ئه‌ڤرۆ نیۆز،بارزان سلێمان مزوورى:
راگه‌هاندنكارێ سه‌ربازى جوتیار بانى بو ئه‌ڤرۆ نیوز ئاشكرا كر كو ل پێش شه‌ڕێ داعش لگه‌ل هه‌ڤالێن ڕاگه‌هاندنێ چه‌ندین جاران به‌شداریا كارێ ڕاگه‌هاندنێ لده‌رچوونێن خۆلێن سه‌ربازى من كریه‌ وپشتى فێربوویم زۆربه‌ى جاران بتنێ ژبۆ دروستكرنا نڤیسنا ڕیپورتاژ ومۆنتاژ وڤیدیو كرن من دكیومێنتێن چالاكیێن سه‌ربازى دروستكرینه‌، ده‌ما داعش به‌ره‌ف سنووران هاتى بڕژدى من ده‌ست بكارێ ڕاگه‌هاندنێ كر، پێشمه‌رگه‌ى داستانێن مه‌زن وخه‌یالى تۆمار دكرن، رۆدانێن وان داستنا ده‌مێ پێشمه‌رگه‌ى ڤه‌دگێران بتنێ چه‌ند گۆتن ڤه‌دگوهاستن بێى دكیومێنت كرنا وان، دبیت كه‌سێن ساده‌ باوه‌رى بڕاستیا وان نه‌دبوو ژبۆ ئه‌و شه‌ڕێن توماركرین، ئه‌ف چه‌نده‌بۆ هانده‌رێ سه‌ره‌كى ژبۆ ده‌ست ب توماركرنا شه‌رێن پێشمه‌رگه‌ى بكه‌م وئه‌رشیڤه‌كێ باش بۆ جیلێن داهاتى بدان مه‌ به‌ر ده‌ست وبۆ هه‌ر كورده‌كێ شانازیێ بنه‌ته‌وا كوردینیا خۆ بكه‌ت، ئه‌و ئه‌رشیف نه‌ بتنێ دكلیپان دا هاتینه‌ بكارئینان لێ دكیومێنتاریێن چه‌ند خۆله‌ك ژى هاتینه‌ دروستكرن وبسه‌ده‌هان كه‌نالێن ئه‌سمانى وهزاره‌هان مالپه‌ر وتۆرێن كۆمه‌لایه‌تى ب به‌لگه‌ هاتینه‌ به‌لافكرن، یێن دناڤا كلیپان دا هاتینه‌ بكارئینان بده‌ستیرى ژمن وه‌رگرتینه‌ وهه‌روه‌سا لكه‌نالێن ئه‌سمانى ژى دكیومێنتار بده‌ستیرى هاتینه‌ وه‌رگرتن، دیسان چه‌ند ڕۆیدانێن هه‌ستیار وده‌كمه‌ن یێن شه‌ڕى لسه‌ر كه‌نالێن ئه‌سمانى یێن جیهانى هاتینه‌ په‌خشكرن بێى رۆقسه‌تامن ئه‌وژى چوونكه‌ ناڤێ من لسه‌ر هه‌بوویه‌ ونه‌ هاتیه‌ لادان ل ده‌مێ په‌خشكرنێ، گرنگ لده‌فمن خزمه‌تكرنا ناڤێ پێشمه‌رگه‌یه‌ لگه‌ل به‌رچاف وه‌رگرتنا ماندیبوون وكارێ من وبێى كه‌س مافێ ماندیبوونا من بخۆ بهه‌ژمێریت ژبۆ كه‌سه‌كى یان ده‌زگاهه‌كى.
