ئه‌ڤرۆ نیۆز،زنار تۆڤى:
خانما سترانبێژ رۆژبین كزل كو د ژیێ 17 سالیێ دایه و ئه‌ڤه چه‌ندین ساله ل وه‌لاتێ ئه‌لمانیا دژیت و د دیداره‌كێدا بۆ ئه‌ڤرۆ نیۆز دبێژیت:به‌رى هه‌یڤه‌كێ و بۆ جارا ئێكێ من سه‌ره‌دانا كوردستانێ كربوو،كو نێزیكى حه‌فتیه‌كێ ئه‌ز مابوو مه ل باژێرێ دهوكێ و من چه‌ندین كارێن هونه‌رى ل وێرێ ئه‌نجامدابوون،هه‌وره‌سا بۆ جه‌ژنا قوربانێ ژى من كلیپه‌ك به‌رهه‌ڤكریه و ل رۆژا ئێكێ یا جه‌ژنێ دێ به‌لاڤكه‌م و ناڤێ ڤێ كلیپێ ژى”رۆزه‌رین”ه،كو ژ په‌یڤ و ئاوازێن هه‌لبه‌ستڤان په‌رینجه‌كینه.
هێشتا دبێژیت:من ئه‌ڤ سترانه ل باژێرێ مێردینێ كلیپكریه و سانات پرۆده‌كشن ئه‌ڤ سترانه به‌رهه‌م ئینایه و ئه‌ڤ سترانه ل سه‌ر كچه‌كا كورد یا قاره‌مان هاتیه چێكرن.
رۆژبینێ دیاركر ژى:پشتى ڤى كارى ژى سێ كلیپێن دى ل به‌ر ده‌ستێ من هه‌نه و نوكه كار د وان كلیپان ژى دا دكه‌م،كو هه‌ر سێ كلیپ ژ په‌یڤ و ئاوازێن منن و ل ده‌مێن داهاتى دێ وان كلیپان ژى بۆ حه‌ز ژێكه‌رێن سترانا كوردى به‌لاڤكه‌م.
نيشاندان