ئەڤرۆ نیوز ، ھلۆری:
ئەڤ دیمەنێن ل خوارێ چەند دیمەنێن باژێر و ئاڤاھی و شینوار و جھەکێن گەشتوگۆزاری نە ل جیھانێ کو ب سەرنجراکێشترین جهـ ل جیھانێ دھێنە ھژمارتن.
شارەزایێن د وارێ ئەندازیاری دا ددەن دیارکرن کو ئەڤ پێشکەفتنا نھا جیھان تێدا دبوریت پێشکەفتنەکا حێبەتی یە ، بەلێ چاڤەرێ دھێتەکرن کو تشتێن نوتر ژی بھێنە چێکرن.
ئه‌ڤرۆ نیوز:
لویگی بروگنارۆ، باژێرڤانێ باژارێ ڤێنس ل ئیتالیا فه‌رمان ل پۆلیسان كر كو هه‌ر كه‌سه‌كێ ل جهێن گه‌شتیاری ب ده‌نگه‌كێ بلند گۆتنا (الله اكبر) ببێژیت، ته‌قه لێ بهێته كرن، چێتره ژ تۆشبوونا گه‌فا هێرشا تیرۆرستی.
ڤێنس ناڤدارترین جهێ گه‌شتیارییه ل ئه‌ورۆپا، به‌ری چه‌ندین حه‌فتییان كه‌سه‌كی ل جهه‌كێ گه‌شتیاری ل بارسێلۆنا ل سپانیا ب ترۆمبێلێ دا ناڤ خه‌لكی و 15 كه‌س كوشتن، ئه‌ڤ بریارا ڤێنسێ ل گۆری گۆتنا روگنارۆ بۆ پاراستنا ئێمناهییا گه‌شتیارانه.
ئەڤرۆ نیوز ، نەوزاد ھلۆری:
ب مەرەما پشتەڤانیکرن بو پرۆسەیا ریفراندۆم و سەربخوە یا کوردستانێ ، ئەڤرۆ د رێورسمەکێ ژ ھەژی دا و ب ئەنجامدانا چەند چالاکیەکێن جوراجۆر کارەساتا گوندێ تویکا ھاتە ساخکرن.
دڤی واریدا کوڤان حسێن ئێک ژ رێکخەرێن ساخکرنا کارەساتا گوندێ تویکا ل زاخۆ بۆ ئەڤرۆ نیوز گۆت: ( ئەڤرۆ د رێورسمەکێ ژ ھەژی دا کو ژلایێ لقێ ھەشتێ پارتی دیموکراتی کوردستان و دەزگەھێ شەھیدان ل زاخۆ ھاتبویە رێکخستن ب رێڤە چوو و تێدا چەندین گوتار و چالاکیێن جوداجودا ھاتنە ئەنجامدان )
زێدەتر گۆت: ( کارەساتا گوندێ تویکا کو ب دوراتیا شەش کیلومەتران دکەڤیتە رۆژھەلاتا قەزا زاخۆ ئێکبوویە ژ وان کارەساتێن دل ھەژین)
دھێتە زانین کو لرۆژا ٢٥/٨/١٩٨٨ د رۆژەکا وەکو سوبەھی دا د پلانەکا دارشتی دا ١٤ کەس ژ گوندێ تویکا ب دەستێ رژێما بەعس ھاتنە گرتن و دوڤدا ھاتنە کوشتن و ھەتا نھا ژی تەرمێن وان نەھاتینە زڤراندن ، و نھا وەکو ھێمایەک ١٤ گور بو ئەوان ئەنفالکریان ھاتینە چێکرن.
