ئه‌ڤرۆ نيوز:
د په‌يامه‌كێ دا ب هه‌لكه‌فتا هاتنا سالا نوو يا بابلى-ئاشوورى و جه‌ژنا ئه‌كيتۆ، جڤاتا وه‌زيرێن هه‌رێما كوردستانێ، سه‌ره‌رايى پێرۆزباهيكرنێ ل گه‌لێ كلدان، سريا و ئاشوورى ل كوردستانێ و جيهانێ ته‌كست كر كو پێكڤه ژيان و لێبۆرين ل كوردستانێ دێ يا پاراستى بيت، كوردستان ژى وه‌كو هه‌رده‌م مال و وه‌لاتێ ئارامێ هه‌موو پێكهات و نه‌ته‌وه و ئاينايه.
ئه‌ڤه ژى ده‌قێ په‌يامێ يه:
ساڵى تازه‌ى بابلى ـ ئاشوورى و جه‌ژنه‌كانى ئه‌كیتۆ، له ته‌واوى گه‌لى كلدان، سریان، ئاشوورى له كوردستان و جیهان پیرۆز ده‌كه‌ین، هیواى جه‌ژنێكى ئارام و كامه‌رانیان بۆ ده‌خوازین.
له كاتێكدا ژماره‌یه‌كى زۆرى خوشك و برایانى مه‌سیحیمان له‌گه‌ڵ پێكهاته نه‌ته‌وه‌یى ئایینییه‌كانى دیكه، له ئه‌نجامى شه‌ڕى تیرۆردا، زێد و ماڵ و حاڵى خۆیان جێهشێتووه و ئێستا له هه‌رێمى كوردستان له میوانداریى خوشك و برایانى خۆیاندان، له نزیكه‌وه هه‌ست به ئێش و ئازاریان ده‌كه‌ین و پشتیوان و هاوسۆزیانین. هیوادارین جه‌ژنه‌كانى داهاتوو به سه‌رفرازى و سه‌ركه‌وتووانه بگه‌ڕێنه‌وه ناوچه و شوێنه ئازاد و ئاوه‌دانه‌كانى خۆیان و هه‌موومان له سایه‌ى سه‌ركه‌وتنى یه‌كجارى و به‌ده‌ستهێنانى ته‌واوى مافه‌كانماندا، یاد و بۆنه و جه‌ژنه‌كانى داهاتوو بكه‌ینه‌وه.
له‌م بۆنه‌یه‌دا دووپاتى ده‌كه‌ینه‌وه كه‌لتوورى پێكه‌وه‌ژیان و لێبورده‌یى كه پێكهێنه‌رێكى سه‌ره‌كیى بنیادى كه‌لتوورى و كۆمه‌ڵایه‌تیى گه‌لى كوردستانه و شانازى پێوه ده‌كه‌ین، هه‌میشه پارێزراو ده‌بێت و به هیچ شێوه‌یه‌ك هه‌وڵى بێئاكامى تیرۆر ناتوانێت ئه‌و كه‌لتووره له‌ق بكات. دڵنیایى ده‌ده‌ینه خوشك و برایانى كلدان، سریان، ئاشوورى و هه‌موو پێكهاته نه‌ته‌وه‌یى و ئایینییه‌كانى كوردستان، تا كۆتایى به‌رگرى له‌و كه‌لتووره ده‌كه‌ین و كوردستان بۆ هه‌میشه به ماڵ و نیشتمانى ئارامى هه‌مووان ده‌مێنێته‌وه.
دووباره ساڵى تازه‌ى بابلى ـ ئاشوورى و جه‌ژنه‌كانى ئه‌كیتۆ له ته‌واوى گه‌لى كلدان، سریان، ئاشوورى پیرۆز ده‌كه‌ین، هیواى ساڵێكى تازه‌ى پڕ له سه‌ركه‌وتن و كامه‌رانى و جه‌ژنێكى خۆش و ئارامیان بۆ ده‌خوازین.
ئه‌نجومه‌نى وه‌زیرانى هه‌رێمى كوردستان
ئه‌ڤرۆ نيوز:
ئه‌ندامێن جڤاتا پاريزگه‌ها كه‌ركووك داخوازا روونشتنه‌كا دى يا جڤاتێ دكه‌ن و دڤێت ئه‌ڤێ جارێ پرسا ڤه‌گه‌ريانا پارێزگه‌ها كه‌ركووك بۆ سه‌ر هه‌رێما كوردستانێ بێخنه به‌ر ده‌نگدانێ. ئه‌ندامه‌كێ جڤاتا پارێزگه‌هێ ژى دبێژيت: “بۆ ڤێ مه‌ره‌مێ ئيمزا 22 ئه‌ندامان هاتيه كۆمكرن”.
هه‌ر چه‌نده سالا 2008ێ ژى ئه‌ڤ بزاڤه هاتبوو كرن، به‌لێ ل وى ده‌مى نه‌شيابوون دو ل سه‌ر سێ يا ده‌نگان ب ده‌ست خوه ڤه بينن و بڕيار ب نه‌قانوونى هاته وه‌سفكرن و بۆ ڤێ جارێ ژى 22 ئه‌ندام ژ 41 كه‌سان نابيته دو ل سه‌ر سێ و هه‌كه بڤێت ڤێ جارێ ب سه‌ر بكه‌ڤن، پێدڤيه رێژا ئێمزا و ده‌نگێن خوه زێده‌تر لێ بكه‌ن.
