ئەڤرۆ نیۆز،تۆڤی:
هەر ژ دەمێ دەستپێکرنا خۆلا قارەمانێن ئورۆپا ل سالا 1956 هەتاکو نوکە یانا ریال مەدرید یا ئیسپانی ژ هەموو یانێن ئورۆپی پتر ئانکو 12 جاران ئەڤ ناسناڤە بریە.
ئەو یانێن ل سالا 1956 هەتاکو 2017 ناسناڤێ خۆلا قارەمانێن ئورۆپا برین.
نووترين نووچه
- نەخوەشخانەیا پەنجەشێرێ ب ئاست و كوالێتییەكا بلند دێ كەڤیتە د خزمەتا وەلاتییاندا
- پەرلەمانتارەك: ئەمریكا و ئۆپێك فشارێن ل ئیراقێ دكەن بۆ هنارتنا پەترۆلا هەرێما كوردستانێ
- ل نێزیك پارتی دێ بارەگەهێ مەكتەبا رێكخستنێ ل كەركووكێ ڤەكەت
- دەلیڤەیا سەختەكاریێ ب رێكا تەكنەلۆژیایێ یا هاتیە كێمكرن و دەنگ ب دەستی ژی دێ هێنە هەژمارتن
- پێدڤییە نیازپاكی و ئیرادەیەكا راستەقینە بۆ چارەسەركرنا كێشەیان هەبیت
- پێدڤییە هەوا هەلبژارتنان د سەقایەكێ ئازاد دا و دوور ژ گرژیێ بهێنە ئەنجامدان
- مەسرور بارزانی: ب هێزبوونا پارتی ب هێزبوونا كوردستانێیە
- گرنگە پڕۆژەیێ (هەژمارا من) بەردەوام بیت
- سەرۆكێ حوكمەتا هەرێمێ بۆ گوپیتكا جیهانییا سەقای هاتە ڤەخواندن
- پترییا كێشەیان دێ هێنە چارەسەركرن
سهرهكى Twitter
برنجێ ئاكرێ دچیته هه‌موو پارێزگه‌هێن كوردستانێ
ئه‌ڤرۆ نیۆز،ره‌مه‌زان هه‌رنى :
ریڤه‌به‌رێ چاندنا ئاكرێ بۆ ئه‌ڤرۆ نیۆز دیاركر: ئه‌ڤ ساله دو هه‌مبه‌ری پار برنجێ كوردی هاتیه چاندن ل قه‌زا ئاكرێ كو ئەڤ سالە 2800 دونه‌مێن ئه‌ردی هاتینە چاندن ل ئاكرێ و شه‌ش جۆرین برنجی دهێته چاندن ئەو ژی (شه‌ش مه‌هی ،پینج مه‌هی ، سێ مه‌هی ،كه‌س نه‌دیتی ، تحالف ، سه‌درى ) هەروەسا برنجێ شەش مەهی پتر ژ هەموو جۆرێن دیتر دهێتە چاندن و پتریا ڤی برنجی ل ده‌ڤه‌را سورچیا دهێتە كرن.
ئه‌حمەد جه‌میل ریڤه‌به‌رێ چاندنێ ل ئاكرێ زێدەتر دبێژیت:ئەم هه‌رده‌م د هاریكاریا جوتیارێن ده‌ڤه‌رێ دکەین داكو زیده‌تر گرنگیێ ب به‌رهه‌مین چاندنی بده‌ن،مە 35 مه‌كینه‌یێن سپیكرنا برنجی ل سه‌ر جوتیاران دا دابه‌شكرینه،هەروەسا بریار و ره‌زامه‌ندیا درۆستكرنا دو گوره‌پانێن كونکریتی هاتیه‌دان،ژ پێخەمەت ل ده‌می درینا برنجی جوتیار برنجی خو ل سه‌ر وان گوره‌پانا هشك بكه‌ن و زیان به‌ر برنجی وانا نه‌كه‌ڤیت، هه‌روه‌سا د پلانا وه‌زاره‌تێ دا پاره هاتیه دابینكرن بو مه كو هند ئامیرین درینا برنجی ژبۆ جوتیارین ده‌ڤه‌ری بكرین.
