ئەڤرۆ نیوز ، نەوزاد ھلۆری:
دەمەک بەریا نھا دوو وەلاتیێن شنگالێ دبەنداڤا دھۆک دا خەندقین ، و ھەتا نھا تەرمێ ئێک ژ وان نەھاتیە دیتن.
دڤی واریدا بێوار عەبدولعەزیز بەرپرسێ راگەھاندنا بەرەڤانیا باژێری تایبەت بۆ ئەڤرۆ نیوز گۆت: ( ئەڤرۆ ب مەرەما مەلەڤانیان چەند گەنجەکێن شنگالێ قەستا بەنداڤا دھۆک کریە و د ئەنجام دا دوو ژ وان خەندقین )
زێدەتر گۆت: ( تیمێن نقومڤانان تەرمێن وان دەرئیناینە و رەوانەیێ نەخوشخانا داد کرینە)
ئەڤرۆ نیوز ، ھلۆری:
ئەڤرۆ ئەنجومەنا بلند یا کومسیوونا ھەلبژاردن و راپرسیێ دیارکر کو ئەو دکارن ھەلبژاردێن سەروکاتیا ھەرێما کوردستانێ و پەرلەمانی د دەمێ خوە دا ئەنام بدەن.
ژێدەرەکێ ژ کومسیونا بلندا کومسیوونا ھەلبژاردن و راپرسیێ بۆ ئەڤرۆ نیوز گۆت: ( د کومبوونا ئەڤرۆ یا ئەنجومەنا بلند یا کومسیوون و راپرسیێ بەرسڤ و بریارا دوماھیێ لسەر داخوازیا سەرۆکی َھەرێما کوردستانی َمەسعود بارزانی ھاتەدان ئەو ژی ب ئەنجامدانا ھەلبژاردنێن سەروکێ ھەرێما کوردستانێ و پەرلەمانی د دەمێ خوە دا )
زێدەتر گۆت: (کومسیوون دکاریت ل رێکەفتی ١/١١/٢٠١٧ ھەردوو ھەلبژاردنان ئەنجام بدەت)
ئەڤرۆ نیوز ، نەوزاد ھلۆری:
دەمەک بەریا نھا ھێزەکانی سوپایێ عیراقێ بەر ب ئاراستەیێ تەعەلفەر چوون و کەفتینە د حالەتێ بەرھەڤیی دا بو لێدانا داعش ل قەزا تەلەعفەر.
دڤی واریدا فەریق جەودەت ژ ھێزا پولیسێن فیدرالی دیارکر کو وەکو خوە بەرھەڤکرن بو شەرێ ل گەل داعش و دەرکرنا وان ل قەزا تەلەعفەر ئەوان ھێزەکا زور بەر ب ئاراستەیێ تەلەعفەر بریە و چەکێ گران و ھێزەکا زورا چەکدار پێکدھێت.
ل بارا ئەو د کیژان جھی را گەھشتینە تەلەعفەر و دێ ل کیڤە جێگیربن ناڤبری گۆت: ( ئەڤ یەک پلانەک سەربازی یە و نکارین روون بکەین )
ئەڤرۆ ، نەوزاد ھلۆری:
ئەندامەکێ پەرلەمانێ کوردستانێ دیارک رکو پێدڤی یە ل گورەی بریارا ئەنجومەنا وەزیران ھەموو بنگەھێن ساخلەمیێ و نەخۆشخانە پێگیریێ ب سیستەمێ راوێژکاریا ئێڤاران بکەن.
دڤی واریدا بەھزاد دەروێش ئەنجامێ پەرلەمانێ کوردستانێ بۆ ئەڤرۆ نیوز گۆت: (پشتی کو مە دوچڤوون لسەر رەوشا راوێکاریا بنگەە و نەخوشخانەیێن ئێڤاران کری کو ھندەک ژ نوشداران پێگریێ ب سیستەمێ راوێژکاریا ئێڤاران ناکەن ، ئەڤ د دەمەکێ دایە کو ئەنجومەنێ وەزیران و ھەردوو وەزارەتێن ساخلەمی و دارایی ژی رەزامەندی و بریار لسەر دایە )
زێدەتر گۆت: ( پێدڤی یە وەزارەتا ساخلەمیێ لێژنەکێ پێک بینیت و دیفچوونەکا جدی ل گەل رێڤەبرێێن ساخلەمیێ ل ھەموو دەڤەر و باژێرک و باژێران بکەت ل داکو ھەموو نوژدار پێگیریێ ب ڤی سیستەمی بکەن ژبەرکو دێ پێشکنین و نەشتەرگەری بۆ ھاولاتیان ھێنە کرێن ب بھایەکێ کو ۳٠٠٪ کێمترە ژ بھایێن نەخوشخانێن تایبەت، و ھەیڤانە ھزارەھا نێشتەرگەری دێ ھێنە ئەنجامندان کو ب ملیارەھا دینارا بۆ ھاولاتیان دێ زڤرینیتەڤە، بۆ نمونە بەس نەخوشخانا گولان یا ئاکرێ ھەیڤێ دێ شێت زێدەتر ژ ٥٠٠ نەشتەرگەریا ئەنجام بدەت ، داھاتەک دی بۆ کارمەندێن ساخلەمیێ زڤرێت کو رێژا ۸٠٪ بو نوژدار و فەرمانبەرایە ب تایبەت فەرمانبەرێن مووچێن وان یێ کێم ، و ئەنجامدانا نەشتەرگەرێن ب لەز (نەک تەنگاڤ) د وەختێ گونجاودا ھێنەکرێن ب تایبەت ئەو نەخوشێن سێرا وان ل سپێدەھیا یا دویر بیت)
دیارکر ژی کو ئەڤ سێستەم نابیتە پێگورک بو سیستەمێ سپێدەیان بەلکو تەمامکەرە.