ئه‌ڤرۆ نيوز:
رێڤه‌به‌ريا پۆليسێن دهۆكێ راگه‌هاند كو زارۆيه‌ك كه‌فته د رووبارى دا و خه‌ندقى.
رائيدێ مافپه‌روه‌ر هێمن سلێمان، به‌رپرسێ په‌يوه‌ندى و راگه‌هاندنێ ل رێڤه‌به‌ريا پۆليسێن پارێزگه‌ها دهۆكێ راگه‌هاند كو دوهى رۆژا ئه‌ينى رێكه‌فتى 31ى ئادارا 2016ێ زارۆيه‌ك ب ناڤێ (ر. ز. ع) كه‌ڤته د رووبارێ مه‌لكيشان دا و ده‌ملده‌ست گيانێ خوه ژ ده‌ست دا.
ئه‌ڤرۆ نيوز:
وه‌زيرێ ساخله‌ميێ ل حوكمه‌تا هه‌رێما كوردستانێ راگه‌هاند كو زێده‌ترى مليۆنه‌ك و 800 هزار ئاواران ل هه‌رێما كوردستانێ هه‌نه و وه‌كو هه‌موو وه‌لاتيێن هه‌رێمێ و باشتر ژى خزمه‌تێن ساخله‌ميێ وه‌ردگرن.
داخۆيانيێت رێكه‌وت حه‌مه ره‌شيد وه‌زيرێ ساخله‌ميێ د چارچۆڤێ رێوره‌سمێن خه‌لاتكرنا كارمه‌نديێن ساخله‌ميێ ل پارێزگه‌ها سلێمانيێ به‌لاڤ دكرن و هيڤى خواست كو ب زووترين ده‌م ره‌وشا نوكه ل سه‌ر هه‌رێمێ ده‌رباز ببيت.
ئاماژه ب وێ چه‌ندێ ژى كر كو ل گه‌ل ساخله‌ميا عيراقێ د په‌يوه‌نديێ دانه دا كو ئه‌و كێشا نوكه يا ده‌رمان و پێدڤيێن نوشدارى بهێته چاره‌كرن. ديسا هنده‌ك وه‌لاتان ژى هاريكاريا خوه بۆ ڤێ مه‌ره‌مێ ده‌ربڕيه ب تايبه‌ت پشتى روونشتن ل گه‌ل نوونه‌رێن 30 وه‌لاتان ل هه‌رێمێ.
رێكه‌وت خۆيا كر ژى كو 17% ب تنێ ژ ئاواران نوكه د بن كه‌مپان ڤه دژين و 83% ژ وان نوكه ل ناڤ باژێرێن هه‌رێما كوردستانێ دژين و هه‌موو خزمه‌تگۆزارى ل به‌ر ده‌ستێ وان هه‌نه، د ده‌مه‌كى دا كو وه‌لاتيێن هه‌رێمێ به‌رامبه‌ر وان خزمه‌تان پاره‌يى وه‌ردگرن و ئاواره ژێ د ئازاكرينه.
ئه‌ڤرۆ نيوز:
شانده‌كێ ئاينێن جودا ل عيراق و هه‌رێما كوردستانێ سه‌ره‌دانا پاپايێ ڤاتيكانێ كريه و بۆ عيراق و هه‌رێما كوردستانێ داخواز كريه.
سيراج خه‌يلانى سه‌رۆكێ لژنا ئه‌وقافێ ل په‌رله‌مانێ كوردستانێ بۆ باسنيوز راگه‌هاند: ئه‌ڤ سه‌ره‌دانا پاپايێ ڤاتيكانێ بۆ هه‌رێما كوردستانێ دێ گه‌له‌ك يا گرنگ بيت”.
هه‌ڤده‌م ئاژانسێن جيهانى به‌لاڤكريه كو نوونه‌رێ حوكمه‌تا هه‌رێما كوردستانێ ل ئيتاليا و ئه‌ندامێ شاندى داخوازا ژ پاپايى كريه كو سه‌ره‌دانا هه‌رێما كوردستانێ بكه‌ت.
ئه‌ڤرۆ نيوز:
د. جینیفیر جابلو، نوژدارا تایبەتمەندا جوانکاریا ددانان ل باژێرێ نیویوک ھندەک شیرەتێن گرنگ ھەنە ژوانژی:
* ددان پێک دھێن ژ پێدیان و کولاجینی و خوارنێن دژی ژەنگارێ وەک بروکولی و ھندەکێن دی و ئەڤ خوارنە کاردکەن بۆ پاراستنا ددانان ژ ھەودانان.
