ئه‌ڤرۆ نیوز:
وێنه‌یێن هه‌یڤا ده‌ستكرد دیمه‌نێن به‌ری و پشتی شه‌رێ دژوار یێ گه‌ریلایێن په‌كه‌كێ و سوپایێ توركیا ل ناڤ سێ باژارێن باكۆرێ كوردستانێ دا دیار دكه‌ت.
وێنه هه‌رسێ باژارێن سورا ئامه‌دێ و شه‌رنه‌خ و نسێبینێ ل سالا 2015َێ و پشتی په‌كه‌كێ شه‌ر برییه د ناڤ باژێران دا و و سوپای ب دژواری به‌رسڤ دای دیار دكه‌ن.
ئه‌ڤرۆ نیوز; ڤه‌ده‌ر ره‌شاڤای:
پارتێن جوداخواز یێن هه‌رێما كه‌ته‌لۆنیا د رژدن ل سه‌ر رێفراندۆما سه‌رخوه‌بوونا وێ هه‌رێمێ ژ سپانیا ل چرییا ئێكێ یا ئه‌ڤ ساله، سپانیا ژی وێ گاڤا كه‌ته‌لۆنیا ب نه‌قانوونی ددانیت.
د ده‌مه‌كی دا گه‌رمه‌گه‌رما مژارا سه‌رخوه‌بوونێ ل هه‌ڤده‌ی ڤێ مه‌هێ ل جاده‌یا كه‌ته‌لۆنی ده‌ست پێ كربوو، هێرشێن تیرۆرستی ل بارسێلۆنا یا پایته‌ختا كه‌ته‌لۆنیا هاتنه كرن و د ئه‌نجام دا 16 كه‌س هاتنه كوشتن و بده‌هان كه‌س بریندار بوون، وێ یه‌كێ ژی سوحبه‌تا رێفراندۆمێ بۆ ده‌مه‌كی ژ بیرا خه‌لكێ وێ هه‌رێمێ بر.
هه‌رچه‌نده داعشێ به‌رپرسیارییا خوه ژ وان هێرشان راگه‌هاند، لێ سه‌ركرده‌یێ كه‌ته‌لۆنیا وه‌ك ئاماژه‌ك بۆ پیلانگێرییا سپانیا دژی رێفراندۆمێ، حكومه‌تا ناڤه‌ندی سووچبار كر كو بۆدجه‌یێ هێزێن ئێمناهیێ ل هه‌رێما وی كێمكرییه له‌ورا ئه‌و هێرش په‌یدا بوون.
كارلس پۆجدیمۆند، سه‌رۆكێ كه‌ته‌لۆنیا گۆت: مه ژ وان خواست یاریێن سیاسێ ب ئاساییشێ نه‌كه‌ن، مخابن حكومه‌تا سپانیا پێشترینیێن دی هه‌نه.
راخۆی، سه‌رۆكوه‌زیرێن سپانیا ژ ئالیێن كار بۆ جودابوونا كه‌ته‌لۆنیا ژ سپانیا دكه‌ن خواست ده‌ست ژ پلانێن خوه به‌رده‌ن، هه‌روه‌سا گه‌ف ل ئالیێن رێفراندۆمێ رێكدئێخن كر كو دێ هێنه سزادان ژبه‌ركو دادگه‌هێ ئه‌و رێفراندۆم ب نه‌قانوونی بناڤ كرییه.
هه‌روه‌سا سپانیا خه‌لكێ كه‌ته‌لۆنیا دترسینیت كو د گه‌ل جودابوونێ ئێدی كه‌ته‌لۆنیا پشكه‌ك نابیت ژ ئێكه‌تییا ئه‌ورۆپا و ئه‌و ئێكه‌تی هاریكارییا وێ ناكه‌ت.