ئه‌ڤرۆ نيوز:
نرخی ئەمپێرێ كارەبا موەلیدا یێ ( هەیڤا 8) ب ڤی شێوێ ل خوارێ یە :
1- قەزایینَ دهوك،سمیل و زاخو ودەڤەرێن سەر ب وانڤە
14.500) دینارن.ول گوندێن ( تەلوە وبێتاسێ و ئەڤریكێ ) (14.000) دینارن. ل تاخێ بەروشكێ/پشت قوتابخانا هەلات موەلیدێن هاولاتی ( عمر عیسی اسعد ) كوژمێ ( 2.750) دیناران هاتیە برین و بهایێ ئەمپێری ( 11.750) دینارە.ول تاخێ سەرهلدان نێزیكی بنگەهێ پولیسێن بەروشكێ موەلیدێن هاولاتی ( لقمان حسین جندی ) كۆژمێ ( 2.500 ) دیناران هاتیە برین و بهایێ ئەمپێری ( 12000 ) دینارە.ول تاخێ رۆناهی موەلیدێن هاولاتی ( صالح عبدالله مصتەفا ) كۆژمێ ( 500 ) دینار هاتیە برین وبهایێ ئەمپێری (14.000)دینارە.ول تاخێ رەزا نێزیكی مزگەفتا رۆناهی موەلیدێن هاولاتی ( ادیب شكرو كور ) كۆژمێ (500) دینارا هاتە برین و بهایێ ئەمپێری ( 14.000 ) دینارە .
2- ل قەزا ئامێدیێ /(سەنتەر)( 14.500 ) دینارن ،ول(سەرسنگی)( 14.500 ) دینارن،ول (دێرالوكێ)( 14.500 )دینارن ول( شێلادزێ)( 14.500) دینارن .ول ناوچا چەمانكێ موەلیدێن هاولاتی ( هەوار سلیم حسن ) كوژمێ 2000 دیناران هاتیە برین و بهایێ ئەمپێری ( 12.500 ) دینارن ژئەگەرێ سەرپێچیا ونەكاركرنا موەلیدا بو ماوێ 4 رۆژا.ول ( قەدش ) كوژمێ (500) دیناران هاتیە برین وبهایێ ئەمپێری (14.000 ) دینارە، ژئەگەرێ سەرپێچیا هاتیە سزادان .
3- ل قەزا ئاكرێ /سەنتەرێ قەزایێ و سەنتەرێن ناوچێن وێ ( دینارتە،گردەسین و بجیل ) ( 14.500 ) دینارن.ول گوندو دەورو بەران وئەو جهێن بەلێندەر موەلیدێن وان برێڤەدبەن، سۆبەهی دێ ژلایێ قایمقامیا ئاكرێ ڤە ئێنە راگەهاندن .
4- ل قەزا بەردەرەش/ سەنتەرێ قەزایێ ( 14.500 ) دینارن، ول گوندو دەورو بەران وئەو جهێن بەلێندەر موەلیدێن وان برێڤەدبەن، سۆبەهی دێ ژلایێ قایمقامیا بەردەرەش ڤە ئێنە راگەهاندن .
5- ل قەزا شێخان وناوچەو وگوندو كۆمەلگەهێن سەر ب قەزایێ ڤە و ئەو جهێن بەلێندەر موەلیدێن وان برێڤەدبەن، سۆبەهی دێ ژلایێ قایمقامیا شێخان ڤە ئێنە راگەهاندن .
6- ل دەڤەرێن سنورێ قایمەقامیا قەزا سێمێلێ ئەوژی (سمایل ئاڤا، بالقوس، خراب دیم وگرشین و مقبلێ باتێلێ وباستكێ) ( 14.500 ) دینارن .ودەڤەرێن ئەمپێری ل زاخو ( 14.500 ) دینارن.
9- ل دەڤەرێن ( كورا ،مانگێش ،زاویتە و باگێرا) ( 14.500 ) دینارن.
10- ل شوقێن پارێزگەها دهوكێ كو بەرنامێ كاركرنا موەلیدا ( 24 ) دەمژمێرییە وئەوێن موەلیدێن وان نە سەرب پرۆژەی ڤە ( 15.500 ) دینار.ول شقێن زاخو ( 15.500) دینارن.تەنها ل شوقێن نیولاند2 بهایێ ئەمپێری ( 14.500 ) دینارن .ول شوقێن ئەڤرۆ ستی ( 14.500 ) دینارن .
11- ل ناوچا (ئەلقوش /سەنتەرێ ناوچێ) (10.500 ) دینارن. ول (جراحی-بوزا-شێخكا- بێبان ونفێریێ) ( 8.500 ) دینارن ول ( خەتارێ – دوغاتا – منارە- تلسین و بابیرا) ( 8.500 ) دینارن.
12- موەلیدێن بازرگانی یێن بازاری :
– بهایێ ئەمپێری 15.750 دینارە.
