ئەڤرۆ نیۆز،زنار تۆڤی:
پشتی کو د ئەڤ سالەدا ئێکەم کاروانێ حەجیێن کوردستانێ بەرەف مالێ خۆدێ ڤە چووین و گەهشتینە وەلاتێ عەرەبستانا سعودیێ بۆ ئەداکرنا فەریزا حەجێ،وەلاتێ سعودیێ ب ناڤێ دەولەتا کوردستانێ پێشوازی ل حەجیێن کوردستانێ کریە و ئەڤەژی پێنگاڤەکا هەرە گرنگ و باشە کو ژلایێ وەلاتێ سعودیێ هاتە هاڤێتن و دانپێدانەکا گرنگە بۆ سەربەخۆیا کوردستانێ.
ئەڤرۆ نیۆز،رێژین نهێلى:
ئه‌رێ تودزانى زێده روینشت پیراتیێ بله‌زتر دئێخیت و گوڤارا ،فرویندین ، یا ئه‌لمانى هشیارى دایە ژ روینشتنا درێژ ژبه‌ر بله‌ز ئێخستنا پروسا پیراتیێ كو پرۆسه‌یا هه‌ڤسه‌نگیا مرۆڤى كێم دكه‌ت،زێده‌بارى په‌یداكرنا ئاریشه‌یان د پشت ئێشانێ دا،ئه‌ڤجا هه‌ركه‌سێ ده‌مێ خوه ژ (9 تا 11) ده‌مژمێران ب رونشتنێ ڤه ببه‌ت،چ روینشتن ل كارى بیت یان ل كورسیكا مال بیت،چونكی لاوازیا زه‌بله‌كان وهه‌ستیان بله‌ز دئێخیت و بو خوه پاراستن ژ پیراتیا پێش ده‌م ئه‌ڤ شیره‌ته هاتنه پێش.
تێكه‌لكرنا چالاكیێن لڤینێ د ژیانا چالاكیێن رۆژانه‌دا،وه‌كى ب سه‌ركه‌تنا پەیسکان ل شونا بكارئینانا ئاسانسورێ و ل گه‌ل ڤێ هنده‌ك لڤینێن زه‌ڤله‌كان ژى هه‌بن.
دیسان شاره‌زایێن ساخله‌مى شیره‌تان دكه‌ن ب چالاكێن لڤینێ ب تێكرایا نیف ده‌مژمێرێ رۆژانه هه‌تا كو له‌ش خوهدانێ بده‌ت و زێده‌بارى هندێ کو مرۆڤ بۆ ماوەیەکێ درێژ راهێنانا بکەت.
ئه‌ڤرۆ نیوز:
ل گۆری گۆتنا به‌رپرسه‌كێ كورد، به‌غدا رێ بده‌ت یان نه‌ده‌ت رێفراندۆما سه‌رخوه‌بوونا كوردستانێ دێ هێته كرن و پشتی رێفراندۆمێ هه‌لوه‌ستێ به‌غدا دێ هێته گوهرین.
محه‌مه‌د ئێحسان، به‌رپرسێ پێشتر یێ ده‌ڤه‌رێن كوردستانی یێن ده‌رڤه‌ی ئیدارا هه‌رێما كوردستانێ بۆ ئاژانسا ئه‌نادۆلێ گۆت: به‌غدا پشتی رێفراندۆمێ دێ دانپێدانێ ب گوهرینێن نه‌خشه‌یێ سیاسی یێ هه‌رێمێ كه‌ت.
ئێحسانی گۆت ژی: پشته‌ڤانییا نێڤده‌وله‌تی بۆ سه‌رخوه‌بوونا كوردستانێ هه‌یه، چ وه‌لاته‌ك دژی مافه‌كێ ره‌وا مینا رێفراندۆما هه‌رێما كوردستانێ نینه، ئه‌و ئالیێن دژی رێفراندۆمێ باوه‌ری ب ماف و دیمۆكراسیێ د ناڤ سنۆر و ده‌رڤه‌ی سنۆری خوه نینه، نها یا گرنگ ئه‌وه كار بۆ ئه‌نجامدانا رێفراندۆمێ د ده‌مێ خوه دا بهێته كرن، زلهێزێن جیهانی ل وی ده‌می دێ هه‌لوه‌ستێ خوه دیار كه‌ن.
ناڤهاتی خویا كر: كوردستانا سه‌ربخوه نه ل سه‌ر توركیا یان هه‌ر جیرانه‌كێ دی گه‌ف نابیت.
هه‌روه‌سا وی به‌رپرسێ كورد دوپات كر كو رێفراندۆم ل ده‌ڤه‌رێن كوردستانی كو نها ژ ئالیێ پێشمه‌رگه ڤه دهێنه پاراستن ژی دێ هێته كرن، هه‌روه‌سا ئه‌و ناوچه‌یێن كوردستانی یێن نه د شیان دا رێفراندۆم لێ بهێته كرن دێ وه‌ك ناوچه‌یێن كوردستانێ هێنه هه‌ژمارتن.
