ئەڤرۆ نیۆز،زنار تۆڤی:
بەرسڤێن پرسیارێن ئەزموونا کۆمەلایەتیێ یا ئەڤرۆ رۆژا 21.6.2017 گرۆپێ “A”
بەرسڤێن پرسیارێن بابەتێ کۆمەلایەتی یێن پۆلا 9 بنەرەتی
نووترين نووچه
- مە بزاڤێن مەزن یێن كرین گرنگییەكا تایبەت ب كەرتێ چاندنێ و پیشەسازییا خوارنێ بدەین
- هیچ ئالییەكێ سیاسی نەشێت چاوانییا پەیوەندیێن د ناڤبەرا بەغدا و هەولێرێدا دیار بكەت
- تمامبوونا جۆتسایدێ شێخان – لالش، دێ ئاسانكارییەكا مەزن بۆ سەرەدانكەرێن لالش كەت
- نەخوەشخانەیا پەنجەشێرێ ب ئاست و كوالێتییەكا بلند دێ كەڤیتە د خزمەتا وەلاتییاندا
- پەرلەمانتارەك: ئەمریكا و ئۆپێك فشارێن ل ئیراقێ دكەن بۆ هنارتنا پەترۆلا هەرێما كوردستانێ
- ل نێزیك پارتی دێ بارەگەهێ مەكتەبا رێكخستنێ ل كەركووكێ ڤەكەت
- دەلیڤەیا سەختەكاریێ ب رێكا تەكنەلۆژیایێ یا هاتیە كێمكرن و دەنگ ب دەستی ژی دێ هێنە هەژمارتن
- پێدڤییە نیازپاكی و ئیرادەیەكا راستەقینە بۆ چارەسەركرنا كێشەیان هەبیت
- پێدڤییە هەوا هەلبژارتنان د سەقایەكێ ئازاد دا و دوور ژ گرژیێ بهێنە ئەنجامدان
- مەسرور بارزانی: ب هێزبوونا پارتی ب هێزبوونا كوردستانێیە
سه‌ره‌كى Twitter
110 ھزار مەترێن عەردی ل ئەڤی جھێ گەشت و گوزاری مین و تەقەمەنی هەنە
ئەڤرو نيوز ، نەوزاد ھلۆری:
گەلیێ بالندا تاکە رێیا پێکڤە گرێدانا زێدەتری ١٥٠ گوندێن نێروە و رێکانە ، بەلێ ل خالا دەستپێکێ یا گەلیێ بالندا ل نێزیک پرا ئاسنی یا گەلیێ بالندا و بارەگایێ ئاسایشا گەلیێ بالندا ١١٠ ھەزار مەترێن عەردی مین و تەقەمەنی تێدا ھەنە و مەترسی بۆ سەر ژیانا وەلاتیان درۆستکریە ، رێڤەبەریا گشتی یا مین و تەقەمەنیان ژی دیارکر کو ئەو دێ پشتی جەژنێ ژ نێزیک سەرەدانا جھێ ناڤبری کەن بۆ چەوانیا راکرنا ئەوان مین و تەقەمەنیان.
