ئەڤرۆ نیۆز،زنار تۆڤی:
یانه‌یا یۆڤێنتۆس یا ئیتالی ل رۆژا دوشەمبی نووچەیێ دابرینا جیانلویجى بۆفۆنێ گۆڵپارێزێ یانا خوە ژ راهێنانان بەلاڤەکریە.
ل دووڤ نووچەیێ یانا ئیتالی،بوفۆنی ئه‌ڤرۆ راهێنان ل گەل یانا خوە نه‌كرینە و بتنێ ل هۆلا داخستی یا یانێ کرینە.
هەروەسا هەتا نوکە زڤرینا بوفۆنی بۆ راهێنانان یا دیار نینه،هەر چەندە نوکە چار رۆژ ژ یاریا دوماهیا خولا یانێن پالەوانێن ئورۆپا دناڤبەرا یۆڤێنتۆس و ریال مه‌درید دا ماینە.
ئەڤرو نیوز:
ل گورەی نڤیسارەکا کونسولگەری یا ھندستانێ ل ھەولێرێ ، قوتابیێن کورد یێن ھەرێما کوردستانێ دکارن بێ بەرامبەر ل وی وەلاتی بخوونن.
نڤیسارا کونسولگەریا ھندستانێ ل رێکەفتی ١١/٥/٢٠١٧ دەرچویە و سوزا دانا زەمانا خواندنێ بو ب دەستڤەئینانا باوەرناما دکتورایێ د وارێ چاندنێ دا ددەت و ھەموو مەزاختن ژی لسەر وایە.
ل گورەی ئەوێ نڤیسارێ کو ئاراستەیێ فەرمانگەھا پەیوەندیێن دەرڤەیێن ھەرێما کوردستانێکريه ، قوتابی دکارن دوارێ چاندنێ دا خواندنا ٢٠١٧ بو ٢٠١٨ ل ھندستانێ بخوونن و دوماھی مولەت ژی ھەتا روژا ٣١/٥/٢٠١٧يه.
ئەڤرو نیوز ، بارزان سلێمان مزیری:
دورێن سال و نیڤایە ل گوندێ مێرسیدا یا سەر ب قەزا شێخان ئەڤە کەسێ چواێ ژ بەر ئەگەرا نەخۆشیەکا نەدیار گیانێ خوە ژ دەست دا و کەسەکێ دن ژی نھا نەخۆشە.
ژێدەرەکێ ژ گوندێ مێرسیدا ئێک یا سەر ب ناحیا ئەتروش ل قەزا شێخان بو ئەڤرو نیوز گۆت: ( ئەڤرۆ ل گوندێ مێرسیدا ئێک کچەکا رێزا ١٢ێ ئامادەیی بناڤێ ” دلمان محەمەد عیسا ” ژئەگەرا نەخۆشیەکا نەدیار گیانێ خوە ژ دەستدا)
زێدەتر گۆت: (نوکە کەسەکێ دن ژی ل گوندێ ناڤبری ھەیە و زور نەخۆشە و ئەگەر لایەنێن شولەژێ ب زوترین دەم د ھەوارێ نەھێن رەنگە ئەو ژی گیانێ خوە ژ دەست بدەت ژبەرکو ئەڤ چوارەم کەس ل ڤی گوندی گیانێ خوە ژ دەستدا و پرانیا وان ژی ئەگەرا نەخۆشیا وان ناھێتە زانین )
دڤی واریدا “دکتور فارس بریفکی “سەرۆکێ لژنا ساخلەمیێ ل پەرلەمانێ عیراقێ بۆ ئەڤرو نیوز گۆت: (ئەوان ژ نێزیک ھایدارێ رەوشا نەخۆشیا گوندێ مێرسیدا ئێک ھەیە و ئەڤە دماوەیێ کێم دا چەند کەسەک ل گوندێ ناڤبری گیانێ خوە ژ دەست ددەن و ئەگەرا نەخۆشیا ھندەک ژ وان ژی ناھێتە زانین ، و کەس و کارێن نەخۆشخان ژی چەند جارەکان لسەر کیسێ خوە نەخۆشێن خوە برینە دەرڤەیێ وەلاتی بەلێ چوو دیار نینە)
ئەڤرو نیوز ، نەوزاد ھلۆری:
ب بریارا دادگەھا ئامێدیێ شڤێدی کادرەکێ کومیتەیا رێکخستنا ئامێدیێ یا ئێکەتی یا نیشتمانیا کوردستانێ ھاتەگرتن و دەمەک بەریا نھا ب کەفالەت ھاتە ئازادکرن.
