ئەڤرۆ نیوز ، ھلۆری:
خانمە ھونەرمەندا بوارێ دراما و سینەمایی بویە ئێک ژ 100 کەساتیێن بناڤ و دەنگ لسەر ئاستێ جیھانا عەرەبی.
ل گورەی گوڤارا فوربس چاپا رۆژھەلاتا ناڤەراست ھونەرمەندا کچ نەسرین تافش کوئێکە ژ ھونەرمەندێن بوارێ دراما و سینەمایی بویە ئێک ژ 100 کەساتیێن ناسیار لسەر ئاستێ جیھانا عەرەبی و ئەڤە د دەمەکێ دایە کو بەری نھا چوو جاران نەھاتبویە د لیستا وان دا.
ئەڤرۆ نیوز ، نەوزاد ھلۆری:
دەمەک بەریا نھا سەرۆکێ ھەرێما کوردستانێ و وەزیرێ دەرڤەیێ ئەمریکا د پەیوەندیەکا تێلەفونی دا دانوستاندن لسەر پرسا ریفراندومێ و چەند پرسەکێن دن ئەنجام دا و وەزیرێ
ل گورەی راگەھاندنەکا سەروکاتیا ھەرێما کوردستانێ ئێڤاریا ئەڤرۆ رێکس تیلەرسون وەزیرێ دەرڤەیێ ئەمریکا د پەیوەندیەکا تێلەفونی دا لگەل مەسعود بارزانی سەرۆکێ ھەرێما کوردستانێ ئەنجامدا و تێدا دانوستاندن لسەر چەند پرسەکێن عیراقێ و ھەرێما کوردستانێ کر و بابەتێ ریفراندۆمێ ژی ئێک بوو ژ تەوەرێن وان.
وەزیری َدەرڤەیێ ئەمریکا ب بارزانی زێدەباری دەستخوشیکرن ل ھێزێن پێشمەرگەی بەرامبەر شکاندنا تیرورستێن داعش و پیروزباھیێن سەرکەفتنێن مەزنێن پێشمەرگەی و سەرەخوەشیکرن ل کەل و کارێن شەھیدان و گۆت: (دەستخوشیێ ل سەورک بارزانی و سەرکرداتیا سیاسیا کوردستانێ دکەین ل بارا بریارا پێکئینان و ھنارتنا شاندەکێ بلندیێ ھەرێما کوردستانێ بو بەغدا ب مەرەما دانوستاندن لسەر پرسێن سیاسی ، و ئەم وەکو ئەمریکا ب باش دزانین کو ریفراندۆم بھێتە پاشئێخستن و پشتەڤانیا خوە ژی بو دانوستاندنێن دناڤبەرا ھەرێم و بەغدا دوپات دکەین )
ژلایەکێ دن ڤە سەرۆکێ ھەرێما کوردستانێ مەسعود بارزانی زێدەباری سوپاسیکرنا وەزیرێ دەرڤەیێ ئەمریکا گۆت: ( سوپاسیا ئەمریکا دکەین بو وان ھەڤکاریێن کو بو ھێزێن پێشمەرگەیان کری دژی تیرورستێن داعش ، و ل ڤان نێزیکان دێ شاندەکێ ھەرێما کوردستانێ سەرەدانا بەغدا کەتن بو دانوستاندن لسەر چەند پرسەکێن گرێدای دناڤبەرا ھەرێم و بەغدا )
بارزانی زێدەتر گۆت: ( ئەو پێکڤە ژیانا ل کوردستانێ د دەمێن بوری دا و ل چەندین قوناغێن بوری ل گەل عیراقێ بوراندی دەولەتا عیراقێ چوو بزاڤ بو بجھکرنا وان نەکرینە ، ژبەرڤێ یەکێ گەلێ کورد رێگا خوە گرتیە بەر ، و ئەم پرسیارێ ل ھەوە دەکەین ئەرێ گەلو بەرامبەر پاشئێخستنا ریفراندۆمێ چوو گەرنتیەک و پێگورکەک ھەیە بو پاشەرۆژ و دیارکرنا چارەنڤیسێ گەلێ کورد)
ھەر د پەیوەندیا تەلەفونی یا دناڤبەرا بارزانی و وەزیرێ دەرڤەیێ ئەمریکا ئەو یەک ژی ھاتیە دیارکرن کو ھەردوولایان ھەڤکارن بو پێڤاژ و ھەموو پێشھاتێن سیاسیێن پاشەرۆژی بەردەوام بن.
