ئەڤرۆ نیوز:
ئەڤرۆ دوو شەمبی ب سەرەدانەکا فەرمی حەیدەر عەبادی سەروک وەزیرێن عیراقێ گەھشتە سعودیێ و ژلایێ رایەدارێن وی وەلاتی ھاتە پێشوازیکرن.
ل گورەی بەیاننامەیەکێ ژ نڤیسینگەھا سەروکوەزیرێ عیراقێ ، عەبادی دێ ل گەل رایەدارێن سعودیێ بەحس گەلەک تەوەران کەت ، ئێک ژ وانان شەرێ تیرورستێن داعشێ یە داکو ئارامیەکا زێدەتر ل عیراقێ درۆست ببیت.
ئەڤرۆ نیوز ، نەوزاد ھلۆری:
وەزارەتا چاندن و ژێدەرێن ئاڤێ یا حکومەتا ھەرێما کوردستانێ بریار دا کو سوبەھی وێڤە راڤەکرنا ماسیانب شێوەیێن رێکپێدایی درۆستە و رێپێدایە.
ل گورەی نڤیسارەکا وەزارەتا چاندن و ژێدەرێن ئاڤێ یا حکومەتا ھەرێما کوردستانێ کو ئیمزا ئازاد ئەحمەد عەلی رێڤەبەرێ گشتیێ سامانێن ئاژەلی و ڤیتەرنەری ب وەکالەت لسەرە و ئاراستەیێ ھەموو رێڤەبەریێن پەیوەندیدار کریە و دانەیەک بۆ ئەڤرۆ نیوز ھنارتیە ، بریار ھاتیەدان کو سوبەھی وێڤە راڤەکرنا ماسیان درۆستە و رێپێدایە و زێدەتر ھاتیە: ( ب ھەلکەفتا جەژنا رەمەزانا پیروز و بو بەرژەوەندیا گشتی رۆژا ٢٠/٦/٢٠١٧ وێڤە راڤەکرن و گرتنا ماسیان ب شێوەیێن رێکپێدایی درۆستە و بریار دێ کەڤیت دوارێ بجھکرنێ دا)
دھێتە زانین کو سالانە ل ھەرێما کوردستانێ بو دەما سێ ھەیڤان راڤەکرنا ماسیان دھێتە قەدەغەکرن ژ رۆژا ٢٢/٣ ھەتا ٢٠/٦ ھەموو سالان.
ئه‌ڤرۆ نيوز:
وه‌زاره‌تا دارايى و ئابوورى ل حوكمه‌تا هه‌رێما كوردستانێ راگه‌هاند كو ئه‌و وه‌زاره‌ت و سه‌رۆكاتيێن بڕيار بوو ل رۆژا شه‌مبى 24ى تيرمه‌ها 2017ێ مووچه‌ى وه‌رگرن، گوهۆڕين كه‌فتێ و ل جهێ وێ دێ ل رۆژا پێنجشه‌مبى 22ى تيرمه‌ها 2017ێ مووچێن خوه وه‌رگرن.
- وه‌زاره‌تا ساخله‌ميێ
– وه‌زاره‌تا ئاڤه‌دانكرن و بنه‌جهكرنێ
– وه‌زاره‌تا چاندن و ژێده‌رێن چاڤێ
– وه‌زاره‌تا باژێرڤانى و گه‌شتوگۆزار
– وه‌زاره‌تا داد
– جڤاتا دادوه‌ری
– سه‌رۆكایه‌تیا هه‌رێمێ
– سه‌رۆكایه‌تیا په‌رله‌مانى
– سه‌رۆكایه‌تیا جڤاتا وه‌زیران
ئه‌ڤرۆ نيوز:
دوهى ئێڤاری 18-6-20177ل هولا هیزل ل باژێرێ زاخو ب ئاماده‌بونا به‌رێزان فه‌رهاد ئه‌مین ئه‌تروشی پارێزگه‌رێ دهوكێ و د.علی ته‌ته‌ر ئه‌ندامێ سه‌ركردایه‌تیا پارتی دیموكراتی كوردستان به‌رپرسێ لقێ هه‌شت وچه‌ند پێشمه‌رگێن هلگرێن میدالیا بارزانیێ نه‌مر وبه‌رپرسێن حزبی وئیداری سه‌روكاتیا باژێرڤانیا زاخو فتاره‌خارنه‌ك بو پترژ( 1100) خێزانێن شه‌هیدان وپێشمه‌رگێن دێرین وری سپی وماقیلێن ده‌ڤه‌را زاخو به‌رهه‌ڤ كر.
