ئەڤرۆ نیوز ، نەوزاد ھلۆری:
رێڤەبەریا گشتی یا پەروەردا پارێزگەھا دھۆکێ دیارکر کو ئەڤرۆ رۆژا دوشەمبی رێکەفتی ١٧/٧/٢٠١٧ دێ ئەنجامێن ئەزموونێن قوتابیان بو سالا خواندنێ ٢٠١٦/٢٠١٧ یێن رێزا نەھێ بنەرەتی ھێنە راگەھاندن.
قوتابی دکارن ب رێیا ەڤی لینکی ئەنجامێن خوە بزانن پشتی کو دھێنە راگەھاندن.
ئەڤرۆ نیوز ، رێژین نھێلی:
پشتی شەش رۆژان ژ سووتنا گەنجەکێ ب پانزینێ ، شڤێدی ل ئێک ژ نەخۆشخانەیێن ئیرانێ بێکەس / گەلوان رەشید سەعید بەرچی گیانێ خوە ژ دەستدا.
دڤی واریدا عەبدولرەزاق نھێلی کەس و کارێ ەوی گەنجی بۆ ئەڤرۆ نیوز گۆت: ( پشتی کو لرۆژا ١١/٧/٢٠١٧ گەنجەکێ گوندێ بەرچێ بناڤێ بێکەس / گەلوان رەشید سەعید بەرچی کو دایکبوویێ سالا ١٩٩٢ بوو ، ب ئەگەرێ پانزینێ ب رێژەیا ٨٠% سوتی ، شڤێدی ل نەخۆشخانەکا باژێرێ تەبریز ل ئیرانێ گیانی َخوە ژدەست دا)
زێدەتر گۆت: (نھا تەرمێ بێکەسی بەر ب ھەرێما کوردستانێ دھێتە ئینان و دێ ل گوندێ بەرچێ ھێتە ڤەشارتن)
ئەڤرۆ نیوز ، نەوزاد ھلۆری:
پشتی مەغرەبیا ئەڤرۆ دوو کەس درووبارێ زیێ مەزن دا ل سنوورێ قەزا خەبات یا سەر ب پارێزگەھا ھەولێر خەندقین و تەرمێن وان ژی ھاتینە دەرئینان و بو نەخۆشخانا داد ل ھەولێر ھاتینە رەوانەکرن.
دڤی واریدا حەیدەر بلباس بەرپرسێ بنگەھێ بەرەڤانیا باژێری ل قەزا خەبات بۆ ئەڤرۆ نیوز گۆت: ( پشتی مەغرەبیا ئەڤرۆ ل سنوورێ قەزا خەبات دوو کەس ب ناڤێن زیھاد عەبدولرەحمان ژ دایکبوویێ سالا ١٩٩٩ و عومەر عەبدولمەناف ژ دایکبوویێ سالا ١٩٩٧ د رووبارێ زیێ مەزن دا خەندقین کو وەلاتیێن کاکەی بوون )
زێدەتر گۆت: ( تەرمێن ئەوان ھەردوو کەسان د رووباری دا ھاتینە دەرئینان و رەوانەیێ نەخوشخانا داد ل ھەولێرێ ھاتینەکرن بو زانینا ئەگەرا روودانێ)
ئەڤرۆ نیوز ، نەوزاد ھلۆری:
پێنج ژ مەزنترین گورستانێن جیھانێ کو ھژمارا ویان ھندی ھژمارا ئاکنیێن قەتەرێ و سێ جاران ھندی ئاکنجیێن بەحرینێ نە كو ھژمارا ئاکنجیێن بەحرینێ ملیونەک و ٣٠٠ ھزار کەسە ، و ب پێنج ژ حێبەتی ترین گورستان ل جیھانێ دھێنە ھژمارتن.