سەمیع سەدیق وەلاتیەکێ دەڤەرێ یە دیارکر کو ل دەرێ گەلیێ بالندا ھژمارەکا زۆر یا مین و تەقەمەنیان ھەیە و بۆ ئەڤرۆ نیوز گۆت: (ھەبوونا مین و تەقەمەنیان ل دەرێ گەلیێ بالندا راستەوخوە مەترسی بۆ سەر ژیانا وەلاتیان ھەیە ژبەرکو ھژمارا وان زێدە زۆرە و بەری نھا ژی چەندین جاران مەترسی بۆ سەر ژیانا وەلاتیان و ئاژەلان درۆستکریە)
زێدەتر گۆت: (دخوازین کو جھێن شولەژێ ب زوترین دەم ئەوان مین و تەقەمەنیان راکەن ژبەرکو خەلکەکێ زور قەستا گەلیێ بالندا دکەن و رۆژانە ھاتن و چوونێ دنیڤا جھێ ئەوان مینان دا دکەن و ئەگەر خەلکێ دەڤەرێ بزانن مین ل وان جھان ھەنە خەلکێ بیانی نزانن)
دلگەش محەمەد پولیسێ دارستان ل گەلیێ بالندا لسەر بابەتی بۆ ئەڤرۆ نیوز گۆت: (ئەڤە چەند سالەکە ئەم ل گەلیێ بالندا دەست بکاربوین و مە ب چاڤ دیتیە کو چەندین جاران خەلکێ دەڤەرێ چوینە دناڤا جھێ مین و تەقەمەنیان دا ب تایبەتی زاروک و ئەوان زاروکان راستەوخو ئەو مین و تەقەمەنی ھەلگریتنە و یاری پێکرینە و دیسان چەندن جارەکان ژی پێش چاڤێن مە ئەو مین و تەقەمەنی ب ئاژەلێن دەڤەرێ پەقینە و کوشتینە ، زێدەباری ڤێ یەکێ ئەم وەکو پولیسێن دارستانێ یێن دناڤا مین و تەقەمەنیان دا و ھەموو رەخ و روویێن مە مین و تەقەمەنی ھەنە و بەری نھا ژی مە مین و تەقەمەنی لسەر رێیا سەرەکی یا ھاتن و چوونا خوە بو لایێ رووباری راکرینە ژبەرڤی َدخوازن کو جھێن شولەژێ ئەڤان مین و تەقەمەنیان راکەن داکو مەترسی بۆ سەر ژیانا وەلاتیان درۆست نەبیت)
ژلایەکێ دنڤە عەبدولەکریم ئەحمەد رێڤەبەرێ پلاندانانێ ل رێڤەبەریا گشتی یا مین و تەقەمەنیان ل پارێزگەھا دھۆکێ زێدەباری پشتراستکرنا بابەتی بۆ ئەڤرۆ نیوز گۆت: (بەلێ ھژمارکا زۆر یا مین و تەقەمەنیان ھەیە و نھا ١١٠ ھزار مەترێن چوار گوشەیێن عەردی ل رەخ و روویێن دەرێ گەلیێ بالندا مین و تەقەمەنی ھەنە ژبەرکو مەترسی بو سەر ژیانا وەلاتیان ھەیە مە ل سالا ٢٠٠٨ ھندەک نیشانێن ھوشیارکرنێ داناینە بەلێ دبیت نھا ئەو نیشان ژ کارکەفتن بن یان ژی کەڤن ببن ، مە ل بەرە پشتی جەژنا رەمەزانا پیروز جارەک دن ژ نێزیک سەرەدانا گەلیێ بالندا و جھێ ئەوان مین و تەقەمەنیان بکەین داکو بزانین چەوا دێ ئەوان مین و تەقەمەنیان راکەین داکو مەترسیێ بو سەر ژیانا وەلاتیان درۆست نەکەن )
زێدەترگۆت: (ئەو مین و تەقەمەنیە ل سەردەمێ رژێما بەعس و شەرێ پەکەکێ ھاتینە دانان و ھژمارا وان زۆرە و ھەموو مین و تەقەمەنی ژی دژی کوشتنا مرۆڤان و وێرانکرن و ژناڤبرنا ترومبێلان ھاتینە دانان ب شێوەیەک لسەر رەخ و رویێن جاددا سەرەکی و جھێن بلند ژی ھاتینە دانان )
هێزێن عێراقی چەندین جهێن گرنگ ل مۆسل کونترۆلکرینە
ئەڤرۆ نیۆز،زنار تۆڤی:
فەریق رائید شاکر جەودەت فەرماندەیێ هێزێن پۆلیسێن فیدرالی یێن عێراقێ دادیارکرن:کو هێزێن پۆلیسێن فیدرالی شیاینە 40% کونترۆلێ ل سەر بابلبەیز بکەن و هەروەسا ل دۆرێن 400 میتران هێزێن پۆلیسان نێزیکی جادا فارۆق بووینە و مزگەفتا حامدین ژی دۆرپێچکریە و گۆتیە ژی: مە هێزێن پشتەڤانیێ ڤرێکرینە بۆ گرتنا هندەک ئارمانجێن گرنگ وەکی مزگەفتا ئاغاوات و پاشا و رابعیە و عومەر ئەسوەد زیوانی و بیلال حەبەش و کەنیسێن لاتین و شمعون،ژ پێخەمەت بهێنە کونترۆلکرن.
