ئەڤرۆ:
پشتی ھەردو یانێن بەرشەلۆنە و ریال مەدرید ھەڤرکیەکا دژوار ل سەر ستێرا گەنج یا ئیسپانی و یاریزانێ یانا ریال بتیس دانی سیبایوس کری بۆ دەستڤە ئینانا شیانێن ئەوی و ل دووماھیێ یانا ریال مەدرید ل چرکێن دووماھیێ شیا یاریزانی ب دەستخوڤە بین و ھەردیسان یاریزانی ژی یانا مەلەکی ھەلبژارت.
رۆژناما مارکا یا ئیسپانی د نووچەیەکێ خوە دا بەلاڤەکریە یانا ریال مەدرید ب سەرۆکاتیا فلورنتینو پیرێز مەرجەک دانایە بەر ھەلوەشاندنا یاریزانێ خوە یێ گەنج سیبایوس ب کوژمێ نیڤ ملیون یورۆیا ھەر دەمێ یاریزانی خواست بچیتە یانەکا دی و دەمی پێدڤی یە یاریزان ٥٠٠ ملیون یورۆیا پێشکێشی یانا مەلەکی بکەت و ل دویڤ گوتنا ئەوێ رۆژنامێ یانا ریال ئەڤ چەندە کریە بوو وێ چەندێ داکو ھەمی رێیا ل بەر یانا بەرشەلۆنە بگریت بۆ ھزرکرنا ئەڤی یاریزانی ل پاشەرۆژێ ژی ژبەرکو یانا بەرشا ئارمانجا خوە کربوو ئەڤ یاریزان ل مێرکاتویا ھاڤینا ئەڤ سالە .
مارکا ئاماژە ب وێ چەندێ ژی کریە یانا ریال د مەترسیا بەرشەلۆنە دا ئەڤ مەرجە دانایە بەر یاریزانێ ناڤبری داکو ل چەند سالێن بھێت یانا ناڤبری ھزر ل ئینانا ئەڤی یاریزانی نەکەت و ژبلی بەرشەلۆنە ھەر ئێک ژ یانێن یوڤانتوس و ناپولی ژی بزاڤێن مەزن دکرن بۆ دەستڤە ئینانا سیبایوس لێ یاریزانی یانا ریال مەدرید ھەلبژارت و ھەڤبەستا یانا مەلەکی ھەتا سالا ٢٠٢٣ ئیمزاکر .
ھەژی گوتنێ یە دانی سیبایوس یێ ٢٠ سالی ل ھێلا ناڤین یاری کەت وەکو باشترین یاریزان د قارەمانیا یورویا ٢١ سالی ھاتبوو ھەلبژارت ھەردیسان ل وەرزێ بوری ل گەل یانا خوە بیتس شیابوو ٣٠ یاریان پشکداری تێدا بکەت و ئاستەکێ بلند پێشکێشکربوو کو ل سالا ٢٠١٤ ژ تیما دوێ یا ریال بتیس ھاتبوو سەرئێخستن بوو تیما ئێکێ و ھەتا نوکە ل گەل وێ یانێ ٩٨ یاری ئەنجامدای نە شیا حەفت گولان توماربکەت و پێشبینین مەزن بۆ ئەڤی یاریزانی دھێنەکرن بیتە ئێک ژ باشترین یاریزانێن ھیلا ناڤینا جیھانی و ئورۆپا ل چەند سالێن بھێت.

زاخۆ,ھشیار دوبانکی:
چاڤەرێ دھێـتەکرن ل ٢٩ ڤێ مەھێ لژنەیا روپێدانێ یا ئێکەتیا ئاسیا یا تەپا پێ ئەوا سەرەدانا ھەمی یاریگەھێن عیراقێ بکەت ئەوێن بۆ وەرزێ بھێت دێ پشکداری دخولا عیراقێ یا پلا نایاب دا کەن کو ژ ئەوانا ناڤێ چار یانێن کوردستانێ د ناڤدا یە ئەوژی ھەولێر، زاخۆ، گاز باکور و سلێمانیێ و ناڤێ یانا دھۆک د لیستا لژنەیا دیڤچوونا رێپدانێ دا نەبوو ژبەرکو یانا دھۆک ئەو خالێن ھاتینە دیارکرن ژلایێ ئێکەتیا عیراقی و ئاسیا ڤە ب جە نە ئینان ھەر چەندە دەلیڤەیەکا دی ھەبوو یانا دھۆک جارەکا دی پشکداری دخولا عیراقێ دا بکەت لێ بۆ وەرزێ بھێت ژی یانا دھۆک دێ یا بێ بار بیت ژ خولا نایابا عیراقێ.
ئەوێ لژنەیێ بریار دایە ل ١٨ ڤێ مەھێ دەست ب کارێ خوە بکەن و سەرەدانا یاریگەھێن عیراقێ بکەن کو بریارە ل ٢٩ ڤێ مەھێ سەرەدانا یاریگەھا یانا زاخۆ بکەن و دیڤچوونا ئەوان خالێن ئەوان ب جە ئیناین و بریارا دووماھیێ ل سەر بدەن و رۆژا دیڤدا بریارە سەرەدانا یاریگەھا ھەولێر بکەن ل ٣١-٧ دێ بەر ب باژێرێ کەرکوک چن بۆ یاریگەھا گاز باکور و دووماھی گەھشتا ئەوان ل ھەرێما کوردستانێ دێ بۆ یانا سلێمانیێ بیت ل ئێکێ مەھا بھێت .