ژ وان گورستانان
گورستانا گەلیێ ئاشتیێ
گورستانا گەلیێ ئاشتیێ ل عیراقێ مەزنترین گورستانە لسەر روویێ عەردی کو ھەتا نھا ھاتیە دیتن ، کو ھژمارا مریێن وێ زێدەتری پێنج ملیون کەسایە ، کو ئێک ژ وان کەسانێن کو ل ئەوێ گورستانێ ھاتیە ڤەشارتن ئیمام عەلی کورێ ئەبو تالیی یە.
گورستانا ناڤبری دکەڤیتە پارێزگەھا نەجەف ل عیراقێ کو روبەری َوی َدبیتە ١٠ کیلومەترێن چوار گوشە.
گورستانا کالفرتوون
ئەڤ گورستانە دکەڤیتە ئێک ژ ویلایەتێن ئێکگرتیێن ئەمریکا بناڤێ ویلایەتا نیویورک ل دەڤەرا بناڤێ لونچ ئایلاند کو زێدەتری ١٠ ھزار کەس تێدا ھاتینە ڤەشارن و رووبەرێ وێ ژی زێدەتر ژ چوار کیلومەتران و ل سالا ١٩٧٨ ژی ھاتیە دامەراندن.
گورستانا ئەبراھام لینکون یا نیشتمانی
گورستانا ناڤبری ب دوویەمێن گورستان ل نەتەوەیێن ئێکگرتیێن ئەمریکا دھێتە ھژمارتن کو رووبەرێ وێ ژی چوار کیلومەترن و ل سالا ١٨٦٢ ھاتیە دامەزراندن.
گورستانا ئولسدوف
ئەڤ گورستانە ژی ب ئێک ژ مەزنترین گورستانێن جیھانێ دھێتە ھژمارتن و دکەڤتیە ئەلمانیا کو ملیونەک و ٥٠٠ ھزار کەس تێدا ھاتینە ڤەشارتن و ل سالا ١٨٧٧ ھاتیە دامەزراندن و روبەرێ وێ ژی نێزیکێ چوار کیلومەترایە.
گورستانا کاراساھمت
ئەڤ گورستانە دکەڤیتە ئیستەنبولێ ل تورکیا کو ھاتیە دابەشکرن بو چەند پشەکان و لسەر ھەمو ئاینان ھاتینە دابەشکرن ، ژیێ وێ نێزیکێ شەش چەرخە و زێدەتری ملیونەک کەسان تێدا ھاتینە ڤەشارتن و روبەرێ وێ ژی نێزیکێ سێ کیلومەترایە.
ئەڤرۆ نیوز ، نەوزاد ھلۆری:
د درێژاھیا چالاکیێن خوە دا ژ بو رزگارکرنا رەڤاندیێن ئێزدی ئەڤرۆ دوو کچێن دن یێن ئێزدی لژێر دەستێ داعش ھاتنە روگارکرن و گەھشتنە دھۆکێ.
دڤی واریدا حسێن قائیدی رێڤەبەرێ نڤیسینگەھا رزگارکریێن ئێزدی بۆ ئەڤرۆ نیوز گۆت: ( ئەڤرۆ دوو کچێن ئێزدی ب ناڤێن ” ساھیرە نازدار ” کو ئاکنجیێن گوندێ شێخ خدر و گوندێ کرزرک بوون یێ سەر ب قەزا شنگاڵ بوون ھاتنە رزگارکرن و گەھشتنە ناڤا کەس و کارێن خوە)
زێدەتر گۆت: ( ھەول و بزاڤێن مە دێ بەردەوام بن ژ بوو رزگارکرنا رەڤاندیێن ئێزدی)
ئەڤرۆ نیۆز،عەزیز رەسول:
رێڤەبەریا ئاسایشا گەرمیان دیارکر کوپ شتی ئەوان بەری نھا د ھەوەکێ دا تیرورستەک گرتی ، ئەڤرۆ دادگەە ب وی ھاتەکرن و بریارا زیندانکرنێ ب سەر وی ھاتە سەپاندن.
