ئەڤرۆ نیۆز،زنار تۆڤی:
مارکۆ ئەسێنسیۆ وەک باشترین یاریکەرێ هەیڤا بوری یێ ریال مەدرید هاتە دەستنیشانکرن،پشتی شیای ئاستەکێ ژ هەژی دناڤ رێزێن ریالێ دا پێشکێش بکەت و چەندین گولان ژی تۆمار بکەت.
بۆ باشترین یاریکەر ل هەیڤا بوری
نووترين نووچه
- هیڤیدارین ئەنجامێن هەلبژارتنان د خزمەتا ڤەژاندنا هەرێمێ دا بن
- پێدڤییە وەلاتی ژ ململانێیا هەرێمی دووربێخین
- كۆمبوونا مەسرور بارزانی و سۆدانی دێ ئەنجامێن باش هەبن
- سەرۆكێ هەرێما كوردستانێ و قونسلێ ئەلمانیا پێكئینانا حوكمەتا هەرێمێ گەنگەشەكر
- نێچیرڤان بارزانی پێشوازی ل قونسلێ مسرێ كر
- مەسرور بارزانی بۆ سۆدانی: پێدڤییە مووچە ژ ناكۆكییا سیاسی بهێتە دوورئێخستن
- گۆتن و کریارێن دەستهەلاتێ ل دۆر پرسا کوردی گەلەک ژێک دوورن
- سەرۆك بارزانی: دانیێل میتێران رۆلەكێ گەلەك مەزن د بەرگریكرنێ ژ دۆزا گەلێ كورد دا هەبوو
- نێچیرڤان بارزانی: پێکڤە دێ شێین روو ب روویێ گوهۆڕینا سەقای بین
- پێدڤییە سەرژمێری بۆ مەبەستێن سیاسی نەهێتە بكارئینان
سهرهكى Twitter
پارێزگارێ سلێمانیێ:كه‌رنه‌ڤالێ نه‌خێر هیچ مۆلەتەکا یاسایی وه‌رنه‌گرتیه
ئەڤرۆ نیۆز،زنار تۆڤی:
پارێزگارێ سلێمانیێ ئاگاداریەکێ بەلاڤ دکەت و ئاشكرا دکەت،کو گروپێ نه‌خێر هیچ مۆلەتەکێ یاسایی بۆ كه‌رنه‌ڤالێ نه‌خێر وه‌رنه‌گرتیه،لەورا بەرپرسیارەتیا هەر كارو كارڤەدان و روودانەکا نەخواستی دکەڤیتە ستوویێ ئامادەكاریێن وێ چالاكیێ.
پارێزگارێ سلێمانیێ ئاگەهداریەکێ بەلاڤ دکەت و تێدا هاتیە،ئەڤ چالاكیا مەدەنی و سیاسی کو بریارە ل یاریگەها سلێمانیێ بهێتە ئەنجامدان ب ناڤێ (كەرنەڤالا نەخێر،د نوکەدا بۆ ریفراندۆمێ) ،هیچ مۆلەتەکا یاسایی وەرنەگرتیە.