پشتی فتاره خارنێ درێ ورسمه‌كێ تایبه‌ت دا ول سه‌ر فه‌رمانا رێزدار نێچیرڤان بارزانی سه‌روكێ حكومه‌تا هه‌رێما كوردستانێ (113) پارچه زه‌ڤی ل سه‌ر خێزانێن شه‌هیدێن شه‌رێ دژی تیرورستێن داعش ب رێكا پشك كێشانێ هاتنه به‌لافكرن.
بڤێ هه‌لكه‌فتێ پارێزگه‌رێ دهوكێ په‌یڤه‌ك خاند وگوت: خوشحالین ئه‌ڤرو ل زاخو رێزێ ل وان كه‌سا بگرین یێن ب گیانێ خو وبخویناخو خو گوری ئاخا كوردستانێ كری كو ئه‌ڤرو ب سایا سه‌رێ وان ئه‌م ل كوردستانێ ب ئارامی وئازادی دژین.
خێزان وزاروكێن وان شه‌هیدا جهێ رێز وقه‌درگرتنێ نه وپێدڤیه هه‌ر تاكه‌كێ ڤی وه‌لاتی رێزێ ل وان بگریت.
پارێزگه‌رێ دهوكێ ئاماژه دا ژمارا شه‌هیدێن قه‌زا زاخو كو(1011) شه‌هیدن یێن ل شه‌رێ دژی تیرورستێن داعش شه‌هید كه‌تین وجانێ خو كریه قوربان بو پاراستنا ئاخ وه‌لاتی وبڤێ یه‌كێ زاخو دبیته پایته‌ختێ شه‌هیدان ل سنورێ پارێزگه‌ها دهوكێ هه‌روه‌سا پارێزگه‌ها دهوكێ بخوژی دبیته پایته‌ختێ شه‌هیدێن كوردستانێ وزاخو ده‌ستپێشخه‌ربویه بو به‌ره‌ڤانیكرنێ ژئاخا كوردستانێ ولسه‌ر فه‌رمانا به‌رێز نێچیرڤان بارزانی سه‌روكێ حكومه‌تا كوردستانێ ئه‌ڤ (113) پارچه زه‌ڤییه ل سه‌ر خێزانێن شه‌هیدان هاتنه به‌لافكرن.
پارێزگه‌رێ دهوكێ ته‌كه‌زكر كو ئه‌ڤ پارچه زه‌ڤییه وه‌كو مینحه‌كێ نه بو خێزانێن شه‌هیدا وپارچا خو یا دی ژی یا یاسایی دێ وه‌رگرن وئه‌ڤه تشته‌كی كێمه به‌رامبه‌ر قوربانیدانا وان شه‌هیدان وئه‌ركه ل سه‌ر مللێن هه‌ر كه‌سه‌كی خزمه‌تا خێزانێن شه‌هیدا بكه‌ت.
پاش ب رێكا پشك كێشانێ ئه‌و (113) پارچه زه‌ڤییه ل سه‌ر خێزانێن شه‌هیدان هاتنه به‌لافكرن.
ئەڤرۆ نیوز ، نەوزاد ھلۆری:
ب ھەول و بزاڤێن نڤیسینگەھا زڤراندن و رزگارکرنا کچێن ئێزدی ئەڤرۆ کچەکا دن یا ئێزدی ھاتە رزگارکرن ، و گەھشتنە ھەرێما کوردستانێ.
دڤی واریدا “حسێن قایدی ” رێڤەبەرێ نڤیسینگەھا زڤراندن و رزگارکرنا کچێن ئێزدی بۆ ئەڤرۆ نیوز گۆت: ( ئەڤرۆ ١٩/٦/٢٠١٧ ب ھەول و بزاڤێن نڤیسینگەھا مە کچەکا ئێزدی دژیێ ١١ سالی ھاتە رزگرارکرن کو ئاکنجیا گوندێ سبا شێخ خدری یا سەر ب قەزا شنگالێ یە و نھا گەھشتیە ئاخا ھەرێما کوردستانێ و ناڤا کەس و کارێن خوە )
ئەڤرۆ نیوز ، شیندا محسن و نەوزاد ھلۆری:
قەزا ئامێدیێ تاکە قەزا سنوورێ پارێزگەھا دھوکێ یە کو کێمترین زەڤیێن ئاکنجیبوونێ ھەیی ، ژبەرڤێ پرانیا فەرمانگەھێن حکومەتێ کەفتینە دەرڤەیێ سەنتەرێ قەزایێ و ڤێ یەکێ ژی گازندە ل دەڤ وەلاتیان درۆستکرینە.
بێوار محەمەد وەلاتیەکێ قەزا ئامێدیێ یە بۆ ئەڤرۆ نیوز گۆت: (ئامێدیێ ئێکە ژ مەزنترین قەزایێن پارێزگەھا دھۆک ژلایێ رووبەری ڤە ، بەلێ سەنتەرێ قەزا ئامێدیێ بچوکترین قەزایە ل ھەرێما کوردستان و پارێزگەھا دھۆکێ ، ھەتا خوە سەنتەرێ قەزا ئامێدیێ ل سەنتەرێ گوندەکێ ژی بچوکترە ، ژبەرڤێ وەلاتیێن سەنتەرێ قەزایێ و گوند و ناحی و کومەلگەھێن سەر ب وێڤە گەلەک ماندوبوونێ دبەن ھەتاکو دگەھنە فەرمانگەھان ژ بەرکو پرانیا وان کەفتینە ژ دەرڤەیێ سەنتەرێ قەزایێ و ئەڤە سەرەرای کو ھەر ئێک ژی ل جھەکێ درۆستکریە و زور جاران بو ئیمزایەکێ دڤێت دوو سێ جاران ل سەنتەرێ قەزایێ دەربکەڤتی و بزڤری ڤ ، ئەڤە ژبلی کو پرانیا وان فەرمانگەھان ناکەڤنە سەر رێیا گشتی و ئەو کەسانێن ترومبێل نەی توشی گەلەک ئاریشەیان دبن)
زێدەتر گۆت: ( ئەگەر ل سەنتەرێ قەزایێ ئاڤاھیێن کەڤێن فەرمانگەھێن حکومەتێ بھێنە خراپکرن و شوونا وان ھندەک فەرمانگەھێن دن ب تایبەتی ب شێوازێ ستوونی و بالەخانە ” عامودی و عیمارە “بھێنە چێکرن چوو فەرمانگەە ناچنە ژ دەرڤە و ھەموو دێ ل سەنتەری ھێنە چێکرن)
دڤی واریدا “رەمەزان حاجی ” سەرۆکێ باژێرڤانیا ئامێدیێ بۆ ئەڤرۆ نیوز گۆت: (نھا بتنێ دوو رێک دگەھنە سەنتەرێ قەزایێ کو ئەو ژی رێیەکا ترۆمبێلا و ئێکا پیادە ، ژبەرکو چوو رووبەر نینن و گەلەک یا بەرتەنگە و دکەڤیتە سەر گێرەکا بلند و ھەموو روویێن وێ بەرن و ئاسێ یە چوو دەلیڤە نینن کو ئامێدیێ بەفرەە ببیت ژبەرڤێ ھەر فەرمانگەە و مالەکا ل ئامێدیێ بھێتە چێکرن دڤێت ل دەرڤەیێ سەنتەرێ قەزایێ بھێتە چێکرن)
زێدەتر گۆت: (ل گورەی تەسفیە و کوژاندنێ مرێبکا سەر ب سەنتەرێ قەزا ئامێدیێ ھاتیە زێدەکرن و پرانیا فەرمانگەھێن ئامێدیێ بۆ مرێبکا ھاتینە ڤەگوھاستن و ل پاشەرۆژێ ژی ھەر فەرمانگەھا بھێتە چێکرن دێ ل مرێبکا ھێتە چێکرن ، و ھندەک فەرمانگەھێن دن ژی ل رۆژھەلاتا ئامێدیێ و ھندەک ژی ل مێرستەک ھاتینە چێکرن )
وێنەگر و زانیاری ، نەوزاد هلوری:
پارچەک ل جاددا گەلیێ بالندا کو دکەڤیتە گوندێ سیتە یا سەر ب دەڤەرا رێکان ل سنوورێ ناحیا شێلادزێ ترومبێلێ ب ڤەمراندی بۆ دوراتیا زێدەتری 200 مەتران دبەت ئانکو ترومبێلێ دهاژوت ، ئەڤە سەرەرای کو جاددە یا راستە ، کامیرا ئەڤرۆ نیوز ژی چەند جارەکان ئەڤ یەک تاقی کر.
