ئەڤرۆ نیوز،ھەژار مەعروف:

پشتی ل ماوێ بوری چوونا ستێرا کولومپی و یاریزانێ ھێلا ناڤینا یانا ریال مەدرید خامێس رودرێگیز بەلاڤەبووی کو دبیت پشتی یاریا ریال مەدرید ل گەل یوڤانتوس ب فەرمی چوونا خوە ژ یانا ریال مەدرید یاریزانێ ناڤبری راگەھینت و ماوەکێ درێژە چەندین یانێن ئورۆپی داخوازیا ئیمزاکرنا ئەڤی یاریزانی کریە و یانا ئەنتر میلان یا ئیتالی ژی ب ھێز ھاتنە دناڤ بازاری کرینا ئەڤی یاریزانی.
رۆژناما موندو دیپورتیڤو یا ئیسپانی راگەھاندی یە یانا ئەنتر میلان بەرھەڤیا خوە بۆ ئیمزاکرنا یاریزانێ کولومپی و یانا ریال مەدرید خامێس رودرێگیز دیارکریە و بەرپرسێن ڤێ یانێ کوژمێ ٤٠ ملیون یورۆیا وەکو پێنگاڤا ئێکێ بەرھەڤکرینە بۆ ڤی یریزانی .
ئەوێ رۆژنامێ دیارکریە ژی ئەرکێ یانا ئەنتر میلان یێ ب سانەھی نابیت بۆ دەستڤە ئینانا ئەڤی یاریزانی ژبەرکو چەندین یانێن دی مەزن ئورۆپی ھەڤرکیا دەستڤە ئینانا ئەڤی یاریزانی کەن ئەوژی یانێن چێلسی و مانچستەر یوناید و میلان یوڤانتوس یێن ئیتالی .

ئەڤرۆنيوز :
راھێنەرێ پرتوگالی و یانا مانچستەر یوناید یا ئنگلیزی جوزێ مورینھوی بۆ راگەھاندنا برێتانی دیارکریە پێدڤی یە بۆ سالا بھێت پێکھاتیێ تیمێ ب ھێزتر بکەین و ب شێوەکێ باشتر پشکداری د خول و قارەمانیا چامپیونیز لیگ دا بکەن بشێن جارەکا دی ھەڤرکیێ ل سەر ناسناڤێن مەزن ئورۆپی بکەن و جارەکا دی ڤێ یانێ ڤەگەرینە گوپیتکا وێ .
رۆژناما دیلی میل یا برێتانی دیارکریە مورینھوی داخوازی ژ یانا مانچستەر یوناید کریە ل مێرکاتویا بھێت چەند یاریزانێن نوو ل پێکھاتیێ خوە زێدە بکەن و میزانیەکا نوو بۆ پێکھاتیێ تیمێ تەرخان بکەن ل دویڤ گوتنا وێ رۆژنامێ مورینھوی داخوازیا ٣٤٠ ملیون یورۆیا ژ یانێ کریە بۆ ئیمزاکرنا پێنج یاریزانان ل مێرکاتویا بھێت.
ئەوێ رۆژنامێ دیارکریە ژی ئەو یاریزان ژی ھەر ئێک ژ یاریزانێ یانا ئەتلەتیکو مەدرید گرێزمان یێ فەرەنسی ب کوژمێ ١٠٠ ملیون یورۆیا و مایکل کین بەرەڤانێ یانا بیرنلی ب کوژمێ ٣٥ ملیون یورویا و فیکتور لیندوف یاریزانێ بەنفکیا و ھەلبژارتیێ سوید ٥٥ ملیون یورۆیا کو یانا ریال مەدرید ژی حەزا ئینانا ئەڤی یاریزانی ھەیە و ھێرشبەرێ ئیفەرتون لوکاکو ب ١٠٠ ملیون یورۆ ل گەل بیلوتی ھێرشبەرێ ئیتالی و یانا تورینو ب ھەمان کوژمێ پارەی .