فوتو ، شێخ ئەبو بەکر
ئەڤێن ل خوارێ دوماھی وێنێن شەڤانێن رەمەزان و رۆژانێن عەرەفاتا سەنتەرێ قەزا بەردەرەش یا سەر ب پارێزگەھا دھۆکێ نە.
وەکو دھێتە خویاکرن کو بازارێ بەردەرەش گەرم و گوریەکا زور ب خوڤە دبینیت بو پێشوازیکرن ل رۆژاێن جەژنا رەمەزانێ.
دھێتە زانین کو سوبەھی رێکەفتی ٢٥/٦/٢٠١٧ ل ھەرێما کوردستانێ ئێکەم رۆژا جەژنا رەمەزانا پیروزە.
ئەڤرۆ نیۆز،زنار تۆڤی:
نێچیرڤان بارزانی سەرۆکێ حوکمەتا هەرێما کوردستانێ ب هەلکەفتا جەژنا رەمەزانا پیرۆز پەیامەکا پیرۆزباهیێ بەلاڤکریە و ئەڤە ژی دەقێ وێ پیرۆزباهیێ یە:
ل دەستپێکێ جه‌ژنا ره‌مه‌زانێ ل خێزانێن سه‌ربه‌رزێن شه‌هیدێن نه‌مرێن كوردستانێ و پێشمه‌رگێن قاره‌مان و گیانفیدا،هەروەسا له هه‌موو خۆشك و برایێن موسلمانێن كوردستانێ و تەماما جیهانێ پیرۆز د‌كه‌م، هیڤیا جه‌ژنەکا شاد و پشوویه‌كا ئارام بۆ هەوە دخوازم.
ل ڤێ جه‌ژنێ دا ب وی پەرێ شكۆدار و پێزانین ڤە یادا عەزیزان،وان شه‌هیدێن نەمر دكه‌ینه‌ڤە و سه‌رێ رێز و نه‌وازشێ بۆ د چەمینین،کو ب مه‌ردانه گیان و خووینا خوە بۆ كوردستانێ و پاراستنا گه‌لێ مە به‌خشیە، هەتاكو رۆلێن كوردستانێ د ئارامیێ دا بژین و ل سایا قاره‌مانی و قوربانیدانا ئه‌وان به‌ره‌ف ئاینده‌یه‌كێ گه‌شتر پێنگاڤا بهاڤێژین.
هیڤیدارم ئه‌ڤ جه‌ژنه وه‌ك چاوا ل ژیانا ئایینى و كۆمه‌ڵایه‌تیدا جه‌ژنا ئاشته‌وایێ و پێكهاتنێ یە،ل هه‌موو روویێن دیڤە ببیته هانده‌ر و هه‌ڵگرێ ئاشتى و ته‌ڤایێ و ئێکرێزیێ و كارێ پێكڤە ژ پێناڤی تێپه‌ڕاندنا قه‌یرانان و چاره‌سه‌ركرنا هه‌موو كێشان،ئەم هەموو جه‌ژن و بیرهاتن و هەلکەفتێن داهاتی د دۆخەکێ باشتر و د كوردستانەکێ دا بكه‌ینه‌ڤە كو ته‌ماما مافێن رەوا یێن گه‌لێ كوردستانێ تێدا بجه هاتبیت.
دوباره جه‌ژن ل هه‌موویان پیرۆز بیت، هه‌موو سالان ب خۆشى، هه‌ر د كامه‌رانیێ دا بن.
نێچیرڤان بارزانى
سه‌رۆك وه‌زیرێن هه‌رێما كوردستانێ
24.6.2017
ئەڤرۆ نیوز ، بێوارحسێن :
دەمێ پاشیڤێ ٢:٣٤ خولەک بوو روودانەکا ئاگربەربوونێ ژی ل بەرواری ٢٤،٦،٢٠١٧ ئاگر بەربوو مالەکێ ل گەرەکا دیلمان ب ل قەزا سوران زیان ماددی ھەبوون خوشیەختانە ئاگر ھاتە کونترولکرن .
رێڤەبەرێ بەرگری شارستانیا سوران عیماد رێکانی بۆ ئەڤرۆ نیۆز گوت : ژ ئەگەرێ ئارگری بەربوونا بتلێ غازێ ل مالەکێ کۆ ھالاوتیەکێ ھەردووک دەستێن خوە ژ دەست دان لێ خوشبەختانە تیمێن بنگەھی بەرگری شارستانی سوران گەھشتنە جھێ روودانێ شیان کونترولی ل سەر ئاگری بکەن بەلێ سووتاندنا ھەردوو دەستێن وەلاتیەکی ژدەستدان ب مخابنی ژی ب ناڤی ( س ، ر ، ع ) کۆ مال ژی زیان گەھشتی ماددی لگەل سووتاندنا ھندەک کەل و پەلێ مالێ گەھشت .
