ئه‌ڤرۆ نيوز:
ڤيديو: گه‌نجه‌كێ كورد ژيانا هه‌ڤژينيێ ل گه‌ل كچه‌كا كورى پێكدئينيت
نووترين نووچه
- مەسرور بارزانی و مستەفا كازمی رەوشا گشتی یا ئیراقێ و دەڤەرێ گەنگەشە كر
- بەختیار تالەبانی: بارەگەهێ بارزانی یێ بوویە ناڤەندا بڕیارا كوردی
- چارەنڤیسێ ئیراقێ ب هنارتنا پەترۆلا كوردستانێ و راگرتنا كڕینا غاز و كارەبا ئیرانێ ڤە یێ گرێدایە
- حەشدا شەعبی رێگرە ل پێشبەری ئیمزاكرنا رێككەفتنەكا نوو د ناڤبەرا ئیراقێ و ئەمریكا دا
- سەرۆك بارزانی ل سالڤەگەڕا 34 یا سەرهلدانا پیرۆز: سەرهلدان پەیامەكا رۆهن بوو كو گەلێ كوردستانێ ئازادی و سەربەستی دڤێت
- نێچیرڤان بارزانی: فیدرالی و دەستكەفتێن دستووری و كاریگەرییا ئەڤرۆ یا كوردستانێ بەرهەمێن سەرهلدانێ نە
- مەسرور بارزانی: سەرهلدان ئێك ژ سەروەریێن مەزن یێن گەلێ كوردستانێ یە كو هەردەم جهێ شانازییا مەیە
- دوپاتیێ ل رێكخستنا ناڤمالا كوردی دكەین
- سەرۆك بارزانی ل گەل شاندەكێ هەڤپشكێ سێ پارتێن باكوورێ كوردستانێ پرۆسەیا ئاشتیێ ل توركیا گەنگەشە كر
- سەرۆك بارزانی و ئەیاد سامەرائی دوپاتی ل پێگیریبوونێ ب بنەمایێن هەڤپشكیێ كر
سه‌ره‌كى Twitter
قوداسه‌كا تابیه‌ت ل دێرا به‌رانی ل دهۆكێ هاته گێران
ئه‌ڤرۆ نيوز:
ئه‌ڤرو سپێدێ 26/12/2016 ب ئاماده‌بونا فه‌رهاد ئه‌مین ئه‌ترووشی پارێزگه‌رێ دهوكێ و به‌تریارك لویس ساكو به‌تریكێ بابل یێ كلدانیا ل جیهانێ و ئه‌لبیرتو ئورتیگا بالیوزێ فاتیكانێ ل ئێراقێ و ئوردن ل دیرا به‌رانی ل باژێرێ دهوكێ قوداسه‌كا تایبه‌ت ب هه‌لكه‌فتنا جه‌ژنا بونا مه‌سیح علیه السلام هاته گێران.
پشتی گێرانا رێ و ره‌سمێن ئاینی یێن تایبه‌ت ,,به‌تریارك لویس ساكو دداخویانیه‌كێ دا بو ده‌زگایێن راگه‌هاندنێ گوت : گه‌له‌ك كه‌یف خوشین ئه‌ڤرو ل جه‌ژنا مه مه‌سیحی و موسلمان بێكڤه ئاماده‌بوین و تایبه‌ت پارێزگه‌رێ دهوكێ كو كه‌سه‌كێ خزمه‌تكاره و وه‌كوبابه‌كی یه بو هه‌می خه‌لكێ دهوكێ و ئه‌م گه‌له‌ك دكه‌یف خوشین ب كه‌سایه‌تیا وی یا هێژا و خزمه‌تكار بو هه‌می خه‌لكێ دهوكێ ب هه‌می ئول و نه‌ته‌وه ڤه ئه‌ڤرو ئاماده‌بونا مه هه‌میا پێكڤه بو خزمه‌تكرنا مروڤایه‌تیێ یه و تایبه‌ت خه‌لكێ كوردستانێ و نیشانا هندێ یه كو ئه‌م وه‌كو خه‌لكێ كوردستانێ هه‌می ئێكین و ئایندێ مه پێكڤه گرێدایه هه‌روه‌سا هیڤی خواست كو ئاشتی و براینی بزڤریت بو هه‌می ئێراقێ و ئه‌ف خه‌لكێ ئاواره و ده‌ربه‌ده‌ر بوی ڤه‌گه‌ریته سه‌ر جه و وارێن خو ب سلامه‌تی و پێكڤه وه‌كو برا بژین.