ئه‌حمه‌د زێده‌تر گوت:ژبه‌ر جوانى و ناڤودەنگیا برنجێ ئاكرێ دچیته هه‌موو پارێزگه‌هێن كوردستانێ ب تایبه‌تى ل خوارنگه‌هان ،هه‌روه‌سا خه‌لك ل ده‌رڤه‌ى ئاكرێ دهێت بو كرینا برنجى كوردى.
بارزانى – ریفراندۆم كارتا فشارێ نینه ل گه‌ل عیراق
ئه‌ڤرۆ نیوز ، هلۆرى:
سه‌رۆكێ هه‌رێما كوردستانێ مه‌سعود بارزانى ل گه‌ل رۆژنامه‌ڤان و نڤیسه‌ران و هونه‌رمه‌ندان ل هه‌ولێر كومبو و چه‌ندین ته‌وه‌رێن گرنگ به‌حسكرن و دیاركر كو گڤاشتنێن زۆر لسه‌ر پاشێخستنا ریفراندۆمێ دهێنه‌كرن.
مه‌سعود بارزانى سه‌رۆكێ هه‌رێما كوردستانێ د كومبوونا خوه دا گۆت: ( عیراقێ هه‌موو روویێن هه‌ڤپشكیێ ل گه‌ل كوردان شكاندینه و دنها ژى دا حه‌شدا شه‌عبى هه‌ره‌شه‌یان دكه‌ت ، و ریفراندۆم ژى كارتا فشار و موزایدان نینه به‌لكو ل گوره‌ى قانونێن نیڤده‌ولى ریفراندۆم مافه‌كێ قانونى یه و ده‌ستوورێ عیراقێ ژى رێك ب ئه‌نجامدانا ریفراندۆمێ دایه ، ژبه‌ركو دنهادا ماده‌م به‌غدا هه‌ڤپشكى و شه‌راكه‌تێ قبول ناكه‌ت دڤێت جودابوونێ قبول بكه‌ت و بو ڤێ مه‌ره‌مێ ژى مه دڤێت ب دانوستاندن بگه‌هینه ئه‌نجامان )
بارزانى گۆت ژى: (ده‌وله‌تا كوردستانێ ل داهاتى دێ كومارا دیموكراسى یا په‌رله‌مانى بیت ، دخوازم كو ب زوترین ده‌م چاره‌سه‌ریا قه‌یرانێن دارایى ل كوردستانێ بهێنه‌كرن و دڤێت هه‌موو پارتێن كوردستانێ ژى هه‌ڤكاربن ، و مه دڤێت ل گه‌ل عیراقێ ببینه دوو هه‌ڤسویێن باش ژبه‌ركو عیراق ب مه‌زهه‌بى حوكمى دكه‌ت و مه چوو رێكه‌فتن ژى ل گه‌ل عیراقێ نه‌كرینه هه‌تاكو بجهـ ژى بكه‌ین )
سه‌رۆكێ هه‌رێما كوردستانێ دیاركر ژى كو بریارا ئه‌نجامدانا ریفراندۆمێ بریارا هه‌موو لایه‌نێن سیاسیه نه‌ك حزب و كه‌سه‌كێ و گۆت ژى : ( هه‌ر كه‌سێ وه‌سا تێبگه‌هیت كو ریفراندۆم یا حزبى و كه‌سى یه ئه‌و وى زوله‌مه‌كا مه‌زن كر، و رۆژا 25 ئیلونێ رۆژا راگه‌هاندنا سه‌ربخوى یا كوردستانێ یه وهه‌ر كه‌سێ داخوازا پاشئێخستنێ بكه‌ت ئه‌م داخوازا به‌دیلان ژێ دكه‌ین و ئه‌گه‌ر به‌دیل نینن ئه‌م ژى درژدین لسه‌ر ئه‌نجامدانا ریفراندۆمێ)