دڤی واریدا خەلیل شاخکی بەرپرسێ ئاسایشا ئامێدیێ بۆ ئەڤرو نیوز گۆت: (ب بریارا دادگەھێ ئەو کادرێ ئێکەتی نیشتمانی ھاتیەگرتن و مە رەوانەیێ دھوک کریە)
زێدەتر گۆت: (ئەڤە نێزیکێ دوو حەفتیایە بریارا گرتنا وی دەرچوویی ، بەلێ ژ بەرکو ل مال نەبوو ، مە پاشئێخست و بەری دوو رۆژان دیار بوویە ژبەرڤێ یەکێ شڤێدی ھاتە دەستەسەرکرن)
ژلایێ خوڤە ھەوار ئامێدی بەرپرسێ کومیتەیا رێکخستنا ئامێدیێ ئازادکرنا کاردێ ئێکەتی ل ئامێدیێ پشتراستکر بو ئەڤرو نیوز گۆت: (گرتنا کادرێ مە بناڤێ ھوگر سەلیم ژلایێ ئاسایشێ ڤە گرتنەکا سیاسی بویە نەک زێدەتر ، ژبەرڤێ دەمەک بەریا نھا ب کەفالەت ھاتە ئازادکرن و نھا دناڤ کەس و کارێن خوەدایە )
ئه‌ڤرۆ نیۆز،زنار تۆڤى:
شوان محه‌مه‌د تاها به‌رپرسێ لقا به‌غدا یا پارتى دیمۆكراتى كوردستان ل سه‌ر چه‌ندین ته‌وه‌ران بۆ ئه‌ڤرۆ نیۆز دیاركر:كو ریفراندۆم یا گرێدایه ب ئیراده‌یا خه‌لكێ كوردستانێ ڤه،له‌ورا دڤێت ئه‌ڤ بابه‌ته ژلایێ حوكمه‌تا عێراقێ ڤه به‌رچاڤ بهێته وه‌رگرتن،هه‌روه‌سا ئه‌و كوردێن ل هه‌موو ده‌ڤه‌رێن ده‌رڤه‌ى ئیدارا هه‌رێمێ و ئه‌و كوردێن ل باژێرێن دى یێن عێراقێ دژین،سه‌رۆكاتیا هه‌رێمێ و هه‌روه‌سا حوكمه‌تا هه‌رێمێ ژى به‌رنامه‌یه‌كێ تایبه‌ت بۆ وان هه‌یه،كو ل دووڤ دستۆرى و رێكه‌فتن و دانوستاندنێ ل گه‌ل حوكمه‌تا به‌غدا دێ وان كوردان رزگار كه‌ن و دێ ڤه‌گه‌رینن ده‌ڤه‌رێن وان،هه‌روه‌سا دڤێت خه‌لكێ مه ئیراده هه‌بیت و خۆدان بریار بن،داكو بشێن ڤه‌گه‌رنه سه‌ر حوكمه‌تا هه‌رێمێ ل ده‌مێ ریفراندۆمێ دا،ناڤهاتى زێده‌تر گۆت:هه‌ر وه‌لاتێ ئازادى و سه‌ربخۆیى بڤێت دێ كێشه بۆ دروست بن،لێ پشتى خه‌لكێ كوردستانێ بریارێ دده‌ت،پێدڤیه حوكمه‌تا هه‌رێمێ ب دانوستاندنێ ل گه‌ل حوكمه‌تا به‌غدا ڤى بابه‌تى ئێكلا بكه‌ت،چونكى به‌غدا كووراتیه‌كا ستراتیجیه بۆ هه‌رێما كوردستانێ،هه‌روه‌سا بۆ رزگاربوون ژ كێشه و ئاریشان هه‌رێما كوردستانێ دێ بریارا سه‌ربخۆیێ ده‌ت،له‌ورا عێراق یا به‌ره‌ف كێش و ئالۆزیان ڤه یا دچیت و به‌ره‌ف چاره‌سه‌ریان ڤه ناچیت.