دیڤدا فه‌رهاد ئه‌مین ئه‌تروشی پارێزگه‌رێ دهوكێ پێروزباهیا جه‌زنا بونا مه‌سیح سلافین خودێ ل سه‌ر بن ل مه‌سیحیێن كوردستانێ و ئێراقێ و هه‌می جیهانی كر و هیڤی خواست كو جه‌ژنا خوشیی و ته‌ناهیێ بیت بو هه‌می خه‌لكێ كودستانێ و پارێزگه‌ها دهوكێ ب تایبه‌ت كر و هیڤی خواست كو سالا خوشیێ و ته‌ناهیی بیت بو هه‌می جیهانێ
هه‌روه‌سا گوت : ئه‌م وه‌كو هه‌رێما كوردستانێ خوشحالین و سه‌رفرازین و تایبه‌ت حكومه‌تا هه‌رێمێ كو شیای ڤی كه‌ش و هه‌وای دورست بكه‌ت و خه‌لك ب هه‌می ئول و نه‌ته‌وه ڤه پێكڤه بژیت مه‌سیحی و موسلمان و ئێزدی و عه‌ره‌ب و كورد وهه‌ر ئاینه‌كی دی هه‌بیت بخوشی بژیت و جهێ سه‌ربلندیێ یه كو ل ده‌می مه‌سیحی توشی هێرشێن تیرورستان بوین قه‌ستا كوردستانێ كر و ده‌مێ شیعه توشی گه‌ڤا بوین دیسا قه‌ستا كوردستانێ و هه‌روه‌سا سنی ژی ل ته‌نگاڤیێت خو قه‌ستا كوردستانێ كر و ئه‌ڤه نیشانا هندێ كو كوردستان وه‌لاتێ پێكڤه ژیانێ و برانیێ یه دنافبه‌را هه‌می ئول و نه‌ته‌وادا و هه‌رده‌م په‌ناكه‌ها ئارامیێ بویه بو كه‌سێن سته م لێ هاتیه كرن .
دیسان دیار كر مافێ ملله‌تێ كورد و خه‌لكێ كوردستانێ یه وه‌كو هه‌می ملله‌تێن جیهانێ خودان سه‌روه‌ری بیت و خودان ده‌وله‌تا خویا سه‌ربخو بیت.
هه‌روه‌سا مه‌تران ره‌بان دپه‌یڤه‌كێ دا دیار كر كو ئه‌ڤرو ژ به‌ر سیاسه‌تا حه‌كیمانه یا سه‌رۆك بارزانی و حكومه‌تا هه‌رێما كوردستانێ، كوردستان بو په‌ناگه‌ها ئارامیێ بو هه‌می خه‌لكێ سته ملێ دهیته كرن و ژكه‌ڤن تا نوكه ل كوردستانێ هه‌می ئول و نه‌توه وه‌كو برا ژیاینه و و دیار كر ده‌مێ مه‌سیحیێن ده‌ڤه‌رێ قه‌ستا جهێن خو كریه ڤه حكومه‌تا كوردستانێ گوندێن وان ئاڤا كرن و هه‌می خزمه‌ت بو دابینكرن و ج كێماسی ل گوندێن وان نه‌هێلا و ئاماژه كر ئه‌ف ژیانا برایانه به‌رده‌وامه و سوپاسیا پێشمه‌گێ قاره‌مان كر كو پاراستنا هه‌می خه‌لكێ كوردستانێ دكه‌ن و یاهرا پێتریا ده‌ڤه‌رێن مه‌سیحی نشین رزگار گرینه .
زێر ئه‌ڤرۆ ب چه‌ندێ يه؟
گوهۆڕين كه‌فتنه ره‌وشا دراڤى
ئه‌ڤرۆ نيوز:
رێڤه‌به‌ريا چاڤدێريا بازرگانى راگه‌هاند كو ئه‌ڤرۆ رێكه‌فتى 26ى كانوونا ئێكێ 2016ێ بهايێ دراڤى ل بازارێن پارێزگه‌ها دهۆكێ ب ڤى ره‌نگێ ل خوارێ يه:
| 1 دولارێ ئه‌مريكى | 1310 |
| 1 يۆرۆيێ ئه‌ورۆپى | 1375 |
| 1 ليرێ توركى | 372 |
بۆ وه‌رگرتنا نووترين پێزانينان ل سه‌ر ره‌وشا دراڤى ژماره “2” بۆ شورتكودێن “KOREK “2279 يان “Asiacell “4593 يان ژى ب ره‌نگه‌كێ به‌رده‌وام سه‌ره‌دانا مالپه‌رێ ئه‌ڤرۆ نيوز www.evronews.net بكه.
