ل دۆر ده‌مێ راگه‌هاندنا ناڤێن كارمه‌ندان بۆ سه‌ر سندوقان ژى خۆيا كر كو نوكه يێ كار ل سه‌ر دكه‌ن و بڕياره د ڤێ حه‌فتيێ دا ئه‌و ناڤ بهێنه راگه‌هاندن و پاشان ژى پشكدارى خوله‌كا تايبه‌ت بن بۆ چاوانيا ب رێڤه‌چوونا پرۆسا راپرسيێ.
ل پارێزگه‌ها دهۆكێ 697 هزار كه‌سان مافێ پشكداريێ دا راپرسيێ دا هه‌يه و ل سه‌ر 256 بنگه‌هـ و هزار و 667 ويستگه‌هان هاتينه به‌لاڤكرن.
عه‌لى به‌ندى ئاماژه ب وێ چه‌ندێ ژى كر كو به‌رهه‌ڤيێن خوه كرينه و ده‌رباره‌ى ناڤان ژى گۆت: “بۆ ناڤان پشت به‌ستن ل سه‌ر پلێتێن ئاهێن خوارنێ و كۆمسيۆنا بلندا سه‌ربه‌خۆيا هه‌لبژارتنان ل عيراقێ هاتيه كرن و هه‌تا نوكه نێزيكى 50 هزار كه‌سان ته‌ماشه‌ى ناڤێن خوه كريه”.
ئه‌ڤرۆ نیوز:
وه‌زیرا داد یا ئسرائیلێ، ئه‌یلیت شاكیدێ راگه‌هاند: ئسرائیل پشته‌ڤانییا سه‌رخوه‌بوونا كوردستانێ دكه‌ت.
شاكیدێ د كۆنفرانسه‌كێ دژی تیرۆرێ دا ب به‌رهه‌ڤبوونا شیره‌تكارێ به‌رێ یێ دۆنالد ترامپی به‌حسێ رێفراندۆما سه‌رخوه‌بوونا كوردستانێ كر و گۆت: ئسرائیل پشته‌ڤانییا سه‌رخوه‌بوونا كوردستانێ ژ ئیراقێ د كه‌ت، دامه‌زراندنا ده‌وله‌تا كوردستانێ د به‌رژه‌وه‌ندییا مه‌زن یا ئسرائیلێ و وه‌لاتێن رۆژئاڤا و جیهانێ دا یه، ب هزرا من ده‌م هاتییه ئه‌مریكا ژی پشته‌ڤانییا ڤێ پرۆسه‌یێ بكه‌ت.”
به‌ری نها سه‌رۆكوه‌زیرێن ئسرائیلێ ژی ب ئاشكرایی پشته‌ڤانییا خوه بۆ سه‌رخوه‌بوونا كوردستانێ دیار كرییه.
ئه‌ڤرۆ نیوز ، نه‌وزاد هلۆرى:
ئەڤرۆ رۆژا دوشه‌مبى رێكه‌فتى 11ى ئيلۆنا 2017ێ ل ھەولێر سەرۆکێ ھەرێما کوردستانێ پێشوازی ل کوبیش ھنارتیێ تایبەتێ سکرتێرێ گشتیێ نەتەوەیێن ئێکگرتی ل عیراقێ کر و د کۆمبوونەکێ دا دانوستاندن ل سەر چەند پرسەکان هاته كرن ژ وانا بڕیارا ئەنجامدانا ریفراندۆمێ.
د کومبوونێ دا مەسعود بارزانی سەرۆکێ ھەرێما کوردستانێ به‌حس ل كاودانێن نھا و پاشه‌رۆژێ يێن د ناڤبەراھەرێما کوردستان وعیراقێ دا کر و دیارکر کو ریفراندۆم بڕیارا گەلێ کوردستانێ یە و مافەکێ قانوونی یە و دێ د ده‌مێ خوە دا ھێتە ئەنجامدان.
ھەرد کۆمبوونێ دا بەحس ل تێبینیێن نەتەوەیێن ئێکگرتى و دانوستاندنێن ناڤبەرا عیراق و ھەرێما کوردستانێ دا ھاتنەکرن.
ب گۆرەی مالپەرێ سەرۆکاتیا ھەرێما کوردستانێ بارزانی ئاشکراکر کو گەلێ کوردستانێ دێ بەردەوام بیت ل سەر پاراستنا سەقامگیری و پێکڤە ژیانا ئاینی و نەتەوه‌ی و لێبورینێ ل کوردستانێ
ئه‌ڤرۆ نیۆز،ره‌مه‌زان هه‌رنى :
ئه‌ندامەکێ سه‌ركردایه‌تیا پارتى دیمۆكراتى كوردستان خویاكر:لایه‌نگرێن ناڤا گۆران و كومه‌لا ئیسلامى كه‌سانێن نیشتیمان په‌روه‌ر و دلسوزن دێ ده‌نگێ ده‌ن بۆ سه‌ركه‌فتنا پروسێسا رێفراندۆمێ ل 25/9 هەروەسا كومه‌لا ئیسلامى هزر دكه‌ت هەکە كوردستان ببیته ده‌وله‌ت دێ ژلایێ ئاینێ ڤه به‌رپرسیاریه‌تیه‌كا مه‌زن كه‌ڤیته سه‌ر ملێن وان و بزاڤا گۆران ژى خه‌ون و هیڤیى یێن خوه گرێداینه ب به‌غدا ڤه ب ناڤێ ئازادیێ و دیموكراسیێ و مافێ مرۆڤی ڤه و یا رەوان نینە گۆران دبێژیت مه ده‌وله‌ت نه‌ڤێت و بن ده‌ستێ دڤێت.
