ئه‌ڤرۆ نیوز:
مه‌سعود بارزانى سه‌رۆكێ هه‌رێما كوردستانێ پێشوازیا حه‌یده‌ر عه‌بادى سه‌رۆك وه‌زیرێن عیراقێ كر، هه‌ردو ئالیان رژدى ل بهێزكرنا كاركرنا ناڤبه‌را هه‌ولێر و به‌غدا دا كر.
نڤیسینگه‌ها سه‌رۆك وه‌زیرێن عیراقێ د راگه‌هاندنه‌كێ دا ئاماژه‌ ب وێ یه‌كێ كریه‌ كو د دیدارێ دا، هه‌ردو ئالیان سه‌ركه‌فتنێن مووسل پیرۆز كرینه‌ و رژدى ل سه‌ر گرنگیا به‌رده‌وامیدان ب سه‌ركه‌فتنێن مه‌زن كریه‌.
سه‌رۆكایه‌تیا هه‌رێمێ دیاركریه‌ كو بارزانى و عه‌بادى به‌حسێ هه‌ماهه‌نگیا ناڤبه‌را هێزێن پێشمه‌رگه‌ى و هێزێن سوپایێ عیراقێ كریه‌ و رژدى ل بهێزكرنا وێ هه‌ماهه‌نگیێ كریه‌ ژ پێخه‌مه‌ت مسوگه‌ركرنا سه‌قامگیرى و روى ب روى بوونا شێوازێن دى یێن تیرۆێ پشتى شكاندنا داعش.

ئه‌ڤرۆ نیوز:

حكومه‌تا ئه‌لمانیا ب رێكا رێكخراوا ( GIZ) مه‌بله‌غێ ( 1.848.100) ملیونه‌ك وهه‌شت سه‌د وچل وهه‌شت هزار وسه‌د دولار وه‌ك هاریكارى بو ماموستایێن هاتن وچونێ بو ده‌رڤه‌ى باژێرى یێن پارێزگه‌ها دهوكێ ته‌رخانكریه‌ وسوبه‌هى رێكه‌فتى 8/3/2017 ول ده‌م ژمێر (09:00) ل هولا كونفراسان پروسان به‌لاڤكرنا پاره‌ى دێ ده‌ست پێ كه‌ت .
ئه‌ڤرو به‌رى نیڤرو رێزدار عمر على تاها رێڤه‌به‌رێ گشتى یێ په‌روه‌ردێ ل پارێزگه‌ها دهوكێ ب وه‌كاله‌ت دپرێس كونفرانسه‌كى دا بو ده‌زگه‌هێن راگه‌هاندنێ مزگینیا ده‌ست پیكرن وبه‌لاڤكرنا پارێ رێكخراوا ( GIZ) یا ئه‌لمانى وه‌كى هاریكارى بو ماموستایێن هاتن وچونێ دكه‌ن بو ده‌رڤه‌ى باژێرى .
دپرێس كونفرانسى دا رێزدار رێڤه‌به‌رێ گشتى و ب ئاماده‌بونا هه‌ردوو هاریكارێن رێڤه‌به‌رێ گشتى ورێڤه‌به‌رێ رێڤه‌به‌ریا سه‌رپه‌رشتیا په‌روه‌رده‌یى ودلنیا جورى و ژماره‌كا رێڤه‌به‌رێن رێڤه‌به‌ریێن سه‌ر ب كوچكا په‌روه‌ردا گشتى ڤه‌ به‌حسێ وان بزاڤێن به‌رده‌وام یێن رێڤه‌به‌ریا گشتى یا په‌روه‌ردێ ل پارێزگه‌ها دهوكێ دگه‌ل لایه‌نیێن په‌یوه‌ندیدار بو هاریكاریكرنا ماموستایان ب تایبه‌ت ئه‌و ماموستایێن هاتان وچونێ بو ده‌رڤه‌ى باژێرى دكه‌ن و ئه‌ڤ هه‌مى بزاڤه‌ دبه‌رهه‌م دار بون و ئه‌ڤرو به‌رهه‌مێ ڤى ماندیبونا چه‌ند هه‌یڤان مزگینیا به‌لاڤكرنا پارێ هاتن وچونێ بو ماموستایان بو كو ب فه‌ر دویت دپه‌یڤا خودا سوپاسیا رێكخراوا ( GIZ) یا ئه‌لمانى و هه‌ر وه‌سا حكومه‌تا ئه‌لمانیا بو هاریكاریكرنا كوردستانێ دهه‌مى بیاڤاندا نه‌خاسمه‌ كه‌رتێ په‌روه‌ردێ ، هه‌روه‌سا رێزدار عمر على تاها سوپاسیا كارگێریا پارێزگه‌ها دهوكێ و ب تایبه‌ت رێزدار پارێزگه‌رێ دهوكێ و وه‌زاره‌تا په‌روه‌ردێ كر بو سه‌رئێخستنا وان كار وبزاڤان بو هندێ هاریكاریا ماموستایان بهێته‌ كرن .