مه‌سعود بارزانى گۆت ژى: (ل ئاینده كوردستان ژ هه‌موو رویان ڤه دێ باشتر بیت و د بورى دا مه سه‌لماند كو ئه‌م ئه‌گه‌رێن سه‌قامگیریێ بوینه ب تایبه‌تى بو هه‌ڤسویێن خوه ، سه‌ره‌راى كو به‌رى نها مه زور ده‌رفه‌ت ژ ده‌ستدایه ، به‌لێ ئه‌ڤ جاره ره‌نگه دوماهى ده‌رفه‌ت بیت و خوزى مه زوتر ژى بریارا ریفراندۆمێ دابایه ، یان دڤێت ده‌ربچین یان ژى دڤێت ده‌ستان ژ هه‌ر تشتى داهێلین و خوه بده‌ین ده‌ست قه‌زا و قه‌ده‌رێ ، ره‌نگه بو ده‌مه‌كێ وه‌لاتێن جیهانێ فشاران بێخنه سه‌ر مه به‌لێ دڤێت ژ بیر نه‌كه‌ین كو جیهان لسه‌ر به‌رژه‌وه‌ندیان دچیت و كار ب ئه‌مرێ واقع دكه‌ن و پیشتر ژى ئه‌و ل گه‌ل فیدرالیێ و هه‌بوونا پێشمه‌رگه‌ى نه‌بوون به‌لێ ئه‌مرێ واقعى ئه‌و نه‌چاركرن كو ل گه‌ل بن)
بارزانى ل دوماهیێ گۆت: (نه‌خێر و به‌لێ بابه‌ته‌كێ دیموكراسى یه و هه‌ركه‌سێ بێژیت نه‌خێر دڤێت به‌رسڤا گه‌لێ كورد ژى بده‌ت ، و ئه‌ز ل وێ باوه‌ریێ نه‌بووم كه‌سه‌ك ل كوردستانێ هه‌بیت بێژیت نه‌خێر)
ژڤانێ کاراکرنا په‌رله‌مانی هاتە ده‌ستنیشانكرن
ئەڤرۆ نیۆز،زنار تۆڤی:
مەکتەبا سیاسی یا ئێکەتیا نیشتیمانی یا کوردستانێ د کۆمبوونا خوە یا ئەڤرۆ دا بریار دا ل 15/9 پەرلەمانێ کوردستانێ بھێتە کاراکرن.
د کۆمبوونا ئەڤرۆ یا مەکتەبا سیاسی یا ئێکەتیێ دا بریار ھاتەدان ل ل 15 ڤێ مەھێ پەرلەمانێ کوردستانێ بھێتە کاراکرن،بریارە سوبە جڤاتا سەرکرداتی یا ئێکەتیێ کۆمببیت و بریارا ئەڤرۆ یا کاراکرنا پەرلەمانی کوردستانێ پەسەند بکەت د وێ کۆمبوونێ دا رابگەھینین.
ئەڤ کۆمبوونا ئێکەتییێ پشتی کۆمبوونا سەرکردایەتی یا ھەڤپشکا وان ل گەل گۆرانێ دھێت، ئەو کۆمبوونا دوھی بێی ئەنجام ب دوماهی ھاتی،ل دووڤ بەرپرسێن ھەردو لایان،کۆمبوونا ئێکەتیێ گۆرانێ چو ئەنجامێن دلخوشکەر نەبوون.
هەر چەندە چەندین جاران پارتی دیموکراتی کوردستان راگەھاندبوو،هەکە گۆران رازی نەبوو، ئەو دێ بێی گۆران و ل گەل لایەنێن دی پەرلەمانێ کوردستانێ کاراکەن.
هه‌لبژارتیێ لاوێن عیراقێ یێ فوتسالێ دێ هێته دهۆك
ئه‌ڤرۆ نیوز ، نه‌وزاد هلورى:
ب مه‌ره‌ما ئه‌نجام دانا تاقیكرنان بو یاریكه‌رێن لاو ل پارێزگه‌ها دهۆك بو یاریێن فوتسالێ بریاره كو هه‌لبژاردیێ لاوێن عیراقێ یێن فوتسالێ سه‌ره‌دانا دهۆكێ بكه‌ن.