عه‌لى عه‌ونى ئه‌ندامێ سه‌ركردایه‌تیا پارتى دیموكراتى كوردستان و به‌رپرسێ لقێ 10 ل سوران بۆ ئه‌ڤرۆ نیۆز ئاشكراكر ,ل سنورێ پارێزگه‌ها سلێمانیێ پشت راستم ئه‌وێن كۆ ده‌نگێ خوه دده‌ن به‌لێ ل روژا رێفراندومێ دێ رێژا وان پتر بیت ژ ئه‌وێن دژى رێفراندومێ كۆ نها كومه‌ل و گوران سه‌رپه‌رشتیا وان دكه‌ن به‌ره‌یێ دژى رێفراندومێ دكه‌ن ل وێ پارێزگه‌هێ.
به‌رپرسێ لقێ 10 یێ پارتی خویاكر ژى:كوردا ژبلێ سه‌رخوه‌بوونێ چۆ هه‌لبژارده‌یه‌كا دى ل عیراقێ نینه و پێدڤیه كورد هه‌موو هاریكاربن بۆ سه‌ر كه‌فتنا پروسێسا ریفراندۆما كوردستانێ هەکە ئه‌م ڤێ ده‌لیڤه‌یێ ژده‌ست بده‌ین 100-200 سالێن دێ ده‌لیڤه‌یه‌كا دى ب ڤى ره‌نگى بۆ هه‌موو كوردا دروست نابیت و پێدڤیه كومیته‌یێن هه‌مه‌ره‌نگ هه‌بن بۆ وێ چه‌ندى ۆ ئه‌و وه‌لاتێن دوور و نێزیك په‌یوه‌ندى بڤێ پرسێ ڤه هه‌ى سه‌ره‌دانا وان بكه‌ین و پشته‌ڤانیه‌كا نێڤده‌وله‌تى بۆ خوه دروست بكه‌ین.
ئه‌ڤرۆ نیۆز،عه‌زیز ره‌سوڵ:
نیڤرویا ئه‌ڤرۆ ژلایێ دوو ترومبێلێن مونیكا ته‌قه ل باره‌گایێ لقێ 19ێ پارتى ل قه‌زا چه‌مچه‌مال یا سه‌ر ب پارێزگه‌ها سلێمانیێ هاته‌كرن و زێده‌ترى 200 ته‌لقه ل باره‌گایێ لقێ و ترومبێلێن كارگێر و كادرێن لقێ داینه.
بارزان نه‌جمه‌ددن به‌رپرسێ ناڤه‌ندا بلند یا ئێكه‌تیا لاوێن دیموكراتا كوردستانێ ل چه‌مالچه‌مال بو ئه‌ڤرۆ نیوز گۆت: ( نیڤرویا ئه‌ڤرۆ ده‌ردورێن ده‌مژمێر 12:30 خوله‌ك چه‌ند كه‌سه‌كان ب رێیا دوو ترومبێلێن مونیكا زێده‌ترى 200 ته‌لقه ب رێیا چه‌كێ كلانشینكوف و بى كه‌ى سى بو ده‌ما ئێك خوله‌ك ل باره‌گایێ لقێ 19 یێ پارتى دیموكراتى كوردستان ل چه‌مچه‌مال كر ، و ته‌قه‌یێ وان ژى ل ده‌ما كومبوونا ل گه‌ل ئافره‌ت و لاوان دهاته‌كرن ل بارا ریفراندۆمێ بوویه )
زێده‌تر گۆت: ( سوپاس بو خودێ چوو زیانێن گیانى نینن به‌لێ زیان ب 10 ترومبێل و بارگایێ لقێ كه‌فتینه ، هه‌ر چه‌نده هێزێن ئه‌منى ل جهێ روودانێ به‌رهه‌ڤن به‌لێ هه‌تا نها ناهێته زانین ئه‌و كى بوون ته‌قه كرى ، من دڤێت بێژم ژى كو ئه‌ڤه نێزیكێ حه‌فتیه‌كێ یه هه‌ره‌شه ژلایێ هنده‌ك خه‌لكێ نه‌ناسیار ل كارگێر و كادرێن لقێ دهێنه‌كرن)
ئه‌ڤرۆ نیوز ، رێژین نهێلى :
ژكه‌ڤن و تانها هونه‌ر ب هه‌موو چه‌قێن خوه‌ڤه كه‌فتیه دخزمه‌تا مرۆڤایەتیێ دا نه‌خاسمه ئه‌گه‌ر ژن ب وى هونه‌رى راببیت،ژبه‌ركو ژن ب خوه یا پره ژ جوانیا هونه‌رێن به‌حس لێ دهێته‌كرن،په‌رى عه‌بدولا ئه‌و ژنا ل بیاڤێ راگه‌هاندن و هونه‌رى دا كاردكه‌ت و نهاژى ب رولێ لێبوكێ ل كه‌نالێ هه‌لهه‌لوك بو زارۆیا رادبیت.