ئەڤرۆ نیوز ، ھلۆری:
ئەڤرۆ ل ھەولێر کومسیونا بلندا سەربخویا ھەلبژاردن و راپرسیێ کومبو ، پشتی کو چەند دانوستاندنێن تایبەت لسەر ریفراندۆما ھەرێما کوردستانێ کری بریار ھاتەدان کو رەڤەندا کورد ل جیھانێ ب رێیا ئەلیکترونی دەنگی خوە بدەن.
ل گورەی ئەوان زانیاریێن کو دەست ئەڤرۆ نیوز کەفتی پشکەکا کومبوونا ئەڤرۆ یا کومسیوونا بلندا سەربخوە و راپرسیێ یا ھەرێما کوردستانێ تایبەت بوویە لسەر چارەسەرکرنا ئاریشیە و شێوەیی َدەنگدانا وەلاتیێن باشوورێ کوردستانێ ئەڤێن کو وەکو رەڤەندا کوردی ل دەرڤەیێ ھەرێما کوردستانێ دژین و دکومبوونی َدا بریار ھاتەدان کو ھەر کوردەکێ ئاکنجیێ ھەرێما کوردستانێ بیت و ل دەرڤە بژیت دێ ب رێیا ئەلیکترونی دەنگێ خوە د ریفراندۆما ھەرێما کوردستانێ دەن.
دھێتە زانین کو ئێکەمین جارە سیستەمێ ئەلیکترونی بو دەنگدانەکا کوردستانێ دھێتەدانان.
ئەڤرۆ نیۆز، عەزیز ھەورامانی:
ب ھەلکەفتا رۆژا جیھانیا لاوان و لژێر درۆشمێ لاوێن کورد ھەردەم پێشەنگن د کەش و ھەوایەکێ خوش و ئارام دا و ب بەرھەڤبوونا ھژمارەکا زور یا گەنج و لاوان ئەڤرۆ رێڤەبەریا ھونەری و رەوشەنبیری یا شارەزوور کونسێرتەکا موزیکێ بو گروپەکێ موزیکژەنێن دەڤەرێ ئەنجامدا.
مەریوان تۆفیق رێڤەبەریا ھونەری و رەوشەنبیری یا شارەزوور ئەڤرۆ نیۆز گوت : (رێڤەبەریا ھونەری و رەوشەنبیری یا شارەزوور ب ھەڤکاری لگەل ناڤەندا وەرزشی و لاوێن شارەزور و رێکخراوا گەشەپێدانا جڤاکی ب ھەلکەفتا رۆژا جیھانیا لاوان کونسێرتەکا موزیکێ بو گرۆپێ موزیکا چامە ئەنجام دا و چەندین ستران و موزیک و ھوزان ھاتنە گوتن و خواندن)
ئەڤرۆ نیوز ، نەوزاد ھلۆری:
ئەڤرۆ ئاوارەیەکێ عەرەب ل رووبارێ خارز ل سنوورێ پارێزگەھا دھۆک خەندقی ، پشتی کو تیمێن بەرەڤانیا باژێری تەرمی وی دەرئینایی ، بو کەس و کارێن وی ھاتە رەوانەکرن.
