ئەڤرۆ نیۆز،زنار تۆڤی:
ئەڤرۆ رۆژا ئەینی 2.6.2017 پێلەکا بارانێ دەڤەرا بەرواری بالا ڤەگرت و د ئەنجامدا رێژەکا باش یا بارانێ ل پرانیا گوندێن ڤێ دەڤەرێ و هەروەسا ل دەڤەرێن چیایی ژی باری یە،د هەمان دەمدا بریسی یان ژی ب رەنگەکێ مەزن ڤەددا.
هەروەسا ژ ئەنجامێ بارینا بارانێ سەقایێ دەڤەرێ ژی گەلەک تەزی و ساربوویە.
هەروەسا نوکەژی باران بەردەوام یا دباریت.
ئەڤرو نیوز ، نەوزاد زادە ھلۆری:
رۆژی ئێکە ژ وان کریارێن ھەری گرنگ د ژیانا مرۆڤی دا کو ھەر تنێ راکرنا فەرزا خودایی و تێھن و برس نینە ، بەلکو کومەکا مفایێن ساخلەمیێ ھەنە ، ھاریکارەکێ نوژداری ددەتن دیارکرن کو برس و تێھنی وەکو نوژدارەکێ چاڤدێریا لەشێ مرۆڤی دکەت.
“غەریب عەبدولکەریم ” ھاریکارێ نوژداری و رێڤەبەرێ بنگەھێ نەخۆشخانا ئەڤریکێ ل دھوکێ بۆ ئەڤرو نیوز گۆت: (رۆژی دەرفەتەکا مەزنە بو گوھرینا خانەیێن لەشی و گەلەک ڤەکولینان دوپاتی ل وێ یەکێ کریە کو راگرتنا خوارنێ بو دەمەکێ دبیتە سەدەم کو خانەیێن لەشێ مرۆڤی جارەک دن نوو ببن ڤە ، و دیسان رۆژی دبیتە سەدەم کو ئاستێ شیانێن لەشێ مرۆڤی بلند ببن و خروکێن سپیێن خووینی نوو ببن ڤە و ھەموو ئەو خروکێن کەڤن ژی نەمینن ، رۆژی دبیتە سەدەما نەھێلانا ژەھرێ دناڤا لەشێ مرۆڤی دا و بەرمایک و ماددەیێن کیمایێن لەشێ مرۆڤی دەردئێخیت ، ھەروەسا دبیتە سەدەما ب ھێز و کاراکرنا مێشکێ مرۆڤی و ئەو خوینا کو دلەشێ مرۆڤی دا ھەیە بو مێشکی پالددەت و مێشک ب ھێز دکەڤیت )
ناڤبری ل بارا تێھنیبوونێ گۆت: (ئەگەر مرۆڤ تێھنی بیت د لەشێ مرۆڤی دا جورە ھورمونەک درۆست دبیت دبێژنێ ADH کو ئەرکێ وی ئەوە ئاڤا لەشێ مرۆڤی زیندان دکەت و ژیراتیا مرۆڤی ژی ب ھێز دکەت و دبیتە سەدەما وێ یەکێ کو بیردانکا مرۆڤی بلەز کار بکەت و کەسەکێ بیرتیژ بیت ، ھەردیسان دبیتە سەدەما کونترولکرنا رێژا شەکرێ و قەلەویێ و فشارا خوینێ)
ئەڤرو نیوز ، نەوزاد زادە ھلۆری:
ب ھەلکەفتا ھاتنا مەھا رەمەزانا پیروز خێرخوازەکێ دەڤەرا ئاکرێ ١٠٠ پارچە زەڤی لسەر خێزانێن ھەژار و کێم دەرامەت و کەس و کارێن شەھید و پێشمەرگەیێن قارەمان و وان گەنجان دا دابەشکرن یێن کو ژ نوو چوینە د پروسەیا ھەڤژینیێ دا کورێ ئەوی خێرخوازی ددەتن دیارکر کو ئەڤ بەرنامە ھەتا ھەتا دێ بەردەوام بیت تایبەتی بو پێشمەرگە و گەنجێن دچنە د ھێلینا زێرین دا.
