پێشمەرگەی سێ تیرۆرستێن خوەکوژێن داعشێ کوشتن

23/08/2017 10:47

386

ئەڤرۆ نیۆز،زنار تۆڤی:

شەڤا دەربازبووی سێ تیرۆرستێن خوەکوژێن داعش ب مەرەما خوە رەدەستکرنێ دڤیان خوە نێزیکی سەنگەرێن پێشمەرگێ کوردستانێ بکەن و خوە دناڤا وان دا ب پەقینن و زیانێ ب گەهیننێ،لێ هەر زوو پێشمەرگێن کوردستانێ ب پلانا وان حەسیان و ئەو تیرۆرست کوشتن.

ئدریس شەعبان غەفار بەرپرسێ رێکخستنا فەرماندەیا دهۆکێ و ئەندامێ فەرماندەیا دهۆکێ بۆ ئەڤرۆ نیۆز دیارکر:کو شڤێدی ل 22_8_2017 ل دەمژمێر 9 شەڤێ ل میحوەرێ رۆژئاڤایێ دیجلە و ل گۆندێ گۆل محەمەد سێ تیرۆریستێن خوەکۆژێن داعش ب بەهانەیا خوە رادەستکرنێ بۆ سەنگەرێن سۆپایێ 7 یێ ب سەر فەرماندەیا دهۆکێ ڤە دڤیان خوە د ناڤا هێزێن پێشمەرگەی ب پەقینن .

هەروەسا گۆت ژی:لێ ل گۆر پێزانینێن هەوالگیریا فەرماندەیا دهۆکێ و ب هەماهەنگی ل گەل سۆپایێ 7 یا فه رماندەیا دهۆکێ ئەو هەرسێ تیرۆرست کەفتنە بۆسەیا پێشمەرگێن قارەمان و هەر سێ دەملدەست هاتنە کۆشتن.

ئێکەم رۆژا جەژنا قوربانێ هاتە دیارکرن

23/08/2017 09:43

1453

ئەڤرۆ نیۆز،زنار تۆڤی:

دادگەها بلند یا عەرەبستانا سعودیە راگەهاند کو رۆژا ئەینیا بهێت 1-9-2017 ئێکەم رۆژا جەژنا قوربانێ یە.

میدیا یا فەرمی یا عەرەبستانا سعودیە بەلاڤکریە،کو دادگەهێ هەیڤا زیلحیجە بۆ سالا 1438 یا کۆچی دیتیە و ئاماژە ب هندێ ژی دایە کو رۆژا چارشەمبی 23 تەباخێ ئێکەم رۆژا هەڤا زیلحیجەیە.

ل دووڤ دادگەها سعودیە راوەستان ل سەر چیایێ عەرەفێ دێ رۆژا پێنجشەمبیا داهاتی 9 هەیڤێ بیت،کو هەڤدەمە ل گەل رۆژا 31 هەیڤا تەباخا 2017 ، لەورا رۆژا 1 ئیلۆنا 2017 کو دبیتە رۆژا ئەینی یا بهێت،دێ بیتە ئێکەم رۆژا جەژنا قوربانێ.

ئەڤرۆ ئەنجۆمەنێ بلند یێ ریفراندۆما سەربەخۆیێ دێ کۆمبیت

23/08/2017 09:04

ئەڤرۆ نیۆز،زنار تۆڤی:

ئەنجۆمەنێ بلند یێ ریفراندۆما سەربەخۆیا کوردستانێ دێ کۆمبیت و دێ دانوستاندنێ ل سەر ئەنجامێن سەرەدانا شاندێ وی ئەنجۆمەنی بۆ بەغدا کەت.

ئەڤ کۆمبوونە دێ ئەڤرۆ چارشەمبی 23/8/2017 ل سەلاحەدین ب سەرپەرشتیا مەسعود بارزانی، سەرۆکێ هەرێما کوردستانێ و ب ئامادەبوونا ئەندامێن ئەنجۆمەنێ بلند یێ ریفراندۆما سەربەخۆیێ هێتە ئەنجامدان.

بریارە د وێ کۆمبوونێدا گفتوگۆ ل سەر ئەنجامێن سەرەدان و کۆمبوونێن شاندێ ئەنجۆمەنێ بلند یێ ریفراندۆمێ ل گەل بەرپرسێن بلند یێن عێراقێ بهێتەکرن.