تێبینی:
• بەرنامێ كاركرنا موەلێدا ل سەنتەرێن قەزایێن دهوك،زاخو و سێمێل بۆ مەها ( ئیلونێ- هەیڤا 9/2017 ) دێ بڤی رەنگێ لخوارێ بیت :
– بەرنامێ كاركرنا موەلیدان ل قەزایێن ( دهوك-سێمێل وزاخو ) دێ ( 24 ) دەمژمیری بیت ، موەلیدە دێ كاركەن ل هەر دەمێ كەهرەبا گشتی دڤی ماوەیدا هاتە برین.
– بەرنامێ كاركرنا موەلیدان ل قەزایێن دی و دەڤەرێن سەر ب وان ڤە ، دێ لدویف رەوش و داخوازییا كارگێریێن وان و خەلكێ وان بیت .
*ژ هەژی بیرئینانێ یە كۆ ل وان جهێن بهایێ ئەمپێری (14500 ) كۆژمێ ( 250 ) بوویە پاشكەفت بو مەهێن داهاتی كۆ رەوشا كەهرەبێ وبهایی باشتر دبیت .
*داخوازێ ژ هاولاتیێن بەرێز دكەین كۆ دئاگەهدار بن ، ژ ئەگەرێ ژ كاركەفتنا هندەك موەلیدان بۆ چەند رۆژەكان و هەر وەسا ژ ئەگەرێ بێ سەرو بەریا كارێ هندەكێن دی چەندین خودانێن موەلیدا لسەرانسەری پارێزگەها دهۆكێ هاتینە سزادان ل جهێن جودا جودا هەر وەكو دلیستا بهایان دا هاتین دیاركرن و بۆ ڤێ چەندێ ژی كۆژمەكێ پارەیی ژ بهایێ ئەمپێرێ ل وان جهان بۆ ڤێ مەهێ هاتیە برین.
* هیڤیدارین ژ خودانێن موەلیدا پێگریێ ب بەرنامێ لیژنا سەرپەرشتیا موەلیدان بكەن ئەوێ لسەری دیاركری ، وداخوازێ ژ هەلبژێرێن بەرێز دكەین ، هەر جهەكێ موەلیدا ل تاخێ وی پێگریێ نەكەت ، لیژنا مە ب سكالایەكا نڤیسی ئاگەهدار بكەت داكو پێرابوون د دەرهەقێ وان دا بهێنە ئەنجامدان.
ئەڤرۆ نیوز ، ھلوری:
کومسیونا بلند یا سەربخویا ھەلبژاردن و راپرسێ یا حکومەتا ھەرێما کوردستانێ د راگەھاندنەکێ دا کو دانەیەک بو ئەڤرۆ نیوز ھنارتیە تێدا دخوازیت کو ھەموو ئەو کوردێن ل دەڤە ل رۆژا ١/٩/٢٠١٧ ھەتاکو رۆژا ٧/٩/٢٠١٧ سەرەدانا وێب سایتێ فەرمی یێ کومسیوونا بلند یا ھەلبژاردن و راپرسێ یا ھەرێما کوردستانێ بکەن بو تومارکرنا ناڤێن خوە بو دەنگدان لسەر ریفراندۆوما ھەرێما کوردستانێ کو وەسا بریارە لرۆژا ٢٥/٩/٢٠١٧ بھێتە ئەنامدان.
زێدەتر د راگەھاندنا وان دا ھاتیە : (وێب سایت دێ لرۆژا ١/٩/٢٠١٧ ھێتە کارانکرن کو تایبەتە ب پرکرنا فورمان بو کوردێن ل دەرڤە کو ئەو ژی لسەر www.khec.krd )
ئەڤرۆ نیوز ، ھلوری:
ئەڤرۆ پارێزگارێ دھۆکێ پێشوازی ل بالیوزێ ئەلمانیا ل بەغدا و کونسولێ نوویێ ئەلمانیا ل ھەرێما کوردستانێ کر و د کومبوونەکێ دا دانوستاندن لسەر چەند پرسەکان کر ژ وانان پرسا زێدەتر خزمەتکرنا ئاوارەیان و پارێزگارێ دھوکێ خواست کو وەلاتێ ئەلمانیا زێدەتر خزمەتا ئاوارەیان بکەت.