ئەڤرۆ،ھەژار مەعروف:
گولچیێ ھەلبژارتیێ ئنگلتەرا و مانچستەر سیتی پشتی ھاتنا گواردیولای و راھێنەرێ ناڤبری پشت بەستن ل سەر ئەوی راھێنەری نەکری ئەوی ژی بریار دای ب شێوەیێ خواستن بۆ ماوێ سالەکێ پەیوەندی ب یانا تورینو یا ئیتالی بکەت و سالەکا سەرکەفتیانە ل گەل ئەوێ یانێ ب دووماھیی ئینا و ل گەل دووماھی ھاتنا دەمێ ڤەگوھاستنا ئەوی جو ھارت بریار دا جارەکا دی ڤەگەریتە خولا ئنگلتەرا.
ل گەل ھاتنا ئەوی گواردیولای جارەکا دی ئەو گولچیی بێ ئومێد کر ژ یاری کرنێ ل یانا مانچستەر سیتی پشتی ھەڤبەست ل گەل گولچیێ یانا بەنڤیکا پرتوگالی ئیمزاکری و جو ھارد نەچار بوو لێگەریانا یانەکا نوو بکەت و دوھی ب فەرمی ناڤێ یانا وی یا وەرزێ بھێت ئاشکرا بوو پشتی کەنالێ سکای سپور د دەنگوباسەکێ خوە دا بەلاڤەکری جو ھارد دێ گولا یانا ویستھام یوناید بۆ وەرزێ بھێت پارێزیت.
وی کەنالی ئاماژە ب وێ چەندێ ژی کریە دوھی جو ھارد د تاقیکرنێن بزیشکی ژی ل گەل یانێ ب دووماھی ئینان ب سەرکەفتیانە و ل سەر ھەمی خالێن ھەڤبەستێ رێککەفتی نە .
ھەژی گوتنێ یە جو ھارت ئێک ژ گولچێن بەرنیاس ل سەر ئاستێ ئنگلتەرا ل گەل ھەلبژارتیێ ئنگلتەرا ٧١ یاری کرینە ھەردیسان بۆ ھەردو ھەلبژارتیێن ٢١ سالی و ١٩ سالی ژی یاری کریە ھەر ژ سالا ٢٠٠٦ وەرە ل یانا مانچستەر سیتی یە پشتی ژ یانا شیڤلد یوناید ھاتیە ڤەگوھاستن ژ سالا ٢٠٠٦ وەرە ل گەل یانا مان ستی ٢٦٦ یاری ئەنجامدای نە کو دناڤبەرا کو ژ سالا ٢٠١٠ ھەتا ٢٠١٦ وەکو گولچیەکێ سەرەکی بوو ل گەل یانێ و پشتی گواردیولای ھەڤبەستا مان ستی ئیمزاکری ئەوی دیارکر ئەو دێ پشت بەستنێ ل سەر ھارت ناکەت و دەرگەە بوو یێ ڤەکریە بۆ ھەر یانەکا دی بچیت.

ئەڤرۆ نیوز،ھەژار مەعروف:
ب فەرمی کارگێریا یانا زێرەڤانی سەرپەرشت و ستاڤێ راھێنانێ یێ تیما خوە یا تەپاپێ بۆ وەرزێ نوو یێ خولا کوردستانێ ٢٠١٦/٢٠١٧ دەستنیشانکرن کو پێکھاتینە ژ ماھر ئیسماعیل وەکو سەرپەرشت، سلێمان رەمەزان راھێنەر، وەحید رەشید ھاریکارێ راھێنەری، حسێن عەبدوللا راھێنەرێ لەش سڤکیێ و زوھێر عەبدولجەمال راھێنەرێ گۆلچیان و ھەر ئەڤرۆ خرڤەبوونا تیمێ ل یاریگەھا یانا زێرەڤانی ھاتیە کرن بوو خوە بەرھەڤکرن بۆ وەرزێ نوو.

دھێـە زانین سلێمان رەمەزان شیابوو ل گەل یانا زێرەڤانی چەندین دەستکەفیان ب دەستخوڤە بینت ل سەر ئاستێ ھەرێمێ سێ جاران ناسناڤێ خولا ھەرێمێ ھەردیسان ناسناڤێ سوپەر و کاسا کوردستانی و قارەمانیا ھەرێمان ب ناڤێ ھەلبژارتیێ کوردستانێ یانا زێرەڤانی پشکداری کربوو کو د ئەوان ھەمی دەستکەڤیان دا ستاڤێ وی غەزوان محەمەد وەکو ھاریکارێ راھێنەری و راھێنەرێ گولچیا مەعن بوون لێ ل وەرزێ ئە سالە چیاوازی کەڤتە د ستاڤێ ئەوی دا کو ھاریکارێ راھێنەری وەحید بەری نوکە ژی ل گەل دا کارکریە لێ بەری یانا زێرەڤانی ل سەر دەمێ یانا پیرس ل ھەردو خولێن کوردستانێ و عیراقێ و ھەردیسان حسێن عەبدوللا وەکو یاریزان بوو ل گەل دا ل یانا پیرس و خولا کوردستانێ و زوھێر عەبدولجەمال ل گەل سلێمان رەمەزان وەکو گولچیەکێ سەرەکی بوو شیابوو ل گەل زێرەڤانی شەش ناسناڤان د ماوێ سێ سالان دا ب دەستخوڤە بینت.