كه‌ته‌لۆنیا سوپایێ خوه نینه لێ پلانا خوه دانایه بۆ چێكرنا هێزه‌كێ و راگه‌هاندییه: هه‌كه‌ر ده‌نگێ “به‌لێ” بسه‌ركه‌فیت د ده‌مێ 48 ده‌مژمێران دا دێ سه‌رخوه‌بوونێ راگه‌هینیت، پێدڤییه وی ده‌می سوپایێ سپانیا ژ هه‌رێما وان ده‌ركه‌ڤیت و ئێدی ده‌ستهه‌لاتا شاهانه یا سپانیا ژی ل سه‌ر خوه قه‌بوول ناكه‌ن.
هه‌روه‌سا كه‌ته‌لۆنیا ئاماژه دكه‌ت و دیار دكه‌ت: هه‌رده‌ما سپانیا بۆ سه‌رخوه‌بوونێ دانوستانان د گه‌ل وان نه‌كه‌ت ئه‌و پشكه‌ك نابن ژ دانا قه‌رێن كو چه‌ندین ساله ژبه‌ر قه‌یرانا ئابۆری ل سه‌ر سپانیا كۆم بووی.
سه‌رۆكێ كه‌ته‌لۆنیا ژی راگه‌هاندییه هه‌رده‌ما نه‌خێر سه‌ركه‌فت ئه‌و خوه دوباره به‌ربژار ناكه‌ت.
ده‌ستوورێ سپانیا رێ ب حكومه‌تا ناڤه‌ندی دده‌ت كه‌ته‌لۆنیا نه‌چار كه‌ت ده‌ست ژ رێفراندۆمێ به‌رده‌ت.
ل سالا 2014ێ ژی كه‌ته‌لۆنیا رێفراندۆمه‌كی بۆ مافێ چاره‌نڤیسی كربوو و 80% ب به‌لێ ده‌نگ دابوو، سپانیا ب به‌هانه‌یێن جودا شیا ئه‌نجامێن رێفراندۆمێ ئالۆز بكه‌ت و ره‌ت بكه‌ت، لێ پشته‌ڤانێن سه‌رخوه‌بوونێ ده‌ست ژ بزاڤێن خوه به‌رنه‌دا و د به‌رده‌وامن.
ئەڤرۆ نیوز ، نەوزاد ھلۆری:
سەندیكا ھونەرمەندێن کوردستانێ لقێ دھۆک ئاگەھداریا ھەموو ھونەرمەندان دکەت ئەوێن کو حەزا پشکداریێ د پێشانگەھا پوستەری یا سەندیکایێ ھەیی پێدڤی یە ب زوترین دەم بەرھەمێن خوە بگەھینیتە سەندیکایێ.
د ئاگەھداریەکێ کو دانەیەک دەست ئەڤرۆ نیوز کەفتیە سەندیکا ھونەرمەندێن کوردستانێ لقی َدھۆک ئاگەھداریا ھەمو ھونەرمەندان دکەت کو ئەو دێ رابن ب ڤەکرنا پێشانگەھەکا پوستەری بو پشتەڤانیا ریفراندۆم و قارەمانێن پێشمەرگەی و دبێژیت : ( ھەر ھونەرمەندەکێ حەز ھەبیت پشکداربیت پێدڤییە ھەتاکو رۆژا ئێک شەمبی رێکەفتی ٢٠١٧/٩/١٠ بەرھەمێ خو بگەھینتە بارەگایێ سەندیکا ھۆنەرمەندان )
دئاگەھداریا وان دا زێدەتر ھاتیە: (پێدڤیە ھەر ھۆنەرمەندەکێ پشکدارببت پێزانینێن خوە لسەر CD بگەھینتە سەندیکایێ دگەل بەرھەمی خوە)
ئەڤرۆ نیۆز،زنار تۆڤی:
ژبۆ دووڤچوونا ره‌وشا خه‌لكی و پێدڤیێن خزمه‌تگۆزاری ل سنورێ ناحیا چه‌مانكێ یا سه‌ر ب قه‌زا ئامێدیێ ڤه،ئه‌ڤرو ئێڤاری 30-8-2017 فه‌رهاد ئه‌مین ئه‌تروشی پارێزگارێ دهوكێ و ل گه‌لدا حەمید عەلی رێڤه‌به‌رێ كومه‌لگه‌ها ئیراهیم خه‌لیل سه‌رەدانا ناحیا چه‌مانكێ دا و ژلایێ ئەلند ئه‌میر گوگه رێڤه‌به‌رێ ناحیا چه‌مانكێ و رێڤه‌به‌ر و فه‌رمانبه‌رێن وێ ناحیێ ڤە پێشوازی لێ هاته كرن.