ئێقبال عومەر وەلاتیێەکێ دەڤەرا شێلادزێ یە و ب ترومبێلا خوە ڤێ راستیێ تاقی دکەت و بۆ ئەڤرۆ نیوز گۆت: ( پارچەیەک ژ جاددا سەرەکی یا گەلیێ بالندا ل گوندێ سیتە یا سەر ب دەڤەرا رێکان کو دکەڤیتە نێزیک ئاڤا مارک ب دوراتیا زێدەتری 200 مەتران بخوە ترومبێلێ دبەت واتە جاددە ترومبێلێ دهاژوت ، ئەڤە سەرەرای کو جاددە یا راستە و چوو ژەهل و ژوردایی تێدا نینن)
زێدەتر گۆت: (ئەگەر شوفێرەکێ بڤێت ڤێ یەکێ تاقی بکەت دڤێت ترومبێلا خوە لسەر گێرێ بوش ب ڤەمرینیت یان ژی هەما بتنێ بکەت گێرێ بوش دێ ڤێ یەکێ ب چاڤ بینیت و ئەگەر ترومبێل یا ڤەمراندی بیت دێ پتر قەناعەت بو دروست بیت ، ئەگەر ترومبێلێ بهێتە خوارێ ژی نورمالە و دێ ترومبێل هەر چیت بەلێ دڤێت زور یێ هوشیار بیت چونکی ترومبێل وەسا بلەز دچیت ئەگەر شوفێر کونترولێ لسەر نەکەتو هوشیار نەبیت دێ توشی وەرگەریانێ بیت)
ناڤبری ل بارا ئەگەرا ڤێ یەکێ ژی گۆت: (هەتا نها چو دیار نینە کا ئەگەرا ڤێ یەکێ دروستی چی یە ، بەلێ ل گۆرەی هندەک زانیاریان دبێژن لژێر ئەڤێ پارچەیا عەردی هێزا موگناتیزی هەیە و دبیتە سەدەم کو ترومبێلێ رابکیشیت ، ژبەرکو پشتی دوماهی هاتنا ئەوێ پارچا دیارکری یا جاددێ کو 200 مەترن دێ ترومبێل ئێکسەر راوەستیت ئەڤە سەرەرای کو ل دەما دوماهی هاتنا جهێ دیارکریێ جاددەێ ژوردایی ژی تێدا هەیە)
ئەڤرۆ نیۆز،زنار تۆڤی:
پشتی بوویە هەیڤا رەمەزانێ پرانیا گەنجان ب رۆژێ د نڤستینە و هەروەسا ب شەڤێ ژی پتر یا وان دەمێ خوە ب یاریێن وەرزشی ڤە دبورینن.
گەنجەک ب ناڤێ ئازاد حەسەن بۆ ئەڤرۆ نیۆز دبێژیت:پشتی بوویە هەیڤا رەمەزانێ سەقایێ دونیایێ گەلەک گەرم بوویە و ڤێ چەندێ وەکریە کو پرانیا دەمێن رۆژێ ئەم د مالداینە و دەرناکەڤین،هەروەسا ژبەر رۆژی گرتنێ ئەم چ کاران بۆ مال ژی ناکەین و پتریا دەمێ خوە ئەم ب هەروە دبورینین گۆت ژی:پتریا شەڤان پشتی ئەم فتارێ دکەین ئەم کۆمەکا هەڤالان ب هەڤرا دچین یاریا تەپا پێ دکەین و ئەڤە چەند سالەکن ل دەمێ رەمەزانێ دا ئەم ڤی کاری دکەین،ئانکو ئەم شەڤێن رەمەزانێ ب وەرزشێ ڤە دبورینین.
