ئەڤرۆ نیۆز،زنار تۆڤی:
هەر چەندە دوهی ل پرانیا وەلاتێن موسلمانان،بتایبەتی وەلاتێن سوننە مەزهەب رۆژا ئێکێ یا جەژنا رەمەزانێ بوو،لێ ئەو وەلاتێن مەزهەبێ وان شیعە دوهی نەکربوو جەژن و ئەو دوهی ژی ب رۆژی بوون.
لەورا ئەو وەلاتێن شیعە مەزهەب بتایبەتی ل عێراقێ و ئیرانێ و ئەفغانستانێ و شیعەیێن چەندین وەلاتێن دی ئەڤرۆ ئێکەم رۆژا جەژنا رەمەزانێیە ل دەف وان.
ئەڤرۆ نیۆز،زنار تۆڤی:
بتنێ 1% ژ دەڤەرێن مۆسلا کەڤن ل رۆژئاڤایێ وی باژێری مایە د دەستێ تیرۆرستێن داعشێ دا.
یەحیا رەسۆل پەیڤدارێ فەرماندەیا ئۆپەراسیۆنا هەڤبەشێن عێراقێ راگەهاندیە کو هێزێن عێراقی بەشەک ژ دەڤەرێن فاروق و موشاهدە ل بەشێ باکۆرێ رۆژئاڤای ل مۆسلێ کۆنترۆلکرینە و هێزێن پۆلیسان ژی ل دەڤەرێن مووسلا کەڤن پێشرەوی کریە.
گوتیە ژی ئەو دەڤەرێن کو هەتاکو نوکە نەهاتینە رزگارکرن،پێکهاتینە هەر ئێک ژ نەبی جەرجیس، سەرچخانە، رەئسولحور و بابلتوب و بەشەک ژ موشاهدە.
ئاماژە ب هندێ ژی دایە کو دەڤەرێن مۆسلا کەڤن گەرەکێن بچووک و تەنگن، لێ هژمارەکا زۆر یا خەلکێ لێ دنیشتەجێنە.
ئەڤرۆ نیوز ، نەوزاد ھلۆری:
سترانبێژا زاروکان ڤەژین فەیزوللا مژولێ چێکرنا نوترین کارێ خوەییq ھونەری یە کو ئەو ژی کلیپەکا ھونەری یە و بەحس ل وەرزشێ دکەت و وەسا بریار ڤان دوو سێ روژێن بھێت یێن جەژنا رەمەزانێ بھێتە بەلاڤکرن.
دڤی واریدا ” ڤەژین فەیزوللا”دیارکر کو ھەر ژ روژا ئەوێ فام ل ژیانێ کری حەزا ستران گوتنێ ل دەف پەیدابوویە و بۆ ئەڤرۆ نیوز گۆت: ( ب رەنگەکێ گشتی دشێم بێژم کو ل سالا ٢٠١٣ ماموستا من دەست ب ھونەری کریە ئەو ژی بو ئێکەمین جار “ماموستا دیاری کورد ” ستران کو ھەر ژ پەیڤ و ئاوازێن وی بوون بناڤێ “دادێ” بو من تومارکر ، پشتی کو ە تیە بەلاڤکرن ب دەمەک کێم رەنگڤەدانەکا زۆر لسەر جیھانا زاروکان ھەبوویە ھەتا خوە پشکەک ژ زاروکێن عەرەبان ژی بوونە بینەر و گوھدارێن ئەوێ سترانا من و پەیوەندی ب من دکرن ، دوڤدا ھەر “ماموستا دیاری کورد “سترانەکا دن بناڤێ “حەژتە دکەم بابا ” بو من تومارکر پشتی کو ئەو ژی ھاتیە بەلاڤکرن ب دەمەکێ کورد زێدەتری ملیونەک بینەران ھەبوون ، دیسان چەند سترانەکێن دن ژی من بەلاڤکرن و دھندەکان ژی دا پشکداروبوم ژ وانان ژی سترانەکا نەوروزێ کو من و ئەڤین و وەرینێ پێکڤە گوتیە دیسان ھەر ژ پەیڤ و ئاوازێن ماموستا دیاری کوردبوون )