دڤی واریدا حەیدەر بلباس بۆ ئەڤرۆ نیوز گۆت: ( ئەڤرۆ رۆژا ھەینی ل دەما مەلەڤانیکرنێ ل رووبارێ خازر یا سەر ب قەزا بەردەرەش ئاوارەیەکێ عەرەب خەندقی )
زێدەتر گۆت: ( ئەڤ ئاوارەیە ھاولاتیەکێ موسل بو و ل کەمپا سێفدیدان کو دکەڤیتە دناڤبەرا موسل و قەزا خەبات دا ئاکنجیە و ناڤێ وی بەسام ئەحمەد و ژ دایکبوویێ سالا ١٩٨٦ ، تەرمێ وی ژلایێ بەرەڤانیا باژێری ل قەزا خەبات ھاتیە دەرئینان و بو کەس و کارێن وی ھاتیە رەوانەکرن)
دھێتە زانین ئەڤ سالە ل سنوورێ قەزا خەبات ١٤ کەس خەندقینە.
ئەڤرۆ نیوز ، نەوزاد ھلۆری:
موقتەدا سەدر سەرۆکێ سەروتێ سەدر دیارکر کو ئالوزیێن عیراقێ ب تایبەتی یێن حکومەتێن بەری نھایێن عراقێ بوینە سەدەم کو کورد داخوازا جودابوونێ بکەن و جودا بونا کوردان ژی دێ ئاریشەیان ل نافخوە و دەرڤەیا عیراقێ درۆست دەت.
موقتەدا سەدر دچارچوڤێ چاڤپێکەفتنەکێ ل گەل رژناما شەرقولئەوسەدا سعودیی دیارکر کو ئالوزیێن عیراقێ ب تایبەتی یێن حکومەتێن بەری نھایێن عراقێ بوینە سەدەم کو کورد داخوازا جودابوونێ بکەن و گوتۆ: ( جودابوونا کوردان ل عیراقێ دێ ئاریشەیان ل نافخوە و دەرڤەیا عیراقێ درۆست دەت ، مە نەڤێت کو گڤاشتنان ل کوردان بکەین و من پەیوەندی ب دەستھەلاتداریا کوردان ل ھەرێمێ کریە کو ھەر چوو نەبێت ریفراندومێ پاشبێخن و ئەگەر نەکەت ژی ھێشتا باشترە)
زێدەتر گۆت: (کورد ئێکە ژ پێکھاتەیێن عیراقێ و مە دڤێت ھەر ل گەل عیراقێ ب مینیت بەلێ ژ ئەگەرا ھندەک ئاریشەیێن حکومەتێن بەری نھایێن عیراقێ بوینە سەدەم کود نھادا کورد داخوازا جوودابوونێ بکەن ، بێگومان ئەڤێ یەکێ ژی کارتێکرن بو سەر عیراقێ دناڤخوە و دەرڤە ھەیە و ھەبوونا کوردان لگەل عیراقێ جورە دیموکراسیی و ئازادیەکا زێدەتر ددەتن عیراقێ )
ئەڤرۆ نیوز ، نەوزاد ھلۆری:
پشتی کو چەند دەزگەھێن راگەھاندن و مالپەر و پێگەھێن تورێن جڤاکی دایە دیارکرن کو وەسا بریارە دونالد ترامپ سەرۆکێ ئەمریکا ئوتێلەکا شاناھە ل ھەولێر درۆست بکەت ، حکومەتا ھەرێما کوردستانی َھاتە دەنگ و دیارکر کو چوو تشتێن فەرمی نینن بو دروستکرنا ئوتێلا ترامپ ل ھەولێر.