سێ ترۆمبێلان لێكدا و دو كه‌سان گيانێ خوه ژ ده‌ست دا
ئه‌ڤرۆ نيوز:
رێڤه‌به‌ريا پۆليسێن پارێزگه‌ها دهۆكێ راگه‌هاند كو ئه‌ڤرۆ رۆژا دوشه‌مبى و ل دانێ سپێدێ ل سه‌ر رێيا دهۆك بۆ شێخان سێ ترۆمبێلان لێكدا و د ئه‌نجام دا دو كه‌سان گيانێ خوه ژ ده‌ست دا و چار كه‌س ژى بريندار بوون.
رائيدێ مافپه‌روه‌ر ئازاد تاها، به‌رپرسێ راگه‌هاندنێ ل رێڤه‌به‌ريا هاتنوچوونا پارێزگه‌ها دهۆكێ بۆ ئه‌ڤرۆ نيوز گۆت: “ل ده‌مژمێر 9:00ى سپێده‌هيا ئه‌ڤرۆ رۆژا دوشه‌مبى رێكه‌فتى 26ى كانوونا ئێكێ ل سه‌ر جادا سه‌ره‌كى يا دهۆك بۆ شێخان ل گه‌ليێ دێركێ سێ ترۆمبێلان لێكدا”.
رائيدێ مافپه‌روه‌ر زێده‌تر گۆت: “ئه‌ڤ روودانه د ناڤبه‌را ترۆمبێله‌كا تايبه‌ت دوج، تايبه‌ت ئۆپل ڤيكترا و ترۆمبێله‌كا كرێ تويوتا كرۆلا ته‌كسى دا روودايه و د ئه‌نجام دايه دو كه‌سان گيانێ خوه ژ ده‌ست دا و چار كه‌س ژى بريندار بوون.
راگه‌هاندنێ ل رێڤه‌به‌ريا هاتنوچوونا پارێزگه‌ها دهۆكێ هيڤى خواست كو وه‌لاتى پێگريێ ب رێنمايێن هاتنوچوونێ بكه‌ن و هاش خوه هه‌بيت ب تايبه‌ت ل رۆژێن سه‌قايێ نه‌خۆش چونكو كارتێكرنه‌كا ئێكسه‌ر ل سه‌ر جاددان دكه‌ت.
لیژنا ئەوقافێ داخوازا راگرتنا پارێ فۆڕمێن حەجێ دکەت
ئەڤرۆ نیوز:
لدۆر وەرگرتنا پێنجی ھزار دیناران بڕیارە ئەڤرۆ لیژنا ئەوقافێ لپەرلەمانێ کوردستانێ دگەل وەزیرێ ئەوقافێ کۆمبیت و جێگرێ سەرۆکێ لیژنا ئەوقاف و کاروبارێن ئاینی ژی دبێژیت، وەرگرتنا پێنجی ھزاردینارا دڤێ قەیرانێ دا بارگرانیە بۆ سەر ئابورا وەلاتیان.
ھەورامان گەچێنەیی، جێگرێ سەرۆکێ لیژنا ئەوقاف و کارێن ئاینی لپەرلەمانێ کوردستانێ بۆ رۆژناما ئەڤرۆ گۆت” پشتی بڕیارا وەزارەتا ئەوقاف و کاروبارێن ئاینی بۆ وەرگرتنا پێنجی ھزار دینارا ھەمبەر وەگرتنا فۆڕما چوونا حەجێ مە داخوازکریە وەزیرێ ئەوقاف و کاروبارێن ئاینی دگەل لیژنا ئەوقافێ لپەرلەمانی کۆمبیت و بڕیارە ئەڤرۆ دوشەمبیێ لیژنە دگەل دکتۆر پشتیوان سادق وەزیرێ ئەوقافێ کۆمبیت و تێدا دانوستان لدۆر وەرگرتنا پارەی ل حەجیان بھێتەکرن و ئەم دلگرانین ب وەرگرتنا بھایێ پێنجی ھزاردینانا لھەر کەسەکێ فۆڕما حەجێ تژی دکەت، چونکە قەیرانە و دیچ بیتە بارگرانی بۆسەر وەلاتیان.
