ئەڤرۆ نیوز ، نەوزاد ھلۆری:
ئەڤرۆ سپێدێ12 ئاب 2017  کوردێن شەبەک ل قەزا بەردەرەش یا سەر ب پارێزگەھا دھۆک کونفرانسەکێ تایبەت ل بارا رەوشا کوردێن شەبەک ئەنجامدا و دانوستاندن لسەر چەند پرسەکان كر و وەسا بریارە ھەتا دەمژمێر شەش بەردەوام بیت.
دڤی واریدا مەلا سالم جومعە ئەندامێ کوردێن شەبەک ل ئەنجومەنا پارێزگەھا موسل دیارکر کو ئەوان دڤێت ب زوترین دەم پارێزگەھا دەشتا نەینەوا بھێتە درۆستکرن و بۆ ئەڤرۆ نیوز گۆت: ( ئەڤرۆ کوردێن شەبەک ل قەزا بەردەرەش کونفرانسەکێ تایبەت لسەر رەوشا گوندەوار و رەوشا کوردێن شەبەک ل عیراق و ھەرێما کوردستانێ ئەنجام دا و تێدا چەندین تەوەرێن گرنگ ھاتنە بەحسکرن ژ وانان رەوشا ژین و ژیارا کوردێن شەبەک ل دەشتا نەینەوا و دەڤەرێن ڤەقەتیایێن ھەرێمێ و دیسان ئەوان گوندێن کو ژئالیێ حەشد شەعبی ڤە ھاتینە کونترولکرن ، و تەوەرەکی َدن ژی تایبەت بوو لسەر پشکداریا کوردێن شەبەک ل ریفراندۆما ھەرێما کوردستانێ)
زێدەتر گۆت: ( حەشد شەعبی نەھێلا کو نونەرێن کوردێن شەبەک ل وان گوندێن لژێر دەستھەلاتا وان پشکداری کونفرانسی ببن ، ئەم ب چوو رەنگان ناخوازین کو گوندێن مە لژێر دەستھەلاتا ھێزێن حەشد شەعبی بن ژ بەرکو ئەو ھێزەک نەقانون و چەندین پێشیلکاری بەرامبەر کوردێن شەبەک کرینە ، داخوازێ ل حکومەتا ھەرێم و عیراقێ دکەین کو ب زوترین دەم ھێزێن حەشد شەعبی گوندەوارێن مە چول بکەن و دبەرامبەر دا دخوازین کوە ێزێن پێشمەرگەیان ل ھەموو دەڤەرێن مە بھببن ژ گوگجەلی ھەتا دەشتا نەینەوا و ھەمو جھان)
ناڤبری دیارکر ژی کو ٣٥ گوندێن بەشەکان ژلایێ ھێزێن حەشد شەعبی ھاتینە کونترولکرن و ئالوزیان ل دەڤەرێ درۆست دکەن و گۆت ژی : ( مە دڤێت پشکداریێ د سەرئێخستنا ریفراندۆما ھەرێما کوردستانێ بکەین داکو ل ئێدی دەڤەرێن کوردێن شەبەک ببنە پشکەک ژ ئاخا ھەرێما کوردستانێ وەکو چەوا بەری نھا ھەر سەر ب ئاخا کوردستانێ ڤە بوینە )
مەلا سەلیم دیارکر ژی کو ئەو دخوازن ل دەشتیا نەینەوا پارێزگەھەک بھێتەچێکرن و ئەو ژی ببنە پشکەک ژ ئەوێ پارێزگەھێ و گۆت ژی : ( کوردێن شەبەک پێکدھێن ژ ٥٧ گوند و ناحیان ل دەشتا نەینەوا و ژ ئەڤان ھەمووان بتنێ ٢٢ گوند ژ لایێ ھێزێن پێشمەرگەی ڤە دھێنە پاراستن و وەلاتیێن وان گوندان بێ ترس و ئاریشە دژین و چوو ئاریشە نینن)

ئەڤرۆ نیوز ، نەوزاد ھلۆری:
وەسا بریارە ئەڤرۆ د کونفرانسەکێ دا کوردێن شەبەک ل قەزا بەردەرەش دانوستاندنێ لسەر ڤەگەراندنا گوندێن خوە بکەن بو سەر کوردستانێ و دخوازن کو حەشد شەعبی گوندێن وان چول بکەن ، و دێ یاداشتەکێ ژی بو ھەردوو حکومەتێن ھەرێم و بەغدا فرێکەن.
غەزوان داود نونەرێ کوردێن بەشەک ل ئەنجومەنا پارێزگەھا موسل بو ئەڤرۆ نیوز گۆت: ( ئەڤرۆ ل قەزا بەردەرەش دێ کونفرانسەکێ تایبەت ل بارا دەڤەر و گوندێن شەبەکان ل سنوورێ دەڤەرێن ڤەقەتیایی ھێتە ئەنجامدان و تێدا دێ یاداشتەک بو حکومەتا عیراق و ھەرێما کوردستانێ ھێتە بلندکرن بو ڤەگەرانا دەڤەر و گوندێن شەبەک بو سەر ھەرێما کوردستانێ و ژێر دەستھەلاتا پێشمەرگەیان)
زێدەتر گۆت: ( ھندەک گوندێن بەشەکان ژلایێ حەشد شەعبی ھاتینە کونترولکرن و دخوازن کو حەشد دەرکەڤیت و پێشمەرگە ئەوان دەڤەرا بپارێزن)
ل گورەی ئاخفتنێن غەزوان کوردێن بەشەک دخوازن پشکداریێ د ریفراندۆم و سەربخویی یا کوردستانێ دا بکەن و گۆت ژی: (دخوازین کو ھێزەکا پێشمەرگەیان ل گوگجەلی بھێتە دانان و مەژی دڤێت ئێدی دەڤەر و گوندێن مە بھێنە پاراستن)