ئەڤرۆ نیۆز،زنار تۆڤی:

شڤان پەروەر هونەرمەندێ ناڤدارێ كورد،دێ سترانەکێ بۆ پشتگیریا ریفراندۆما سەربەخۆیا كوردستانێ بەلاڤ کەت.
نوکە شڤان پەروەر مژۆلی تۆماركرنا سترانەکێ یە بۆ پشتگیریا سەربەخۆیا كوردستانێ.

دهێتە زانین کو شڤان پەروەر هونەرمەندەکێ ناسیارە ل سەرانسەری کوردستانێ،هەروەسا د پرسێن نیشتیمانی و نەتەوەیی دا پشتگیریا خەلکێ كوردستانێ دكەت،هەروەسا سترانا واهاتن پێشمەرگێن مە ئێکە ژ سترانێن وی یێن ناڤدار كو بۆ پشتگیریا پێشمەرگێ كوردستانێ بەلاڤکریە.

د کۆمبوونا 2017/6/7 مەسعود بارزانی سەرۆكێ هەرێما كوردستانێ ل گەل نوونەر و سەركردێن حزب و لایەنێن سیاسی یێن كوردستانێ بریار دا کو رۆژا 25 ئیلۆنا 2017 ریفراندۆما سەربەخۆیا كوردستانێ ل هەرێما كوردستانێ و كەركوكێ و دەڤەرێن كوردستانی یێن دەرڤەی ئیدارا هەرێما كوردستانێ بهێتە ئەنجامدان.

ئەڤرۆ نیۆز،زنار تۆڤی:

ل رۆژا‌ 26/8/2017 ل‌ هۆلا سینه‌مایا ئیمپایه‌ر ل هه‌ولێرێ ب پشکداریا هونه‌رمه‌ندێن كورد و بیانی و ل ژێر دروشمێ (به‌ره‌ف ریفراندۆم و سه‌ربه‌خۆیا كوردستانێ) هه‌شته‌مین  فلمە فیستیڤالا کوردستان یا نێڤده‌ولەتی ده‌ست پێکر.

دڤێ فیستیڤالێ دا دێ 46 فلمێن جۆدا یێن كوردی هێنە نمایشکرن و ژ وانا‌ 36 فلم دێ كێبرکێ ل سەر برنا خه‌لاتێ فیستیڤالێ كه‌ن،کو (16 فلمێن كورت،8 فلمێن درێژ،8 فلمێن دكیۆمێنتاری،4 فلمێن ئه‌نیمه‌یشن،10 فلم) وه‌كو فلمێن نمایشا فیستیڤالێ نە.

بریاره‌ ئەڤرۆ 27/8/2017 چه‌ند زنجیره‌ پانێلەک بۆ سینه‌ماكارێن كورد و عه‌ره‌ب،د چارچۆڤێ فیستیڤالێ دا برێڤە بچیت،ته‌وه‌رێ سه‌ره‌كی یێ پانێلێ یێ تایبه‌تە ل ‌سه‌ر ره‌وشا سینه‌مایێ.

به‌شەك ژ وان فلمێن کو دڤێ‌ فیستیڤالێ دا هاتینە وەرگرتن،پێشتر چه‌ندین خه‌لاتێن جیهانی وەرگرتینە، هه‌روه‌سا پشکەک ژ وان ژی ئێکەمجارە پشکداریێ د فیستیڤالێ دا دكه‌ن.

هه‌شته‌مین فلمە فیستیڤالا کوردستان یا نێڤده‌ولەتی، بریاره‌ بۆ ماوێ 5 رۆژان ل‌ هه‌ولێرێ یا به‌رده‌وام بیت و ل دوماهیێ خه‌لاتێن باشترین (ئه‌كته‌رێ كور، ئه‌كته‌را كچ، ده‌رهێنه‌ر، وێنه‌گر، سیناریۆ) دێ هێنە دیارکرن.

هەروەسا فیستیڤال‌ ب‌ نمایشكرنا فلمێ سینه‌مایی (ئالایێ بێ وەلات)،کو ژ ده‌رهێنانا به‌همه‌ن قوبادی یە هاتیە ڤەکرن.