ئەڤرۆ نیۆز،زنار تۆڤی:
مەسعود بارزانی سەرۆكێ هەرێما كوردستانێ ب هەلکەفتا جەژنا رەمەزانا پیرۆز، پەیامەکا پیرۆزباهیێ ئاراستەی موسلمانێن کوردستانێ ب تایبەتی و یێن جیهانێ ب گشتی کر.
بارزانی ل دەستپێکا پەیاما خوە دا پیرۆزباهیەکا گەرم ل خێزانێن شەهیدان و پێشمەرگێن کوردستانێ و هەروەسا سەرجەم کارمەندێن دەزگەهێن ئێمناهیێ یێن کوردستانێ دکەت.
د پەیاما سەرۆكێ هەرێما كوردستانێ دا هاتییە” ژ خودایێ مەزن دخۆازم کو رۆژی و عیبادەتێ هەیڤا پیرۆزا رەمەزانێ ل هەموو موسڵمانان قەبوول کربیت و پشت و پەنایا پێشمەرگێن مە یێن قارەمان بیت و گەلێ مە ژی بگەهیتە هیڤیا خوە یا دێرین و دوماهی ب هەموو نەخۆشیان بهێت”.
ئەڤرۆ نیوز ، ھلوری:
لژنا فەتوایێ یا ھەرێما کوردستانێ سوبەھی رێکەفتی ٢٥/٦/٢٠١٧ رۆژا ئێکشەمبی کرە ئێکەم رۆژا جەژنا رەمەزاناپیروز.
ھەر ئێک ژ وەلاتێن ( سعودیێ ، قەتەر ، توکرانیا ، تورکیا ، کوربا باشوور ، سەنگافور، ئەندونوسیا ، مالیزیا ، ئودرن ، روسیا ، ئوسترالیا ، لیبیا و ژاپون و چەند وەلاتەکێن دن سوبەھی رێکەفتی ٢٥/٦/٢٠١٧ رۆژا ئێکشەمبی کرە ئێکەم رۆژا جەژنا رەمەزانا پیروز.
ل عیراقێ ژی دەستەیا زانایێن سونە سوبەھی رێکەفتی ٢٥/٦/٢٠١٧ رۆژا ئێکشەمبی کرە ئێکەم رۆژا جەژنا رەمەزانا پیروز.
ئەڤرۆ نیوز ، ھلوری:
ھەر ئێک ژ وەلاتێن ( سعودیێ ، قەتەر ، ئووکرانیا ، تورکیا ، کوربا باشوور ، سەنگافور، ئەندونوسیا ، مالیزیا ، ئودرن ، روسیا ، ئوسترالیا ، لیبیا و ژاپون و چەند وەلاتەکێن دن سوبەھی رێکەفتی ٢٥/٦/٢٠١٧ رۆژا ئێکشەمبی کرە ئێکەم رۆژا جەژنا رەمزانا پیروز.
ل عیراقێ ژی دەستەیا زانایێن سونە سوبەھی رێکەفتی ٢٥/٦/٢٠١٧ رۆژا ئێکشەمبی کرە ئێکەم رۆژا جەژنا رەمزانا پیروز ، بەلی َھەتا نھا لژنا دیتنا ھەیڤێ ل ھەرێما کوردستانێ چاڤدێریا دیتنا ھەیڤی َدکەت بو دیارکرنا ئێکەم رۆژا جەژنێ.
ئەڤرۆ نیۆز،زنار تۆڤی:
ئەڤرۆ شەمبیێ 24.6.2017 مەسرۆر بارزانی راوێژكارێ ئه‌نجوومه‌نێ ئاسایشا هه‌رێما كوردستانێ ب بوونەیا هاتنا جه‌ژنا ره‌مه‌زانێ، پیرۆزباهیێن جەژنێ ل كه‌سوكارێن شه‌هیدێن كوردستانێ و یێن پێشمه‌رگه‌ی و موسلمانێن كوردستانێ و جیهانێ دكەت،هیڤی خوازە کو هەموو لا پشکداریێ د ریفراندۆما سەربەخۆیێ دا بكەن.
