ئەڤرۆ، ھەژار مەعروف :
پشتی برنا ناسناڤێ شاھێ ئیسپانیا ل شەڤا ئێک شەمبیا بوری ژلایێ یانا بەرشەلۆنا ڤە کو بۆ جارا سیێ ل دویڤ ئێک و جارا ٢٩ شیا ڤی ناسناڤی ب دەستخوڤە بینت و ب برنا ڤی ناسناڤێ یانا بەرشەلۆنا ل سەر ھەڤرکا خوە و یانا بەرشەلۆنا پێشکەڤت ب ناسناڤەکێ وەکو باشترین یانا ئیسپانی بۆ برنا ناسناڤێن نافخوی و ئورۆپی و جیھانی .
ب برنا ناسناڤێ کاسا ئیسپانیا یانا بەرشەلۆنا شیا ھژمارا ناسناڤێن خوە یێن نافخوی و جیھانی و ئورۆپی ب گەھینتە ٧٥ ناسناڤان کو وەکو باشترین یانا ئیسپانی دھێتە ھژمارتن بۆ برنا ناسناڤان و یانا ریال مەدرید ل رێزا دوێ دھێت ٧٤ ناسناڤان و دبیت ریال مەدرید ژی ڤێ ژمارێ وەکھەڤبکەت بکەت ھەکە شیا ناسناڤێ چامپیونیز لیگ ب دەستخوڤە بەت ل حەفتیا بھێت ل سەر کیستێ یوڤانتوس و یانا ئەتەلتیکو بلباو رێزا سێ دھێت ل وەلاتێ ئیسپانیا بۆ برنا ناسناڤان ئەوژی ٣١ ناسناڤ برینە و ئەتلەتیکو مەدرید ٢٦ ناسناڤان رێزا چارێ دھێت و ڤالنسیا پێنجێ ب ١٩ ناسناڤان دھێت.
ئەو ٧٥ ناسناڤێن یانا بەرشەلۆنا ب دەستخوڤە برین ژ ئەوانا ٢٤ ناسناڤێن خولا لالیگا بوون و ٢٩ جاران کاسا شاھێ ئیسپانیا و ١٢ جاران ناسناڤێ سوپر ئیسپانیا و سێ جاران ناسناڤێ کاسا ئیڤا دوارتی و دو جاران کاس خولا ئیسپانی خولەکا تایبەت بی و پێنج جاران چامپیونیز لیگ و سوپەرا ئورۆپی ژی پێنج جاران ب دەستخوڤە بری یە و جار جاران کاس ئورۆپی کو ب یورۆپا لیگ نوکە دھێتە نیاسین و کاسا موندیالا یانێن جیھانێ سێ جاران.
بەرامبەر یانا ریال مەدرید ٣٣ جاران ناسناڤێ خولا لالیگا و ١٩ جاران کاسا شاھێ ئیسپانیا و نەە جاران ناسناڤێ سوپەرا ئیسپانی و کاس خول ئیسپانیا ئێک جار وەکو مە گوتی کاسەکا تایبەت بۆ یانێن مەزن ڤە و کاسا ئیڤا دوراتی ئێک جار و چامپیونیز لیگ یازدە جاران و کاسا ئورۆپا کو نوکە ب یورۆپا لیگ دھێتە نیاسین دو جاران و سێ جاران کاسا سوپەرا ئورۆپی ھەردیسان سێ جاران ئەنتر کونتینتال و دو جاران ناسناڤێ موندیالا یانێن جیھانێ .

ئەڤرۆ نیوز، ھەژار مەعروف:
راھێنەرێ ئیسپانی و یانا بەرشەلۆنا لویس ئەنریکی کاروانێ خوە ب برنا کاسا شاھێ ئیسپانیا ل گەل یانا بەرشەلۆنا ب دووماھی ئینا پشتی بەری نوکە ژی دیارکر بوو یاریا دووماھیا کاسا شاھێ ئیسپانیا دێ بیتە دووماھی یاریا وی ل گەل یانا بەرشەلۆنا و دخوازیت بێنڤەدانەکێ ب دەتە خوە ل ماوێ بھێت .