رۆژا دوشەمبی 15\8\2017، شاندێ ئەنجۆمەنێ بلند یێ ریفراندۆما سەربەخۆیێ بۆ گفتوگۆکرنێ ل گەل سەرکردێن عێراقێ دەربارەی ریفراندۆما سەربەخۆیا کوردستانێ سەرەدانا بەغدا یا پایتەختێ عێراقێ کریە.

وی شاندێ کوردستانێ بۆ گەهاندنا داخوازیا خەلکێ کوردستانێ بۆ ئەنجامدانا ریفراندۆما سەربەخۆیێ سەرەدانا بەغدا کریە،ژبلی بەرپرسێن بلند یێن عێراقێ،ل گەل باڵیۆزێن وەلاتێن ئەمریکا و ئێرانێ و تورکی ژی کۆمبووینە.

ئه‌نجامێن یاریێن خۆلا یانێن قارەمانێن ئورۆپا

23/08/2017 08:37

ئەڤرۆ نیۆز،زنار تۆڤی:

شڤێدی یاریێن هاتنێ‌ ل‌ قۆناغا بەری دوماهیێ ل خۆلا یانێن‌ قارەمانێن ئورۆپا برێڤەچوون و 5 یانەیان سه‌ركه‌فتنا خوە بۆ قۆناغا كۆمه‌لان مسۆگه‌ر كر و ئه‌نجامێن یاریان ب ڤی رەنگی بوون.

ئه‌ستانا 4 – سێلتیک 3
سیڤیلیا 2–باشاك شه‌هیر 2
ماریبۆر1-ئه‌پۆیل 0
نیس 0–ناپۆلى 2
ریگا0-ئۆلۆمپیاكۆس1

یانێن‌ سه‌ركەفتی ژی پێكهاتبوون ژ سێلتیک، ناپۆلى ، سیڤیلیا ، ئۆلۆمپیاكۆس ، ماریبۆر…

وەزیرێ دەرڤە یێ تورکیا گەهشتە بەغدا

23/08/2017 08:22

ئەڤرۆ نیۆز،زنار تۆڤی:

ل سپێدەهیا ئەڤرۆ چارشەمبی 23.8.2017 مەولود چاوشئۆغڵو وەزیرێ دەرڤە یێ تورکیا گەهشتە بەغدا.

هەروەسا بریارە هەر ئەڤرۆ چاوشئۆغڵو سەرەدانا هەرێما کوردستانێ بکەت و دهێتە چاڤەرێکرن کو ئێک ژ تەوەرێن سەرەکی یێن گفتوگۆیێن وی ل گەل مەسعود بارزانی، سەرۆکێ هەرێما کوردستانێ و بەرپرسێن بلند یێن هەرێما کوردستانێ دانوستاندن ل سەر ریفراندۆما باشۆرێ کوردستانێ بۆ سەربەخۆیێ و چەندین پرسێن دی یێن گرنگ بیت.

پێنج کەس ب گرانی برینداربوون

22/08/2017 21:09

660

ئەڤرۆ نیوز ، هلۆری:
ئێڤاریا ئەڤرۆ لسەر رێکا گشتی دناڤبەرا ناحیا سەرسنک و سوارەتیکا د روودانەکا هاتن و چونێ دا پێنج کەس ب دژواری برینداربوون.
دڤی واریدا سەعید نهێلی شایەتحال و برینپێچێ شارەزا بو ئەڤرۆ نیوز گۆت: ( ئێڤاریا ئەڤرۆ دەردورێن دەمژمێر شەش روودانەکا ترومبێلێ ژ جورێ لێکدان دناڤبەرا دوو ترومبێلان ژ جورێ تەکسی و پرادو دناڤبەرا ناحیا سەرسنک و سوارەتیکا روویدا و د ئەنجامدا پێنج کەس ب گرانی برینداربوون)
زێدەتر گۆت : (روودان ژ ئەگەرا بلەز لێخۆرینا هەردوو ترومبێلان دروستبوویە ، نها چارەسەریا هەموو برینداران ل نەخۆشخانا تەنگاڤیا دهێتەکرن)

خۆلەکا تەپا سەرمێزێ بۆ لاوێن کانی ماسێ هاتە ڤەکرن

22/08/2017 17:34

ئەڤرۆ نیۆز،زنار تۆڤی:

ئەڤرۆ سێشەمبی ۲۲ ـ ٨ ـ ۲۰۱۷ پشکا رێکخراوێن جەماوەری ل لیژنا ناڤچەیا کانی ماسێ یا پارتی دیمۆکراتی کوردستان رابوویە ب ئەنجامدانا خۆلەکا تەپا سەر مێزێ بو هژمارەکا لاوێن ڤێ دەڤەرێ.