ل دووڤدا كۆمبوونه‌ك هاته ل دارخستن و ب تێر و ته‌سه‌لی به‌حسێ ره‌وشا خه‌لكێ ناحیێ وپێدڤیێن فه‌رمانگه‌هێن خزمه‌تگۆزاری یێن گرێدای ب ژیانا رۆژانه یا وه‌لاتیان ڤه هاتنه‌كرن ول دوماهیا كۆمبوونێ دا چه‌ند بریار هاتنه دان ژبۆ دابینكرنا وان كێم وكاسیێن فه‌ر یێن ل سنورێ ناحیا چه‌مانكێ هه‌ین.
پاشی پارێزگارێ دهوكێ جودا جودا سه‌را هوبا چاندنێ و خانیێ رێڤه‌به‌رێ ناحیێ دا و ژنێزیك هایداری ره‌وشا هه‌ردو جهان بۆ،دیسا بریار دا كێماسیێن هه‌ردو جهان بهێنه دابینكرن.
ئەڤرۆ نیۆز، ھەرھین محەمەد:
سترانبێژێ گەنج لوقمان رێکانی ددیدارەکێ دا بۆ ئەڤرۆ نیۆز دیارکر کو ئەو نوکە ئەو مژوولی چێکرنا کلیپەکێ یە ب ناڤێ ریفراندوم کو ژ پەیڤ و ئاوازێن زێدان دوسکی نە و ل ستودیویا m میوزیک تومارکریە و ژدەرھێنانا بلند ئەتروشی و نوکە دقوناغا مونتا ژی دایە و ژڤانە ل دەمەکێ نێزیک بھێتە بەلاڤکرن.
زێدەتر گۆت: ( ناڤەرۆکا کلیپێ ل سەر ریفراندومێ یە و دبێژیت مافێ مەیە کوردستانا خوە ببینین ریفراندومێ و سەرخەبونێ ب راگەھینین بەرھەمێ خویناتە جەنگاتە پێشمەرگە ھەر بژیت سەرۆک بارزانی بەرھەمێ ژێر دەستی تە بەلێ سەد جارا بەلێ بۆ ریفراندومێ ئەری ، و دخوازم ھەموو لایەنێن سیاسی و گەلێ کورد پێکڤە بێژن بەلێ بو ریفراندۆم)
ئه‌ڤرۆ نیۆز،ره‌مه‌زان هه‌رنى:
قه‌زا ئاكرێ و ناحیێن ده‌ردور بناڤ و بانگن بۆ به‌رهه‌م ئینانا هژیرا ژبلى نافخو،ڤێ چەندێ سه‌رنجا گه‌شتیارا ژى راكێشایه و رۆژانه هژماره‌كا گه‌شتیارا ب تایبه‌ت بۆ كرینا هژیرا سه‌ره‌دانا ئاكرێ دكه‌ن.
هونه‌ر گه‌شتیاره‌كه ل هه‌ولێرێ هاتیه ئاكرێ بۆ ئه‌ڤرۆ نیوز دیارکر:کو سالانه ل وه‌رزێ هاڤینى ئه‌م ب خێزان ڤه دهێینه سنۆرێ قه‌زا ئاكرێ و ب شه‌ڤ دمینین ل جهێن گۆزارى،هەروەسا ئاكرێ گه‌له‌ك تایبه‌تمه‌ندى لێ هه‌نە وەک ئاڤا كانیا و هژیرا و دیسا هنده‌ك ل گه‌ل مه هاتینه بتنێ بۆ كرینا هژیرا ژبۆ دروستكرنا مره‌بایێ، ژبه‌ركو هژیرا ئاكرێ تامه‌كا تایبه‌ت هه‌یه تایبه‌ت هژیرا زه‌ر.