دڤى واریدا موسته‌فا جاسم راهێنه‌رێ هێزا له‌شى ل دهۆكێ بو ئه‌ڤرۆ نیوز گۆت: (ب مه‌ره‌ما ئه‌نجام دانا تاقیكرنان بو یاریكه‌رێن لاو ل پارێزگه‌ها دهۆك بو یاریێن فوتسالێ بریاره ل رۆژانێن 11-12/9/2017 هه‌لبژاردیێ لاوێن عیراقێ یێن فوتسالێ سه‌ره‌دانا دهۆكێ بكه‌ن و دێ تاقیكرنێن خوه ل هولێن دهوكێ ئه‌نجامده‌تن )
زێده‌تر گۆت: ( تاقیكرن دێ ل ده‌مژمێر 4ێ ئێڤارى هه‌تا 7ێ ئێڤارى هێنه ئه‌نجامدان كو ئه‌و ژى مه‌ره‌م ئه‌وه چه‌ند یاریكه‌ر بو ناڤا رێزێن هه‌لبژاردیێ عیراقێ یێ فوتسالێ بهێنه ده‌ستنیشانكرن ، و وه‌سا بریاره ل ده‌مێن داهاتى پشكداریێ د ڤاڤارتنێن ئولومپادێن ئه‌رجه‌نتین بكه‌ن )
ل بارا مه‌رجێن پشكداران ژى ناڤبرى گۆت: ( بتنێ مه‌رج ئه‌وه كو دڤێت یاریكه‌ر ژ دایكبوویێ سالا 2000 بو سه‌رى بیت)
عیراقێ 500 ملیون دولار ژ ژاپونێ قه‌ركرن
ئه‌ڤرۆ نیوز ، نه‌وزاد هلۆرى:
كونسولگه‌ریا ژاپونێ ل عیراقێ دیاركر كو ئه‌وان ئه‌ڤرۆ 500 ملیون دینار ب قه‌ر دانه حكومه‌تا عیراقێ ب مه‌ره‌ما چاره‌سه‌ركرنا كێماسیێن خوه یێن دارایى,
ل گوره‌ى به‌یاننامه‌یه‌كێ كو ئه‌ڤرۆ شه‌شێ مه‌ها ئیلونێ دانه‌یه‌ك بو شه‌فه‌ق نیوز هنارتیه تێدا هاتیه : ( گرێبه‌سته‌كا فه‌رمى دناڤبه‌را دناڤبه‌را هه‌ردوو حكومه‌تێن ژاپوون و عیراقێ هاتیه ئیمزاكرن كو مه‌ره‌م ژى ئه‌و بویه كو كاروبار و قه‌یرانێن خوه‌یێن دارایى پێ چاره‌سه‌ر بكه‌ت ب تایبه‌تى دوارێ كارگێرى و ئابوورى دا )
ل ڤێ دوماهیێ ژ ئه‌گه‌را داكه‌فتنا بهایێ په‌ترولێ و درۆستبوونا شه‌ر و ئالوزى و هاتنا داعش بو ده‌ڤه‌رێن عیراقێ و ئاواره‌بوونا هژماره‌كا زور یا خه‌لكێ عیراقێ بویه سه‌ده‌م كو حكومه‌تا عیراقێ په‌نایێ بو كرنا قه‌رێن مه‌زن ببه‌ت.
ب وێنە…برینا چلی ل گوندێ گیرەی ل دەڤەرا زێباریا……… فۆتۆ:هشیار گیرەی
70% گەشتیارێن دەڤەرا ئامێدیێ زێدەبووینە
ئەڤرۆ نیوز، مەحمود نهێلی
بەرپرسێ راگەهاندنا رێڤەبەریا گەشت و گوزاری ل ئامێدیێ بۆ ئەڤرۆ نیوز دیار کر، کو بەری جەژنا قوربانی وان رێکەفتن ل گەل کومپانیا هیزل کربوو بو پاڤژکرنا هەموو جهێن گوزاری ل دەڤەرێ و گۆت ؛ ژ هەموو لایەکی ڤە وان بەرهەڤی گرت بوونە بەر ژ پێخمەت پێشوازی کرنا گەشتیاران بێ کو چ کێماسیەک هەبیت .
حه‌مید محه‌مه‌د سالح-ى ئەو یەک ژی ئاشکرا ژی کر کو هەرچەندە تا نوکە چ ئامارێن فەرمی نەگەهشتینە بەردەستێ مە لێ دڤێ جەژنێ دا پێش جەژنێن چویی ڤە رێژا 70% زێدەبوویە و ئەڤێ یەکی مفایەکێ باش ژلایێ ئابوری ڤە دگەهیتە خەلکی دەڤەرێ.