به‌رپرسێ لقا به‌غدا یا پارتى دیمۆكراتى كوردستان زێده‌تر گۆت:نوكه مه كێشا ئاخێ ل گه‌ل عێراقێ هه‌یه و مه كێشان وه‌لاتیان ل گه‌ل عێراقێ نینه،هه‌روه‌سا هه‌كه مه كێشه‌یان وه‌لاتیان هه‌بیت ئه‌م دێ شێین چاره‌سه‌ر كه‌ین،لێ نوكه هنده‌ك ژ ئاخا كوردستانێ مایه و ل ژێر ئیدارا هه‌رێمێ دا نینه،هه‌روه‌سا سه‌رۆكاتیا هه‌رێمێ گۆتیه پێدڤیه ب دانوستاندنێ ئه‌ڤ بابه‌ته ل گه‌ل حوكمه‌تا به‌غدا بهێته ئێكلاكرن،دیسان مه ل به‌غدا كوردێن ره‌سه‌ن هه‌نه كو كوردێن فه‌یلى نه،هه‌روه‌سا هنده‌ك عه‌ره‌بێن ره‌وشه‌نبیر هه‌نه ل گه‌ل هندێ نه كو دڤێت رێز ل ئیرادا خه‌لكێ كوردستانێ بهێته گرتن،هه‌روه‌سا كوردان ژى ماف هه‌یه خۆدان ده‌وله‌ت بن،له‌ورا نابیت ب ئێك چاڤ ئه‌م ته‌ماشه‌ى هه‌موو عه‌ره‌بان بكه‌ین،چونكى گه‌له‌ك ژ سه‌ركردێن سیاسى یێن عه‌ره‌بان رێزێ ل كوردان و ئیرادا خه‌لكێ كوردستانێ دگرن،به‌لێ ئه‌ڤه ژى نابیته رامانا هندێ كو مه چ كێشه ل گه‌ل وان نینن،چونكى هه‌ر وه‌لاته‌كێ كێشێن خوه هه‌نه،له‌ورا مه ژى وه‌كو كورد هه‌ولداینه كو ب دانوستاندنێ كێشێن خوه ل گه‌ل حوكمه‌تا ناڤه‌ندى چاره‌سه‌ر بكه‌ین.
ئەڤرۆ نیوز، ھەژار مەعروف:
بریکارێ یاریزانێ سویدی و یانا مانچستەر یوناید مینو رایولا ئەو دەنگوباسێن بەری چەندەکێ ھاتینە گوتن ژلایێ ھژمارەکا راگەھاندنێن ئورۆپی رەتکرن کو ئیبراھیموڤیچ نێزیکی ئیمزاکرنا ھەڤبەستا یانەکا چینی یان ئەمریکی بووی و دیارکر چو راستی بۆ ئەڤان دەنگوباسان نینە .
مینو بۆ سکای سپورت دیارکریە ژی ئیبرا دێ یێ بەردەوام بیت بۆ کرنا یاریێ ل ئورۆپا و د شیان دایە دو سالێن دی ئاستێ وی یێ نوکە بمینت ژبەرکو ھەتا نوکە شیانێن وێ چەندێ ھەین ل خولێن مەزن یێن ئورۆپی بکەت و ئەوان ھزرا چوونێ بۆ خولا چینی و ئەمریکا نوکە نەکریە .
ھەردیسان بریکارێ یاریزانێ یانا مان یوناید ئاماژە ب وێ چەندێ ژی کر بوو نوکە چەندین ھەڤبەست ل بەر دەستێ ئەوان ژ خولێن ئورۆپی یێن مەزن لێ ئەو دێ ل دەمەکێ نێزیک ل گەل یانا مانچستەر یوناید کومبیت بۆ دانوستاندن نووکرنا ھەڤبەستا ئەوی ژبەرکو بتنێ ھەیڤەک مایە ھەڤبەستا ئەوی ب دووماھی ھێت و ھەلبژارتنا ئەوان یا ئێکێ بۆ مان یوناید ژبەرکو یاریزانی ژی حەزا مانا خوە ل ڤێ یانێ ھەیە تایبەت پشتی ل وەرزێ ئەڤ سالە شیای ٢٨ گولان بۆ یانا خوە توماربکەت.
ئەڤرو نیوز ، نەوزاد زادە ھلۆری:
بو جارا ئێکێ ل ھەرێما کوردستانێ نەھـ گوند ھەڤدوو گرت و پێکڤە ئەنجوومەنەک بناڤێ ئەنجومەنێ وەلاتی ژێری پێکدئینن و بریارێ ددەن کو دھەموو وارێن ژیانێ دا ھەڤکاریا ھەڤدوو بکەن.