ھنێر رزا زێباری کورێ ئەوی خێرخوازی یە بۆ ئەڤرو نیوز گۆت: (ب ھەلکەفتا ھاتنا مەھا رەمەزانا پیروز مە ب فەردیت کوپ ارچە زەڤیێن خوە لسەر کەس و کارێن شەھید و پێشمەرگەیێن قارەمان و ھەژار و کێم دەرامەت و ئەوان گەنجان دابەش بکەین یێن کو ژ نوو چوینە د پروسەیا ھەڤژینیێ دا)
زێدەتر گۆت: (ھەتا نھا ١٠٠ پارچە زەڤی ھاتینە دابەشکرن کو رووبەرێ ھەر ئێک ژ وان پارچە زەڤیان ٣٠٠م٢ بوویە و ئەڤ ھەموو پارچە زەڤیە ژی دێ ل دەڤەرا شەرمن بو وان ھێنە دان)
زێباری د درێژاھیا ئاخفتنێن خودا دیاکر ژی کو پروسەیا دابەشکرنا پارچە زەڤیان بو ئەوان تەخێن ھاتینە دیارکرن دێ بەردەوام بیت و گۆت ژی: (کەسانێن کو پێشمەرگە و ھەژارن بەردەوام پێدڤی ب ھەڤکارایە ژبەرڤێ مە بریار دایە کو دانا پارچە زەڤیان بو ئەوان یا بەردەوام بیت ، و دیسان تەخەکا دن ژی دێ ھەتا ھەتایێ مفای ژ پارچە زەڤیێن مە وەرگریت ل ئایندە تەخا وان گەنجایە یێن کو دچنە د ھێلینا زێرین دا ژ کچ و کوران)
دەڤەرا شەرمن ب دوراتیا ١٥کم دکەڤیتە باکوورێ رۆژئاڤایێ قەزا ئاکرێ و دەڤەرەکا گونجایە بو چاندن و ب خودانکرنا تەرش و کەوالی و کارێن پێشەسازی.
ئه‌ڤرۆ نیۆز،زنار تۆڤى:
ئه‌ڤه نه بابه‌تێ حه‌سوودیێ یه،له‌ورا ده‌وله‌ته‌ك هه‌یه زێده‌ى پێدڤیێن خوه یێن رۆژانه مه‌زاختنێ دكه‌ت،كو ئه‌و ژى زه‌نگینترین سه‌رۆك ده‌وله‌ته ل جیهانێ،كو سولتانێ ده‌وله‌تا بروناى(حه‌سه‌ن برونا)یه.
سولتان حه‌سه‌ن بروناى سولتانێ ده‌وله‌تا برونا یا ئیسلامیه،كو داهاتیێ تاكه كه‌سى دڤێ ده‌وله‌تێ دا سالانه 48 هزار و 333 دولارن،هه‌روه‌سا سه‌رۆكێ ڤى وه‌لاتى زه‌نگینترین سه‌رۆكه ل جیهانێ،دیسا هه‌ر ژ رۆژا ژ دایكبوونا وى هه‌تاكو نوكه ئه‌و د سێنیكێن زێرى دا خوارنێ دخوت،هه‌روه‌سا ئه‌و جلكێن ئه‌و دكه‌ته به‌رخۆ تامداینه ب زێرى و زیڤى،د مه‌زنترین كۆچك دا دژیت،كو كۆچكا وى ژ 1788 ژۆران پێك دهێت،كو ته‌خت و كورسیێن وان ژۆران ب زێرى و ئه‌لماسى هاتینه خه‌ملاندن و هه‌روه‌سا 257 سه‌رشۆ د كۆچكا وى دا هه‌نه كو حه‌نه‌فیێن ئاڤێ ژ زێرى و زیڤى هاتینه چێكرن،گه‌راجێ كۆچكا وى جهێ 110 ترۆمبێلان تێدا هه‌یه،دیسا 650 كه‌ڤال دناڤ كۆچكا وى دا هه‌نه و هه‌ر تابلۆیه‌ك نه كێمتره ژ 150 هزار یورۆیان،ناڤهاتى دو فرۆكێن بوینگ 747 هه‌نه،كو بهایێ وان دگه‌هیته 100 ملیۆن دۆلاران،هه‌روه‌سا 6 فرۆكێن دى یێن بچووك و ل گه‌ل دو فرۆكێن هێلیكوبته‌ر هه‌نه.
