ئەڤرۆ نیۆز،زنار تۆڤى:
ئه‌ڤ ساله‌ ل دوماهیا وه‌رزێ بهارێ باران ب رێژه‌یه‌كا باش بارین و ئه‌ڤ چه‌نده‌ بوویه‌ ئه‌گه‌رێ هندێ كو گه‌زۆ داروبارێن وه‌كى خۆخ و باهیڤ و هنار و گویزان بگریت و زیان گه‌هاندیێ.
جۆتیاره‌ك بناڤێ عه‌لى سه‌عدولا ل ده‌ڤه‌را به‌روارى بالا بۆ ئه‌ڤرۆ نیۆز دبێژیت:ئه‌ڤه‌ دو ساله‌ ل سه‌ر ئێك ل دوماهیا وه‌رزێ بهارێ گه‌له‌ك باران دبارن و ئه‌ڤ چه‌نده‌ دبیته‌ ئه‌گه‌رێ هندێ كه‌ گه‌زۆ بكه‌ڤیته‌ سه‌ر داروبارى زیانێ دگه‌هینیتێ و دیاركر ژى:د ئه‌ڤ ساله‌دا گه‌زۆیێ داروبارێن وه‌كى باهیڤێ و خۆخێ و هنار و گویزان گرتینه‌ و زیان گه‌هاندیێ و به‌رهه‌مێ وان ژى خرابكریه‌ و به‌لگێن وان ژى سوتینه‌،هه‌ر چه‌نده‌ مه‌ ره‌شاندینه‌ ژى لێ گه‌له‌ك مفا لێ نه‌كریه‌.
دكتۆر ئازاد مایى ماموستایێ پشكا بیستانكارى ل فاكۆلتیا چاندنێ ل زانكۆیا دهۆكێ بۆ ئه‌ڤرۆ نیۆز دیاركر:ده‌مێ گه‌له‌ك باران ل وه‌رزێ بهارێ ل سه‌ر ئێك دهێت،پێشكه‌ك دكه‌ڤیته‌ سه‌ر داروبارى كو ره‌نگێ وێ یێ كه‌سك و سور و ره‌شه‌ و خوارنا وێ جوره‌كێ نیسه‌كیێ دهێلیته‌ ل سه‌ر داروبارى،لێ هه‌كه‌ داروبار بهێته‌ ره‌شاندن ئه‌و پێشك دێ مریت و نامینیت و گۆت ژى:ئه‌و پێشك یا بێ هێزه‌ و ب ئاڤ ره‌شاندنێ دمریت و ناڤێ وێ پێشكێ(مه‌نه‌) و ئه‌و پێشكه‌ ئاڤا به‌لگێ داروبارى دمێژیت و پشتى هنگێ به‌لگ زه‌ر دبیت و د وه‌ریێت و به‌رهه‌م ژى خراب دبیت و هه‌روه‌سا ده‌مێ ئه‌و پێشك پیساتیا خوه‌ ده‌ر دئێخیت جوره‌ نیسه‌كه‌ك دكه‌ڤیته‌ سه‌ر داروبارى و حه‌شه‌راتێن دى ژى دێ دانه‌ سه‌ر وان به‌لگان،چونكى ماددێ كاربۆهێدراتى دناڤدا هه‌یه‌ و حه‌شه‌رات حه‌ز ژێ دكه‌ن،دیسا جۆتیارێن مه‌ ژى خه‌لاتیان وان ئه‌وه‌ كو ئه‌و ده‌رمانێن ژ هه‌موویان بهێزتر ل داروبارى دكه‌ن،له‌ورا ئه‌و نڤشێ پێشكێ یێ ل دووڤ را دهێت پێ نامریت و ئه‌و زیانێ دگه‌هینیته‌ داروبارى و به‌رهه‌مى ژى.