ھەورامان گەچێنەیی گۆتژی” سەد ھزار فۆڕم لسەرانسەری ھەرێما کوردستانێ ھاتینە بەلافکرن، ئەڤە ددەمەکیدایە تنێ دێ چوار ھزار کەس گورەی تیرۆ پشکێ چنە حەجێ، ئەگەر حوکمەت ھەر فۆڕمەکێ پێنجی ھزارا وەربگریت دێ پێنج ملیار دینار بۆ حوکمەتێ ھێنە کۆمکرن، ئەڤەژی بەرۆڤاژی ھەموو قانوونەکێ یە وەلاتیەکی ناڤێ وی بۆ حەجێ دەرنەکەڤیت و پێنج ھزار دینارا بدەتە حوکمەتێ.
ل هه‌ولێر سێ رێڤه‌به‌ر هاتنه ده‌سته‌سه‌ركرن
ئه‌ڤرۆ نيوز:
رێڤه‌به‌ريا پۆليسێن هه‌ولێر ده‌سته‌سه‌ركرنا سێ رێڤه‌به‌رێن حكومى راگه‌هاند كو ب تۆمه‌تا “سه‌خته‌كاريێ” ل سه‌ر داخوازيا وه‌لاتيه‌كى هاتينه ده‌سته‌سه‌ركرن.
ليوا عه‌بدولخالق ته‌لعه‌ت، رێڤه‌به‌رێ گشتى يێ پۆليسێن هه‌ولێر بۆ خه‌ندان گۆت: “ئه‌و سێ كه‌س ب تۆمه‌تا ماددێ 298 يا قانوونا سزايێن عيراقى ده‌سته‌سه‌ركرن، ل سه‌ر سكالايا وه‌لاتيه‌كى كو ل دادگه‌هێ تۆماركيه و ل سه‌ر پارچه‌كا ئه‌ردى يه، كو به‌لگه‌يێن سه‌خته دروست كرينه، ڤه‌كۆلين ل گه‌ل وان يا ده‌سپێكرى”.
گۆتژى: “ئه‌و سێ فه‌رمانبه‌ر پلێن وان ل ئاستێ رێڤه‌به‌ران دانه، ئێك ژ وان سێ فه‌رمانبه‌ران ئافره‌ته و نوكه ب كه‌فاله‌ت هاتيه ئازادكرن، به‌لێ دو فه‌رمانبه‌رێن دى هاتينه راگرتن”.
رێڤه‌به‌رێ گشتى يێ پۆليسێن هه‌ولێر به‌حس ل وێ چه‌ندێ ژى كريه كو ئه‌و سێ فه‌رمانبه‌ر ئێك ب پله‌يا رێڤه‌به‌رێ كارگێرى يێ باژێرڤانيا هه‌ولێره، ئێك ژى رێڤه‌به‌رێ مولكى يه ل باژێرڤانيێ و ئێك ژى به‌رپرسێ هۆبا كۆمپيۆته‌رى يه، ڤه‌كولين يا به‌رده‌وامه و پشتى ب دووماهى هاتنێ دێ دوسيه بۆ دادگه‌هێ هێته ره‌وانه‌كرن.
ئه‌ڤ ساله زێده‌ترى 26 هزار كه‌سان ل عيراقێ قوربانيێن روودانێن توندوتيژيێ بوون
ئه‌ڤرۆ نيوز:
ب گۆره‌ى ئاماره‌كا نه‌ته‌وێن ئێكگرتى ل سالا 2016ێ ل هه‌موو پارێزگه‌هێن عيراقێ 12 هزار و 38 كه‌سان ژ ئه‌گه‌رێ روودانێن توندوتيژبێ هاتينه كوشتن و 14 هزار و 411 كه‌س ژى بريندار بووينه.
نڤيسينگه‌ها نه‌ته‌وێن ئێكگرتى ل عيراقێ “يۆنامى” د سالا 2016ێ دا هه‌موو ته‌قين و شه‌ر و كريارێن توندوتيژيێ ل عيراق و هه‌رێمێ رووپيڤ كرينه، ب گۆره‌ى ئامارێ ل ده‌سپێكا سالێ 12 هزار و 38 كه‌س هاتينه كوشتن و 14 هزار و 411 كه‌س بريندار بووينه.
پتريا ته‌قين و توندوتيژيان ل پارێزگه‌ها به‌غدا، سه‌لاحه‌دين، مووسل، كه‌ركووك، ئه‌نبار و ديالا هاتينه تۆماركرن، پترترين ته‌قين ژى ل به‌غدايا پايته‌خت هاتينه ئه‌نجام دان.
د وێ ئامارێ دا كوشتى هاتينه جوداكرن و ئاماژه ب وێ چه‌ندێ كريه كو شه‌ش هزار و 492 كوشتى وه‌لاتيێن مه‌ده‌نى بووينه، پێنج هزار و 456 كه‌س ژى د وارێ له‌شكرى دا كار كريه.