فەرھاد ئەمین ئەتروشی پارێزگارێ دھوکێ پێشوازی ل دکتور سیریل نان بالیوزێ وەلاتێ ئەلمانیا ل بەغدا و کورت ستویکل کونسلێ نوو یێ ئەلمانیا ل کوردستانێ وشاندێ دگەلدا کر.
دھەڤدیتنەکێدا ب ئامادەبونا دکتور نزار عسمەت رێڤەبەرێ گشتی یێ ساخلەمیا پارێزگەھا دھوکێ بەحسێ پەیوەندیێن دوو قولی دناڤبەرا ئەلمانیا وھەرێما کوردستانێ وئەو پشتەڤانیا حکومەتا ئەلمانیا بو ھێزێن پێشمەرگەی وئاوارە وپەنابەران پێشکێش دکەت ورولێ رێکخراوێن ئەلمانی بو گەھاندنا ھاریکاریا بو ئاوارە وپەنابەران وسەکتەرێن خزمەتکاری ب گشتی ھاتە کرن.
پارێزگەرێ دھوکێ خوشحالیا خو ب سەرەدانێ دیارکر وپیروزباھی ل بالیوز ئەلمانیا ل بەغدا ول کونسلێ ئەلمانیا لکوردستانێ کر وسەرکەفتن بو ھەردوویان خواست، ھەروەسا پارێزگەرێ سوپاسیا حکومەت ورێکخراوێن ئەلمانی کر کو ھاریکاریا ئاوارە وپەنابەران وپێشمەرگێ کوردستانێ دکەن وخواست ئاستێ وان ھاریکاریا پتر لێ بھێت نەخاسمە ل دەڤەرێن رزگارکری دا ببیتە ھاندەر ئاوارە ڤەگەرنە سەر جە وارێن خو.
ل داویێ ژی ھەردوو لا پارێزگەرێ دھوکێ وبالیوزێ ئەلمانیا تەکەزی ل سەر خورتکرنا پەیوەندیان دناڤبەرا ئەلمانیا وھەرێما کوردستانێ کر.
ئەڤرۆ نیۆز،تۆڤی:
رێڤەبەرێ نڤێسینگەها رزگاركرنا رەڤاندیێن كورد یێن ئێزدی ل پارێزگەها دهۆكێ دیاركر،كو ل گەل دەستپێكرنا ئۆپەراسیۆنا رزگاركرنا قەزا تەلەعفەر هەتا ئەڤرۆ 24/8/2017 حەفت رەڤاندیێن كوردێن ئێزدی ژ دەستێن تیرۆرستان ژ ناڤ سەنتەرێ تەلەعفەر یێن هاتینە رزگاركرن.
حسێن قائیدی، رێڤەبەرێ نڤێسینگەها رزگاركرنا رەڤاندیێن كوردێن ئێزدی، بۆ باس دیاركریە:کو ژنەك ب ناڤێ ( م، خ) ژدایك بوویا سالا 1994 ل گەل سێ زارۆیێن خوە ب ناڤێن (دلمان و دیمان و دیما) خەلكێ گوندێ كۆچۆ نە ل تەلەعفەر هاتینە رزگاركرن و یێن دی ژی دو كچن، هەر دو ژی خوشكێن ئێكن بناڤێن (نیاز و لیزا ئەلیاس) ژ دایك بوویێن 2009 و 2008 نە و خەلكێ تلبەناتن و ئەو ژی ل تەلەعفەر رزگاربووینە وكچەكا دی ژی ب ناڤێ (ئاواز) ژ دایك بوویا سالا 2003ێ خەلكا وەردیە، ئەوژی ل تەلەعفەر رزگاربوویە و ئەڤ هەر 7 كەسێن ئێزدی ژ دەستپێكا ئۆپەراسیۆنا رزگاركرنا تەلەعفەر هەتا نوکە رزگاربووینە.
ئەڤرۆ نیۆز،زنار تۆڤی:
وەزارەتا سامانێن سرووشتی یا حوکمەتا هەرێما کوردستانێ راگەهاند،کو هەردو کۆمپانیێن نەفتێ دی ئێن ئۆ یا نەرویجی و گەنەل ئینێرجی یا تورکی دێ ل قەرێن هەرێما کوردستانێ خۆشبن.