دڤی واریدا عوسمان عەبدولکەریم بەرپرسێ راگەھاندنا ئاسایشا گەرمیان بۆ ئەڤرۆ نیوز گۆت: (رۆژا ١٩ێ ئایارا ٢٠١٧ ھێزێن ئاسایشێ ژیان د ھەوەکێ دا تیرورستەکێ ب ناڤێ ھاشم ئیبراھیم عەبدوللا حەسن ئەلدھلکی کو دایکبوویێ سالا ١٩٧٧ یە ب رەگەز عەرەبە ل سنوورێ قەزا خانەقینێ بگرن پاشان رادەستی دادگەھێ بکەن)
زێدەتر گۆت: ( دادگەھا تاوانێن کەرکوکێ ل گەرمیان د رونشتنا خوەیا ئیرودا ئەو تاوانبار ل گوەری ماددەیا ٣ێ یا قانونا تیرورێ ب زیندانکرن بو دەما پێنج سال و ھەیڤەکێ سزادا ، ھاتە ڤەگوھاستن بو چاکسازیا مەزنان یا سلێمانیێ )
ئەڤرۆ نیوز ، نەوزاد ھلۆری:
حەفت ئاین ل ھەرێما کوردستانێ ب رەنگەک فەرمی ھەنە ، بەلێ ھەمووان ب رەنگەک فەرمی جھێ خوە د پروگرامێن خواندنێ ل پشکێن کولیژێن ئاینی ب تایبەتی کولیژێن ئیسلامی دا نەگریتە.
دڤی واریدا ئاڤان جاف چالاکڤان ل ھەولێرێ دیارکر کو پێدڤی یە ھەر حەفت ئاینێن ل ھەرێما کودرستانێ د پشکێن زانستێن ئیسلامی دا بھێنە بەحسکرن و بۆ ئەڤرۆ نیوز گۆت: ( لگورەی قانونا ھژمار پێنج یا سالا ٢٠٠٥ یا پەرلەمانێ کوردستانێ حەفت ئاین ل ھەرێما کوردستانێ ھەنە و مولەت ب وان ھاتیە دان کو چالاکیێن خوە بکەن و ل کولیژێن زانستێن ئیسلامی College of Islamic Sciences ئەڤا کو ل سالا ٢٠١٢-٢٠١٣ ھاتیە دامەزراندن کو ئەو ژی ل سێ پشکان پێکھاتیە ، پشکا شەریعەت ، پشکا خواندنێن ئیسلامی و پشکا بنەمایێن ئاین و سەنتەرێ سەلاحەدین ئەیوبی بو ڤەکولینێن زانستی )
زێدەتر گۆت: (ستراتیجیەتا ئەوان کولیژان ژی پێکدھێت ژ پەیرەوکرنا پەروەردەیەکا میانرەو کو دور بیت ژ ھزر و بیرێن توندوتیژی کو بگونجین ل گەل ھەموو تەخێن جڤاکی )
ل بارا ئارمانجێن ئەوان کولیژان ژی ئاڤان جاف گوت: (کولیژ بو مەرەمێن بلندکرنا ئاستیێ زانستی و رەوشەنبیریا قوتابیانە دوارێ ئیسلامی دا ھاتیە ڤەکرن ، دیسان پروپاکندەیەکە بو فەلسەفە و دانوستاندن و قبولکرنا بوچوونا بەرامبەر دناڤبەرا ھزر و بیرێن ژێکجودادا ، دیسان بەلاڤکرنا گیانێ ئەڤین و لێبوردن و مرۆڤایەتی دھەموو بواران دا ، و ب ھزێکرنا پەیوەندیێن دناڤبەرا زانست و رەھەندێن ژێکجودایێن ژیانێ وەکو رەھەندێن مرۆڤایەتی و ئازادی و پاراستنا ژینگەھێ ، و بەرھەڤکرنا کادرەکێ خودان شیان دوارێ راوێژان دوارێ زانستیێن ئیسلامی بو وەزارەت و دام و دەزگەھێن حکومەت و رێکخراوێن جڤاکێ سڤێل داکو بکارن زێدەتر کار بکەن بو رێکخستن و ھەڤدوو قبولکرنا گیانێ پێکڤە ژیانا ئولی)