دڤی واریدا ” فەتاح محەمەد ” ئێک ژ دامەزرێنەرێن ھەڤگرتنا نەھـ گوندان بۆ ئەڤرو نیوز گۆت: (ب مەرەما ژ نێزیک ھایداربوونا ھەڤدوو و پێکڤە کارکرن دخوشی و نەخوشیان دا ، دیسان گەھاندنا دەنگێ ھەڤدوو بو جھێن شولەژێ تایبەتی د داخوازکرنا خزمەتگوزاری و پاراستنا ژینگەھێ دا مە وەکو نەھـ گوندێن وەلاتی ژێری ئەڤێن کودکەڤنە پشتا چیایێ شیرینێ ، بریار دا کو پێکڤە کار بکەین ، بۆ ڤێ مەرەمێ ژی مە ئەنجوومەنەک پێکئینایە کو ئەندام و دەستەیا وێ ژ ھەموو نوونەرێن گوندان پێکدھێت)
زێدەتر گۆت: (ژبو ب رێڤەبرنا کاروبارێن خوە ب شێوەیەکێ درۆست و بێ ئاریشە مە رەشنڤیسەک درۆستکریە وەکو دەستوور بو ئەنجوومەنی ، و لگورەی ئەوی رەشنڤیسی ھەموو سالان جارەکێ ب رێیا دەنگدانێ د کەش و ھەوایەکێ ئازاد و دیموکراسی دا دێ کەسەک وەکو سەروکێ ئەنجوومەنی ھێتە دیارکرن و کەسانێن دن ژی دێ بنە ئەندامێن ئەنجوومەنی)
فەتاح محەمەد ددرێژاھیا ئاخفتنێن خودا دیارکر ژی کو ئەنجوومەنێ وان ژ نەھـ کەسان پێکدھێت و گۆت ژی: (ھەر گوندەکێ ژ وان نەھـ گوندان دناڤ خودا کەسەک وەکو نوونەر ھەلبژاردیە کو ببیتە ئەندام د ئەنجوومەنی دا ، پاشان ئەوان نەھـ کەسان ژی د کەش و ھەوایەکێ ئازاد و دیموکراسی دا ب رێیا خوە ھەلبژاردن بو سەروکاتیا ئەنجوومەنی کەسەک وەکو سەروک ئەنجوومەن ھەلبژارد ، بڤی رەنگی ئەنجوومەن ھاتە دامەزراندن)
ئەنجوومەنی وڵات ژێری پێکدێن ھەر ئێک ژ گوندێن ” ھیزان ، شنگێل ، تێل ، ئاڤەدور ، شیفکێ ، ئاردێل ، باب سێفا ، داویدکا و ئاردێل ” کو دکەڤیتە باکوورێ رۆژئاڤایێ دەڤەرا بارزان ل نێزیک رووبارێ ئاڤا شین.
ئەڤرو نیوز ، نەوزاد ھلۆری:
ماموستایەک کو ھەلگرێ ماستەرێ یە خولەکا بھێزکرنا بیرکاریێ بو قوتابیێن رێزا ١٢ێ ئامادەیی ل سنوورێ قەزا ئامێدیێ بێ بەرامبەر ڤەکر.
دڤی واریدا شڤان دالکی ئەو ماموستایێ خول ڤەکری بۆ ئەڤرو نیوز گۆت: (ب مەرەما ھەڤکاریکرنا قوتابیان تایبەتی کو نھا قەیرانا دارایی ل ھەرێما کوردستانێ ھەیە و بارێ ئابووری یێ خێزان و قوتابیان لاوازە ژ بەرڤێ یەکێ وەکو ئەرکەک مرۆڤایەتی و نیشتمانی و ئاینی من ب فەردیت کو خولەکا ب ھێزکرنا بیرکاریێ بو قوتابیێن رێزا ١٢ێ ئامادەیی ل ھەردوو پشکێن زانستی و وێژەیی ڤە بکەم و ھەر قوتابیەکێ بڤێت دکاریت پشکداربیت )
زێدەتر گۆت: (خول دێ رۆژانە ل دەمژمێر چوارێ ئێڤاری ل قوتابخانا فیدرال ل کومەلگەھا سیریێ یا سەر ب ناحیا شێلادزێ دێ ھێتە ڤەکرن و ھەتاکو پرتووکا بیرکاریێ ب دوماھی دھێت خول ژی دێ یا بەردەوام بیت )
ماموستا شڤان کو ھەلگرێ باوەرناما ماستەرێ یە ب زانستێن بیرکاریێ ل وەلاتێ ھندستانێ و زانکویا بانگالورا زێدەتر گۆت: (قوتابیێن دەڤەرا ئامێدیێ و دەڤەرا بارزان دکارن پشکداربن چ ئەو قوتابێن کو ئەڤ سالە ھاتینە رێزا ١٢ێ یان ئەو قوتابیێن کو سالێن بوری ل رێزا ١٢ێ بوینە )
ئەڤرۆنیۆز، سالار دۆسکی:
رێڤەبەرێ پەیوەندی و راگەھاندنێ ل رێڤەبەریا گشتی یا پەروەردێ ل پارێزگەھا دھۆک ئاشکراکر کو بەرھەڤیێن تەمام بۆ دەسپێکرنا تاقیکرنێن دووماھیا سالێ دەست پێکرینە.