هەروەسا دیارکر ژی: یەکینەیێن کەتیبەیا شەڤێ،د پێشرەویێ دانە داکو کونترۆلێ ل سەر بازارێ سەرجخانە و بازارێ سەیاغ و بازارێ ئەربیعا بکەن و ل سەر داعشێن تیڕۆست زال ببن و هەروەسا بگەهنە جادا کۆرنیش ل سەر رووباری.
هژمارەکا کۆنگرێسمەنێن ئەمریکی پشتگیریێ ل سەربەخۆیا کوردستانێ دکەن
ئەڤرۆ نیۆز،زنار تۆڤی:
نوونەرا حوکمەتا هەرێما کوردستانێ ل واشنتون رادگەهینیت کو هژمارەکا کۆنگرێسمەنێن ئەمریکا پشتگیریا سەربەخۆیا کوردستانێ دکەن.
بەیان سامی عەبدولڕەحمان نوونەرا حوکمەتا هەرێما کوردستانێ ل ئەمریکا بۆ k 24 گۆتیە ئەمریکا پرسا ریفراندۆما سەربەخۆیا کوردستانێ ب گرنگی وەرگرتیە. هەروەسا دیارکریە، ئەو وەک نوونەرا حوکمەتا هەرێما کوردستانێ دێ د گفتوگۆیاندا ل گەڵ میدیاکار و بەرپرسانێن حوکمەتا ئەمریکا د بەردەوام بین و دێ ”ئارمانجێن“ گەلی کوردستانێ بۆ روون کەین ودێ وان تێگەهینین کو کوردستانێ دڤێت ب شێوەیەکێ دیموکراسی سەربەخۆیا خوە رابگەهینیت و هەروەسا ”ریفراندۆم میکانزمەکا دیموکراسییە بۆ سەربەخۆیێ“.
نوونەرا حوکمەتا هەرێما کوردستانێ راگەهاندیە ژی،کو هەتاکو نوکە هەلویستێ ئەمریکا دان ب مافێ گەلێ کوردستانێ دکەت بۆ سەربەخۆیێ، بەلێ دەمێ وێ ب باش نزانیت و ئەم ژی دێ بۆ وان روونکەین،کو نوکە باشترین دەمە،چونکی عێراق مافێ گەلێ کوردستانێ نادەت و مە وەک هەڤبەشێ خوە قەبوول ناکەت.
بەیان سامی عەبدولرەحمان ئاماژە ب هەبوونا هژمارەیەکا زۆر یا کۆنگرێسمەنێن ئەمریکا کر،کو ”پشتگیریا سەربەخۆیا کوردستانێ دکەن“ و ئەو دبێژن ”کوردستانێ مافێ سەربەخۆیێ هەیە.
ب ڤێ تێکەلێ بن کەفشێن خوە سپی بکە
ئەڤرۆ نیۆز،زنار تۆڤی:
ئەو کەسێن بن کەفشێن وان رەش بووین،چەندین رێیا بۆ سپیکرنێ ب کار دئینن،لێ رێیەکا سرۆشتی و ب مفا هەیە بۆ چارەسەرکرنا ڤێ کێشێ،لەورا بۆ ڤێ رێکێ تە پێدڤی ب 5 کتێن فراولێ و پەرداغەکێ شیری هەیە.
ل دەستپێکێ ب تێکەلکەرێ کارەبایی فراوان ب هێرە، پاشی ل گەل پەرداغێ شیری دا تێکەل بکە،ل دووڤ دا ل بن کەفشێن خوە بدە، بۆ ماوێ 10 تا 15 خولەکا بهێلە پێڤە،پاشی ب ئاڤەکا تهێن شیر بن کەفشێن خوە بشۆ.
هەکە د حەفتیەکێ دا تۆ دو جاران ئەڤێ رێکێ ئەنجام بدەی،دێ بن کەفشێن تە ب تەمامی سپی بن،دێ پیستێ ژی نەرمتر بیت.