ئه‌ڤە ژی ده‌قێ ئاگەهداریا پارێزگارێ سلێمانیێ یە:-
ماوەیەكە ل ڤێرێ و وێراهە بەحس ل ئەنجامدانا كەرنەڤالەکێ بۆ (نەخێر د نوکەدا) ل یاریگەها سلێمانیێ دهێتەکرن،ئەڤ كەرنەڤالە د بەشەک ژ راگەهناندا وەك كەرناڤالێ (نەخێر د نوکەدابۆ ریفراندۆمێ) و ل جهەکێ دیتر تر ب مەراسیما ڤەکرنا یاریگەها سلێمانیێ دهێتە بناڤکرن،ئەم هەموو لایەكێ ئاگەهدار دكەین كو بۆ هەر چالاكیەكا مەدەنی و سیاسی پێدڤیە مۆلەت ژ پارێزگەها سلێمانیێ بهێتە وەرگرتن،بەلێ ئەڤ چالاكیا مەدەنی و سیاسی کو بریارە ل یاریگەها سلێمانیێ بهێتە ئەنجامدان ب ناڤێ(كەرنەڤالێ نەخێر،د نوکەدا بۆ ریفراندۆمێ) ، هیچ مۆلەتەکا یاسایی وەرنەگرتیە،لەورا ئەم هەموو لایەكێ ئاگەهدار دكەین کو بەرپرسیارەتیا هەر كارو كارڤەدان و روودانەکا نەخواستی دكەڤیتە ستوویێ ئامادەكارێن ڤێ چالاكیێ،کو ل لەلایەكێ دهێتە بناڤکرن ب (كەرنەڤال) و لە لایەکێ دیتر دهێتە بناڤکرن ب (مەراسیما ڤەکرنا یاریگەها سلێمانیێ).
پارێزگارێ سلێمانیێ.
دوو برايێن عه‌ره‌ب ل سنوورێ قه‌زا ئامێدیێ خه‌ندقین
ئەڤرۆ نیوز، مەحمود نهێلی
د روودانەکا دلتەزین دا دوهی ب شەڤ 7/9/2017 دوو زارویێن برایێن ئێک ل کومەلگەها قەدشێ یا سەر ب قەزا ئامێدیێ ڤە د کەڤنە د بیرەکا ئاڤێ دا و گیانێ خوە ژ دەست ددەن.
دەزگەهێن ئەمنی یێن دەڤەرێ ئەڤ یەکە پشت راستکرن و دیارکرن کو ئەڤ زارۆکە ب رەگەز عەرەبن بناڤێن محەمەد حامد و سمێ حامد د تەمەنێ 7 سالی و 10 سالیێ دا ئەنجامێ کەفتنا وانا د بیرەکا ئاڤێ دا د خندقن و گیانێ خوە ژ دەست ددەن.
پشتی لێکولینێن دەسپێکی بو نوژداریا داد ل دهوکێ هاتنە شاندن و لێکولین ل سەر روودانێ د بەردەوامن.
شه‌ش خوكوژێن داعش كه‌فتنه كه‌مینه‌كا پێشمه‌رگه‌یان ، بزانه ئه‌نجام چ بوو؟
ئه‌ڤرۆ نیوز ، نه‌وزاد هلۆرى:
ده‌مه‌كێ كێم به‌رى نها شه‌ش خوكوژێن داعش دڤیا خوه بگه‌هینن سه‌نگه‌رێن پێشمه‌رگه‌ى ل سنوورێ مێحوه‌رێ حه‌ردان یا سه‌ر ب ناحیا عه‌یازیه یا سه‌ر ب قه‌زا ته‌له‌عفه‌ر ، و به‌لێ كه‌فتنه كه‌مینه‌كا پێشمه‌رگه‌یان.
