ئەڤرۆ نیوز:
ژێدەرەکی ژ شنگالی بۆ ئەڤرۆ نیوز دیارکر، دەمەک بەریا نها ب ئەگەرێ مینەکا چاندی ل ناحیا گرعزێر یا سەر ب قەزا شنگالی ڤە سێ کەس بوونە قوربانی.
وێ ژێدەری گۆتژی:” دوو کەسان جانێ خۆ ژ دەستدان و کەسەکی دی ژی برینداربوو، و خەلکێ قەزا شنگالێ نە، ب مەرەما کو سەرەدانا مالا خۆ بکەن چۆ بوونە وێرێ.
دھێتە زانین گرعزیڕ دکەڤیتە باشووری قەزا شنگالی ل ڤان دوماھیان ھاتیە رزگارکرن.
ئەڤرۆ نیۆز،زنار تۆڤی:
رووبارێ ئەمازۆن دهێتە هژمارتن رووبارێ دویێ د جیهانێ دا بۆ درێژاهیێ و پشتی رووبارێ نیلی دهێت.
هەروەسا درێژاهیا ڤی رووباری دگەهیتە 6437 کیلۆمەترا و پتریا ئاڤا ڤی رووباری دناڤ جهێن دارستانێ را دچیت و ئێکە ژ رووبارێن جوان و سەرنجراکێش ب دیمەنێن خوە ل سەرانسەری جیهانێ.
سەرۆکانیا ڤی رووباری ژ چیایێ ئەندیز ل ئەمریکا باشۆر دهێت و هەروەسا چەندین جۆرێن گیانەران د ڤی رووباری دا هەنە،کو هەتا نوکە هەموو نەهاتینە دیتن.
ئه‌ڤرۆ نيوز:
ئه‌ڤرو سپێدێ 31-5-20177 فه‌رهاد ئه‌مین ئه‌تروشی پارێزگه‌رێ دهوكێ پێشوازیا (مورته‌زا عه‌بادی ) قونسلێ ده‌وله‌تا ئیرانێ ل هه‌رێما كوردستانێ وشاندێ دگه‌لدا كر.
دهه‌ڤدیتنه‌كێدا ب ئاماده‌بونا به‌رپرسێ په‌یوه‌ندیێن هه‌رێما كوردستانێ ل ئیرانێ به‌حسێ په‌یوه‌ندیێن دێرین یێن دوو قولی دناڤبه‌را هه‌رێما كوردستانێ وئیرانێ دا دبیاڤێ ره‌وشه‌نبیری وجڤاكی وكلتوری وبازرگانی وئابوری دا ب گشتی هاته كرن.
دته‌وه‌ره‌كێ دن دا به‌حسێ هه‌ماهه‌نگیێ دناڤبه‌را زانكویێن كوردستانێ وزانكویێن ئیرانێ وئالوگوركرنا بابه‌تێن زانستی دناڤبه‌را هه‌ردوو ئالییان دا هاته كرن.
پارێزگه‌رێ دهوكێ وكونسلێ ئیرانێ ته‌كه‌زی ل سه‌ر به‌رده‌وامیدان وخورتكرنا په‌یوه‌ندیان كرن كو دبه‌رژه‌وه‌ندیان خه‌لكێ كوردستان وئیرانێ دا بیت.
ئەڤرۆ نیۆز،زنار تۆڤی:
ب دەستپێشخەریا سەرۆکێ مسرێ جەمال عەبدولناسری و ب حوکمێ وێ چەندێ کو پەیوەندی یێن وی ل گەل بارزانی بووینە،رادیۆیا کوردی ل قاهیرەیا پایتەختێ مسرێ ل رۆژا 1.6.1957 هاتیه ڤەکرن.
عەدنان شێخ ئیبراهیم حەقی ئێکەمین بێژەرێ رادیۆیا کوردی بوو ل قاهیرە،ناڤهاتی ل سالا 1931 ل باشۆر ژ دایک بوویە و پاشی ل گەل مالا خوە،قەستا رۆژئاڤایێ کوردستانێ کریە.
پاشی چوویە قاهیرە و کۆلیژا یاسا و شەریعەتی ل ئەزهەر خواندیە،ل سالێن 1959_1961 وەک ئێکەمین بێژەر ل رادیۆیا کوردی ل قاهیرە کارکریە.