سه‌رۆكێ برۆناى 531 ترۆمبێلێن مه‌رسیدس بینز و 367 فیرارى و 362 بینتلى و 185 بى ئێم ده‌بلیۆ و 177 جاكوار و 160 بورش و 130 رۆلز رویس و 20 لامبورجینى هه‌نه،ئانكو سه‌رجه‌مێ ترۆمبێلێن وى دگه‌هنه 1932 ترۆمبێلان.
تشتێ سه‌یر ئه‌وه كو سولتانێ بروناى 25 هزار دۆلاران دده‌ته سه‌رتراشێ خوه،ده‌مێ ژ له‌نده‌ن دهێته بروناى بۆ چێكرنا سه‌رێ وى،هه‌روه‌سا ل وى وه‌لاتى باج ل سه‌ر كۆمپانیا و تاكه كه‌سان ژى نینه.
ئەڤرو نیوز ، نەوزاد زادە ھلۆری:
دەمەک بەریا نھا نادیە موراد بالیوزنا نیازپاکیێ ل نەتەوەیێن ھەڤگرتیێن ئەمریکا گەھشتە دەردورێن شنگال و سەرەدانا گوندێ کوچو ددەت.
دڤی واریدا ” حوزنی موراد ” برایێ نادیا موراد بو ئەڤرو نیوز گۆت: (ب مەرەما ژ نێزیک ھایداربوونا رەوشا خەلکێ گوندێ کوچو دەمەک بەریا نھا نادیە موراد بالیوزا نیازپاکیێ ل نەتەوەیێن ھەڤگرتیێن ئەمریکا گەھشتە دەڤەرا شنگال و ژ نێزیک سەرەدانا گوندێ کوچو کر)
زێدەتر گۆت: (نادیایێ ل نێزیک ل گەل خەلکێ گوندی ئاخفتیە و مەرەما وێ ژی بتنێ سەرەدان بوویە بو جھێ ژین و ژیارا خوە ، و پشتی دوماھی ھاتنا سەرەدانێ جارەک دن دێ زڤریتەڤە ئەوروپا)
دھێتەزانین کو گوندێ کوچو گوندێ نادیا مورادێ یە و دوو رۆژ بەریا نھا ژلایێ ھێزێن حەشا سەعبی ھاتیە کونترولکرن کو ل سالا ٢٠١٤ مەزنترین کومکوژی دژی ئێزدیان ل گوندێ ناڤبری ھاتبویە ئەنجامدان.
ئەڤرو نیوز ، بارزان سلێمان مزیری:
ب ھەلەفتا رۆژا جیھانیا زارۆکان ، ئەڤرۆ ل قەزا شێخان ٢٥٠ زارۆک ھاتنە خەلاتکرن کو پرانیا وان ئاوارە بوون.
دڤی واریدا جەمیل عەبدولا رێڤەبەریا چاڤدێری و گەشەپێدانا جڤاکی ل شێخان بو ئەڤرو نیوز گۆت: (ب ھەلکەفتا رۆژا جیھانیا زارۆکان ئەڤرۆ مە ب فەردیت کو چەند چالاکیەکێن ھونەری و جوداجودا بو زاروکان ئەنجام بدەین و زێدەتری ٢٥٠ زاروکان ژی خەلات بکەین کوپ رانیا وان زاروکێن ئاوارەیان بوون ل سنوورێ قەزا شێخان )
ئەڤرۆ نیۆز،زنار تۆڤی:
شڤانەکێ کوردێ خەڵکێ دێرسمێ ل باکۆرێ کوردستانێ د تاقیکرنێن ئەڤ سالە یێن پۆلا هەشتێ بنەڕەتی دا ل تورکیا،پلا دویێ ب دەستڤەئینا.
حەبیب بیتکین ئەو گەنجێ کوردە کو ژیێ وی 14 ساڵە، خەلکێ باژێرێ چەمیش گەزەکە یێ سەر ب پارێزگەها دێرسمێ ڤە،سەرەڕای هندێ کو شڤانیا پەزی دکەت،لێ د تاقیکرنێن ئەڤ سالە یێن قۆناغا بنەڕەت دا ل پۆلا هەشتێ ژ سەرجەمێ 120 پرسیاران د تاقیکرنێن شەش وانێن جۆدا دا، 119 نمرە ب دەسڤەئینان،پلا دویێ ل سەر ئاستێ تورکیا ب دەستڤەئینا.