ل دوماھیێ گۆت: ( نھا ب رەنگەک گشتی قوتابیێن دەرچویێن رێزا ١٢ێ ئامادەیی ل ھەردوو لقێن زانستی و وێژەیی و خواندنا ئیسلامی و دەرچوویێن ئامادەیێن سەر ب وەزارەتا ئەوقاف و کاروبارێن ئاینی ل پشکێن کولیژا ناڤبری دھێنە وەرگرتن ، ژبەرڤێ گرنگە د ناڤەندێن ئەڤان کولیژان دا بەحس ل ھەموو ئاینان بھێتەکرن)
فوتو و زانيارى ، نەوزاد ھلۆری:
ل کوردستانێ گەلەک دیمەن و دار و بەر و جھێن شینواری و مێژووی و ھاڤینگەھێن سەرنجراکێش ھەنە کو بوویە سەدەم رۆژانە خەلکەکێ زور قەست بکەتێ ، ئێک ژ وان ھاڤینگەھێن ھەری خوش ھاڤینگەھا رێزانە ل دەڤەرا بارزان.
ھاڤینگەھا رێزان کو نھا چەند خوارنگەە و جھێن گوزاری لێ ھاتینە درۆستکرن ئێکە ژ جھێن ھەری خوش ل کوردستانێ و سنوورێ پاریزگەھا ھەولێر تایبەتی پشتی کو چەند خوارنگەە و جھێن گوزاری و بەنداڤا رێزان ھاتیە چێکرن.
کامەران رێزانەیی خودانێ خوارنگەھا رێزان ل ھاڤینگەھا رێزان بو ئەڤرۆ نیوز گۆت: ( ھاڤینگەھا رێزان ئێکە ژ سەرنجراکێشترین ھاڤینگەھێن سنوورێ پارێزگەھا ھەولێر و دەڤەرا بارزان کو رۆژانە خەلکەکێ زور قەست دکەتێ و پێدھێت ژ خوارنگەە و جھێن مەلەڤانیان و جھێن گەشت و گوزاری و بەلەم و پایسکلێن ئاڤێ بو گەشتیاران درۆستکرینە)
زێدەتر گۆت: ( ھاڤینگەە و خوارنگەھا رێزان ھاڤینان سەرئاڤە و زستانان ژی بن ئاڤە ، ئانکو دەما کو رووبار بوش دبیت خوارنگەە و ھاڤینگەھا رێزان بن ئاڤ دبیت و ل وەرزێ بوھارێ و رۆژانێن بارانێن زوربوش ھاڤینگەھا رێزان ژێر ئاڤ دبیت ، واتە بتنێ بو دەما چەند رۆژان ھاڤینگەە یا ژێرئاڤە ، ئەگەر ل وەرزێ زڤستانێ و بوھارێ ژی دەرگەھێ ھاڤینگەھێ ڤەکریە و خەلەکێ زور قەست دکەتێ ، ژبەر ژێر ئاڤکەفتنا وێ زیانێن دەفتەران دولاران ب مە دکەڤن)
ھاڤینگەھا رێزان زێدەتری ٢٧ سالە ماسیێن خومالی لی َدھێنە فروتن و ناڤدارە ب ماسیێن خومالی دڤی واریدا رێزانەیی گۆت: ( ئەو ماسیێن کو ل خوارنگەھا رێزان و ھاڤینگەھا رێزان دھێنە فروتن ماسیێن رووباری رێزانن ، و ھندەک ژی ماسیێن سەلەمونن ، و ئەڤە زێدەباری چەند جورێن خوارنێن دن ھەنە بەلێ پتر ب ماسیێن خومالی دھێتە نیاسین و رۆژان خەلکەکێ زور ل ناڤخوە و دەرڤەیێ کوردستانێ قەستا رێزان دکەن)
ئەڤرۆ، ھەژار :
کارگێریا یانا بەرشەلۆنە پشتی نەشیاین یاریزانێ ئیتالی و یانا پاریس سان جێرمان ڤیراتی ب دەستخوڤە بینن بۆ ڤەگوھاستنا ئەوی د مێرکاتویا ھاڤینا ئەڤ سالە دا پشتی یانا پاریس ھەمی رێک ل بەر فروتنا ئەوی گرتین و بێ ئومێدکرین یانا کەتەلونی نوکە نەچار بوویە لێگەریانا یاریزانەکێ دی ل جھێ ڤیراتی وەکو پێگوھور ب دەستخوڤە بینن بۆ ھاڤینا ئەڤ سالە.