لویس ئەنریکی د ماوێ سێ سالێن بوری دا شیا چەندین دەستکەفتا ب دەستخوڤە بین ل گەل یانا بەرشەلۆنا ل وەرزێ ئێکێ ٢٠١٤-٢٠١٥ ل گەل یانا بەرشەلۆنا شیا پێنج ناسناڤان ب دەستخوڤە بینت ئەوژی چامپیونیز لیگ و خولا لالیگا و کاسا شاھێ ئیسپانیا ل گەل سوپر ئورۆپا و موندیالا یانا و ل سالا ٢٠١٥-٢٠١٦ ھەردو ناسناڤێن کاسا شاھێ ئیسپانیا و خولا لالیگا و ل وەرزێ ئەڤ سالە ٢٠١٦-٢٠١٧ کاسا شاھێ ئیسپانیا و سوپرا ئیسپانی کو بەری دەستپێکرنا خولێ ب دەستخوڤە بر بوو.
ئەنریکی ئەوێ بەری نوکە راھێنەریا ھەر ئێک ژ یانێن بەرشەلۆنا B کری و رۆما و سەلتاڤیگو د ماوێ سێ سالێن بوری دا ل گەل یانا بەرشەلۆنا شیا ئێک ژ باشترین رێژەیا سەرکەفتنا توماربکەت کو کو د ١٨١ یاریان دا شیا ١٣٨ سەرکەفتنا توماربکەت ئانکو رێژەیا سەرکەفتنێ ٧٦% بوو ئەڤ رێژە ژی دبیتە باشترین نەمرە د مێژویا ھەمی راھێنەرێن بەری نوکە سەرپەرشتیا ڤێ یانێ کری ھەردیسان ٢٢ یاریان وەکھەڤبووی یە و ٢١ خوسارەت بوویە ل گەل بەرشەلۆنا.

ئەڤرۆ نیوز:
شەش یانە ژ سێ وەلاتێن ئورۆپی ھەڤرکیا ئێک ژ ئەوان یاریزانان کەن ئەوێن بووینە قوربانیا ئەڤ سالە یا بریارا راھێنەرێ مانچستەر سیتی پیپ گواردیولا ئەوێ پشتی وەرزێ ئەڤ سالە ب دووماھی ھاتی بریار دای چار یاریزان ب فەرمی بھێنە دورخستن و پێدڤی ب شیانێن ئەوان نینە بۆ سالا بھێت کو ئێک ژ ئەوان یاریزانان یاریزانێ فەرەنسی جایل کلیشی کو یاریزانێ ناڤبری ژ سالا ٢٠١١ وەرە ل گەل ڤێ یانێ یاری کەت کو زێدەتر ژ ١٧٠ یاری ل گەل یانا مان ستی پشکداری کریە .
رۆژناما فرانس فتبول یا فەرەنسی ئاشکرا کریە شەش یانە ھەڤرکیا ب دەستڤە ئینانا یاریزان کلیشی کەن بۆ ئیمزاکرنا ھەڤبەستا ئەوی بۆ وەرزێ نوو یێ بھێت کو یانا پاریس سان جێرمان نوکە گرنگیەکا مەزن دایە ئەڤی یاریزانی تایبەت پشتی بەرەڤانێ وێ ماسکویل بریار دای دەست ژ یاریا تەپا پێ بەردەت و ھەردیسان ھەردو یانێن لیون و بوردو ژی ھزر ل ئینانا ڤی یاریزانی کریە ، ھەردیسان دو یانێن ئنگیزی ژی ھزر ل ڤەگوھاستنا ئەڤی یاریزانی کریە ئەوژی یانا نیوکاسل ئەوە ل وەرزێ ئەڤ سالە سەرکەڤتی بۆ خولا نایابا ئنگلتەرا و یانا ویست ھام ژی دخوازیت پێکھاتیێ خوە ل لایێ چەپی ب کلیشی ب ھێز بێخیت.
وێ رۆژنامێ دیارکریە ژی یانا فەنەربخچە یا تورکی ژی ب ھێز ھاتیە دناڤا ھەڤرکیا ئەڤان یانان دا و کوژمەکێ باش بەرھەڤکریە بۆ دەستڤە ئینانا ئەڤی یاریزانی .