حەجی رەشید بەرپرسێ پشکا رێکخراوێن جەماوەری ل لیژنا ناڤچەیا کانی ماسێ بۆ ئەڤرۆ نیۆز دیارکر:هەر د بەردەوامیا بزاڤ و چالاکیێن وان دا ئەڤرۆ لیژنا وان رابوویە ب ڤەکرنا خۆلەکا تەپا سەر مێزێ بۆ هژمارەکا لاوێن سەنتەرێ ناحیاکانی ماسێ ب هەلکەفتا ۱٦ تەباخێ سالرۆژا دامەزراندنا پارتی دیموکراتی کوردستان و ئەڤ خۆلە دێ بۆ ماوێ چەندین رۆژان یا بەردەوام بیت.

د روودانەکا هاتنوچوونێدا کەسەکێ گیانێ خوە ژ ‌ده‌ستدا

22/08/2017 17:16

703

ئه‌ڤرۆ نیۆز،عه‌زیز ره‌سوڵ هه‌ورامانی:

د روودانەکا هاتنوچوونێدا ل‌ سه‌ر رێیا دووكان- سلێمانیێ ل‌ سنورێ ناحیا پیره‌مه‌گرون،دناڤبەرا ترۆمبێلەکا تایبەت و بارهه‌لگرەکێدا،د ‌ئه‌نجامدا شۆفێرێ ترۆمبێلا تایبەت ژ دەستدا.

رائید به‌رهه‌م شێرزاد رێڤەبەرێ پۆلیسێن هاتنوچوونا دووكان بۆ ئه‌ڤرۆ نیۆز راگه‌هاند:پشتی هاتینە ئاگەهدارکرن کو روودانەکا هاتنوچوونێ له سه‌ر رێیا دووكان- سلێمانیێ ل نێزیك ناحیا پیره‌مه‌گرون روودایە و هەر زوو پۆلیس گەهشتینە جهێ روودانێ و ده‌ست ب لێکۆلینان کریە.‌

بەرهەم شێرزاد گوتیە ژی:ئەڤ روودانە دناڤبەرا ترۆمبێلەکا بارهه‌لگر و تایبەت یا رەنگ سپی دا روودایە‌،ب ئەگەرێ ب لەز هاژوتنێ ترۆمبێلا تایبەت کەفتیە ژێر ترۆمبێلا‌ بارهەلگر دا شۆفێرێ ترۆمبێلا تایبەت د جهدا‌ جانێ خوە ژ ده‌ستدایه‌،ته‌رمێ وی ژا هاتیە ڤەگۆهازتن بۆ نوشداریا داد ل سلێمانیێ.

ئاگاداريه‌ك ژ رێڤەبەريا تۆرا پاراستنا جڤاكى ل دهۆكێ

22/08/2017 17:07

638

ئه‌ڤرۆ نيوز:

رێڤەبەرييا تۆرا پاراستنا جڤاكى ل دهۆكێ ئاگاداريا وان كێم ئه‌ندامان دكه‌ت يێن سه‌را نه‌بوونا پشكنينێ مووچێن وان ل بانكان نه‌هاتينه‌ دان و هاتينه‌ راگرتن ل ڕۆژا پێنج شەمبی ۲٤/۸/۲٠۱۷ دێ هێنە مه‌زاختن ، و دياركريه‌ كو دۆماهی ژڤان بۆ وان کێم ئەندامێن تا نها دوبارە پشکنین نەکری رۆژا ۳۱/۸/۲٠۱۷ یە .

بۆ زانین بتنێ ۱٥۹٠ کێم ئەندام ماینە کو تا نها نەچوینە لێژنێ.

بارزانى و وه‌زيرێ به‌ره‌ڤانيا ئه‌مريكا يێ د كومبوونێ دا

22/08/2017 16:57

137

ئه‌ڤرۆ نيوز:

جەیمس ماتیس، وه‌زيرێ به‌ره‌ڤانيا ئه‌مريكا گه‌هشته‌ هه‌ولێرێ و نوكه‌ ل گه‌ل مه‌سعود بارزانى سه‌رۆكێ هه‌رێما كوردستانێ و ژماره‌كا به‌رپرسێن بلند يێن كورد يێ د كومبوونێ دا.

نيشاندان 1...470 1,470 2,470 2,4782,4792,480 3,480 4,480...4,558 زێده‌تر

لاپه‌ر 2,479 ژ 4,558