ئەحمەد عەبدوللا زبێر زێدەتر بۆ ئەڤرۆ نیۆز گۆت: ئەڤرۆ کومبوونەکا بەرفرەە ل سەر ئاستێ ھەموو رێڤەبەریێن پەروەردێ قەزا ل گەل رێڤەبەرێ گشتیێ پەروەرێ ل پارێزگەھا دھۆک ھاتیەکرن ب مەرەما خو بەرھەفکرن بۆ تاقیکرنێن قوناغا دوازدێ و دیسا بۆ تاقیکرنێن نەھێ نشتیمانی.
زبێری ئەو ژی دیارکر کو بلندکرنا پارێ وانەبێژان تەوەرەکێ دیێ کومبوونێ بوو و پێشنیار ل کومبوونا وەزارەتا پەروەردێ ھاتیەکرن بۆ وەزارەتا دارایی ھاتیە بلندکرن کو پارێ وانەبێژان بھێتە زێدەکرن و تایبەت ئەوێن دوور دھێن.
ھەڤدەم رێڤەبەرێ پەیوەندی و راگەھاندنێ ل رێڤەبەریا گشتی یا پەروەردێ ل پارێزگەھا دھۆک ئاشکراکر کو دانا رێنمایێن نوو ب تاقیکرنێن دووماھیێ ڤە تەوەرەکێ دیێ کومبوونێ بوو گەنگەشە ل سەر ھاتەکرن و گەنگەشە ل سەر بەرھەڤیێن ھولێن ئەزموونان ھاتەکرن.
جھێ ئاماژەکرنێ یە کو رێکەفتی 15/6/ دێ ئەزموونێن دووماھیا ساالێ قوناغا دوازدێ ھێنە دەسپێکرن و 14/6/ ئەزموونێن قوناغا نەھێ بنەرەت ئانکو نشتیمانی دێ ھێنە دەسپێکرن.
ئەڤرۆ نیۆز ، عه‌زیز ره‌سوڵ هه‌ورامانی:
سپێدەیا ئەڤرو ل چاکسازیا مەزنان ل پارێزگەها سلێمانیێ دادگەهکریەکێ ” زیندانیەکێ ” خوە کوشت و هەتا نها ئەگەرا خوە کوشتنا وی ژی نەهاتیە زانین.
ژێدەرەکێ ژ پولیسێن پارێزگەها سلێمانیێ بۆ ئەڤرو نیوز دیارکر کو سپێدەیا ئەڤرو ل چاکسازیا مەزنان ل سلێمانیێ دادگەهکریەکێ خوە کوشت و گۆت: (ژبەر سەدەمەکا نەدیار ئەڤرو سپێدێ دادگەهکریەکێ بناڤێ ” م.ج” کو خەلکێ باژێرێ سلێمانیێ یە خوە حەندقاند و دووماهی ب ژیانا خوە ئینا)
پولیسان زێدەتر گۆت: (ئەڤ دادگەهکریە دایکبوویێ سالا 1987 یە و ب حوکمێ 10 سالان هاتیە دادگەهکرن ، بەلێ هەتا نها سەدەما خوە کوشتنا وی نەهاتیە زانین و پشتی کو پولیس لسەر کوشتنا وی هاتینە ئاگەهدارکرن نها یێ ڤەکولین لسەر خوە کوشتنا وی دەست پێ کریە)
نيشاندان