دڤی واریدا نادر روستایی ئاخفتنکەرێ دەستەیا گەشتوگوزار یا سەر ب حکومەتا ھەرێما کوردستانێ بۆ ئەڤرۆ نیوز گۆت: ( ھەتا نھا حکومەتا ھەرێما کوردستانێ چوو تشتێن فەرمی ل بارا ڤێ یەکێ نەداینە دەست مە و ھەردەما کو ئەڤ یەک بویە تشتەکێ فەرمی ل وی دەمی حکومەت ژی دێ ب فەرمی ھەلویستێ خوە راگەھینیت )
زێدەتر گۆت: (ڤەکرنا ئوتێلەکا شانانە ژلایی َسەرۆکێ ئەمریکا ل ھەولێر ب راستی تشتەک گرنگە ب تایبەتی ژی کەساتیەکێ مەزنی َسیاسی و ئابووری ، و ئەڤ یەک دێ بیتە سەدەم کو ھژمارکا زور یا گەشتیارێن بیانی بھێنە کوردستانێ و پێگەھێ گەشتوگوزارا ھەرێمی ژی دێ بەر ب باشتر ڤە چیت)
روستایی دیارکر ژی کو پێشتر ژی ژلایێ چەندین براندێن جیھانی لقێن ئوتێل و کومپانیان ھاتینە ڤەکرن و گۆت ژی : ( براندێن جیھانی ل کوردستانێ دێ کەرتی َگەشتوگوزار و دەستی َکار ڤەوژینیت ژبەرکو ھەمان ئەو خزمەتگوزاریێن ل جیھانێ پێشکێش دکەن ل ھەولێر و کوردستانێ ژی پێشکێش دکەن)
ئەڤرۆ نیۆز،زنار تۆڤی:
ل رۆژا پێنجشەمبى ٢٠١٧/٨/١٠ و ل دەمژمێر ١٢:٣٠ خۆلەکی نيڤرۆ ل جادا ئيبراهيم خەليل بۆ دێرەبوونێ ترۆمبێلەکا شۆفرلێت ئەڤیۆ یا تايبەت یا رەنگ رەش خوە ل كلبستۆنێ نيڤا جادێ دایە و د وێ روودانێ دا ژنەکێ گيانێ خوە ژ ده ستدایە و 2 کەسێن دی ژی بگرانی بريندار بووینە،هەروەسا زيانێن ماددی یێن مەزن گەهشتینە وێ ترۆمبێلی ژی.
ئەڤرۆ نیۆز،زنار تۆڤی:
ل رۆژا پێنجشەمبى ٢٠١٧/٨/١٠ و ل دەمژمێر ١٢:٣٠ نيڤرۆ ل جادا ئيبراهيم خەليل بۆ دێرەبوونێ ترۆمبێلەکا شۆفرلێت ئەڤیۆ یا تايبەت یا رەنگ رەش خوە ل كلبستۆنێ نيڤا جادێ دایە و د وێ روودانێ دا ژنەکێ گيانێ خوە ژ ده ستدایە و 2 کەسێن دی ژی بگرانی بريندار بووینە،هەروەسا زيانێن ماددی یێن مەزن گەهشتینە وێ ترۆمبێلی ژی.
ئەڤرۆ نیوز ، ھلۆری:
ب مەرەما رێزگرتن ل خەبات و قوربانیدانا وان بو پاراستنا ئاخا کوردستانێ و شەرکرن ل گەل تیرورستێن داعش داکو نەھێنە ناڤا ئاخا ھەرێما کوردستانێ ، ئێڤاریا ئەڤرۆ ل قەزا زاخۆ 16 پێشمەرگە ھاتنە خەلاتکرن.
دڤی واریدا رەمەزان دەشتمری بەرپرسێ سەنترێ رەوشەنبیریێ زاخۆ بۆ ئەڤرۆ نیوز گۆت: (ب مەرەما رێزگرتن ل خەبات و قوربانیدانا وان پێشمەرگێن قارەمان ئەڤێن کو بو پاراستنا ئاخا کوردستانێ و شەرکرن ل گەل تیرورستێن ژیانا خوە ئێخستیە مەترسیێ و کار بو رزگارکرنا کوردستانێ کری ب تایبەتی ل دەما کارەساتا شنگالێ و ب مێرخاسانە و قارەمانانە بەرەڤانی ل شنگالێ کری ئەڤرۆ مە 16پێشمەرگە خەلاتکرن)
زێدەتر گۆت: (ئەڤ چالاکیە ژی ب ھەلکەفتا ھەردوو بیرەوەریێن کارەساتا شنگال و 16ێ ب ھەڤکاریا باژێرڤانیا زاخو ھاتنە ئەنجامدان)
نيشاندان