ئه‌حمه‌د جه‌میل رێڤه‌به‌رێ چاندنا ئاكرێ بۆ ئه‌ڤرۆ نیوز خویاكر،ل سنورێ قه‌زا ئاكرێ 384 دونه‌م هژیر هاتینه چاندن و ل بازاری بهایێ وێ ئه‌رزان بوویه و نها كێلویا وێ ب 3500 دیناران تا 5000 دیناران دهێته فروتن ل كوردستانێ پتریا گه‌شتیارا دەمێ سه‌ره‌دانا ئاكرێ دكه‌ن ژبه‌ر خوارنا هژیرایه.
ئه‌حمه‌د جه‌میلی خویاكر ژى:سالانه هه‌تا 500 ته‌نێن هژیرا ل ئاكرێ و ناحیێن ده‌ردور دهێنه بەرهەم ئینان و ل بازارێن كوردستانێ و پارێزگه‌هێن عیراقێ دهێته فروتن،نها 23 هزار دارێن هژیرا ل ئاكرى َو ده‌ردورا هه‌نه.
ئه‌ڤرۆ نیوز:
هنارتیێ نه‌ته‌وه‌یێن ئێكگرتی ل سووریێ پێشنیاز کر، ھەكەر سیستەمێ دەستھه‌لاداریێ ل سووریێ ناڤەندی بیت، دڤێت مافێ ڤیتۆ یێ ژ بۆ کوردان ھەبیت، ل دژی ھەر بریارەکە حکوومەتا ناڤەندی.
دیمستورا ئه‌و یه‌ك بۆ ئالیێن دانوستانكار یێن سووریێ ل جنێڤێ پێشنیاز كرییه و خواستییه د ده‌ستوورێ نوو یێ سووریێ دا بهێته بنه‌جهكرن.
ئەڤرۆ نیوز ، ھلۆری:
ئەڤرۆ سەرۆکێ ھەرێما کوردستانێ مەسعود بارزانی ل گەل ماموستایێن زانکویێ ل ھەولێر کومبوو ، و د کومبوونێ دا بەحس ل سەر چەند تەوەرەکێن گرنگ کر و دوپاتکر کو ریفراندۆم دێ ل دەما خوە دا ھێتە ئەنجامدان.
بارزانی د کومبوونا ل گەل ماموستایێن زانکویێ گۆت: ( ب چوو رەنگان پاشڤە نازڤرین ل بارا ئەنجام نەدانا ریفرندۆمێ ، بەلکو دێ د دەمێ خوە دا ھێتە ئەنجام دان و بو درۆستکرنا دەولەتا کوردی بەرھەڤین ھەموو جورێن باجەکێ بدەین ، و رەنگە پشتی ئەنجاممدانا ریفراندۆمێ دەولەتێن جیھانی ھەلویستێ خوە دیار بکەن ، بەلێ پێدڤی یە باجێ بدەین ھەتاکو بگەھینە ئەنجامان ، داخوازێ ل ھەموو ماموستایێن زانکویێ دکەم کو پشکداریێ دنڤیسین و دارشتنا دەستوورێ نویێ کوردستانێ بکەن )
مەسعود بارزانی سەرۆکێ ھەرێما کوردستانێ دیارکر ژی کو ھەفتیا بوری ل گەل چەند وەزیرەکێن دەرڤە کومبویە و چوو وەلاتیان ژی بەحس لسەر وێ یەکێ نەکریە کو ریفراندۆم مافەکێ رەوایێ گەلێ کورد نینە و گۆت ژی: (وەزیرێن دەرڤە دگوت رەنگە ریفراندۆم ببیتە سەدەما وێ یەکێ کو شەرێ داعش لسەر ھزرێن ھەوە بچیت و باشترە ریفراندۆم بو دەمەکێ دن بھێتە پاشئێخستن بەلێ من بو وان دیارکر ئەرێ بەدیلەکێ پاشئێخستنا ریفراندۆمێ چی یە)
