وێنەگر و راپۆرت ، نەوزاد ھلۆری:
ب مەرەما پەیداکرنا پاریێ ژیانێ بو خێزان و 10 زاروکێن خوە وەلاتیەکێ ناحیا دێرەلوک 27 سالە ب ترومبێلێ نەفەران ڤەدگوھێزیت ئەڤە سەرەرای کو پەککەفتیە و پیەکێ خوە ژ دەستدایە ، ددەتن دیارکرن کود ڤان سالێن بوری دا ئەوی چوو روودانێن ھاتن و چونێ نەکریە و 90% ژی نەفەرێن وی ب رێیا تێلەفوونێ نە.
تەتەر مێزی ئەو وەلاتیە بو ئەڤرۆ نیوز گۆت: (ژ ئەگەرا بومبەکا چاندی یا رژێما بەعس ل دەڤەرا چەلێ من پیەکێ خوە ژ دەستدا ، بەلێ پشتی کو ئەم زڤرینەڤە سەر وار و جھێن خوە ، من ترومبێلەک بخوە کری و دەست ب ڤەگوھاستنا نەفەران کر و ئەڤە 27 سالە ئەز ب ترومبێلا خوە نەفەران دناڤبەرا شێلادزێ و دێرەلوک و دەوروبەران ڤەدگوھێزم و ھەتا نھا ژی من چوو روودانێن ھاتن و چونێ نەکرینە ئەگەر ژی ئەوە کو چوو جاران ئەز بلەزاتیا 100 نابورم و پێگریەکا تەمام ب رێنمایێن ھاتن چوونێ دکەم و من باوەری ب وێ یەکی َھەیە کو درەنگ گەھشتن باشترە ژ ھەر نەگەھشتنێ)
زێدەتر گۆت: ( 90% ژ وان نەفەرێن ئەز دئینم و دبەم ھەموو ب رێیا تێلەفوونێ نە و زور کێم دچمە گەراجێ ، و ئەز بو نەفەرەکی و دوو نەفەران ژی دچمە شێلادزێ و دزڤرم ڤە و خەلکی زور باوەری ب من ھەیە و ھەمووان ھژمارا تێلەفوونا من خەزنکریە)
تەتەر ل سالا 1965 ل گوندێ مێز یا سەر ب دەڤەرا رێکان ژ دايکبوویە و ل ناحیا دێرەلوک ئاکنجیە و خێزاندارە و 10 زاروک ھەنە و گۆت ژی: ( ژبلی کارێ ڤەگوھاستنا نەفەران چوو کارێن دن نینن و ئەگەر من ھەبیت ژی نکارم بکەم ژبەرکو پەککەفتیمە ، و موچەیی َمن یێ پەکفتیێ ژی گەلەک کێمە کو ئەو ژی بتنێ 90 ھزار دینارن و ھەر جار ژی گەلەک گیرو دبیت )
تەتەر مێزی ژمالەکا کوردپەروەرە و ھەتا نھا زێدەتری چوار شەھیدان د مالا وان دا ھەنە و دشەرێ دژی داعشێ ژی دا دوو کەسێن وان شەھید بووینە و گۆت ژی: (ھیڤیا من ئەوە بەری بمرم دەولەت بونا کوردان ببینم بەلکو ئێدی ئەم ژی بشێن وەکو ھەموو جیھانێ بێی ئاریشە و ب دلەکێ خوش بژین )

ئەڤرۆ نیۆز،رێژین نهێلى:

ره‌شاتیا ل ژێر چاڤان ئێك ژوان ئاریشه‌یانه‌ یێن هند كه‌س توش دبنێ و بۆ وان دبیته‌ جهێ دلنه‌ره‌حه‌تیێ ،ئه‌ف ره‌شاتیه‌ ژى ژ ئه‌گه‌رێ وه‌ستیانێ دروست دبیت ،ئه‌ڤجا داكو برێیه‌كا ساخله‌م و سرۆشتى ژێر چاڤێن ته‌ سپى و جوان دیاربن ڤى تێكه‌له‌ى بكاربینە و ئه‌نجامان ببینه‌:

كه‌فچكەکێ قه‌هوا توركى ، كه‌فچكەکێ ژ شیرێ گه‌رم ،ئێك كه‌فچكێ هنگڤینی،ڤان كه‌ره‌سته‌یان دێ دئامانه‌كێ گونجایى دا باش تێكه‌ل كه‌ى و پاشان ل ژێر چاڤێن خوه‌ ده‌ی بۆ ماوێ 20 خوله‌كان هێلیه‌ پێڤه‌ و ل دووڤدا ب ئاڤه‌كا تهێن شیر شوى.

ڤی كارى حه‌فتیێ سێ جاران دوباره‌ بكه‌ و نه‌رم وجوانیا ژێر چاڤێن خوه‌ ببینه‌،ل دوماهیێ ژى ساخله‌م و

جوانیێ بۆ چاڤێن وه‌ دخوازین.