زێدەتر گۆت: ( نھا ئەز مژولێ سترانەکا نوو مە کو لسەر وەرزشی یە و ژ پەیڤ و ئاوازێن ماموستا دیاری کوردی نە و نھا د قوناغا کلیپکرنێ یە ل رۆژانێن جەژنا رەمەزانێ دێ بەلاڤ بیت)
ڤەژین ل پولا شەشێ بنەرەتی ل قوتابخانا ئالاین یا نموونەیی ل دھۆکێ دخوونت و ل بارا ھەردوو کارێن خواندن و ستران دبێژیت: ( نەیا ب ساناھی یە کو مرۆڤ خواندن و ھونەری پێکڤە ببەت ، داکو کارتێکرن ل خواندنا من نەکەت ئەز کارێن خوەیێن ھونەری ل دەمێ خوەیێ ڤالا دکەم ، ھەتا نھا من شیایە چوار کلیپان درۆست بکەم و دێ بەردەوام ژی بم لسەر کارێن خوەیێن ھونەری)
سترانبێژا زاروکان دیارکر ژی کو ئەو بو پارەیان سترانان نابێژیت و گۆت ژی : ( ئەز گەلەک داخبارا سترانبێژا زاروکان یا بولغاری کریسیا تودوروڤایە ، گەلەک سوپاسیا دایباب و ماموستا دیاری دکە مکو گەەلک ھەڤکاریا من دکەن)
ئەڤرۆ نیۆز،زنار تۆڤی:
راوێژکارێ ئەنجومەنێ ئاسایشا ھەرێما کوردستانێ رادگەهینیت کو ریفراندۆما سەربەخۆیا کوردستانێ بۆ دەستکاریکرنا سنۆرێن وەلاتێن جیران یێن باشۆرێ کوردستانێ نینە،لێ بتنی دێ سنۆرێ دناڤبەرا کوردستانێ و عێراقێ دا هێتە چەسپاندن.
مەسرۆر بارزانی ڕاوێژکارێ ئەنجومەنێ ئاسایشا ھەرێما کوردستانێ بۆ ڕۆژناما (The Guardian) یا بریتانی راگەهاندیە،کو پێدڤی ناکەت تورکیا سەبارەت ب ریفراندۆما سەربەخۆیا کوردستانێ نیگەران بیت، چونکی ریفراندۆم ”دێ بۆ دارێژتنا پەیوەندیێن دو لایەنی یێن دناڤبەرا ھەولێر و بەغدا دا بیت.
د درێژاهیا گۆتنێن خوەدا مەسرۆر بارزانی جەخت ل هندێ کریە کو ھەرێما کوردستانێ ئنیەتا دەستکاریکرنا سنۆرێن وەلاتێن جیران دا نینە،لێ ریفراندۆم بۆ چەسپاندنا وی سنۆرەیە،کو پێشوەخت دناڤبەرا کوردستانێ و دەڤەرێن دیتر یێن عێراقێ دا هاتیە دارێژتن.
راوێژکارێ ئەنجومەنێ ئاسایشا هەرێما کوردستانێ ھەروەسا دبێژیت،”ئەو دەم هاتیە کو بهێتە قەبوولکرن،کو مۆدێلا پێکڤە ژیانێ ل عێراقێ کار ناکەت،هەروەسا عێراق ب کرداری یا دابەشبووی و دەنگدان ل ریفراندۆمێ بتنی دێ ڤی دوورهێلی نیشان دەت، کو پێشوەخت رووی دایە“.
ئەڤرۆ نیۆز،زنار تۆڤی:
فەرماندێ پۆلیسێن فیدرالی یێن عێراقی فەریق رائید شاکر جەودەت سەرجەمێ زیانێن داعش ل شەرێ مۆسلێ ل گەل هێزێن پۆلیسێن فیدرالی هەر ژ هەیڤا 10 ل سالا بوری هەتاکو نوکە داینە دیارکرن.