رۆژا پێنجشەمبی 24-8-2017 د راگەهاندنەکێ دا، وەزارەتا سامانێن سرووشتی یا هەرێما کوردستانێ دیارکریە،کو حوکمەتا هەرێما کوردستانێ رێککەفتنەک ل گەل هەردو کۆمپانیێن دی ئێن ئۆ یا نەرویجی و گەنەل ئینێرجی یا تورکی کریە، کو ل دووڤ وێ رێککەفتنێ ئەو دو کۆمپانیە دێ ل بەرامبەر زێدەکرنا قازانجا پشکێن خوە، ل قەرێن ل سەر هەرێما کوردستانێ خۆشبن.
ل دووڤ راگەهاندنا وەزارەتا سامانێن سرووشتی،حوکمەتا هەرێما کوردستانێ ل بەرامبەر لێخۆشبوونا قەران، %20 ژ پشکێن کێلگەها تەوکێ دێ دەتە دی ئێن ئۆ یا نەرویجی.
هەڤدەم دێ %4.5 ژ پشکێن هەمان کێلگە ل بەرامبەر لێخۆشبوونا قەران،دێ دەتە کۆمپانیا گەنەل ئینێرجی یا تورکی.
وەزارەتا سامانێن سرووشتی گۆتیە ژی، ئەڤ رێککەفتنە ل 1 ئابا 2017 هەتاکو پێنج سالێن دی،ئانکو هەتاکو 31 تەموزا 2022 کار دێ پێ هێتەکرن.
ئەڤرۆ نیوز ، ھلۆری:
شڤێدی بەهروز گەلالەیی نونەرێ ئێکەتیا نیشتمانیا کوردستانێ ل ئەنقەرەیا پایتەختا تورکیا ھاتە دەرکرن و بو ھەرێما کوردستانی َھاتە ڤەگەراندن ، و ل گورەی زانیاریان سەدەما سەرەکی دزڤیت بو گرتنا ھندەک وەلاتیێن تورک ل سنوورێ پارێزگەھا سلێمانیێ.
ل گورەی ھندەک زانیاریێن میدیایی نونەراتیا ئێکەتیا نیشتمانیا کوردستانێ ل ئەنقەرەیا پایتەختا تورکیا دزڤیت بو گرتنا ھندەک وەلاتیێن تورکی ل سنوورێ پارێزگەھا سلێمانیێ ، و نھا ئێکەتیا نیشتمانیا کوردستانێ ژی پشتی دەرکرنا نونەری خوە دەست ب دانوستاندنێ کریە بو ڤەگەراندنا وەلاتیێن تورک ل ژێر دەستێ پەکەکێ کو برینە قەندیل.
ئەڤرۆ نیوز ، مەحمود نھێلی:
بەرپرسێ لژنەیا موەلیدەیان ل قەزا ئامێدیێ بۆ ئەڤرۆ نیوز دیارکر، کو بھایێ کارەبا موەلیدەیا بۆ ھەر ئەمپیرەکی ل سەرانسەرێ قەزا ئامێدیێ گورنکاری کەفتە تێدا و ل پرانیا دەڤەرێ بوویە 14 ھزار و 500 دینار.
ئەندازیار ھەکار ئامێدی بەرپرسێ لژنەیا موەلیدەیان ل قەزا ئامێدیێ بۆ ئەڤرۆ نیوز دیار کر، د کومبوونا لژنەیا موەلیدەیان دا ل دھوکی بریار ھاتە دان بۆ ھەیڤا تەباحێ یا ئەڤ سالە بۆ ھەر ئەمپیرەکی کارەبا موەلیدەیان ل سەرانسەرێ قەزا ئامێدیێ ، و کومەلگەھا قەدشێ دێ 14 ھزار و 500 دینار بن، و ناحیا چەمانکی 12 هزار 500 و کومەلگەھا قەدشێ 13 ھزار و 500 دینار بو ھەر ئەمپیرەکێ دێ ل ھاولاتیان ھێنە وەرگرتن.
و دیارکر، کو بەرنامێ کارکرنا موەلیدەیا بو ھەیڤا ئیلونێ دێ ھەر وەکوو بەرێ بیست و چواردەمژمێری بیت.
نيشاندان