دڤى واریدا نه‌قیب بێدار زێبارى ژ هێزا پێشمه‌رگێ پاراستنا ژینگه‌ها دهۆك ل ناحیا عیازیه بو ئه‌ڤرۆ نیوز گۆت: (ده‌مه‌كێ كێم به‌رى نها شه‌ش خوكوژێن داعش دڤیا خوه بگه‌هینن سه‌نگه‌رێن پێشمه‌رگه‌ى ل گوندێ خه‌رائیج ل مێحوه‌رێ حه‌ردان ل ناحیا عه‌یازیه یا سه‌ر ب قه‌زا ته‌له‌عفه‌ر ، و به‌لێ كه‌فتنه كه‌مینه‌كا پێشمه‌رگه‌یان و پێشمه‌رگێن سه‌ر ب فه‌وجا 3 یا سه‌ر ب لیوا 12 ئه‌و نه‌چاركرن كو خوه بته‌قینن یان خوه راده‌ست بكه‌ن ، دئه‌نجام دا چوار ژ وانان خوه ته‌قاند و دوو ژ وان ژى خوه راده‌ست كر)
زێده‌تر گۆت: ( هژماره‌كا چه‌كدارێن داعش ل سنوورێ ناحیا عیازیه یێن هه‌یى و ل جهێن بلند و چیایى خوه ڤه‌شارتینه و دخوازن كو خوه بگه‌هینن سوریا به‌لێ هێزێن پێشمه‌رگه‌ى هه‌موو رێك ل وان گرتینه و ب چوو ره‌نگان رێك ب وان ناهێته‌دان و ئه‌نجام تنێ ئه‌وه كو خوه راده‌ست بكه‌ن یان بهێنه كوشتن)
ترۆمبێلەک وەرگەریا و شۆفێری گيانێ خۆ ژ دەستدا
ئەڤرۆ نیۆز،زنار تۆڤی:
ئەڤرۆ پێنجشەمبی ٢٠١٧/٩/٧ و ل دەمژمێر ٢:٣٠ خولەکی پشتى نيڤرۆ ل سەر جادا سەرەکی یا شێخان ترۆمبێلەک وەرگەریا و شۆفێری گیانێ خۆ ژ دەستدا.
موقەدەمێ مافپەروەر ئازاد تاها بەرپرسێ راگەهاندنێ ل رێڤەبەریا هاتنوچوونێ ل دهوکێ بۆ ئەڤرۆ نیۆز دیارکر:ئەڤرۆ ل سەر جادا سەرەکی یا شێخان بۆ ناوەران و ل نێزيك گوندێ ركابه ترۆمبێلەكا بارهەلگر ژ جۆرێ (پيكاپ تۆيۆتا) یا رەنگ سپی ژ ئەگەرێ نەمانا كونترۆلا شۆفێری ل سەر ترۆمبێلێ توشى وەرگەریانێ دبيت و د ئەنجامدا شۆفێرێ ترۆمبێلی گیانێ خۆ ژ دەستدایە،کو سنێلەکێ د ژیێ (١٧) سالیێ دایە.
ناڤهاتی گۆت ژی:زیانێن ماددی ژی گەهشتینە ترۆمبێلێ.
بارزانى – پێدڤى بو زوتر بریارا ریفراندۆمێ هاتبایه دان
ئه‌ڤرۆ نیوز ، نه‌وزاد هلۆرى:
ده‌مه‌ك به‌ریا نها سه‌رۆكێ هه‌رێما كوردستانێ مه‌سعود بارزانى دیداره‌كا كه‌نالێ ئه‌لعه‌ره‌بیه‌یێ سعودى دیاركر كو رژێمێن ئێك ل دوڤ ئێكێ یێن عیراقى َهه‌موو جورێن تاوانان به‌رامبه‌ر گه‌لێ كورد كرینه و چوو ژ وان ژى پێگیرنه‌بوویه ب دانا مافێن گه‌لێ كورد ، و هه‌رده‌ما سه‌ربخوى یا هه‌رێما كوردستانێ ژى درۆست بوو ئه‌ركێ من ژى دوماهى دهێت و ئه‌ز بو پوستى سه‌روكاتیا هه‌رێما كوردستانێ خوه به‌ربژێر ناكه‌م ڤه.