رۆژناما دیلی ستار یا برێتانی ئاشکرا کریە یانا بەرشەلۆنە پشتی د ڤەگوھاستنا ڤیراتی دا نە شیان سەرکەفتنێ ب دەستخوڤە بینن نوکە ڤێ یانێ ھزر ل ئینانا یاریزانەکێ دی کریە بۆ ب ھێز ئێخستنا ھێلا ناڤینا یانێ و چاڤ ل سێ ستێرێن خولا پرێمێیرلیگ کریە کو ئێک ژ ئەوان ب دەستخوڤە بینن ھەر چەندە دەستڤە ئینانا ئەوان یاریزانان ژی دێ یا ب زەحمەت بیت لێ دبیت ژ یا ڤیراتی ب سانەھی تر بیت ئەوژی یاریزانێ یانا لیڤەرپول و ستێرا ھێلا ناڤینا بەرازیلی ڤلیپ کوتینھو کو ڤی یاریزانی پەیوەندیێن باش ل گەل نیماری ھەنە دبیت نیمار ب شێت ب رێیا ھەڤالینیا خوە ئەڤی یاریزانی رازیبکەت بوو دەستڤە ئینانا ھەردیسان ستێرا ھێلا ناڤینا توتنھام دیلی ئالی کو ئەڤی یاریزانی ئاستەکێ بلند ل گەل یانا خوە دخولا ئنگلتەرا دا ل دو وەرێن بوری پێشکێشکری یە کو نوکە ئەڤ یاریزانە بوویە ئارمانجا مەزنێن خولا ئنگلەرا ژی .
ژلایەکێ دویڤە راھێنەرێ یانا بەرشەلۆنە ڤالڤیردی ھزر ل ئینانا یاریزانێ یانا مانچستەر یوناید ئەندرێ ھیریرا کریە کو راھێنەرێ بەرشا بەری نوکە سەرپەرشتیا ئەڤی یاریزانی کریە ل یانا ئەتلەتیکو بلباو و یێ بزاڤێن مەزن کەت ب رێیا بریکارێ ئەوی ڤی یاریزانی رازیبکەت لێ ھاتنا ئەڤی یاریزانی ژی دێ گەلەک یا ب زەحمەت بیت ژبەرکو مورینھوی بەری نوکە دیارکر بوو ئەو دەستا ژ شیانێن ئەڤی یاریزانی نابەردەت و دێ بۆ وەرزێ بھێت پشت بەستنێ ل سەر ھیریرا کەت.
ھەژی گوتنێ یە یانا بەرشەلۆنە ل حەفتیا بوری دو ڤەگوھاستنێن خوە یێن وەرزێ ئەڤ سالە ئاشکراکرن ئەوژی یاریزانێ وێ یێ بەری نوکە و یانا ئیڤەرتون جیرارد دولوڤیو ھەردیسان یاریزانێ پرتوگالی و یانا بەنڤیکا نیلسون سیمیدیو .
نيشاندان