د ناڤەرۆکا نامەیا وی دا هاتیە ژ خودایێ مەزن دخوازم کو رۆژی و و عیباده‌تێ هەیڤا پیرۆزا ره‌مه‌زانێ ل هه‌موو موسڵمانان قەبوول كربیت و گیانێ هه‌موو وان پێشمه‌رگێن قاره‌مان بپارێزیت یێن كو د سه‌نگه‌رێ به‌رگری و پاراستنا كوردستانێ دانە و شه‌هیدێن مە ژی ب به‌هه‌شتێ شاد بكەت و شیفایێ بۆ بریندارێن مە ژی بدەت.
هەروەسا مەسرۆر بارزانی هیڤی خوازە کو هه‌موو لایه‌ك پشتەڤان بن ژبۆ ئه‌نجام گه‌هاندن و سه‌رخستنا پرۆسه‌یا ریفراندۆما كوردستانێ،كو دێ ل 25 ئیلۆنا ئه‌ڤ سالە ژ پێناڤێ دیارکرنا چاره‌نڤیسێ نیشتمانی و گه‌لێ مە له سه‌رانسه‌ری هه‌رێما كوردستانێ برێڤەچیت. وه‌ك چاوا بەری نوکە ب خۆراگری و قاره‌مانانە بەرهنگاری هه‌موو سیاسه‌تەکا قركرنێ و ژناڤچوونێ و ده‌ركرنێ بووینە،نوکەژی پێدڤیە ب بهلێ پشکداریێ د ڤی ئه‌ركێ نیشتمانیدا بکەین، بۆ هندێ ئەم هه‌موو وەلاتەكێ دیموكراسی دابمه‌زرێنن و مۆدێلەکا جیاواز پێشكێشی ڤێ دەڤەرێ بکەین.
ئەڤرۆ نیوز ، ھلۆری:
راوێژکارێ ئەنجومەنا ئاسایشا ھەرێما کوردستانێ ب ھەلکەفتا ھاتنا جەژنا رەمەزانا پیروز پەیامەکا پیروزباھیێ بەلاڤکر و تێدا جەژنا پێشمەرگە و ئاسایش و گەلێ کورد و ھەموو موسلمان دکەت دکەت ، و دخوازە کو ھەموو لایەنێن سیاسی و وەلاتی پێکڤە کار بو سەرئێخستنا ریفراندۆمێ بکەن و ب بەلێ دەنگ بۆ بدەن.
بەرێز مەسرور بارزانی راوێژکارێ ئەنجومەنا ئاسایشا ھەرێما کوردستانێ ب ھەلکەفتا ھاتنا جەژنا رەمەزانا پیروز پەیامەکا پیروزباھیێ ئاراستەیێ ھەموو موسلمان و گەلێ کورد و پێشمەرگەیێن قارەمان و کەس و کارێن شەھیدان کر و تێدا داخوازکر کو خودایێ مەزن ھەموو گەلێ کورد و پێشمەرگەیان ل سەنگەران بپارێزیت و شەھیدان ژی ب بحەشتا بەرین شاد بکەت و شیفایێ بو برینداران فرێبکەت.
دپشکەکا دی یا پەیاما خوە دا مەسرور بارزانی گۆت: (دخوازم کو ھەموو لایەک پشتەڤان بن بو سەرئێخستنا پرۆسەیا ریفراندۆما ھەرێما کوردستانێ ل رۆژا ٢٥ ئیلونا ٢٠١٧ و ب بەلێ دەنگی بو بدەن داکو چارەنڤیسیێ ھەرێما کوردستانێ بھێتە دیارکرن ، وەکو چەوا بەری نھا ھەردەم خوە راگربوویە بەرامبەر دوژمنان و بەرنگاریێ ھەموو سیاسەتەکا رەتکرن و بەرزەکرن و دەرکرنێ بویە داکو جارەک دن گەلێ مە توشی ئەڤان دەردەسەریان نەبیت پێدڤی یە ھەموو گەلێ کورد دەنگی ب بەلێ بو سەرئێخستنا ریفراندۆمێ بدەن داکو مودێلەکا نو و ئایندەیەکێ گەش و وەلاتەکی َدیموکراسی بو ھەرێما کوردستانێ بھێتە دامەزراندن )
.
ئەڤرۆ نیوز ، نەوزاد ھلۆری:
بەراورد ل گەل پارێزگەھێن دن یێن ھەرێما کوردستانێ ب تایبەتی ژی بەرامبەر ھەولێر و سلێمانی ل گورەی ھژمارا رونشتڤانا پارێزگەھا دھۆک کێمترین کارگەھێن پێشەسازی ھەنە.