بیتکین کوڕێ ئێکانە یێ خێزانەکا هەژارا خەلکێ دێرسمێ یە،بتنێ داهاتێ وان ل سەر ب خودانکرنا پەزیە،ئەو ب خوە دبێژیت:دایک و بابێن من مەزنترین پشتەڤانێن من بوون و بەردەوام هاندانا من دکر کو ئەز ب خوینم،گەلەکێ دلخۆشم ب وی ئەنجامێ من ب دەستڤەئینای.
ئەو گەنجێ شڤانێ کورد ل گەل کارێ شڤانیێ ل چۆل و چیایێن باژێرێ چەمیش گەزەکە،پەرتووکێن وی بەردەوام ل گەل بوون،سەرەرای هاریکاریکرنا دایک و بابێن خوە،د هەمان دەمدا ژ خواندنێ نە هاتیە دابرین.
ئەڤرو نیوز ، بێوار حسێن:
ئەڤرو ل سنوورێ قەزا بەردەڕەش ئاگر بەربوویە دەخلودانێ جوتیاران و زێدەتری چوار دونەم ھاتنە سووتن.
دڤی واریدا ” فیراس یاسین ” بەرپرسێ راگەھاندنا بەرەڤانیا باژێری ل ئاکرێ بۆ ئەڤرو نیوز گۆت: (ژبەر سەدەما درۆستبوونا روودانەکا ئاگری ل گوندێ بەدریکێ ل سنوورێ ناحیا روڤیا یا سەر ب قەزا بەردەڕەش چوار دونەمێن دەخلودانێ جوتیاران ھاتنە سووتن ، سوپاس بو خودێ تیمێن مە شیان ئاگری کونترول بکەن و زێدەتر ژ ٢٠٠ دونەمێن دەخلودانی ژی رزگار بکەن ژ سووتنێ)
زێدەتر گۆت: (ھەتا نھا ئەگەرا روودانا ئاگری دیار نینە بەلێ داخوازێ ل وەلاتیان دکەین کو ھوشیار بن چونکی نوکە وەرزێ دروینا دەخلودانی یە و گەرمایە و ھەر ئاگرەکێ درۆست ببیت دێ زیانێ، مەزن بەر جوتیار و خەلکی کەڤن )
ئەڤرو نیوز ، مورشید برادوستی:
ب بەرھەڤبوونا وەزیرێ شەھید و ئەنفالکریێن ھەرێما کوردستانێ و بەرپرسێ لقێ سوران یا پارتی دیوکراتی کوردستان و کەس و کارێن شەھیدان ، کچا پێشمەرگەیەکێ موزەخانەکا تایبەت بو کەلوپەلێن شەھیدێن پێشمەرگەيان، ئەڤێن كک د شەرێ داعش دا ھاتینە شەھیدکرن ڤەکر.
دڤی واریدا “شادی محیەدین ” سەرپەرشتیار و دامەزرێنەرا موزەخانا شەھیدێن دەڤەرا سووران بو ئەڤرو نیوز گۆت: (وەکو کچا پێشمەرگەیەکێ من ھزر د وێ یەکێ دا کر کو موزەخانەکا تایبەت بو وان پێشمەرگێن شەھید درۆست بکەم ئەڤێن کو گیانێ خوە کریە قوربانێ پاراستنا ئاخ و وەلاتیێن کوردستانێ ل سنوورێ قەزا سووران و رەواندوز و چوومان و مێرگەسوور، من پێشکشێی رێڤەبەریا شەھیدان و کەس و کارێن شەھیدان کر کو ئەڤ یەک ژی بچوکترین وەفاداری و رێزگرتن بوویە لدەف من بو ئەڤان شەھیدێن قارەمان )
زێدەتر گۆت: (موزەخانە پێکدھێت ژ وان کەلوپەلێن کو ئەوان پێشمەرگێن شەھیدبووی ل پشت خوە ھێلای مینا جلوبەرگ ، وێنە ، بیرھاتن … ھتد کو ل دەف ئەوان شەھیدان و خێزان و کەس و کارێن شەھیدان د بھابوون )
دھێتە زانین کو ل سنوورێ قەزا سووران ١٢٨ پێشمەرگە شەھیدبووینە و ٨١٢ بریندار ژی ھەنە و دبیتە ئێمەین دەڤەرا کوردستانێ بو زورترین قوربانیان د شەرێ دژی تیرورستێن داعش دا و نوکە ژی ٤١ ھزار پێشمەرگە ل وێ دەڤەرێ ل بەرەیێن شەری نە.
نيشاندان