ئاكرێ دێ دووباره خه‌تیرێن ئاگرى بو سه‌ربخویێ هه‌لكه‌ت
ئه‌ڤرۆ نیوز ، نه‌وزاد هلۆرى:
ب مه‌ره‌ما پشته‌ڤانیكرنا ریفراندۆما سه‌ربخوى یا كوردستانێ رێڤه‌به‌ریا ره‌وشه‌نبیرى و هۆنه‌رى یا ئاكرێ دێ دووباره جاره‌ك دن خه‌تیرێن ئاگرى بو سه‌ربخویى یا كوردستانێ هه‌لكه‌ت ڤه.
دڤى واریدا كاوه زوهێر رێڤه‌به‌رێ رێڤه‌به‌ریا ره‌وشه‌نبیرى و هونه‌رى یا ئاكرێ بۆ ئه‌ڤرۆ نیوز گۆت: ( ب مه‌ره‌ما پشته‌ڤانیا ریفراندۆمێ ژ بو سه‌ربخوى یا كوردستانێ پایته‌ختێ نه‌ورۆزێ دێ دووباره جاره‌ك دن خه‌تیرێن ئاگرى ل كه‌لها دێرینا ئاكرێ هه‌لكه‌ت ڤه )
زێده‌تر گۆت: ( رێورسم دێ لرۆژا ئێكشه‌مبى رێكه‌فتى 10 ئیلونا 2017 ل ده‌مژمێر 7ێ ئێڤارى ل سه‌رێ گرى ل ئاكرێ ده‌ستپێكه‌ت ، و دوڤدا دێ كونسێرته‌كا جه‌ماوه‌رى و هونه‌رى بو هه‌لبه‌ستڤان بورهان زێبارى هێته ئه‌نجام دان)
بۆ بابه‌تێ ريفراندۆمێ عه‌بادى دێ سه‌ره‌دانا توركيا كه‌ت
ئه‌ڤرۆ نيوز:
ژێده‌رێن راگه‌هاندنێ ل وه‌لاتێ توركيا ئاشكه‌را كر كو سه‌رۆك وه‌زيرێن عيراقێ حه‌يده‌ر عه‌بادى، پشتى بهێنڤه‌دانا جه‌ژنا قوربان دێ سه‌ره‌دانا وه‌لاتێ توركيا كه‌ت ب مه‌ره‌ما دانوستاندنێ ل دۆر پرسا ريفراندۆما هه‌رێما كوردستانێ.
مالپه‌رێ تورك پرێس يێ توركى به‌لاڤكريه كو سه‌ره‌دانا وه‌لاتێ فره‌نسا ژى كه‌ت، به‌لێ ئاشكه‌را نه‌كريه كو ژ به‌ر هه‌مان مه‌ره‌مه يان ژى بۆ مه‌ره‌مه‌كا دى يه.
بڕياره ل 25ى ئيلۆنا ڤێ هه‌يڤێ ريفراندۆم ژ بۆ سه‌ربه‌خۆيا هه‌رێما كوردستانێ ب مه‌ره‌ما ده‌وله‌تبوونێ ل هه‌رێما كوردستانێ و ده‌ڤه‌رێن كوردستانى يێن ده‌رڤه‌ى ئيدارا هه‌رێما كوردستانێ هێته كرن.
هه‌ر ئێك ژ وه‌لاتێن عيراق و توركيا دژى ئه‌نجامدانا ڤێ ريفراندۆمێ نه و ته‌كست ل سه‌ر ئێكرێزيا ئاخا عيراقێ دكه‌ن، به‌لێ سه‌رۆكێ هه‌رێما كوردستانێ و حوكمه‌تا وێ د رژدن ل سه‌ر ئه‌نجامدانا ريفراندۆمێ و ب مافه‌كێ خوه يێ ره‌وا دزانن.
هه‌ر چه‌نده ئه‌نجامێن ريفراندۆمێ ب ره‌نگه‌كێ ئێكسه‌ر ناهێنه بجهئينان، به‌لێ پێشبينيه‌كا زۆر دهێته كرن كو ئێدى هه‌رێما كوردستانێ ژ حوكمه‌تا عيراقێ جودا ببيت و ببيته وه‌لاته‌كێ سه‌ربه‌خۆ.
نيشاندان
WP Facebook Auto Publish Powered By : XYZScripts.com