بارزانی ل بارا کەرکوکێ گۆت: (ناسناما کەرکوکێ کوردستانە و ھەر کەسێ بخوازیت ب لایەکێ دا ببەت ھەتاکو دوماھی کەس دێ روو ب روویێ وان بین ، ئەگەر کەسەکێ ڤیا خوە ب سەپینیت لسەر کەرکوکێ دی َتشتەکێ وەسا ب سەری ھێت کو ئەوی ھزر بو نەکری ، و کەرکوک دێ ھەر مینیت باژێرێ پێکڤە ژیانێ)
ئەڤرۆ نيۆز،رێژين نهێلى:
سه‌رۆكێ هه‌رێما كوردستانێ مەسعود بارزانی راگه‌هاندیە:هەکە پشتی ریفراندومێ به‌غدا ئه‌نجامان ره‌تبكه‌ت،دێ ده‌وله‌تا كوردستانێ راگه‌هینین و دوپاتكر ژی،کو وه‌زیرێ به‌رگریا ئه‌مریكا ب ئاشكرایی گۆتیه وی کو واشنتۆن ل دژی ریفراندومێ نینه.
مه‌سعود بارزانی سه‌رۆكێ هه‌رێما كوردستانێ،د هه‌ڤپه‌یڤینه‌كێ دا ل گەل رۆژنامه‌یا شه‌رقولئه‌وسه‌ت دا گۆتيه:گه‌لێ كوردستانێ هیڤیخوازه کو حوکمه‌تا عێراقێ ئه‌نجامێن ریفراندومێ قه‌بوول بكه‌ت و پشتی ریفراندومێ به‌غدا بهێته پێش و دانپێدانێ ب ئه‌نجامێن وێ بكه‌ت، لێ هەکە ب گه‌ف و خوه دووركرنێ ئه‌نجامان ره‌تبكه‌ت،سه‌ركردایه‌تیا كوردستانێ ئێكسه‌ر دێ ده‌وله‌تا كوردستانێ راگه‌هینیت.
بارزانی گۆتیە ژى:کو د سه‌ره‌دانا خوه‌یا هه‌ولێرێ دا وه‌زیرێ به‌رگریا ئه‌مریكا ب ئاشكرایی گۆتیه کو ئه‌مریكا ل دژی رێفراندوما هه‌رێما کوردستانێ نینه،لێ بتنێ ئه‌و د ترسن کو ریفراندوم كاریگه‌ریێ ل شه‌رێ دژی داعشێ بكه‌ت،لێ وان واشنتۆن پشتراستكریه کو ریفراندوم ناهێته پاشخستن و كاریگه‌ریێ ل شه‌رێ دژی داعشێ ناكه‌ت.
ئەڤرۆ نیۆز،زنار تۆڤی:
دەرهێنەرێ گەنج و کورێ باژێرێ دهوکێ محەمەد ژۆری خەلاتێ باشترین فلمێ دکیۆمێنتاری ل هەشتەمین فلمە فستەڤالا کوردستانێ ل هەولێرێ وەرگرت.
محەمەد ژۆری دەرهێنەرێ فلمێ دکیۆمێنتاری یێ ئالان بۆ ئەڤرۆ نیۆز دیارکر:کو فلمێ دکیۆمێنتاری یێ ئالان پشکداری د چەندین فیستیڤالێن جیهانی دا کریە و چەندین خەلات ژی وەرگرتینە و گۆت ژی:ئەڤ سالە کورتە فلمێ دکیۆمێنتاری یێ ئالان پشکداری د هەشتەمین فلمە فیستەڤالا کوردستان دا ل هەولێرێ کریە و خەلاتێ باشترین دکیۆمێنتاری د ڤێ فیستیفالێ دا وەرگرت.
نيشاندان