رێژا توندوتيژيێ ل هه‌يڤێن ئيلۆن، چريا ئێكێ، چريا دويێ و كانوونا ئێكێ بلند بوويه و د وان چه‌ند هه‌يڤێن دووماهيێ دا، پێنج هزار و 683 كه‌س هاتينه كوشتن و دكه‌ته نيڤا ژمارا قوربانيێن ئه‌ڤ ساله.
ئه‌ڤرۆ نيوز جوداهيا باران بارينا ئه‌ڤ ساله ل گه‌ل سالا بۆرى به‌لاڤ دكه‌ت
ئه‌ڤرۆ نيوز، نيوار محه‌مه‌د سه‌ليم:
رێڤه‌به‌رێ گشتيێ كه‌شناسى و بيڤه‌له‌رزێ ل هه‌رێما كوردستانێ راگه‌هاند كو جوداهيه‌كا به‌رچاڤ د رێژێن باران بارينا ئه‌ڤ ساله دا ل گه‌ل سالا بۆرى هه‌يه.
فازل ئيبراهيم، رێڤه‌به‌رێ گشتى يێ كه‌شناسى و بيڤه‌له‌رزێ ل هه‌رێما كوردستانێ د داخۆيانيه‌كێ دا بۆ ئه‌ڤرۆ نيوز ته‌كست ل سه‌ر وێ چه‌ندێ كر كو ئه‌ڤ ساله رێژێن باران بارينێ ل گه‌ل سالا بۆرى جوداهيه‌كا به‌رچاڤ هه‌يه و ل پارێزگه‌ها دهۆكێ ل سالا بۆرى هه‌تا ئه‌ڤرۆ 25ى كانوونا ئێكێ 2015 ل پارێزگه‌ها دهۆكێ 170.4ملم بارانێ باريبوون، به‌لێ ئه‌ڤ ساله هه‌تا ڤى ده‌مى 134.1ملم باران باريه.
رێڤه‌به‌ريا گشتى يا كه‌شناسى و بيڤه‌له‌رزێ ل هه‌رێما كوردستانێ د ڤێ ده‌ربارێ دا ئاماره‌ك ژى به‌لاڤكريه و ئاماژه ب هه‌ڤبه‌ركيا رێژێن باران بارينا سالا بۆرى ل گه‌ل ئه‌ڤ ساله كريه، ئه‌ڤێ ل خوارێ خشتێ هه‌موو پارێزگه‌هێن هه‌رێما كوردستانێ يه:
ره‌وشا سه‌قايێ سوبه‌هى
ئه‌ڤرۆ نيوز:
رێڤه‌به‌ريا گشتيا كه‌شناسى و بيڤه‌له‌رزێ ل هه‌رێما كوردستانێ راگه‌هاند كو سوبه‌هى رۆژا سێشه‌مبى رێكه‌فتى 27ى كانوونا ئێكێ 2016 ئه‌سمانێ دهۆكێ دێ ئه‌وره‌كێ ناڤه‌ندى بيت.
پشكا پێشبينيان ل رێڤه‌به‌ريا گشتيا كه‌شناسى و بيڤه‌له‌رزێ ل هه‌رێما كوردستانێ د نڤيساره‌كێ دا كو دانه‌ك بۆ ئه‌ڤرۆ نيوز ره‌وانه كرينه راگه‌هاند كو ژ ئه‌نجامێ فشارێن بلندێن رۆژهه‌لاتێ توركيا بۆ سه‌ر هه‌رێما كوردستانێ دهێته پێشبينيكرن ئه‌وره‌كێ ناڤه‌ندى بيت.
رێڤه‌به‌ريا كه‌شناسيێ پێشبينيا وێ چه‌ندێ ژى دكه‌ت كو ل رۆژا چارشه‌مبى فشارێن نزمێن ده‌ريا سۆر دێ كارتێكرنێ ل سه‌ر هه‌رێما كوردستانێ كه‌ن و دهێته پێشبينيكرن ل هه‌موو ده‌ڤه‌ران باران بباريت.
پشكا پێشبينيان دايه زايه زانين كو دێ ئاراستێ باى ژى دێ باكوورێ رۆژهه‌لات بيت ب ره‌نگه‌كى د ناڤبه‌را 5 هه‌تا 10كم دا و ماوێ ديتنێ ژى دێ د ناڤبه‌را 8 بۆ 10كم دا بيت، پلێن گه‌رمێ ژى دێ د ناڤبه‌را 4 بۆ 12 پلان دا بن.
نيشاندان
WP Facebook Auto Publish Powered By : XYZScripts.com