فەرماندێ پۆلیسێن فیدرالی زێدەتر دبێژیت:هێزێن وان ب سەدان تیرۆرست ل مۆسل کوشتینە کو دناڤ وان دا چەندین سەرکردێن بیانی و عەرەبی هەنە،هەروەسا هێزێن وان شیاینە کونترۆلی ل سەر 2352 کم2 ژ ئەردێ مۆسلێ بکەن،هێشتا دبێژیت:مە 46 جهێن گرنگ ژ دەستێ داعشێ ئیناینەدەر و دیسا 20 هزار خێزان ل ژێر دەستێ داعشێ قورتالکرینە و مە 133 هزار نەفەرێن خوارنێ پێشکێشکرینە.
هەروەسا دیارکریە،ل ڤان 8 هەیڤێن شەرێ گران مە 1139 ترۆمبێل و 601 ماتۆرسکلێن مینرێژکری یێن داعشێ ژناڤبرینە ل گەل 22 گەمیێن ئاڤێ،هەروەسا هێزێن پۆلیسان 1400 جۆرێن چەکێن جودا گرتینە و 49 فرۆکێن سیخۆریێ ئێخستینە و 26 تۆنێل و 12 کارگەهێن چێکرنا چەکی و کاتیۆشان کونترۆلکرینە،هەروەسا هێزێن پۆلیسان 361 کەمەرێن مینرێژکری ژناڤبرینە،دیسا 2111 مین و تی ئێن تی یێن ئەردی ژی پەقاندینە.
ئه‌ڤرۆ نیۆز، عه‌زیز ره‌سول هه‌ورامانی:
رێڤەبەریا پۆلیسێن پارێزگه‌ها سلێمانیێ راگه‌هاندیە کو ئه‌ڤرۆ د ئێكه‌م رۆژا جه‌ژنا ڕه‌مه‌زانێ دا ل گه‌ره‌گا وڵوبه یا سلێمانیێ وەلاتیەک ب فیشه‌كان هاتیە کوشتن.
پۆلیسێن سلێمانیێ دیارکریە، کو وەلاتیەک ب ناڤێ(ب.ع.ب) کو ژیێ وی 34 سالن ل گه‌ره‌گا وڵوبه ب فیشەکان هاتیه كوشتن.
پۆلیسێن سلێمانیێ زێده‌تر گۆتیە،پشتی کوشتنا وی کەسی پۆلیس چووینە جهێ روودانێ و تەرمێ وی ژی هاتیە ڤەگوهاستن بۆ نۆشداریا داد ل سلێمانیێ و ڤەکۆلین ژی ل سەر ڤێ روودانێ هاتینە دەستپێکرن.
هەروەسا گۆتیە،ئه‌و وەلاتیێ هاتیه كوشتن پاسه‌وانێ مه‌لا به‌ختیاری به‌رپرسێ ده‌سته‌یا كارگێریا ئێکەتیا نیشتمانی یا كوردستانێ یە.
ئەڤرۆ نیوز ، نەوزاد ھلوری:
وەلاتیێن گوندێ بالندا یا سەر ب دەڤەرا بارزان وەکو نەریتەکێ ساڵانە زێدەتری ٦٠ سالایە بو خواردنا سپێدێ ل مالەکێ کوم دبن و دوڤدا ھەموو پێکڤە دچنە جەژنان.
پشتی داوی ھاتنا رێورسمێن نڤێژا سپێدێ و گەردەن ئازادکرنێ ھەموو پێکڤە ل مالەکێ کوم دبن بو خوارنا سپێدێ کو بەھرا پتریا جاران ژی خوارن پێکدھێت ژ قەلی و نیسکێ.