99% ژ وەلاتیێن قەزا ئامێدیێ دخوازن کو پەکەکە دەڤەرێن وان چول بکەن
ئەڤرۆ نیوز ، نەوزاد ھلۆری:
بوردومانا فرۆکێن تورکیا ژ ئەگەرا ھەبوونا بنگەە و بارەگایێن پەکەکێ ل سنوورێ قەزا ئامێدیێ بەردەوامە و زێدەباری کو مەترسی بۆ سەر ژیانا وەلاتیان درۆستکریە د ھەمان دەم دا زیانێن زورێن ماددی ژی بەر وەلاتیان کەفتینە ، بەرپرسێ لقێ 18ێ پارتی دیموکراتی کوردستان دیارکر کو پەکەکە بو خەلکی َدەڤەرا ئامێدیێ بویە سەرئێش و خەلک ناخوازن ئەو ل دەڤەرێ بمینن.
عومەر ئۆرەیی بەرپرسێ لقێ 18ێ پارتی دیموکراتی کوردستان ل قەزا ئامێدیێ بۆ ئەڤرۆ نیوز گۆت: (ژبلی کو ئەڤە چەندین ساڵە پەکەکە ل سنوورێ قەزا ئامێدیێ ھەنە و مەترسی بو سەر ژیانا وەلاتیان درۆستکریە ، ھەر بتنێ نێزیکێ حەفتیەکێ یە ژئەگەرا ھەبوونا بنگەە و بارەگایێن وان بوردومانا فرۆکێن تورکیا بۆ سنوورێ قەزا ئامێدیێ بەردەوامی ھەیە و ئەڤێ یەکێ ژی ترس لدەف وەلاتیان پەیداکریە ئەڤە سەرەرای کو ل چەند دەڤەران ژی زیانێن ماددی بەر رەز و بیستانێن وەلاتیان کەفتینە ، زێدەباری کو ھندەک جاران وەلاتیێن دەڤەرێ دبنە قوربانیێن ململانێن پەکەکێ و سوپایێ تورکیا)
زێدەتر گۆت: (باشترین رێ بو راوەستانا بوردومانا فرۆکێن تورکیا بۆ دەڤەرا ئامێدیێ ئەوە کو چەکدارێن پەکەکێ سنوورێ قەزا ئامێدیێ چول بکەن و بزڤرەڤە جھێ خوەیێ راستەقینە ژبەرکو دەڤەرا ئامێدیێ پشکەکە ژ باشوورێ کوردستانێ و مەیدانکا شەرێ پەکەکێ و تورکیا نینە ، بەلکو جھێ ژیانا وەلاتیێن دەڤەرێ یە ، بەلێ ب مخابنیڤە 40% ژ ئاخا قەزا ئامێدیێ ژلایێ پەکەکێ ڤە ھاتیە داگیرکرن و ھاتینە گەلەک جھێن ئاڤەدانێن دەڤەرێ ل دورماندورێن سەنتەرا قەزا ئامێدیێ و ناحیی و گوندێن دەردورا ئامێدیێ ئەڤ یەک ژی مەترسیا بوردومانێ لسەر ژیانا وەلاتیان پتر دکەت)
ل گورەی ئاخفتنێن ئورەیی 99% ژ وەلاتیێن قەزا ئامێدیێ دخوازن کو پەکەکە دەڤەرێن وان چول بکەن و نەمینن دەڤەرێ و گۆت ژی: ( ئەگەر پەکەکێ دڤێت سەروەریا ھەرێما کوردستانێ بپارێزن و رێزێ ل ئیرادا خەلکی بگرن و دخوازن کو خزمەتا خەلکی بکەن و بڤێت جارەک دن وەلاتیێن گوندان ڤەگەرن سەر جە و وارێن خوە و خزمەتگوزاری بو گوندان بھێنە چێکرن ، پێدڤی یە دەڤەرێ چول بکەن ، ژبەرکو ھەبوونا وان زێدەباری کو مەترسیە بو سەر ژیانا وەلاتیان د ھەمان دەم دا رێگرە ل بەرامبەر ئاڤەدانکرن و دابینکرنا خزمەتگوزاریان بو گوند و دەڤەرێن دویر و سەر سنووری ل قەزا ئامێدیێ)