ئەڤرۆ نیۆز،زنار تۆڤی:
بورها سازییه‌كا حكومی یه‌ سه‌ر ب كارگێریا پارێزگه‌ها دهوكێ‌ ڤەیه‌ كار وئه‌ركێن وێ‌ سه‌رپه‌رشتیكرنا كاروبارێن ئاواره‌ و په‌نابه‌رانه‌ ل ناڤ و ده‌رڤه‌ی كه‌مپان،هه‌روه‌سا هه‌ڤكاریێ‌ دكه‌ت دناڤبه‌را ئاژانسێن نه‌ته‌وێن ئیكگرتی و رێكخراوێن NGO بۆ هاریكاریكرنا ئاواره‌ وپه‌نابه‌ران ل سنورێ‌ پارێزگه‌ها دهوكێ‌ ل دوور نووترین بزاڤ و چالاكی و خزمه‌تكاریێن ده‌زگه‌هێ‌ (BORHA) ئه‌نجامده‌ت ئیسماعیل محەمەد ئەحمەد هاریكارێ‌ پارێزگه‌ری بو كاروبارێن مروڤایه‌تی سه‌رپه‌رشتێ‌ ده‌زگه‌هێ‌ ناڤبری گوتیە:ل رۆژا جیهانی یا په‌نابه‌ران كو دكه‌ڤیته‌ رۆژا 20-6-2017 چلاكیێن جودا جودا ل ناڤ كه‌مپان وجهێن دی دێ‌ هێنه‌ ئه‌نجامدان وئه‌و رۆژ ب ره‌نگه‌كێ‌ باش دێ‌ هێته‌ ساخكرن.
سه‌باره‌ت پروژێن گشتی و خزمه‌تكرنێ‌ هاریكارێ‌ پارێزگه‌ری بۆ كاروبارێن مرۆڤایه‌تی گوت: ب پشته‌ڤانیا رێكخراوا (UNDP) رێكا كومه‌لگه‌ها خانكێ‌ كو كه‌مپا خانكێ‌ یا مه‌زن ل سه‌ره‌ دێ‌ هێته‌ چێكرن و دێ‌ بیته‌ جوت ساید ب درێژیا 1,700 كم كوژمێ‌ بو هاتیه‌ ته‌رخانكرن (500) هزار دولارن ول ڤان رۆژا پروسا ل سه‌ر ئێك كێمكرنا چێكرنێ‌ دێ‌ هێته‌ راگه‌هاندن.
هه‌روه‌سا ل ڤان رۆژا هاریكاریه‌كا دراڤی ل سه‌ر 2000خێزانێن ئاواره‌ وپه‌نابه‌ران دێ‌ هێته‌ به‌لافكرن ئه‌و هاریكاری ب رێكا رێكخراوا (JRC) یا ئه‌لمانی و هه‌یڤا سورا عیراقی وده‌زگه‌هێ‌ (BORHA) دێ‌ هێته‌ به‌لاڤكرن .
ئیسماعیل محەمەد ئەحمەد ئه‌و ژی گۆت :ل هه‌یڤا شه‌ش مه‌ ده‌ست به‌لافكرنا گازا سپی ل سه‌ر ئاواره‌ وپه‌نابه‌ران كریه‌ ل ناڤ هه‌موو كه‌مپان ل سنورێ‌ پارێزگه‌هێ‌ و بۆ هه‌ر خێزانه‌كێ‌ (40) لیتر دهێنه‌ دان و ئه‌ڤ پروسه‌ هه‌موو هه‌یڤا دێ‌ هێته‌ ئه‌نجامدان.
سه‌بارت ژمارا ئاواره‌یێن ڤه‌گه‌ریاینه‌ سه‌ر جه وارێن خو ل ده‌ڤه‌رێن رزگاركری هاریكارێ‌ پارێزگه‌ری بۆ كاروبارێن مرۆڤایه‌تی گۆت: هه‌تا نوكه‌ نێزیكی (6156) خێزان كو دبنه‌ نێزیكی (36) هزار كه‌س ژ كه‌مپێن (نێرگزلیێ‌ – قه‌یماوا – ماملیان – به‌رده‌ره‌ش) و ژده‌رڤه‌ی كه‌مپان و جهێن دی ڤه‌گه‌ریاینه‌ سه‌ر جه و ناوچێن هاتینه‌ رزگاركرن و ل به‌رێ‌ چه‌پێ‌ یێ‌ باژێرێ‌ موسل.