دڤی واریدا ” وەحید محەمەد سەید ” وەلاتیەکێ گوندێ بالندا یا سەر ب دەڤەرا بارزانە دیارکر کو وی ھەموو خەلکێ گوندی مێھڤانکرینە و گۆت: (ئەڤرۆ ل دەمژمێر ٣ێ سپێدی َمە دەست ب چێکرنا خوارنێ کریە و دەمژمێر شەشێ سپێدێ ئەم ژ چێکرنا خوارنێ دوماھی ھاتینە و مە خوارن بو زێدەتر ١٥٠ مالان چێکرینە و تێدا زەلام و ژن و زاروک ھەموو ل مالا مە کومبینە بو خوارنا سپێدێ”
گوت ژی: ( بەری نھا پرانیا جاران موختاران خوارن چێدکر بەلی َنھا ئەم ژی درۆست دکەین)
حەجی ئەحمەد باڵندی ئەو ژی وەلاتیەکێ گوندێ بالندایە و بەشداری دخوارنا سپێدێ دا کریە گۆت: ( ئەڤە زێدەتری ٦٠ سالایە گوندی َمە بو خوارنا سپێدەیا جەژنا رەمەزانێ ھەموو وەلاتیێن گوندی ل مالەکێ کوم د بن و پێکڤە خوارنێ دخون ، کو ئەڤ یەک ژی نەریتەک جوانە ، بڤێ ھەلکفتێ ژی دخوازین کو ھەموو لایەنێن سیاسی پێکڤە پشکداریێ د ریفراندومێ دا بکەن)
ئەڤرۆ نیوز:
کەژێ ھاوتا کچە ھونەرمەندا بناڤ و دەنگ ل سەر پێگەھێ خوەیێ ئەنستاگرامێ نووترین وێنەیێ خوە بەلاڤکریە و تێدا جەژنا رەمەزانێ ل ھەموو پێشمەرگەیێن قارەمان و کەس و کارێن شەھیدان و ھەڤالێن خوە پروز دکەت.
دوێنەیێ وێ دا وەسا دھێتە دیارکرن کو کەژێ ب سەر و سیمایەکێ جوان و رێک و پێک دەردکەڤیت ، و پیچەک ژی خەمبار دیارە ، دیارە ئەڤ یەک ژی ژبەر کارتێکرنا ئالوزیێن کوردستانێ و جیھانێ یە.
ئەڤرۆ نیۆز،زنار تۆڤی:
فەرماندێ پۆلیسێن فیدرالی یێن عێراقێ فەریق رائید شاکر جەودەت دادیارکرن:کو هێزێن وان کونترۆل ل سەر سێکا ئەو جهێن ماین ل باژێرێ کەڤن ل مۆسلێ کرینە و شەرکرن ژی د بەرژەوەندا هێزێن عێراقی دایە ل هەموو سەنگەرێن شەریدا،هەروەسا گۆتیە:هێزەکا پۆلیسێن فیدرالی یێن عێراقی گەلەک نێزیکی سەرجخانە بووینە،کۆ دوماهیک جهێ داعشانە،دیسا راگەهاندنا سەرکەفتنا دوماهیێ ل شەرێ مۆسل یا گرێدایە ب دەمیڤە،هەروەسا نوکە داعش یێن د دۆخەکێ شکەستنێ دا دژین پشتی کو 80% شیانێن بەرەڤانیکرنێ ژ دەستداین دیارکر ژی:نوکە داعش یێ خوە دناڤا جهێن پری مرۆڤدا ڤەدشێرن،لێ هێزێن مە ب تەکنیکەکا بلند سەردەریێ دکەن،ژ پێخەمەت زیان نەگەهیتە وی خەلکێ مایە دناڤ وان دا.
فەرماندێ هێزێن پۆلیسێن فیدرالی ئەو ژی گۆتیە:کو وان رێنمایی داینە پۆلیسان کو بازار و جهێن بازرگانی بپارێزن و هەروەسا داخواز ژ خۆدان کاران کریە کو ل دەڤەرێن رزگارکری کارێ خوە بکەن.
نيشاندان