* نیموکان کێم بخو: گەلەک باشترە ھەر چەند رۆژان جارەکێ شەربەتا سروشتی یا نیموکان ڤەخوی بەلێ گەلەک ب کارنەئینە و نیموکان نەمێژە ژبەرکو گەلەک ترشیاتی دناڤدا ھەنە و دبیت ئەو ترشیاتی قاتێ مینا یێ ددانی ژناڤ ببەت، گەلەک دێ باشتر بیت پشتی خوارنا نیموکان و ھەر تشتەکێ ترش ئێکسەر ددانێن خو بشووی.
* فرچەیێن نەرم بۆ ددانێن خۆ ب کاربینە: ئەو فرچێن موویێن وی د رەق بن پێدیان بێ ھێز دکەن، لەورا ھەردەم باشترە فرچێن نەرم ب کاربینی و یا ژ وێ باشتر ئەوە فرچێن ئەلکترونی بھێنە ب کارئینان کو رێکێ نادەنەتە زوریێ ل پاقژکرنا ددانێن خو بکەی.
ئه‌ڤرۆ نيوز:
راپۆرتێن رۆژنامه‌ڤانى يێن ئسپانى ئاشكه‌را كريه كو ل ده‌سپێكا هاڤينا بهێت ره‌ئۆل گۆنزالێس دێ ڤه‌گه‌ريته يانا ريال مه‌دريد و ل گه‌ل وێ يانێ كار كه‌ت.
كه‌نالێ ئۆندا سيرۆ يێ ئسپانى ئاشكه‌را كر كو ده‌سپێكا هه‌يڤا بهێت دێ ده‌مێ ڤه‌گه‌ريانا ره‌ئۆل گۆنزالێس بۆ ريال مه‌دريد بيت پشتى حه‌فت سالان ژ دابرينا وى ژ يانا مه‌له‌كى.
ئه‌وى ژێده‌رى ئاماژه ب وێ چه‌ندێ ژى كريه كو ره‌ئۆل دێ پۆسته‌كێ نێزيك فلۆرينتينۆ پێرێز، سه‌رۆكێ يانا ريال مه‌دريد وه‌ربگريت پشتى راگه‌هاندى كو ئێدى نه‌ڤێت بمينيته ل پۆستێ بالوێزێ خولا لاليگا ئسپانيا ل وه‌لاتێ ئه‌مريكا.
ژێده‌رێن رۆژنامه‌ڤانى د چه‌ند رۆژێن بۆرى دا راگه‌هاند بوو كو ره‌ئۆل گۆنزالێس يێ ئاماده‌يه پۆستێ راهێنه‌ريێ ل يانا به‌رشه‌لۆنا هه‌ڤركا به‌رده‌وام يا ريال مه‌دريد وه‌ربگريت، ئه‌ڤێ چه‌ندێ ژى ريال مه‌دريد پتر هان دايه كو كاپتنێ خوه يێ به‌رێ ڤه‌گه‌رينيت.
ئه‌ڤرۆ نيوز:
هێزێن ئه‌منى يێن عيراقى ژ سێ لايان ڤه به‌ر ب مزگه‌فتا نۆڕ ڤه ل رۆژئاڤايێ مووسل د پێشڤه‌چوونێ دانه، ئه‌و جهێ ئه‌بۆ به‌كر به‌غدادى به‌رى نێزيكى سێ سالان خه‌لافه‌ت تێدا راگه‌هاندى.
فه‌ريق رائيد شاكر جه‌وده‌ت فه‌رمانده‌يێ پۆليسێن فيدرال ل عيراقێ د به‌ياننامه‌كێ دا راگه‌هاند: “هێزێن پۆليسێن فيدرال و به‌رسينگگرتنا ب له‌ز، رێيا ده‌ركه‌فتنا ده‌رچوونا چه‌كدارێن داعش به‌رته‌نگ كريه ل ده‌ڤه‌رێن ده‌وروبه‌رێن مزگه‌فتا نۆڕ و ژ سێ لايان ڤه د پێشڤه‌چوونێ دا نه”.
گۆتژى: “هێزێن وان ژ لايێ باب تۆپ 350 مه‌تران ژ منارا مزگه‌فتێ د دوورن، هه‌رديسا ژ لايێ قه‌زيب بان 300 مه‌تران د دوورن و ژ لايێ گه‌راجێ به‌غدا 400 مه‌تران د دوورن.
شاكر جه‌وده‌ت ئاماژه ب وێ چه‌ندێ ژى كر كو داعش رێيێن گه‌هشتنا هاريكاريان ژ ده‌ست داينه.
نوكه شه‌ر ل تاخێ كه‌ڤن يێ باژێرى ب ته‌نشت مزگه‌فتێ ڤه يێ دژواره و هێزێن عيراقى بزاڤێن كونترۆلكرنێ دكه‌ن.
رۆژا 19ى شۆباتا ئه‌ڤساله قووناغا دويێ يا ئۆپه‌راسيۆنا رزگاركرنا رۆژئاڤايێ مووسل ده‌سپێكر و د ماوێ چه‌ند حه‌فتيێن بۆرى دا هێزێن پۆليسێن فيدرال و يه‌كه‌يێن بژارده يێن وه‌زاره‌تا ناڤخۆ پێشڤه‌چوونێن به‌رچاڤ ب ده‌ست ڤه ئيناينه.
نيشاندان