دڤی واریدا “رێبین فەتاح ” ڤەکولەرێ ئابووری ل پارێزگەھا ھەولێر بۆ ئەڤرۆ نیوز گۆت: (پارێزگەھا دھۆک ئێکە ژ وان پارێزگەھێن باشوورێ کوردستانێ کو د ھەموو سکتەران دا یا پشتگوە ھاڤێتیە و کێمترین پرۆژەیێن وەبەرھێنان و پێشەسازی و بارزگانی و خزمەتگوزاری لێ دھێنە ئەنجام دان ھەر بوو نموونە ژ ژ سەرجەمێ ١٨٢ کارگەھێن پێشەسازیێن ناڤنجی بتنێ ٢٩ کارگەە ل دھۆکێ ھەنە ، و دیسان ژ سەرجەمێ ٩٢ کارگەھێنێن پێشەسازیێن مەزن تنێ ١١ کارگەە ل دھۆکێ ھەنە ، و دیسان ژ سەرجەمێ ١٠٣٨٧ کارگەھێن بچوکێن پێشەسازی بتنێ ١٧% دکەڤنە سنوورێ پارێزگەھا دھۆک کو ئەڤ یەک ژی رێژەیەکا زۆر کێمە بەراورد ل گەل ھژمارا رونشتڤانێن وێ)
زێدەتر گۆت: (ژ ئەگەرا نە ھەڤسەنگی و نە ئێکسانیا دابەشکرنا ئەوان کارگەھان ل سەر پارێزگەھێن ھەرێمێ زیانێن ھەری مەزن ب پارێزگەھا دھۆک و خەلکێ وێ کەفتیە ژبەرکو ئەڤ یەک بویە سەدەم کو ھژمارەکا زۆر یا وەلاتیان بێ کار ب مین ئانکو رێژەیا بێکاریێ بەرامبەر ھەردوو پارێزگەھێن ھەولێر و سلێمانیێ زور بلندە)
ئەڤرۆ نیوز ، مەحمود نھێلی
قایمقامێ قەزا ئامێدیێ بۆ ئەڤرۆ نیوز دیارکر کو ئەوان بەرھەڤی یێن تمام کرینە بۆ چاوانیا پێشوازی کرنا گەشتیاران د رۆژانێن جەژنێ و ئەو ئاریشە و کێشە ھاتینە گەنگەشەکرن یێن دبنە ئەگەرێ کێم ھاتنا گەشتیاران بۆ دەڤەرا وانا.
ئیسماعیل موستەفا رەشید قایمقامێ قەزا ئامێدیێ بۆ ئەڤرۆ نیوز دیارکر، کو بەر وەخت وان بەرھەڤی یێن تمام کرینە بۆ پێشوازی کرنا گەشتیاران و گۆت: ( مە بەری نوکە کومبوونەک د گەل فەرمانگەھێن پەیوەندیدار و خودانێن جھێن گەشتیاری و خارنگەھان ئەنجامداینە و تێدا تەکەزی ل سەر ھندێ ھاتیە کرن کو پێدڤیە د رۆژانێن جەژنێ دا دەرگەھێ خارنگەھا یێن ڤەکری بن و ھەروەسا بھایێ کەل و پەلان ل سەر گەشتیاران نەھێتە گرانکرن و رێزەکا تایبەت ل گەشتیاران بھێتە گرتن ).
ناڤبری دیارکر کو، کو وان تەکەزی ل سەر ھندێ کریە ب ھەموو شێوەکێ گرنگی ب پاقژیا خارنگەە و ئوتێلان و کارمەندێن وێ بھێتە دان ژ بۆ پتر سەرنج راکێشانا گەشتیاران و خویاکر کو ئەو خال و ئاریشەیێن دبنە ئەگەرێ کێم ھاتنا گەشتیارن بۆ دەڤەرا ئامیدیێ ھاتنە گەنگەشە کرن و ھەروەسا چاوانیا چارەسەرکرنا وانا ھاتنە گوتبێژکرن و گۆت: ( ژ بەر کو ھاتنا رێژەیەکا زۆرا گەشتیاران دبیتە ئەگەرێ داھاتەکی باش بۆ خەلکێ دەڤەرێ پێدڤیە ب ھەموو شێوەکی ئەم کار بکەین کو سەرنجا گەشتیاران بۆ دەڤەرا خوە راکێشین و پێدڤیە ئەولەھیا گەشتیاران یا پاراستی بیت و لایەنێن ئەمنی و حکومی ل گەل خودانێن جھێن گەشتیاری پەیوەندیێن باش ھەبن).
نيشاندان