مه‌سعود بارزانى سه‌رۆكێ هه‌رێما كوردستانێ دیاركر كو سه‌ركرداتیا هه‌رێما كوردستانێ ل سالا 2003 ب مه‌ره‌ما هه‌ڤپشكیێ پشكدارى ل گه‌ل عیراقێ كریه به‌لێ عیراقێ هه‌تا نها كورد وه‌كو هه‌ڤپشك نه‌دیته و گۆت: (رژێمێن ئێك ل دوڤ ئێكێ یێن عیراقى هه‌موو جورێن تاوانان به‌رامبه‌ر گه‌لێ كورد كرینه و چوو ژ وان ژى پێگیرنه‌بوویه ب دانا مافێن گه‌لێ كورد ، و سه‌ره‌راى كو مه بریارا ریفراندۆم بو سه‌ربخوه‌یێ ل گه‌ل عیراقێ گیروكریه ژى به‌لێ سه‌ركرداتیا كوردستانێ بریار دا كو ریفراندۆمێ بكه‌ت و هه‌ر كه‌س و لایه‌نه‌كێ داخوازا پاشێخستنا ریفراندۆمێ بكه‌ت ئه‌م داخوازا گه‌رنتیان ژێ دكه‌ین )
زێده‌تر گۆت: (حكومه‌تا عیراقێ پێگیرى ب ده‌ستوورى و ماددا 140 كو تایبه‌ته ب ده‌ڤه‌رێن ڤه‌قه‌تیایى ڤه نه‌كریه ، بریار بوو كو هێزێن پێشمه‌رگه‌ى ببیته پشكه‌ك ژ سوپایێ عراقێ به‌لێ ئه‌ڤ یه‌ك نه‌هاته‌كرن ، و ل سالا 2011 ژى مه هوشیارى ل بارا خراب بوونا ره‌وشا عیراقێ دانه به‌غدا به‌لێ چوو به‌رسڤ نه‌بوون ، دڤێت به‌غدا قبول بكه‌ت كو گه‌لێ كورد دێ ریفراندۆمێ ئه‌نجام ده‌ت ، ئه‌م دێ دانوستاندنێن زێده‌تر ژى ل گه‌ل عیراقێ كه‌ین و هه‌تا نها ژى چوو ده‌وله‌تێن جیهانى دژاتیا خوه بو ریفراندۆما هه‌رێما كوردستانێ دیارنه‌كریه)
بارزانى دیاركر ژى كو هه‌رده‌ما سه‌ربخوى یا هه‌رێما كوردستانێ ژى درۆست بوو ئه‌ركێ من ژى دوماهى دهێت و ئه‌ز بو پوستى سه‌روكاتیا هه‌رێما كوردستانێ خوه به‌ربژێر ناكه‌م ڤه و دێ هه‌ر مینم پێشمه‌رگه و زێده‌تر گۆت: (ب چوو ره‌نگان ریفراندۆم كارتێكرنێ ل شه‌رێ داعش ناكه‌ت و هێزێن پیشَمه‌رگه‌ى هه‌یبه‌تا شه‌رێ داعش ژناڤبریه )
سه‌رۆكێ هه‌رێما كوردستانێ دیاركر ژى كو نها كوردستان د ده‌وله‌ته‌كا تایفى دا دبوریت و گۆت ژى: ( ریفراندۆم بۆ سه‌ربخوه‌ى یا كوردستانێ بو درۆستبوونا ده‌وله‌ته‌كا دیموكراتى و فیدرالى یه و هه‌موو پێكهاته‌یێن كوردستانێ دێ خوه تێدا بینن و مافێن وان هێنه پاراستن ، ریفراندۆم چوو كارتێكرنێ ل پارچه‌یێن دن یێن كوردستانێ ناكه‌ت )
ل بارا په‌ترولێ بارزانى گۆت: ( هه‌رێما كوردستانێ ئێكلایانه په‌ترۆل ره‌وانه‌یێ ده‌رڤه نه‌كریه هه‌تاكو حكومه‌تا عیراقێ بودجه و موچه‌ییێن خه‌لكێ هه‌رێما كوردستانێ برى ، دوڤدا هه‌رێما كوردستانێ بریاردا په‌ترۆلا خوه سه‌ربخوه بفروشیت)
ب 100 زمانێن جیهانی نڤێسیه به‌لێ بۆ ده‌وله‌تا كوردستانێ
ئه‌ڤرۆ نیۆز،ره‌مه‌زان هه‌رنى :
شێوه‌كار و په‌یكه‌رسازه‌كێ باژێرێ ئاكرێ كاره‌كێ جودا ژبۆ رێفراندومێ ئه‌نجام دده‌ت و دیاركر:ل كوردستانێ ره‌وشا هونه‌رێ شێوه‌كاری نه‌د ئاسته‌كێ باش دایه من باوه‌ره كو ئه‌ڤ هونه‌ره دێ گه‌له‌ك پێشكه‌ڤێت ل سه‌ر ئاستێ رۆژهه‌لاتا ناڤین دێ ده‌نگ ڤه‌ده‌ت هەکە پتر خزمه‌تا شیۆه‌كاران بهێته‌كرن و پێشانگه‌هێن باش بۆ بهێنه ڤه‌كرن ل سه‌ر ئاستێ ده‌رڤه.
