ئەڤرۆ نیوز ، نەوزاد ھلۆری:
درەنگی یا شەڤا بوری چەکدارێن داعش ب چەکێ گران ڤە ھێرش بو سەر سەنگەرێن پێشمەرگەی ل مێحوەرێ دوزخورماتو ئینا بەلێ ھێرشا وان ژلایێ ھێزێن پێشمەرگەی ھاتە شکاندن و زیان ژی ب وان گەھاندن.
ژێدەرەکێ ژ ھێزێن پێشمەرگەی ل مێحوەری َدوزخورماتو بو ئەڤرۆ نیوز دیارکر کو ھێرش ب چەکێ قورس و ترومبێلێن خوە کوژی بوویە و گۆت: (ھێرش بو سەر گوندێ زەرگە یا باکوورێ رۆژئاڤایێ دوزخورماتو ئینایە کو ئەو ژی فەوجا ئێک یا لیوا ١١ یا ھێزێن پێشمەرگەی ل وان جھان د ئەرک دانە)
زێدەتر گۆت: ( پشتی روو ب روو بوونەکا زور د ئەنجام داە ێزێن پێشمەرگەی شیان ھێرشا وان بشکێنن و زیانەکا زور ژی ب داعش بگەھینن کو ئەو ژی ھژمارەک ژ وان کوشتینە و بریندارکرینە)

ئەڤرۆ نیوز، مەحمود نهێلی
هژمارەکا زورا خەلکێ کومەلگەها قەدشێ یا سەر ب ناحیا سەرسنکی دەست ب خوەنیشاندانێ کریە و جادا سەرەکیا ئامێدیێ بو دهوک گرت.
دڤی واریدا “سەگڤان بەلاڤەی” وەک شاهد حال بۆ ئەڤرۆ نیوز دیار کر ، کو ل دەمێ ئەو گەهشتیە کومەلگەها قەدشێ دیار بوویە کو ئاگر بەر ببوو فرنیەکێ لێ ژ بەر درەنگ گەهشتنا تیمێن ئاگر ڤەمراندنێ فرنی ب تمامی هاتە سوتن و گۆت؛ ژ بەر وێ یەکی و ژ بەر نەبوونا بنکەهێ ئاگر ڤەمراندنێ ل قەدشێ هەژمارەکا هاولاتیێن کومەلگەها قەدشێ دەست ب خوەنیشاندانێ کر و جادا سەرەکیا ئامێدیێ و دهوک گرتیە.
و ئاشکرا کر کو تا نوکە ب ئاسێ ماینە و داخاز کر کو لایەنێن پەیوەندیدار ب هانێ بچن و ئاریشا وانا چارەسەر بکەن.

هەر دفێ دەرباری دا نەشوان حسنی رێڤەبەرێ ناحیا سەرسنکی بۆ ئەڤرۆ نیوز دیار کر کو راستە خەلکێ کومەلگەها قەدشێ هند داخازی هەبوون و جادا سەرەکیا دهوک ئامێدیێ بو ماوێ پێنج دەقیقا هاتبوو گرتن و گۆت ؛ نوکە رێک یا ڤەکریە و هاتن و چون یا ئاسایی یە
هەروەسا دیار کر کو داخازیێن وان ل بەرچاڤ هاتینە وەرگرتن و دێ هەمی بزاڤا کەین چارەسەیا وان ئاریشەیا کەین و داخازیێن وان بجی ئینین

ئەڤرۆ نیوز ، نەوزاد ھلۆری:
ئەڤرۆ ئێڤاری گەنجەکێ شەبەک ل رووبارێ خازر یا سەر ب قەزا بەردەرەش خەندقی.
بێوار عەبدولعەزیز بەرپرسێ راگەھاندنا بەرەڤانیا باژێرێ ل دھۆکێ بو ئەڤرۆ نیوز گۆت: ( ئەڤرۆ ئێڤاری گەنجەک کو کوردەکێ شەبەکە و خەلکێ گوندێ عومەر قامچی یا سەر ب ناحیا باشیک بوو ل رووبارێ خازر یا سەر ب قەزا بەردەرەش خەندقی و تەرمی َوی ژلایێ وەلاتیان ڤە ھاتە دەرئینان و رەوانەیی َنەخۆشخانا داد ھاتەکرن بو زانینا ئەگەرا روودانێ)
زێدەتر گۆت: ( ناڤێ وی عەمار حەمادی یە و ژییِ وی نێزیکێ٢٥ سالایە ، و ب مەرەما مەلەڤانیان قەستا رووبارێ خازرکر بەلێ ب مخابنیڤە خەندقی)