ئەڤرۆ نيوز:
ئەکتەرا ناڤدارا تورکی لەمیسێ رەتکر ئەو ھەڤژینێ خوە ژیک جودا ببن، و گۆت: ئەڤا ل ھندەک سایت و مالپەران ھاتیە بەلاڤکرن چو راستی بۆ نینە.
ناڤھاتیێ بۆ رۆژنامەکا وی وەلاتی گۆت: دەمێ من ژ ھەڤالەکا خوە گوە لێبووی کو ل ھندەک سایت و مالپەرێن بێ شول نووچەیەکێ وەسا ھاتیە بەلاڤکرن من ب ئاسایی وەرگرت، چونکو ئەو سایت و مالپەر دبێ شولن و کەس وان نانیاسیت و سەنگا خوە ژی دناڤ جەماوەری دا نینە، لەورا ھەر چەند ھەیڤاان جارەکێ دێ نووچەیەکێ وەسا ل دۆر ھونەرمەندەکا ژن یان یێ ھونەرمەندەکێ زەلام ژی نووچەیەکێ بێ بنەما بەلاڤ کەن، و مەرەما وان پێ ئەوە دا خواندەڤان بۆ خوە پێ راکێشن، لێ خەلکێ مە ب تایبەتی ژی ئەو کەسێن حەز ژ بەرھەمێن مە دکەن ژوێ چەندێ مەزنترن، و ئاخفتنێن وان یێن بێ بنەما کارتێکرنێ لێ ناکەن.

ئەڤرۆ نيوز:
نەجوا کەرەم، سترانبێژا بەرنیاسا لوبنانی راگەھاند، ئێدی ئەو بەرامبەر ھندەک رەفتارێن چەند کەنالێن راگەھاندنێ بێ دەنگ نامینیت و پارێزەرێ خوە دێ راسپێریت ل دادگەھێ سکالایان ل سەر وان میدیاکار و دەزگەھێن وان تۆمار بکەت.
ناڤھاتیێ ددیدارەکا تەلەفزیۆنی گۆت: وەکو ئەز ھەست پێ دکەم ل ڤێ دووماھیێ ھێرشێن ھندەک کەنالێن راگەھاندنێ یێ ل سەر من زۆر بووین و ھندەک میدیاکار ھەنە نووچەیان ژبنێ پێ خوە چێ دکەن و مەرەما وان شکاندنا منە، و ئەز ب دوور نابینم ھندەک دەست ژی ل پشت ڤێ چەندێ بن، لەورا ب رێیا پارێزەرێ خوە ب ھووری دووفچوونا ڤێ چەندێ کەین، و ھەکە بو من دیاربوو ھندەک کەس ھەنە دژی من کاردکەن دێ ل دادگەھێ بەر سنگێ وان گرم، و ل کەسێ نابۆرم.