شێوه‌كار و په‌یكه‌رساز ئارام عه‌لى ئاكره‌یى ماموستایێ په‌یمانگه‌ها هونه‌رێن جوان ل ئاكرێ بۆ ئه‌ڤرۆ نیۆز دیاركر:من دڤێت ب رێیا هونه‌رێ خۆ هه‌ستا نه‌ته‌وایه‌تی ل جه‌م خه‌لكی زێده‌كه‌م و نیشا خه‌لكى بده‌م كو قه‌هره‌مانێن وه‌لاتى َمن زه‌حمه‌ت بریه بۆ بده‌ست ڤه‌ئینانا ڤێ ئازادیێ و هەکە من شیان هه‌بان دا ل سه‌ر هه موو دیوارێن وه‌لاتێ خۆ ب دیزانه‌كێ مه‌زن وێنێ پێشمه‌رگه‌یه‌كێ قه‌هره‌مان دروست كه‌م دا هه‌ر كه‌سى َهاتبا وه‌لاتێ من دیتبا و زانیبان كینه.
ل دوماهیێ گۆت ژی : ب هه‌ڤكاریا په‌یمانگه‌ها هونه‌رێن جوان ل ئاكرێ و قوتابیێن په‌یمانگه‌هێ پروژێ دروستكرنا دیمه‌نێن سروشتێ كوردستانێ و ئالایێ كوردستانێ ب 100 زمانێن جیهانێ من نڤیسیه به‌لێ بۆ ده‌وله‌تبوونا كوردستانى ۆ بۆ پشتگیریا ریفراندۆمێ.
ئێكه‌تیا نیشتمانیا كوردستانێ لسه‌ر ڤان بنه‌مایان كاراكرنا په‌رله‌مانى په‌سه‌ندكر
ئه‌ڤرۆ نیوز ، هلۆرى:
ئه‌ڤرۆ ئه‌نجومه‌نا سه‌ركرداتیا ئێكه‌تیا نیشتمانیا كوردستانێ ل سلێمانیێ كومبو و د كومبوونێ دا دانوستاندن لسه‌ر چه‌ند پرسه‌كێن چاره‌نڤیسا ژ وانان ریفراندۆم و كاراكرنا په‌رله‌مانى كر ، و بریار دا كو په‌رله‌مانێ كوردستانێ بهێته‌كاراكرن لسه‌ر بنه‌مایێن ئابوورى و سیاسى و قانونى ، سیاسه‌تڤان و ماموستایه‌كێ زانكویێ ژى دده‌تن دیاركرن كو گه‌له‌ك ب زه‌حمه‌ته ئێكه‌تى بكاریت بریارا ئێكلاكه‌ر لسه‌ر پرسێن چاره‌نڤیساز بده‌ت.