ئەڤرۆ نیوز، ھەرھین محەمەد:
بەلاڤبوونا وێنەیێن کەژێ ھاوتا ل باوەشا گەنجەکێ ل تورێن جڤاکی زورترین ئاخفتن لسەر ھاتنەکرن و پرانیا پشکدارێن تورکێن جڤاکی ھوسا ھزرکر کو کەژێ شووکریە ، بەلێ د راستی دا ئەو گەنجێ کو ل باوەشا وێ دھێتەدیتن برایێ وێ یە بناڤێ یوسف ھاوتا.
کەژێ ھاوتا لسەر پێگەھێ تایبەتیێ خوە ل تورا جڤاکی یا ئەنستاگرامێ نووترین وێنەیێ خوە ل گەل برایێ خوە یوسف ھاوتا بەلاڤکر و ل دەستپێکێ پشکدارێن تورێن جڤاکی وەسا ھزرکر کو کەژێ شوکریە ، بەلێ بەلاڤبوونا وێنەیێن کەژێ ھاوتا و یوسف ھاوتا دووبارە لسەر پێگەھێ تایبەتیێ یوسف ھاوتا دوپاتکر کو کەژێ شوونەکریە و ئەو گەنجەکێ کو ل باوەشا کەژێ برایێ وێ یە بناڤێ یوسف ھاوتا.
برایێ کەژێ ددەتن دیارکرن کو ئەو سوپاسیا خوشکا خوە کەژێ دکەت کو ھەموو مەزاختنێن جەژنا ژ دایکبوونا وی ب ستویێ خوڤە گرتینە و سووزدایە کەژێ کو وەکو برایەکێ دایبابی و برایەکێ ھونەری پشتەڤانیا کەسایەتی و ھونەرێ کەژێ بکەت و دوپاتکر کو ئەو وەکو بنەمالەکا ھونەری وەسا ھاتینە پەروەردەکرن کو ھەموو دەمان دلخوش و ئارام بن و ئێکسانی دناڤبەرا وان دا ھەبیت.
ئەڤرۆ نیوز، سەباح زھێر زێباری:
ئەندامەکێ پەرلەمانێ عیراقێ دیارکر کو ھەلویستیێ عیراقێ ب ھاوکێشەیێن نیڤدەولی ڤە دگرێداینە و چوو ھەلویستێن نەرێنی نابن ، و ئەگەر ھەرێما کوردستانێ ریفراندوم ئەنجام دا ژ نوو دێ ھەلویستێن نیڤدەولی دیاربن.
جەمال کوچەر ئەندامێ پەرلەمانێ عیراقێ بۆ ئەڤرۆ نیوز گۆت: ( ھەلویستێ عێراقێ ل بارا ریفراندۆما ھەرێمی گرێدایە ب ئیرانێ ڤە و چوو ھەلویستێن دژوار و نەرێنی نابن ، تایبەتی د نھادا کو عیراق نێزیکێ ھەلبژاردنان دبیت و ئەو نە مەجبورن کو خەلکی ژ دەست خوە بدەن ، نەک تنێ عیراقێ چو ھەلویستێن نەرێنی نابن بەلکو چوو وەلاتێن جیران ژی ھەلویستێن دژوار نابن)
زێدەتر گۆت: (زڤراندنا ٩٥% ژ دەڤەرێن ڤەقەتیایی بویە سەدەم کو عیراق دژی ریفراندومێ راوەستیت ژبەرکو ئەڤ دەڤەرە بو وان گرنگ و ھەستیارە ، ئەنجامدانا ریفراندۆم و سەربخوە بوونا ھەرێما کوردستانێ سەرپێچیەکا قانونی و دەستووری نینە بەلکو عیراقێ سەرپێچی لسەر دەستووری کریە و دڤیابا ل سالا ٢٠٠٧ ماددێ ١٤٠ ھاتبایە جێ بەجێ کرن)
کوچەرى د درێژاھیا ئاخفتنێن خودا گۆت ژی: (د سیاسەتێ دا نینە کو بەری ئەنجامدانا ریفراندۆمێ دەولەتەک ھەلویستێ خوە ل بارا ریفراندۆما ھەرێما کوردستانێ دیار بکەت ، ئەگەر پرانیا خەلکێ کوردستانێ ل گەل ئەنجامدانا ریفراندۆمێ بیت وی دەمی ئەمریکا ژی چوو ھەلویستێن نەرێنی نابن ، دنھادا ئەمریکا ل گەل دەمێ ئەنجامدانا ریفراندۆمێ نینە ئەو ژی ژبەرکو ھێشتا شەری َداعش دوماھی نەھاتیە)
ئه‌ڤرۆ نيوز:
فازل حاجى په‌يڤدارێ رێڤه‌به‌ريا هاتن و چوونا هه‌ولێرێ راگه‌هاند، ژ ئه‌گه‌رێ روودانه‌كا هاتن و چوونێ ل شه‌قامێ كورنيش يێ هه‌ولێرێ پێنج كه‌سان گيانێ خوه ژ ده‌ستدان.