هەروەسا د گۆتارێن خوە دا بەحسێ سەربەخۆیا کوردستانێ دکر و ب ڤێ چەندێ ژی ل وی دەمی ئێرانێ و تورکیا نەرازی بوونا خوە دیار دکر،هەمبەری هەلویستێن وی یێن کوردایەتی.
ئەڤرو نیوز:
ئەڤرو کومپانیا گوگل وەکو رێزگرتن وێنەیێ دیزانیەرا ب رەگەز عیراقی لسەر رووپەرێ سەرەکی و دەستپێکێ یێ گوگل دانایە کو خودانا ھەزاران دیزاینێن ئاڤاھیانە ل جیھانێ.
زھا حەدید ل سالا ١٩٥٠ ژ دایک بوویە و ئێکە ژ بناڤ و دەنگترین دیزاینەرێن بوارێ ئەندازیاریا تەلارسازی ئانکو ئاڤاھیان لسەرانسەرێ جیھانێ.
ناڤبری بخوە خەلکا بەریتانیایە بەلێ ب رەگەز عیراقی یە و سالا ٢٠٠٤ شیا خەلاتێ بریتزکێر یێ تەلارسازی وەبگریت و دژیانا خوەدایە ٩٥٠ پروژە ل ٤٤ وەلاتێن جیھانێ ئەنجامدایە.
زوھا زێدەباری کو دیزاینەرا تەلارسازی بوویە د ھەمان دەم دا وەکو ماموستا ژی ل قوتابخانەکا لەندەنا پایتەختا بەریتانیا وانە گوتینە
گرنگترین ئەو کارێن وی کرین دوارێ تەلارسازی دا دروستکرنا ئاڤاھیێ کومپانیا بی ئێم یا بەرھەمئینانا ترومبێلا و دروستکرنا دیزانیا یاریگەھا وەرزشی یا توکیویە کو لسەر شێوازێ ئەندامێ مێینەیێ ژنان چێکریە وەکو رێزگرتن بەرامبەر ماندبوونا وان د دەما زاروک بوونێ دا کو ئاماژەیە بو دەرگەھێ دەستپێکا ژیانا ھەر مروڤەکێ.
دوماھی کارێ وێ ژی دیزاینا یاریگەھا قەتەرێ یە کو وەسا بریارە ل سالا ٢٠٢٢ بھێتە ڤەکرن بو مێڤانداریکرنا د موندیالا ٢٠٢٢ ، و بەلێ ب مخابنیڤە سالا بووری ل ئەمریکا چویە بەردلوڤانیا خودێ.
یاریگەھا توکیو
ئاڤاھیێ کومپانیا بی ئێم
یاریگەھا قەتەر
ئەڤرو نیوز :
ئەڤرو ڤیستەڤالا کان کو ل فەرەنسا دھاتە ب رێڤەچوون و ئەنجام دان ، داوی ھات و د رێورسمەکێ دا ب بەرھەڤبوونا ھەموو پشکداران و ھژمارەکا زورا بەرھەبڤوونان باشترینێن وان ھاتنە خەلاتکرن ، بڤی رەنگی.
– خەلاتێ باشترین ئەکتەر دایە ” خواکین فینێکس ” بو فلمێ ” You were never really here” ژ رەگەزێ نێر.
– خەلاتێ باشترین ئەکتەر دایە ” دیانا کرووگەر ” بو فلمێ ” In the fade here” ژ رەگەزێ مێ.
– خەلاتێ باشترین سیناریوو دایە ” سۆفیا کۆپۆلا ”
– خەلاتێ باشترین دەرھێنەر دایە ” لین رامسی ”
– خەلاتێ کەسکاسورێ کو ب پامدور دھێتە نیاسین دایە دەرھێنەر ” روبن ئۆستلەندی” بو فلمێ ” The Square”
– خەلاتێ ڤیستەڤالا حەفت-ێ ژی دایە ئەکتەرا بناڤ و دەنگا ھولیود ” نیکۆل کیدمان”
– خەلاتێ باشترین فیچەرا کامیرایێ ژی دایە ” ژیون فیمێش”
ئەڤرو نیوز:
وەزارەتا دارایی و ئابووری یا حکومەتا ھەرێما کوردستانێ راگەھاندنەک ل بارا موچەیێ مەھا چوار بەلاڤکر و تێدا داخوازێ ل فەرمانگەھان دکەت کو لیستێن موچەیێن خوە بو وان رەوانە بکەن.
