ئەڤرۆ نیۆز،زنار تۆڤی:

پشتی دەربازبوونا دو هەیڤان ل سه‌ر مرنا نه‌وشیروان مسته‌فای، وێرسێن وی مولک و دارایا بابێ خوە ل دووڤ قه‌سەم شه‌رعى ب ‌سه‌ر خوە دا دابه‌ش د‌كه‌ن‌ و ل 2017/7/25 دا ب نڤێسینا هژماره‌ 48/63 پشكێن كۆمپانیا وشه‌ كو‌ 300 ملیۆن پشكن،ڤەدگۆهێزن بۆ سەر ناڤێ نما ‌و چیایێ كورێن وی،هەروەسا 122 دۆنەمێن گرێ زه‌رگه‌ته‌ ژی كو‌ مه‌كۆیێ سه‌ره‌كى یێ گۆرانێ ل ‌سه‌رە ل سەر ناڤێ نما‌ و چیای هاتیە تاپۆ‌كرن.

حەفتیناما ئاوێنه‌ دیارکریە،کو پشتی چرایا كچا ئێکانە یا نه‌وشێروان مسته‌فای پشکا خوە بۆ هەردو برایێن خوە هێلای‌،ل رۆژا 2017/7/25 ب نڤێسینا هژماره‌ 48/63 پشكێن كۆمپانیا وشه‌ كو‌ 300 ملیۆن پشكن هاتینە ڤەگۆهازتن‌ بۆ سه‌ر ناڤێ نما ‌و چیا یێن کورێن نەوشیروانی،ئه‌ڤه‌ د دەمەکێ دایە کو نه‌وشیروان مسته‌فا بەری بمریت ل ‌سالا 2016 دا پشكێن كۆمپانیا وشە و كارگەها چیمەنتۆی یا گاسن ل سەر ناڤێ خوە ئێخستبوونە سەر ناڤێ (چیا)یێ كورێ خوە.

نوکە ژ روویێ یاسایی ڤه‌ نما‌ و چیا خودانێن 122 دۆنەمێن زەڤیا گرێ زه‌رگه‌ته‌نە و بالە‌خانه‌یا چاڤدێریا دارایى‌ و 25% قازانجا سۆپه‌رماركتا میترۆ‌ و 15% یا پشكێن كارگه‌ها چیمه‌نتۆى یا گاسن‌ و كه‌نالێ كه‌ى ئێن ئێن ‌و چه‌ندین بالەخانەیێن دیتر،کو ب ‌ده‌هان ملیۆن دۆلاران دهێنە خەملاندن.

د بەرامبەر دا بزاڤا گۆران خودانا هیچ مولک ‌و هیچ ژێدەیەکێ داهاتى یێ تایبه‌ت ب خوەڤە نینە‌،دیسا ‌مه‌كۆیێ سه‌ره‌كى‌ و كه‌نالێ ته‌له‌فزیۆنی ژی یا کورێن نەوشێروانی نە.‌