روودان د ناڤبه‌را ترومبێله‌كا بارهه‌لگر و ئوتومبێله‌كا تايبه‌ت روودايه و ل دووڤ گووتنا فازل حاجى په‌يڤدارێ رێڤه‌به‌ريا هاتن و چوونا هه‌ولێرێ ئه‌گه‌رێ روودانێ ئه‌و بوويه كو ترومبێلا بارهه‌لگر ل رێره‌وا خوه ده‌رچوويه و روودان دروست بوويه.
ئەڤرۆ نیۆز،هشیار دۆبانکی:
ئەڤ شەڤە ل باژێرێ زاخۆ و ل تاخێ ئاشێ چەمى شۆفيرەكا ژن نه شيا كونترۆلێ ل سەر ترومبيلا خوە بکەت و د ئەنجامدا ترۆمبێلا خوە ل چار ترۆمبێلێن دی دایە و زیان گەهاندینێ،کو سێ ترۆمبێل ژ وان يێن سەرتراشا بوون و د راوەستیای بوون،جەلال ئێک ژ وان شۆفێرانە یێن کو زیان گەهشتیە ترۆمبێلا وی و بۆ ئەڤرۆ نیۆز گۆتیە،كو ترۆمبێلا وی و يا هەڤالێ وی زيان گەلەک زیان گەهشتینێ و هەروەسا ترۆمبێلێن وان ل بەر دەرێ تراشخانێ د راوەستیای بوون.
ئه‌ڤرۆ نيوز:
رێڤەبەرييا تۆرا پاراستنا جڤاكى ل دهۆكێ د په‌يجێ خوه يێ فێسبوكێ دا دياركريه كو موچێن کێم ئەندام و خودان پێدڤیێن تایبەت ئه‌ڤرۆ هاتنە مه‌زاختن، ئەو کێمئەندامێن دووبارە پشکنینا پزیشکی نەکری و نەچوینە لێژنا پزیشکی ، مووچێن وان ل بەنکان هاتینە ڕاگرتن و ناهێنە خەرجکرن تاکو ڕاپۆرتێن پزیشکی یێن وان دگەهنە ڕێڤەبەریا وان.
رێڤەبەرييا تۆرا پاراستنا جڤاكى ل دهۆكێ داخواز ژ وان كريه يێن مووچێن وان هاتینە ڕاگرتن د ماوێ حەفتیەکێ دا سەرەدانا ڕێڤەبەریا وان بکەن ل تاخێ ئێتیت/دهۆک و بەروڤاژی ناڤێن وان ژ لیستێن بەنکا دێ هێنە ڕەشکرن .
ئه‌ڤرۆ نیوز:
سه‌رۆكاتیا هه‌رێما كوردستانێ، راگه‌هاندنه‌ك به‌لاڤكریه و ره‌ت كریه كو بارزانى گه‌ف ل عه‌بادى كربن، مالپه‌رێ سه‌رۆكاتیا هه‌رێما كوردستانێ د راگه‌هاندنه‌كێ دا ئاماژه ب وێ یه‌كێ كریه كو” ژماره‌كا ده‌زگه‌هێن راگه‌هاندنێ ده‌نگوباسه‌كێ نه‌راست به‌لاڤ كریه كو مه‌سعود بارزانى سه‌رۆكێ هه‌رێما كوردستانێ نامه‌كا گه‌ف لێكرنێ بۆ حه‌یده‌ر عه‌بادى سه‌رۆك وه‌زیرێن عیراقێ هنارتیه، چو راستى بۆ ڤى ده‌نگوباسى نینه و په‌یوه‌ندیا ناڤبه‌را بارزانى و سه‌رۆك وه‌زیرێن عیراقێ زور یا باش و دوستانه‌یه”.
ئەڤرۆ نیوز ، نەوزاد ھلۆری:
ئەڤرۆ ب بەرھەڤبوونا ھژمارەکا کەسایەتی و دام و دەزگەھێن حزبی و حکومی و کەس و کارێن شەھیدی و جەماوەرەکێ زۆر پەردە لسەر وێنەیێ شەھید سەفەر سەلیم ستوکرکی ھاتەلادان.
سەگڤان عەبدولحەمید ھنێشی ئێک ژ کەس و کارێن شەھیدی بو ئەڤرۆ نیوز گۆت: ( ئەم زور دلخوشین کو ئەڤرۆ ب شکداریا ھژمارەکا زور یا کەسایەتی و دام و دەزگەھێن حکومی و حزبی و کەس و کارێن شەھیدی و جەماوەرکێ پەردەیێ لسەر وێنەیێ شەھید سەفەر سەلیم ستوکرکی ھاتیە راکرن و کو ئەڤ یەک ژی وەکو رێزگرتنەک بو خەبات و قوربانیدانا شەھیدێ ناڤبری ھاتیەکرن) زێدەتر گۆت: ( ئەڤرۆ ل دەمژمێر شەشێ ئێڤاری ئەڤ پەیدە ھاتیەلادان ل سێریانا رەشانکێ و شەھید دێ ھەر مینیت زێندی ل کوردستانێ)
نيشاندان