ل گوره‌ى راگه‌هاندنا داویا كومبوونا ئه‌نجومه‌نا سه‌ركرداتیا ئێكه‌تیا نیشتمانیا كوردستانێ كو ئه‌ڤرۆ ب سه‌رپه‌رشتیا كوسره‌ت ره‌سول جێگرێ ئێكێ یێ سكرتێرێ گشتیێ ئێكه‌تیا نیشتمانیا كوردستانێ ب رێڤه‌چوو تێدا هاتیه: (دكومبوونا ئێكه‌تى دا دانوستاندن لسه‌ر چه‌ند پرسه‌كێن چاره‌نڤیساز هاتیه‌كرن ژ وانان پرسا ریفراندۆم و چه‌وانیا كاراكرنا په‌رله‌مانێ كوردستانێ و ئاریشه‌یێن ده‌ڤه‌رێن ئاریشه ل سه‌رى هه‌یى هاته‌كرن و چه‌ند خاله‌ك هاتنه په‌سه‌ندكرن ژ وانان كاراكرنا په‌رله‌مانێ كوردستانێ لسه‌ر هنده‌ك بنه‌مایێن قانونى و ئابوورى و سیاسى كو پێدڤى یه ب زوترین ده‌م بهێته كاراكرن )
زێده‌تر هاتیه: (شانده‌كێ ئێكه‌تى بو ڤێ مه‌ره‌مێ دڤان دوور وژێن بهێت دا دێ سه‌ره‌دا ته‌ڤگه‌را گۆڕان و كومه‌لا ئیسلامى یا كوردستانێ كه‌ت ، و شاندنێ ئێكه‌تى دى َدانوستاندنێ ل گه‌ل پارتى لسه‌ر نه‌خشه رێیا ئێكه‌تى بو ریفراندۆمێ كه‌ت و هه‌مان خالێن په‌سه‌ندكرى دێ بو پارتى و لایه‌نێن دن هێنه رونكرن )
ژلایه‌كێ دن ڤه دكتور ئه‌مین فه‌ره‌ج سیاسه‌تڤان و ماموستایێ زانكویێ بو ئه‌ڤرۆ نیوز گۆت: ( ئێكه‌تیا نیشتمانیا كوردستانێ د قه‌یرانه‌كا سیاسیا كویردایه و هه‌موو بریارێن سیاسى كو گرێداى بن ل پرسێن چاره‌نڤیساز دا ژ ده‌ستدایه و نكاره چوو بریاران بده‌ت ل بارا كاراكرنا په‌رله‌مانى و ئه‌نجامدانا ریفراندۆمێ ژ به‌ركو ئێكه‌تى رێكه‌فتنا ستراتیجى ل گه‌ل گۆران هه‌یه و ل گه‌ل پارتیش هه‌یه و هه‌ر بریاره‌كا بده‌ت دێ ئێك ژ وان هه‌ردوو پارتان ژ ده‌ست ده‌ت ژبه‌رڤێ دخوازه كو ئه‌ڤ بارودوخه بڤى ره‌نگى یا به‌رده‌وام بیت )
زێده‌تر گۆت: ( پرانیا ئه‌ندامێن سه‌ركرداتیا ئێكه‌تیا نیشتمانى ل گه‌ل ئه‌نجامدانا پریفراندۆمێ نینه بێى كاراكرنا په‌رله‌مانى ، ب هزرا من ئێكه‌تى یا ده‌مى دكوژیت و دڤێت بكاریت بریارا دوماهیێ بده‌ت به‌لێ ئه‌ز ل وێ باوه‌رێ نیمه كو ئه‌ڤرۆ ئێكه‌تى بكاریت بریارا ئێكلاكه‌ر بده‌ت ل بارا كارا كرنا په‌رله‌مانى و ئه‌نجامدانا ریفراندۆمێ)