هەروەسا دبێژیت:من ل په‌یمانگه‌ها هونه‌رێن جوان و كۆلیژا ئادابێ پشکا دراما خواندیه ل سالا 2013 من ل وارتیڤى كاركریه و گەلەک حه‌ز ژ تێكه‌لیا زارۆیا دكه‌م چونكی كاودانێ نوكه ئه‌م تێدا تاراده‌كى زاروك هاتینه ژبیركرن،که‌نالێ هه‌لهه‌لوك ژى،من وه‌ك باشترین رێك دیت كو خزمه‌تا زارۆیا بكه‌م و ل گه‌ل زارۆیا شادبم و ده‌نگه‌كێ بلند دكه‌نم و ژوان فێرى پاقژیێ دبم، سه‌باره‌ت وان ره‌خنه‌یێن ل په‌ریێ دهێنه ئاراسته‌كرن.
زێدەتر گوت ژی : ره‌خنه هه‌نه و دبێژن بۆچى خوه‌دكه‌یه لێبوك ، بۆچى پیرێ به‌س ده‌ست خوه‌شى پترن و ئه‌ز ژى رێزێ ل هه‌ردوو لایان دگرم و ئاریشه ژى دكێمن دكارێ من دا لێ میكیاجێ پیرێ من گه‌له‌ك دوه‌ستینیت و گوت ژى:ئه‌ز دبێژم خوه ئه‌گه‌ر پارانه‌ده‌نه من ژى دێ هه‌ر بۆ كه‌یف خوه‌شیا زارۆیا ڤى كارى كه‌م و مخابن هێشتا جڤاكێ مه ب چاڤه‌كێ كێم سه‌حدكه‌ته لێبوكێ و ل دونیایێ لێبوك كاره‌كته‌ره‌ك هه‌رى مه‌زنه و جهێ شانازیێ یە بۆ من كو ئه‌ز ئێكه‌م ژنم وه‌ك لێبوك خوه دخه‌ملینم و دلێ زارۆیا شاد دكه‌م.
ئه‌ڤرۆ نیزز، هه‌رهین محه‌مه‌د:
سترانبێژا شۆخ و شه‌نگ تارا ره‌سول عه‌زیز دپه‌یچێ خوه یێ تایبه‌تێ فیسبوكى دا به‌لاڤكریه كو نوكه ئه‌و مژوولى توماكركرنا دوو سترانا یه كو ئه‌و ژى سترانێن (مه‌رۆره‌وه) كو ژپه‌یڤێن د. فه‌ره‌یدون عه‌بدوللا به‌رزنجى و سترانا دوێ ب ناڤێ (ره‌هیله) كو ژپه‌یڤێن محه‌مه‌د عومه‌ر ئوسمانه و ژئاوازو مۆزیك و توماركرنا ده‌نگى(عومه‌ر عه‌بدوللا) یه ول ستودیویا (لاوه) هاتیه توماركرن و ژڤانه ل ده‌مه‌كێ نێزیك هه‌ردوو سترانان كلیپ بكه‌ت.
ئه‌ڤرۆ نيوز:
حه‌مه ئاوات پێشمه‌رگێ دێرين و ئێك ژ دامه‌زرێنه‌رێن بزاڤا گۆڕان ئه‌ڤرۆ ل سلێمانيێ وه‌غه‌را دووماهيێ.
پشتى چه‌ندين سالان مايه ل سه‌ر جهێ خوه ژ ئه‌گه‌رێ نه‌خۆشيێ، ئه‌ڤرۆ رۆژا دوشه‌مبى 11ى ئيلۆنا 2017ێ حه‌مه ئاوات وه‌غه‌را دووماهيێ كر.
حه‌مه ئاوات ئێك بوو ژ سه‌ركردێن كۆمه‌لا ره‌نجده‌ران، پشتى دروستكرنا ئالايێ شوره‌شێ ژ لايێ مه‌لا به‌ختيار ل چيايى بوو ئێك ژ دامه‌زرێنه‌رێن وێ ته‌ڤگه‌رێ.
ژ ده‌سپێكا راگه‌هاندنا بزاڤا گۆڕان ژ لايێ نه‌وشيروان مسته‌فا، حه‌مه ئاوات په‌يوه‌ندى ب گۆڕان كر و ئێك بوو ژ هه‌ڤالێن گه‌له‌ك نێزيك يێن نه‌وشيروان و ئه‌ندامێ جڤاتا گشتى يا وێ حزبێ بوو.
نيشاندان