عومەر ئورەیی بەرپرسێ لقێ 18ێ پارتی دیارکر ژی کو رەفتارێن پەکەکێ و شەرێ وان ل دەڤەرا ئامێدیێ و دەڤەرێن دن ل رەفتارێن پارتەکا دیموکراسی و مەدەنی ناچن و دیارکر ژی کو پێدڤی یە پەکەکە د ھەوارا کوردێن باکوور بچن ل گەڤەر و جزیری و دەڤەرێن دن و ژبەرکو ژلایێ سوپایێ تورکیان دھێنە ئەزیەتدان و کوشتن و گۆت ژی: (مە وەکو پارتی چوو ھەماھەنگی ل گەل پەکەکێ نینە ژبەرکو ئەو رێیا دانوستاندنێ نزانن و ئەڤ یەک ژی بەریا نھا چەند جارەکان ھاتیە تاقیکرن و چوو مفا نەبوویە)
هەکە تە ئێک ژ ڤان 13 نەخۆشیان هەبیت ب روژی نەبە
ئەڤرۆ نیوز:
بسپوور و شارەزایێن نوژداری ددەن دیارکرن کو پێدڤی یە ئەو کەسانێن نەخوش ب روژی نەبن داکو کارتێکرن سەر وان نەهێتەکرن ، دیسان پێدڤی یە ئەو کەسانێن کو ئەڤ جورێ نەخۆشیان هەبیت پێدڤی یە سەردانا نوژداران بکەن و ل گۆرەی رێنمایێن وان مولەتا روژینەبوونێ وەربگرن.
هندەک ژ وان نەخۆشیان.
1-شێرپەنجە.
2-نەخۆشێن سوکەری هەیی.
3-برینا د ئاشتکی ئەڤجا یا دومدرێژ بیت یان ژ نیشکەێڤە.
4- برینا دوازدەگرێ دا ئەڤجا یا دومدرێژ بیت یان ژ نیشکەێڤە.
5- سیل ، ژ ئەگەرا هاتنە خوارا سەنگا لەشی.
6- ئەوێن کو سەنگا وان کێم ئانکو BMI بو خوار نمرەیا 15.
7- بەرێن کولچیسکان
8- نەخۆشیێن دلی.
9- نەخوشێن دەردەشا هەیی.
10- نەخۆشیێن جگەری هەر بو نموونە هەورکرن و توشبوون ب ڤایروسا B.
11- نەخۆشیێن دەرونیێن دژوار
زێدەیی ژ ڤان دەورا هەیڤانەیا ژنان و دوو گیان بوونا وان ، ئەو ژنێن خودان زاروکێن ساڤا و بەردەوام پێدڤی ب شیری بن ، هەلبەت شیرێ مەمکێن سینگێ وان.
کەتیبەیا شەرکەرێن شەڤێ ل مۆسل هاتە دامەزراندن
ئەڤرۆ نیۆز،زنار تۆڤی:
فەریق رائید شاکر جەودەت فەرماندێ هێزێن پۆلیسێن فیدرالی یێن عێراقێ دادیارکرن:کو یەکینەکا تایبەت کو ناڤێ وێ کەتیبەیا شەرکەرێن شەڤێ یە، کو ل مۆسل هاتیە دامەزراندن و هەروەسا هاتینە راسپاردن بۆ رزگارکرنا سەرجخانە،کو ئەڤ جهە دهێتە هژمارتن سەنتەرێ فەرماندەیا داعشێ کو ڤی جهی کۆنترول ل سەر باژێرێ کەڤن هەیە،هەروەسا هێزێن مە ل چەندین جهان چووینە دناڤ ڤی جهی دا،ژ پێخەمەت تێرۆرستێن داعش دۆرپێچ بکەن و وێ ڤەدەرێ ژ تێڕۆرستان پاقژ بکەن و ب شێین رێکێن ئێماهیێ بۆ ڤالەکرنا خەلکێ پەیدا بکەین،ل وان جهێن شەر لێ هەین.
زێدەتر گۆتیە:شانەیا راگەهاندنا جەنگی یا فرقەیا 16 شیاینە بێژەر و پێشکێشکارێ رادیۆیا بەیان یا گرێدای داعشێ یێ بناڤێ عەلا سامی خەتیب ل دەڤەرا نەبی یۆنس بگرن،پشتی خەلکێ جهێن پەیوەندیدار هایدار کرین،کو ئەو یێ هاتیە وێ دەڤەرێ.
