ئه‌ڤرۆ نیوز:
وه‌زیرێ سامانێن سروشتى یێن هه‌رێما كوردستانێ راگه‌هاند، هه‌رێمێ رێككه‌فتنه‌كا نوو ل گه‌ل چه‌ند كۆمپانیێن بازرگانى و كۆمپانیا په‌ترۆلا روسنه‌فت یا رووسى ئیمزا كریه بۆ قه‌ركرنا كۆژمێ سێ ملیار دۆلاران.
ئاشتى هه‌ورامى بۆ ئاژانسا رۆیته‌رز راگه‌هاند، ئه‌و گرێبه‌ستێن نوو د چه‌ند حه‌فتیێن بۆرى دا هاتینه ئیمزا كرن و گۆت (هه‌رێما كوردستانێ یا دانوستاندنان ل گه‌ل وان ئالیان دكه‌ت یێن كو قه‌ر لێ كرین بۆ وێ چه‌ندێ رێ ب وان بده‌ت وان قه‌ران د سێ هه‌تا پێنج سالان دا بده‌ت).
هه‌ورامى گۆت ژى:( ئه‌و رێككه‌فتنه دێ پشته‌ڤانیا مه د سه‌ربخوه‌یا ئابوورى دا كه‌ن، لێ یا گرنگ ئه‌وه دڤێت د وێ چه‌ندێ بگه‌هین كو ئه‌و پشته‌ڤانیه ب داهاتێ په‌ترۆلێ و بلندبوونا وێ ناهێته كرن، به‌لكو مه پێدڤى ب چاكسازیا ئابوورى هه‌یه).
د پشكه‌كا دى یا گۆتنێن خوه دا ئاشتى هه‌ورامى دوپات كر كو ئه‌ڤ رێككه‌فتنه بۆ دروستكرنا دیواره‌كى یه ل ده‌وروبه‌رێن وێ ره‌وشا په‌یدا بووى، ژ به‌ر نزمبوونا په‌ترۆلێ بۆ چه‌ند سالێن دى، د ده‌مه‌كى دا رێككه‌فتنێن به‌رى نوكه د ناڤبه‌را شه‌ش هه‌یڤا بۆ ساله‌كێ دا بوون.
وه‌زیرێ سامانێن سروشتى یێن هه‌رێما كوردستانێ ئاماژه ب وێ چه‌ندێ ژى كر كو ئه‌و رێككه‌فتنه دێ پشته‌ڤانیا ره‌وشا مه یا ئابوورى كه‌ن، چونكو دێ شێین شایستێن دارایى یێن كۆمپانیێن په‌ترۆلێ ده‌ینێ، هه‌روه‌سا دێ شێین پشكه‌كا وى پاره‌ى ل به‌رفره‌هكرنا ژێرخانا ئابوورى یا هه‌رێمێ بكاربینین.
ئاشتى هه‌ورامى گوتنه‌كا خێرێ سه‌باره‌ت باشبوونا ره‌وشا دارایى دده‌ت
نيشاندان