هه‌ژى گوتنێ یه‌ ئه‌ڤ پاره‌ بو ماوێ چوار هه‌یڤان لسه‌ر ئێك دێ هێته‌ دان و لدویڤ ڤى خشته‌ى :
1. ل روژا 8/3/2017 ل هولا كونفراسان زانكویا دهوك ول ده‌م ژمێر (09:00) سپێدێ دێ پاره‌ لسه‌ر ماموستایێن په‌روه‌ردێن قه‌زایێن دهوك روژهه‌لات و شیخان و وشنگال وتلكێف هێنه‌ به‌لاڤكرن.
2. ل روژا 9/3/2017ل هولا په‌روه‌ردا قه‌زا زاخو ول ده‌م ژمێر (09:00) سپێدێ دێ پاره‌ لسه‌ر ماموستایێن په‌روه‌ردا زاخو هێنه‌ به‌لاڤكرن .
3. ل روژا 9/3/2017ل هولا په‌روه‌ردا قه‌زا سێمێل ول ده‌م ژمێر (09:00) سپێدێ دێ پاره‌ لسه‌ر ماموستایێن په‌روه‌ردا سێمێل هێنه‌ به‌لاڤكرن .
4. ل روژا 11/3/2017ل هولا په‌روه‌ردا قه‌زا به‌رده‌ره‌ش ول ده‌م ژمێر (09:00) سپێدێ دێ پاره‌ لسه‌ر ماموستایێن په‌روه‌ردا به‌رده‌ره‌ش هێنه‌ به‌لاڤكرن .
5. ل روژا 11/3/2017ل هولا په‌روه‌ردا قه‌زا ئاكرێ ول ده‌م ژمێر (09:00) سپێدێ دێ پاره‌ لسه‌ر ماموستایێن په‌روه‌ردا ئاكرێ هێنه‌ به‌لاڤكرن .
6. ل روژا 11/3/2017ل هولا په‌روه‌ردا قه‌زا ئامێدیێ ول ده‌م ژمێر (09:00) سپێدێ دێ پاره‌ لسه‌ر ماموستایێن په‌روه‌ردا ئامێدیێ هێنه‌ به‌لاڤكرن .
7. ل روژا 13/3/2017 ل هولا رێڤه‌به‌ریا گشتى یا په‌روه‌ردا پارێزگه‌ها دهوكێ ول ده‌م ژمێر (09:00) سپێدێ دێ پاره‌ لسه‌ر ماموستایێن نه‌ئاماده‌ لروژێن ده‌ست نیشانكرى وژبه‌ر هه‌ر ئه‌گه‌ره‌كێ هه‌بیت دێ هێنه‌ به‌لاڤكرن .
هه‌ژى گوتنێ یه‌ كو ( 7269) ماموستا ل سنورێ پارێزگه‌ها دهوكێ دێ مفاى ژڤى پاره‌ى بینن ، هه‌ژى ئاماژه‌ پێكرنێ یه‌ كو بتنێ دێ رێڤه‌به‌رێن قوتابخانا ب رێكا وان لیستێن ل ده‌ف وان هه‌ین دی ئاماده بن لده‌م وجهێن هاتینه‌ دیاركرن بو وه‌رگرتنا پاره‌ى