ناڤبرى دیار كر،كو ب چه‌ند په‌یڤان مرۆڤ نه‌شێت دیاربكه‌ت، چالاكیێن جۆراجۆر یێن پێشمه‌رگه‌یان پێش هاتنا داعش لده‌فمن ئه‌رشیفكرینه‌، لگه‌ل هاتنا داعش شه‌رێن مه‌زن ژلایێ من هاتینه‌ تۆماركرن لگه‌ل ژیانا پێشمه‌رگه‌ى لسه‌نگه‌ران وچاواتیا به‌رگرى كردن ژ خاك وولاتێ خۆ، هه‌ر ده‌ما هێرشه‌ك هاتبا ئه‌نجامدان دكیومێنتاره‌ك بنێزیك (5-15) خۆله‌كان من دروست دكر ولسه‌ر په‌یجێ خۆ من به‌لاڤدكر وهه‌روه‌سا دانا چه‌ند ڤیدیویان ژبۆ كه‌نالێ كوردستان24 بۆ نیشاندانا قاره‌مانیا پێشمه‌رگه‌ى بۆ گشت جیهانێ هه‌روه‌سا داستانا سه‌هلج لسه‌ركه‌نالێ زاگرۆس وئوپه‌راسیونا شنگال لسه‌ر كه‌نالێ رووداو هاتینه‌ په‌خشكرن، پرۆژێ فلمه‌كى ژیه‌ك ده‌مژمێر زێده‌تر دهزرامندا په‌یدابوویه‌ پشتى ئه‌رشیفه‌كێ تێروته‌سل ومه‌زن من خرڤه‌كرى ولگه‌ل چه‌ند ڤیدیویێن داعشان كۆ كه‌تبوونه‌ ده‌ستێ پێشمه‌رگه‌ى، ئانكۆ مرۆڤ دشێت هه‌ردوو ئالیان یێ تیرورستێن داعش ویێن پێشمه‌رگێ قاره‌مان به‌رامبه‌ر ئێك فلمه‌كێ زندى ژێ ده‌ربێخیت ومن باوه‌ریه‌كا مه‌زن هه‌یه‌ چاڤێن بینه‌رى ژخۆ وه‌رناگێریت ژبه‌ر ڕۆدانێن هه‌ستیار، لێ ئه‌ڤا ئه‌ز دبێژم بتنێ لگه‌ل كۆمپانیه‌كا ناڤدار یێن چێكرنا فلمان دێ ئه‌ف كارێ باش لێ ده‌ركه‌ڤیت ، بتنێ دكیومێنتاریێن چه‌ند خۆله‌كى هاتینه‌ بكارئینان وئه‌وژى پشتى ده‌ستیریامن وشیانێن ده‌ستكاریا وان من نه‌داینه‌ هیچ لایه‌نه‌كى، سه‌ركه‌فتێن پێشمه‌رگه‌ى هه‌مى بۆ من خه‌لاتێن هه‌رى مه‌زن وببهانه‌، به‌لێ خه‌لاتێن وه‌ك سیمبول ده‌ما ئه‌ز ژلایێ كه‌نالێ كوردستان24 هاتیمه‌ هه‌لبژارتن دبه‌رنامێ سه‌ربازى وون دا، ئارمێ به‌رنامه‌ى بمن هاته‌ په‌خشكرن وئه‌ز سۆپاسیا وان دكه‌م ژبۆ هه‌لبژارتنامن دوى به‌رنامێ كۆ دكنترۆلا ده‌ستێن خاوێندایه‌ وده‌نگڤه‌دانه‌كا باش گێرایه‌، هاریكاریا هه‌رى مه‌زن ژلایێ ماددى ومه‌عنه‌وى به‌رێز لیوا عه‌زیز وه‌یسى فه‌رماندێ فه‌رمانده‌یا پێشمه‌رگه‌یێن زێره‌ڤانى بۆ من ئه‌نجامدایه‌ بتنێ دچارچۆڤێ كاریدا وئه‌ف باوه‌ریه‌ پشتى چه‌ند كارێن دیاركرى بمن دایه‌، هه‌روه‌سا موقەدەم حسێن حه‌یده‌ر قیتان كۆ لگه‌لمندا به‌رده‌وام ئامۆژكاریێن وى بۆ من دبوونه‌ سه‌ركه‌فتن ولگه‌ل ئه‌و كامیرا دده‌ستێ ویدا زۆربه‌ى جاران ئه‌ز گرتیمه‌ ده‌ما كارێخۆ من ئه‌نجامددا، دیسان قاره‌مانیا پێشمه‌رگه‌ى هاریكاریا سه‌ره‌كى بوویه‌ ژبۆ بشێم رۆدانێن ده‌كمه‌ن ونه‌ دووباره‌كرى تومار بكه‌م، ده‌مێن نه‌خۆش ئه‌ز دشه‌ریدا نابینم، هه‌ر چه‌ند خۆینا شه‌هیدان دهێته‌ ڕێتن ئه‌ز بووره‌یه‌كا مه‌زنتر كارێخۆ ئه‌نجامدده‌م ژبۆ ئه‌و خۆین بێ به‌رامبه‌ر نه‌چیت وتۆله‌ڤیا وان بهه‌ر ڕه‌نگێ بهێته‌ ڤه‌ركرن، لێ ده‌مێ زارۆكێن شه‌هیدان لتازى وچل ڕۆژیێن وان دبینم، ڕۆندك ژ چاڤێن من دبارن وهه‌ستێن من لاشێ من هه‌میێ خاف دكه‌ن وهێز تێدا نامینیت، چوونكى ئه‌ز زۆر حه‌ز زارۆكێن خۆ دكه‌م وئه‌گه‌ر چه‌ند ڕۆژا وان هه‌مبێز نه‌كه‌م ژیان لپێشیا چاڤێن من تارى دبیت، لێ ئه‌ف زارۆكێن شه‌هیدان چاڤه‌رێى كێ بكه‌ن ژبۆ هه‌مبێزكرنا وان، هه‌رچه‌ند خه‌لكه‌كێ مه‌زن هاریكارن لگه‌لدا لێ ڤالاتیا جهێ بابێ مه‌حاله‌ یه‌ك كه‌س لسه‌رتاسه‌رى هه‌مى جیهانێ بشێت بگریت، ژبه‌روێ من دڤێت ئه‌ژى مینا زارۆكه‌كى لگه‌ل وان زارۆكێن شه‌هیدان بكه‌مه‌ گرى وبیره‌وه‌ریا شه‌هیدبوونا بابێ خۆ لگه‌ل شه‌هیدبوونا بابێن وان نۆى بكه‌م ده‌مێ ئه‌م دوێ ته‌نگه‌زاریێ دا هێلاین وده‌ربه‌ده‌رى نه‌خۆشیان كرین، لێ لدوماهیێ ئه‌ز بدلوڤانیا خووداى دلێخۆ ئارام دكه‌م ئه‌و خوودایێ ژبۆ گرتنا هه‌ر ده‌رگه‌هه‌كى بهزاران ده‌رگه‌هێن ڤه‌دكه‌ت.
ناڤبرى گوت كو پێشمه‌رگه‌ هه‌بووینه‌ من وێنه‌كرینه‌ وبچه‌ند خۆله‌كێن مینا تبلێن ده‌ستان ده‌رباسبوویه‌ وهاتیه‌ شه‌هیدكرن، پێشمه‌رگه‌ هه‌بوویه‌ چاڤپێكه‌فتنێن تاكى من لگه‌ل كریه‌ وپاش هاتیه‌ شه‌هیدكرن، ژماره‌یه‌كا زۆر ژ هه‌ڤالێن نێزیك بۆ من هاتینه‌ شه‌هیدكرن وخه‌مباریا وان دلێمن داگیركریه‌ لێ بشه‌هاده‌تا وان سه‌رێ هه‌مى كوردان بلند كریه‌ به‌رامبه‌ر هه‌مى جیهانێ، پرۆژه‌ دهزرێن مندا زۆر هه‌نه‌ لێ دڤێت به‌رامبه‌ره‌ك ژى بهێته‌ په‌یداكرن مینا كۆمپانى وده‌زگه‌هێن مه‌زن ژبۆ دروستكرنا فلمه‌كى ده‌ربَرینا دهه‌مى بوارێن ژیانا پێشمه‌رگه‌یدا بكه‌ت، گه‌له‌ك ده‌زگه‌هان ئه‌ز داخازكریمه‌، لێ پشتى گفتۆگۆ هاتیه‌ كرن ئه‌م رێك نه‌كه‌فتینه‌ ژبه‌ر گه‌له‌ك ئه‌گه‌ران كۆ زۆربه‌ى وان ئه‌وه‌ لایه‌نێ به‌رامبه‌ر دڤێت مفاداربیت وبتنێ ژبۆ زێده‌هیا بینه‌رێخۆ ئه‌ڤى ئه‌رشیفێ تێروته‌سل بكاربینیتوئه‌و هزرێن دمێشكێ مندا لێ خودان ده‌رنه‌كه‌ڤیت.
راگه‌هاندنكارێ سه‌ربازى جوتیار بانى ژ دایك بویێ 1984 ل تاخێ شه‌هیدان ل گرێ باصێ ژ دایك بویه‌ د ژیێ شه‌ش سالیێ دا به‌ره‌ڤ وه‌لاتێ غه‌ریبیبا چوین ده‌ربه‌رده‌رى ئیرانێ بویه‌ د ژیێ 19 سالیێ بابێ وى وه‌غه‌ركریه‌ دگه‌ل شه‌ش خویشك و برا و ده‌یكا خو مه‌زن بویه‌ ل سالا 2007 باوه‌رناما كولیژا كارگێرى و ئابورى ده‌ست خوڤه‌ ئینایه‌ ل سالا 2010 ژیانا هه‌ڤژینیێ پێك ئینایه‌ ئێكه‌م پێنگاڤ بو خزمه‌ت كرنا وه‌لاتى سالا14/12/2007 چویه‌ دناڤ رێزین فه‌رمانده‌یا زێره‌ڤانى .