شاره‌زایێن سیاسى ره‌خنه‌یێن توند لسه‌ر ئێكه‌تى دده‌ن و ب كوشتنا ده‌مى و نه‌بوونا خودانا بریارا ئێكلاكه‌ر ژى تاوانبار دكه‌ن ، دڤى واریدا دكتور ئه‌مین فه‌ره‌ج گوت : ( ناكوكیێن ئێكه‌تى ب تایبه‌تى پشتى نه‌خوشبوونا مام جه‌لال تاله‌بانى گه‌هشتیه راده‌یه‌كێ وه‌سا كو بریارا خوه ژ ده‌ست بده‌ت و نكارت ژێ ده‌ركه‌ڤیت ، و ئێكه‌تى چوو جاران وه‌كو پارتى و گۆڕانێ نینه كو بریارا ئێكلاكه‌ر بده‌ت)
چالاكڤانان كه‌مپینه‌كا ( به‌لێ ب خوێن ) ل كوردستانێ راگه‌هاند
ئه‌ڤرۆ نیۆز،عه‌زیز ره‌سول هه‌ورامانی:
كومه‌كا چالاكڤانێن كوردستانێ ب هه‌ڤپشكى كه‌مپینه‌كا مه‌زن ل كوردستانێ راگه‌هاند وه‌كو پشته‌ڤانى ژ بو ریفراندۆما سه‌ربخوى یا كوردستانێ و تێدا دخوازه كو هه‌موو لایه‌ك پشته‌ڤانیا ریفراندۆمێ بكه‌ن داكو ب ئارمانج بكه‌ت و خونا شه‌هیدێن كوردستانێ ب قه‌ستا نه‌چیت.
ده‌قا راگه‌هاندنا كه‌مپینا وان
جه‌ماوه‌رێ ئازادیخوازێ كوردستانێ بنه‌مالێن سه‌ربه‌رزێن شه‌هیدان شه‌یدا و هه‌ڤرێیێن سه‌ربه‌خۆییێ هه‌ڤ هزرێن هێژا پشتى بۆرینا چه‌ندین ده‌هه‌یێن خه‌بات و ماندیبوون د رێیا ئازادى و سه‌ربه‌خۆبوونێ، بۆ ڤێ رێكێ ب هزاران گه‌نجێن ڤى گه‌لى خۆ كرنه قوربانى، ب هزاران گوندێن ڤى ملله‌تى هاتنه وێرانكرن، ئه‌ڤه و دگه‌ل دابه‌شكرنا كوردستانێ بۆ سه‌ر وه‌لاتێن داگیركه‌ر.
ئه‌ڤرۆ ده‌ڤه‌ر به‌ره‌ڤ گوهۆڕینێن مه‌زن دچیت و گه‌لێ كورستانێ ژى بۆ جیهانێ سه‌لماند كو هێزه‌كا كاریگه‌ره ل ده‌ڤه‌رێ، ژ روویێ سه‌نگا سیاسى و له‌شكه‌ریڤه، ئه‌فسانه‌یا داعش لسه‌ر ده‌ستێ پێشمه‌رگه‌ى هاته شكاندن، كوردستانێ هه‌مبێزا خۆ هه‌مبه‌ر نێزیكى دوو ملیۆن ئاواره‌یان ڤه‌كر، د ده‌مه‌كێ وه‌سا دا كو كوردستان تووشى ده‌ستێ بڕینا خوارن و مووچه‌ی ژلایێ حوكمه‌تا ناڤه‌ندى بوو.