پێنج وەلاتیێن دی یێن ئێزدی هاتنە رزگارکرن
ئەڤرۆ نیوز ، نەوزاد هلوری:
دبەردەوامیا چالاکیێن خوە دا ژ بو رزگارکرنا وەلاتێن ئێزدی ژ دەستێ داعش ، ئەڤرو ب هەڤکاریا چەند خێرخوازەکان نڤیسینگەها رزگارکرن و ڤەگەراندنا کوردێن ئێزدی پێنج وەلاتیێن دی یێن ئێزدی هاتنە رزگارکرن. دڤی واریدا “حسێن قایدی” رێڤەبەرێ نڤیسینگەها رزگارکری و ڤەگەراندنا کوردێن ئێزدی یا سەر ب حکومەتا هەرێما کوردستانێ بۆ ئەڤرۆ نیوز گۆت: (ئەڤرو روژا سێشەمبی ب هەڤکاری ل گەل چەند خێرخوازەکان و هێزێن ئێمناهیێ شیاین پێنج وەلاتیێن کوردێن ئێزدی ژبن زولم و ستەما داعش رزگار بکەین کو خەلکێ گوندێ کوچو و گوندێ شێخ خدر بوون کو دوو گوندێن سەر ب قەزا شنگالێ نە)
زێدەتر گۆت: (ب رزگارکرنا ئەڤان کەسان هژمار رزگارکریان گەهشتە سێ هزار 37 کەسان ، بەلێ هێشتا سێ هزار 300 کەسێن دن ماینە کو بهێنە رزگارکرن)
ب رێیا ئەڤرۆ نیوز نێچیرڤان بارزانی سوپاسیا شوفێرەکێ تەکسیێ ل ئاکرێ کر
ئەڤرۆ نیوز ، نەوزاد ھلۆری:
پشتی کو رۆژناما ئەڤرۆ و ماڵپەرا ئەڤرۆ نیوز بۆ ئێکەمجار بەلاڤکری کو شوفێرەکیێ تەکسیێ بو خزمەتکرنا کەس و کارێن شەھید و پێشمەرگێن قارەمان ئەو دێ بێ بەرامبەر ئەوان ڤەگوھێزیت ، د کونگرەیەکێ رۆژنامەڤانی دا رێزدار نێچیرڤان بارزانی سوپاسیا ئەوی شوفێری کر کو خەلکێ قەزا ئاکرێ یە.
حاجی زێباری ئەو شوفێرێ تەکسیێ یە ل بارا ڤێ یەکێ بو ئەڤرۆ نیوز گۆت: (بەلێ بو ئێکەمین جار رۆژنامەیا ئەڤرۆ و مالپەرا ئەڤرۆ نیوز دیدارەک لگەل من کر ل بارا وێ یەکێ کو من تەکسیا خوە کربوویە بێ بەرامبەر بو کەس و کارێن شەھید و پێشمەرگەیێن قارەمان ، و پشتی بەلاڤبوونا نوچیە و دیدارا من چەند رۆژێن بوری د کونگرەیەکێ رۆژنامەڤانی دا بەرێز نێچیرڤان بارزانی سوپاسیا من کر بو ھەلویستێ من بەرامبەر کەس و کارێن شەھید و پێشمەرگێن قارەمان کو ئەڤ یەک ژی جھێ شانازیێ یە بو من کوب کارم خزمەتا پێشمەرگە و کەس و کارێن شەھیدان بکەم)
زێدەتر گۆت : ( ئەز دێ لسەر خزمەتکرنا کەس و کارێن شەھید و پێشمەرگەیێن قارەمان ب تەکسیا خوە بەردەوام بم و ئەزێ مەمون ژی ژ بەرکو خزمەتکرنا وان ئەرکە نەک منەت)
بو دیتنا ڤیدیویا سوپاسیا نێچیرڤان بارزانی بو وی شوفێری ڤێرە کلیک بکە
دیدارا رۆژناما ئەڤرۆ ل گەل وی شوفێری
نيشاندان
WP Facebook Auto Publish Powered By : XYZScripts.com