ل گورەی راگەھاندنا وەزارەتا دارایی و ئابووری کو دانەیەک بۆ ئەڤرو نیوز رەوانەکریە تێدا ھاتیە: (داخوازێ ل دام و دەزگەھێن حکومەتا ھەرێما کوردستانێ دکەین کو ب زوترین دەم لیستا موچەیێن مەھا چوار یا سالا ٢٠١٧ رەوانەیێ رێڤەبەریا گەنجینەیێن سەر ب وان ڤە بکەن)
زێدەتر د راگەھاندنا وان دا ھاتیە: (ب مەرەما ھوربینی و بەرھەڤکرنا موچەیان پێدڤی یە لیستا موچەیان بو رێڤەبەریا گەنجینەیان بھێتە رەوانەکرن)
ئەڤرۆ نیۆز،زنار تۆڤى:
ڤه‌كۆلینه‌كا نوو یا ئه‌مریكى ده‌رێخستیه كو گرفت و كێشه‌یێن دناڤبه‌را هه‌ڤژینان دا و شه‌ره‌ده‌ڤ دبیته ئه‌گه‌رێ ب هێزكرنا په‌یوه‌ندیان دناڤبه‌را وان دا،به‌لكو دبیته ئه‌گه‌رێ سه‌رخستنا وان،چونكى هه‌كه زێده‌تر ژ كێشه‌یه‌كێ د حه‌فتیێ دا روو بده‌ت،دێ هاریكاریا وان كه‌ت بۆ پاراستنا په‌یوه‌ندیێن دناڤبه‌را وان دا.
ئه‌ڤ ڤه‌كۆلینه ل پشكا خێزانى یا زانكۆیا مینیسۆتا یا ئه‌مریكى ده‌رچوویه،كو تێدا ده‌رێخستیه جۆداهى هه‌یه دناڤبه‌را شه‌ره‌ده‌ڤى و شه‌رى دا،چونكى ئاخفتن و شه‌ره‌ده‌ڤ و دانوستاندنا هه‌ڤژینان ب رێیه‌كا ساخله‌م و سلامه‌ت دهێته دانان بۆ هێلانا هه‌ستێ ئه‌ڤینیێ ب ره‌نگه‌كێ كاریگه‌ر،به‌لێ ڤه‌شارتنا وان هه‌ستان دێ بیته ئه‌گه‌رێ رووخاندنا وان په‌یوه‌ندیان.
ل دووڤ وێ ڤه‌كۆلینێ كو سایتێ(لایف هاك) به‌لاڤكریه،كو دڤێت هه‌ردو لا هه‌ستێن خوه یێن باش و یێن خراب بۆ ئێكودۆ بێژن و دانوستاندنێ ل سه‌ر بكه‌ن و ئه‌ڤه دێ بیته ئه‌گه‌رێ چاره‌سه‌ریا كێشێن وان.
ئه‌ڤ ڤه‌كۆلینه رێنماییان دده‌ته هه‌ڤژینان بۆ هندێ كو نابیت ئه‌و خوه ژ شه‌ره‌ده‌ڤى و دانوستاندنان دوور بێخن،به‌لكو دڤێت پێكڤه روونن بۆ چاره‌سه‌ركرنا كێشه‌یان،ژ پێخه‌مه‌ت زێده‌تر د ئێكودۆ بگه‌هن.
ئەڤرو نیوز ، نەوزاد زادە ھلۆری:
ب مەرەما رزگارکرنا گیانێ وەلاتیان ل رووباران ، بو ئێکەمین جار تیمەکا نقومڤانان ل دەڤەرا بارزان ھاتە دامەزراندن و دەست ب کاربوو.