گه‌لێ كوردستانێ ب هه‌موو ره‌نگ و ده‌نگان و ب خوینا سه‌دان شه‌هیدان، جاره‌كادى سنۆرێن كوردستانێ نه‌خشاند و ب خوین نڤیسا كو ڤێره كوردستانه، ئه‌ڤرۆ و د ڤێ ده‌لیڤه‌یێ كو بڕیارا گشتپرسیێ هاتییه‌دان، ئه‌م به‌شداربوویێن ڤێ كه‌مپینێ ل كوردستانێ و گه‌له‌ك وه‌لاتێن دونیایێ رادگه‌هینین كو وه‌كو وه‌فایه‌ك بۆ خوینا شه‌هیدان و قوربانیێن ئه‌نفال و جینۆسیادێ و قوربانیێن كیمیابارانێ و خوینا خویشك و برایێن ئێزدى و كلد و ئاشۆر و ئه‌رمه‌نى و توركمان و هه‌موو پێكهاته‌یێن نه‌ته‌وه‌یى و ئایینى كو ب ناحه‌ق هاتینه رشتن، كه‌مپینا (ب خوین به‌لێ) رادگه‌هینین كو هه‌ر ئێك ژ مه ب دلۆپه‌كا خوینێ ده‌نگى بۆ سه‌ربه‌خۆییێ بده‌ین و ئه‌ڤه بچووكترین ئه‌ركه لسه‌ر ملێن مه به‌رامبه‌ر خاك و نه‌ڤیێن داهاتى.
راسته نوكه گه‌لێ كوردستانێ تووشى گرانییا ژیارێ بوویه و مووچه و ژیارا خه‌لكى د ئاسته‌كێ نه‌باش دایه، گه‌نده‌لى و نه‌دادپه‌روه‌ى هه‌یه، لێ ب به‌شدارینه‌كرنێ د ریفراندۆمێ دا دێ زولمێ ل خه‌باتا پێشمه‌رگه و شه‌هیدان و نه‌ڤیێن پاشه‌رۆژێ كه‌ین، چونكو نیشتیمان و وه‌لات دێ بۆ هه‌رده‌م مینن، لێ قه‌واره‌یێن سیاسى هه‌تا هه‌تایێ نامینن، له‌وا داخواز دكه‌ین د ڤێ ریفراندۆمێ دا ئه‌م هه‌موو هزر ل پاشه‌رۆژا خۆ بكه‌ین…
به‌رز و بلند بیت ئالایێ كوردستانێ..
بژى ده‌وله‌تا كوردستان…
به‌لێ بۆ ریفراندۆم..
ب خوین به‌لێ
لژنه‌یا سه‌رپه‌رشتیارێ كه‌مپینا (ب خوینێ به‌لێ)
بو وان كه‌سیێن كو دێ پشكداریێ د ریفراندۆمێ كه‌ن
ئه‌ڤرۆ نیوز ، هلورى:
ئه‌ڤرۆ كومسیوونا بلند یا سه‌ربخوه‌یا هه‌لبژاردن و راپرسێ یا هه‌رێما كوردستانێ لینكه‌كێ تایبه‌ت دانایه بو وان كه‌سانێن كو دێ پشكداریێ د ده‌نگدانا لسه‌ر ریفراندۆما هه‌رێما كوردستانێ یا رۆژا 25 ئیلونێ كه‌ن ، و تێدا پشكدار دێ دوپاتیێ ل ناڤێ خوه كه‌ت كا درۆسته یان نه و ل كیڤه ده‌نگێ خوه ده‌تن.
كومسیوونێ د وى لینكى دا جهێن و هوركاریێن ناڤ و نیشانێن دانا ده‌نگده‌رى رونكرینه.
پێدڤى یه ده‌نگه‌ده‌ر ده‌ستپێكێ هژمارا فورما ئه‌رزاقى بنڤسیت پشتى كو كیبوردى دكه‌ت زمانێ ئینگلیزى ، و پاشان پارێزگه‌هێ هه‌لبژێریت و كلیكێ لسه‌ر گه‌ران بده‌ت ، بڤى ره‌نگى دێ زانیت كا ناڤێ درۆسته یان نه و دێ ل كیڤه ده‌نگێ خوه ده‌تن.
هون ژى دكارین ب رێیا ئه‌ڤى لینكى دوپاتیێ ل ناڤ و نیشانێن خوه یێن ده‌نگدانێ بكه‌ن.
نيشاندان
WP Facebook Auto Publish Powered By : XYZScripts.com