ئه‌ڤرۆ نیوز :
سه‌رۆكوه‌زیرێن ئسرائیلێ د گه‌ل 33 كۆنگرێسمانێن پارتیا كۆماری یا ئه‌مریكا ب ئه‌رێنی به‌حسێ سه‌رخوه‌بوونا هه‌رێما كوردستانێ كر.
ل گۆری رۆژنامه‌یا ئۆرشه‌لیم پۆست یا ئسرائیلی، بنیامێن نه‌ته‌نیاهۆ ل پێنجشه‌مبا بۆری د گه‌ل 33 كۆنگرێسمانێن پارتیا كۆماری یا ئه‌مریكا كۆم بوو، د كۆمبوونێ دا نه‌ته‌نیاهۆی به‌حسێ سه‌رخوه‌بوونا كوردستانێ كرییه و “هه‌لوه‌ستێ خوه یێ ئه‌رێنی” ده‌ربرییه ژ چێبوونا ده‌وله‌تا كوردستانێ ل هه‌رێما كوردستانێ و گۆتییه ژی ” كورد د ئازانه و پشته‌ڤانییا وه‌لاتێن رۆژئاڤا و بنه‌مایێن وان دكه‌ن”
نه‌ته‌نیاهۆ گه‌له‌ك كێم ب ئاشكرایی به‌حسێ مژارا كوردان دكه‌ت، ژبه‌ر هه‌لوه‌ستێ ئه‌مریكا كو دوپاتیێ ل ئێكه‌تییا ئاخا ئیراقێ دكه‌ت، هه‌روه‌سا ژبه‌ر هه‌ستیارییا توركیا ژ مژارا كوردی ژبه‌ر ترسا وێ ژ كوردێن باكۆر.
داوی جار ل سالا 2014ێ بوو ده‌مێ نه‌ته‌نیاهۆی د گۆتاره‌كێ دا ل ته‌ل ئه‌ڤیڤ ب ئاشكرایی گۆتی كو پێدڤییه ئسرائیل پشته‌ڤانییا حه‌زا كوردا بۆ سه‌رخوه‌بوونێ بكه‌ت.
مژارێن دی یێن كۆمبوونا نه‌ته‌نیاهۆ د گه‌ل كۆنگرێسمه‌نان دا مژارێن ئورشه‌لیمێ و ئیرانێ بوون ژبه‌ركو ئسرائیل دلگرانه ژ به‌لاڤبوونا هه‌ژموونا ئیرانێ ل ئیراق و سووریێ و لبنانێ.
ئه‌ڤرۆ نیوز: ڤه‌ده‌ر ره‌شاڤایی:
ره‌ڤه‌ندا كورد ل باژارێ ناشڤیل یێ ئه‌مریكا خرڤه‌بوونه‌كا مه‌زن ده‌ستپێكر ب مه‌ره‌ما نیشاندانا پشته‌ڤانییا خوه بۆ رێفراندۆما 25 ئیلۆنێ و سه‌رخوه‌بوونا هه‌رێما كوردستانێ.
كوردان ب به‌رهه‌ڤبوونا نوونه‌رێن حكومه‌تا هه‌رێمێ ل ئه‌مریكا خرڤه‌بوونا خوه ب ئالایێن كوردستانێ خه‌ملاندن و گه‌شبینییا خوه بۆ كوردستانه‌كا سه‌ربخوه دیار كر.
باژارێ ناشڤیل ل ئه‌مریكا ب كوردستانا بچووك یا ئه‌مریكا دهێته نیاسین ژبه‌ر هه‌بوونا هه‌ژماره‌كا به‌رفه‌رههـ یا ره‌ڤه‌ندا كورد.
فوتو و زانیاری ، سەباح زهێر زێباری:
هاڤینگەها گەلیێ دوپرێ ئێکە ژ هاڤینگەهێن هەری خوش ل سنوورێ قەزا ئاکرێ کو دکەڤیتە روژئاڤایێ دەڤەرا نەهلێ یا سەر ب ناحیا دینارتە.
هاڤینگەه دکەڤیتە ناڤ گوندێ دوپرێ کو هەر بناڤێ دوپرێ هاتیە ناڤکرن کو جهەکێ جوان و سەرنجراکێش و خوش و تەژی ئاڤ و دارو بار و بەرێن مەزنە ، ئەڤە سەرەرای کو ئاڤا وێ جوان و سار و ساخلەمە و جهێن تایبەت بو مەلەڤانیان تێدا هەنە.