دڤی واریدا ” عیماد رێکانی ” رێڤەبەرێ بەرەڤانیا باژێری ل قەزا سوران بۆ ئەڤرو نیوز گۆت: (ب مەرەما رزگارکرنا وان وەلاتیێن ب مەرەما گەشت و گوزار و دەم بوراندنێ قەستا سەر ئاڤێن رووبار و برک و کانیان دکەن تیمەکا نقومڤانان ل دەڤەرا بارزان ھاتە دامەزراندن و دەست ب کاربوون و کەلوپەلێن وان ژی ژلایێ نڤیسینگەھا نێچیرڤان بارزانی سەرۆکێ حکومەتا ھەرێما کوردستانێ ڤە ھاتینە دابینکرن )
زێدەتر گۆت: (ئەڤ تیمە ژ شەش کەسان پێکدھێت و ئەرکێ وان پاراستنا سەر و مالێ وەلاتیانە ژ رووبارێ ئاڤا شین ل گەلیێ بالندا ھەتاکو رووبارێ قەندیل ، و ئەڤ تیمە بەری نھا د چەند خولەکێن مەشق و راھێنانێ پشکداربووینە و کەسانێن شارەزانە دوارێ نقومڤانیێ دا)
پێتشر بو رزگارکرنا گیانێ ھەر کەسەکێ کو کەفتبایە مەترسیا رووباران ، تیمێن نقومڤانێن سوران و ئامێدیێ دچونە دەڤەرا بارزان و ئەڤێ دوراتیێ ژی کارتێکرن لسەر مرن و بەرزەبوونا وەلاتیان دکر ل دەڤەرێ ، عیماد-ی ھوسا گوت.
دەڤەرا بارزان سێ رووبار و چەند برک و حەوزێن ئاڤێ و کانیێن مەزن ھەنە کوس الانە ژ ئەگەرا نەشارەزاییێ چەند وەلاتیک دبنە قوربانی و د حەندقن.
ئەڤرو نیوز ، نەوزاد ھلوری:
بو ئێکەمین جار ل ھەرێما کوردستانێ شێوازەکێ نویێ خێرخوازی ل قەزا رەواندوز ھاتە ڤەکرن کو دیوارەک ھاتیە دەستنیشانکرن ، ئەگەر تە جلکێن زێدە ل مال ھەبن و تە بڤێت بکەیە خێر یان تە جلکەک بڤێن و تو پێدڤی ب جلکای دێ سەرەدانا ئەوی دیواری کەی و دەستخوڤە ئینی.
دڤی واریدا “وشیار جەبار “خودانێ ھزرا دیواری و سەرپەرشتیارێ پرۆژەی یا سەر ب رێکخراوا وار بۆ پاراستنا ژینگەھێ دیارکر کو ئەوان ب مەرەما خزمەتکرنا تەخا ھەژاران دیوارەک بناڤێ دیوارێ مێھرەبانیێ درۆستکریە و بو ئەڤرو گوت: (دیوارێ میچھرەبانیێ ھەر تنێ دیوارەک نینە بەلکو دویارەکێ دلوڤانیێ و مێھرەبانیێ یە و گەلەک خێزانێن ھەژار و کێم دەرامەت مفایی ژێوەردگرن ، ل ڤێرە ھەر کەسەکێ دەستەکێ جلکان ئەڤجا چ جورێ جلکان یێ زێدە ل مال ھەبیت دکاریت بینیتە سەر دیوارێ مێھرەبانیێ یان ھەر کەسەکێ پێدڤی ب جلکەکێ بیت دکاریت سەەردانا دیواری بکەت و بخو ژێبگریت)
زێدەتر گۆت: (ئەڤ دیوارە ب ھەلکەفتا ھاتنا مەھا رەمەزانا پیروز ھاتیە دەستنیشانکرن و دێ پشتی رەمەزانێ ژی یا بەردەوام بیت ، ل ڤێرە داخوازێ ل کەسانێن زەنگین و خودان شیاین دکەین کو زێدەباری ئەگەر جلکێن زێدە ھەبن دخوازین کو جلک و پێدڤیێن دن ژی بکرن و ل ڤێرە بدانن)
ل گورەی ئاخفتنێن ناڤبری خەلکەکێ زۆر قەستا ئەڤی دیواری دکەت ھەند بو دانانا جلکێن زێدەیێن خوە ، ھەند ژی بو برنا جلکێن پێدڤی ، و داکو کەس ھەست ب شەرمێ نەکەت چوو کەس ژی وەکو زێرەڤان لدەف جلکان نینە.
نيشاندان