فەرسەت کەمال گەنجەکێ دییە دبێژیت:ل هەموو شەڤانێن رەمەزانێ هەتاکو دەمێ پاشیڤێ ئەم د هشیارین و ئەم خوە ب یاریا تەپا پێ و جاران ب یاریا ڤۆلی بۆلێ ژی مژوول دکەین،پشتی خوارنا پاشیڤێ ئەم دەست ب خەوێ دکەین و هەتاکو پشتی نیڤرۆ ئەم د مالدا د خەوین،ئانکو ب رۆژێ هەموویێ ئەم چ کاران ئەنجام نادەین،هەر چەندە ئەڤە بوویە دیاردەکا کرێت و نە شرین ل دەف مە گەنجان،لێ ئەم هوسا فێربووینە و گۆت ژی:د هەیڤا رەمەزانێ دا پتریا گەنجان دەمێ خوە ب هەروە و بێ مفا دەرباز دکەن و ئەڤە وێ چەندێ دگەهینیت کو گەنجێ مە فێری تەمبەلیێ بوویە،لەورا پێدڤیە ل سەر مە هەموو گەنجان ئەم ڤێ دیاردێ نەهێلین،چونکی دبیت پشتی رەمەزانێ ژی ئەم ب مینینە ل سەر ڤی دەستوداری.
ئەڤرۆ نیوز ، نەوزاد ھلۆری:
وەزارەتا پەروەردێ یا حکومەتا ھەرێما کوردستانێ بێھنڤەدانا قوتابیێن رێزا نەھێ بنەرەتی و دوازدێ ئامادەیی بو جەژنا رەمەزانێ راگەھاند کو ئەو ژی ١٠ رۆژن.
سامان سوەیلی ئاخفتنکەرێ وەزارەتا پەروەردێ یا حکومەتا ھەرێما کوردستانێ بۆ ئەڤرۆ نیوز گۆت: ( ب ھەلکەفتا جەژنا رەمەزانا پیروز بو ماوەیێ ١٠ رۆژان قوتابیێن رێزێن نەھێ بنەرەتی و دوازدێ ئامادەیی دێ بێھنڤەدانێ وەرگرن ژبەرکو نھا د ئەزموونێن نیشتمانی و ویزاری دانە و پێدڤی ب پتر دەمی نە بۆ بەرسڤدانێ)
زێدەتر گۆت: (بێھنڤەدانا قوتابیێن رێزا نەھێ بنەرەتی دێ لرۆژا ٢١/٦ تا ١/٧ بيت ، بێھنڤەدانا قوتابیێن رێزا دوازدێ ژی دێ لرۆژا ٢٢/٦ تا ٢/٧ بیت ، ئانکو رۆژانێن ٢١-٢٢ پشتی کو قوتابیێن نەھێ و دوازدێ ژ تاقیکرنا وێ روژێ دوماھی دھێن دێ بیتە بێھنڤەدان ھەتاکو رۆژێن دیارکری دوماھی دھێن ، و پشتی جەژنێ تنێ دوو تاقیکرنان دى ئەنجام دەن)
ئەڤرۆ نیوز :
دەمەک بەریا نھا کۆمبوونا ئەنجومەنا سەرکرداتیا ئێکەتيا نیشتمانیا کوردستان دوماھی ھات و پشتەڤانیا خوە بو ئەنجامدانا ریفراندۆمێ راگەھاند.
دڤی واریدا میدیایێن سەر ب ئێکەتيا نیشتمانیا کوردستان دیارکر کو د کومبوونا سەرکرداتیا ئێکەتیا نیشتمانیا کوردستانێ دا ب پرانیا دەنگان بریار ھاتەدان کو پشتەڤانیا ئەنجامدانا ریفراندۆمێ بکەن.
نيشاندان