رێباس فارس ئێکە ژ هاولاتیێن گوندێ دوپرێ بۆ ئەڤرۆنیوز گۆت: ( خەلکەکێ زور قەستا ڤێ هاڤینگەهێ دکەت ژ بەرکو جهەکێ خوش و فێنکە هەیە ، بەلێ ئاریشە ئەوە کو وەکو پێدڤی خزمەت بۆ نەهاتیەکرن تایبەت رێکا چونا وێ گەلەک یا نەخوشە، ژبەر هندێ پرانیا گەشتیارێن وێ هاڤینگەهێ نافخوی پێکدهێت ، دنخوازێ ژ جهێن شولەژێ دکەین کو وان خزمەتێن پێدڤی بو هاڤینگەها دوپرێ دابین بکەن)
ئەڤرۆ نیوز ، نەوزاد هلۆری:
ئەڤرۆ ئێڤاری لسەر گۆرستانا جینوسایدا بارزانیان کەس وکارێن جینوسایدکریان لسەر گۆرێن باب و برایێن خوە پشتەڤانیا خوە بو ریفراندۆمێ دوپات کر.
دڤی واریدا رێبوار رەمەزان رێڤەبەرێ رێڤەبەریا کاروبارێن شەهید و ئەنفالۆرێن بارزان بۆ ئەڤرۆ نیوز گۆت: ب مەرەما پشتەڤانیکرن بو سەرئێخستنا ریفراندۆمێ ئەڤرۆ ئێڤاری کومەکا گەنج و کەس و کارێن جینوسایدا بارزانیان سەرەدانا گورستان و کێلیێن جینوسایدا بارزانیان کر ژبەرکو ئەڤ ئازادیا ئەم تێدا دژین بەرهەمێ خوینا وایە)
ئەڤرۆ نیوز:
لژنەیا نەزاھێ یا ئیراقێ ئاشکرا کر کو مەجید ئەلنەسراوی، پارێزگارێ بەسرا پشتی تەمامکرنا کۆنگرەیێ خوە یێ رۆژنامەڤانی و بەری بریارا قەدەغەکرنا دەرکەفتنا وی ژ وەلاتی بھێتە دان شیا برەڤیتە ئیرانێ.
لژنەیا نەزاھێ خویا کر کو زانیاریێن بریارا وان یا قەدەغەکرنا ھاتنووچوونا ئەلنەسراوی ژ ئالیێ کارمەندەکی گەندەل یێ لژنەیا وان ڤە بۆ ناڤھاتی ھاتییە ئاشکرا کرن لەورا پارێزگەرێ بەسرا شیایە بەروەخت برەڤیت.
ب سووچا گەندەلیێ لێپرسین د گەل ئەلنەسراوی دا ھاتبوو کرن، ناڤھاتی پشتی گڤاشێن بەرپرسێن پارێزگەھێ و ملا خوە، دەستژکارکێشا و گۆتارەک پێشکێش کر، پشتی دەمژمێرەکێ ژ وی گۆتارێ بەر ب ئیرانی ڤە رەڤی، ل گۆری گۆتنا وی ئەو نەچار بوو برەڤیت.
لژنەیا نەزاھێ داخواز ژ وەزارەتا دەرڤە یا ئیراقێ کر د گەل حکومەتا ئیرانی ڤەگەراندنا وی مسوگەر بکەن.
ئەڤرۆ نیوز ، نەوزاد هلۆری:
رێڤەبەریا گشتی یا حەج و عومرەیا هەرێما کوردستانێ دیارکر کو هەرکەسێ حەزا چونا حەجێ هەبێت دکاریت ل گۆرەی هندەک مەرجان بیت کو ئێک ژ وان دانا پارەیەکێ زێدەترە.
دڤی واریدا “قاسم رەسووڵ بەرزنجی ” رێڤەبەرێ رێڤەبەریا گشتی یا حەج و عومرەیا هەرێما کوردستانێ دیارکر کو سعودیێ رەزامەندی دەربری یە کو 680 کەسێن دن ل هەرێما کوردستانێ بو مەرەما حەجێ وەربگریت و بۆ ئەڤرۆ نیوز گوت: (هەموو کەس دکارن مفای ژ ڤێ دەلیڤێ وەربگرن ، بەلێ بو ئەڤان کەسان چوو جه نەهاتینە دەستنیشانکرن ژبەرڤێ ئێک ژ مەرجێن وێ ئەوە کو دێ زێدەتر پارە ژ وان هێتە وەرگرتن)
زێدەتر گۆت: (هەر کەسەکێ بکاریت ئێک ژ وان دەلیڤێن لسەری دەستخوڤە بینیت پێدڤی یە کوژمێ شەش هزار دولاران بدانیت ، و ژبلی ئەڤان کەسان ئەڤ سالە ب رێیا تیروپشتێ سێ هزار 650 کەس چوێنە حەجێ و هەر ئێک ژ وان ژی کوژمێ سێ هزار 600 دولار ژێ هاتینە وەرگرتن)
نيشاندان