ئەڤرو نیوز :
لژنا فەتوایێ یا سەر ب ھەرێما کوردستانێ ل بارا ئەوان پێشمەرگێن کو ل سەنگەران دەوامێ دکەن و ئەوان کەسێن کو خودان پێشە و کارێن گرانن یان قوتابیێن کەفتینە د ئەزموونان دا فەتوایەک دەرکر ، لگورەی ئەوێ فەتوایێ ئەو دکارن رۆژیان نەگرن و پاشان بگرن ڤە.
لژنا فەتوایێ یا سەر ب ھەرێما کوردستانێ دیارکر کو پشتی راوێژیەکا زۆر گەھشتنە بریارەکێ کو ئەو پێشمەرگێن ل سەنگەرانە دژی داعش یان ئەو کەسێن کو خودان پێشە و کارێن گرانن ، ھەروەسا قوتابی کو د ئەزموونان دانە ، ئەو دکارن نیەتا روژیێ بینن و پاشیڤێ ژی بخوون بەلێ دوڤدا ئەگەر زانی رۆژی دێ بیتە سەدەم کو لاوازی بکەڤیتە کارێ وان و نە ئارام بن ئەو دکارن رۆژیا خوە بشکێنن و پاشان وەختەکێ دن بگرن ڤە.

ئەڤرو نیوز ، نەوزاد ھلۆری:
شڤێدی دەردورێن دەمژمێر ١ێ ب شەڤ چەکدارێن داعش ھێرشەک بو سەر سەنگەرێن ھێزێن پێشمەرگەی ل مێحوەرێ دوزخورماتو ئەنجام دا ، بەلێ ژلایێ ھێزێن پێشمەرگەی ڤە ھاتە شکاندن و دەھان داعش ژی ھاتینە کوشتن و زیانەکا زورا ماددی ب وان گەھاندیە ، چەند پێشمەرگەیەک ژی برینداربووینە.
شڤێدی “ھندرین رەواندوزی “ژ ھێزا پێشمەرگەی ل مێحوەرێ دوزخورماتو بۆ ئەڤرۆ نیوز راگەھاندبوو کو چەکدارێن داعش ھێرشەک بو سەر پێشمەرگەی ل مێحوەرێ دوزخورماتو کریە و گۆت: (پشتی بورینا سێ دەمژمێران ھێرشا داعشێ ھاتە شکاندن ، زیانێن زور ب داعشێ کەفتینە ، چەند پێشمەرگەیەک ژی ژبەر سەدەما پەقاندنا ترومبێلەکا بومبرێژکری ژلایێ داعشێ ڤە برینداربووینە)
میدیایێن جیھانی ددەن دیارکرن کو ھێرشا شڤێدی یا داعش بو سەنگەرێن پێشمەرگەی ھاتیە شکاندن و گوتیە: (چەکدارێن داعش ل گوندێن “زرکەیا بچوک و حێلوەیا بچوک و حێلوەیا مەزن “د ئێک دەم دا ھێرش کریە سەر سەرنگەرێن پێشمەرگەی ل مێحوەرێ باشوورێ رۆژئاڤایێ دوزخورماتو ، بەلێ ژلایێ ھێزێن پێشمەرگەی ب توندی ھاتیە بەرسڤدان و ھێرشا ھاتیە شکاندن)
ل گورەی زانیاریێن میدیایێن نافخوە ھژمارا بریندارێن ھێزێن پێشمەرگەی حەفت کەسن ، بەلێ ھژمارەکا زور یا چەکدارێن داعش ھاتینە کوشتن و زیانەکا زورا ماددی بەر وان کەفتیە و سەدەما سەرەکی یا درێژبوونا ھێرشا وان ژی ئەو بوویە کو ئەوان تەرمێن چەکدارێن خوە دبرن.
پشکەک ژ شارەزایێن سەربازی ددەن دیارکر کو مەرەما سەرەکی یا داعش ژ ئەڤان ھێرشان ئەوە کو ھوسا خوە دیار بکەن ھێشتا یێن مایی ، بەلێ د ژێواری دا چوو ژ داعش نەمایە ، ژلایەکێ دنڤە داخوازێ ژلایەنێن شولە ژێ دکەن کو ھەر چوو زویە دڤێت دەڤەرێن دوزخورماتو و حەویجە و دەڤەرێن دن بھێنە کونترولکرن.

ئەڤرو نیوز ، نەوزاد هلوری:
ژێدەرەکێ ژ هێزێن پێشمەرگەی ل مێحوەرێ دوزخورماتو دیارکر کو دەردورێن دەمژمێر 1ێ ب شەڤ داعشێ هێرشەک بو سەر هێزێن پێشمەرگەی ل مێحوەرێ دوزخورماتو کر ، هەمان ژێدەری دیارکر ژی کو هێرشا وان هاتە شکاندن.
هندین رەواندوزی ژ هێزا پێشمەرگەی ل مێحوەرێ دوزخورماتو بو ئەڤرو نیوز گۆت: (دەردورێن دەمژمێر 1ێ ئەڤ شەڤە چەکدارێن داعش هێرشەک بو سەر هێزێن پێشمەرگەی ل سنوورێ مێحوەرێ دوزخورماتو ئینایە و پێشمەرگەی ژی بەرسڤا وان دایە ، سوپاس بو خودێ پشتی سێ دەمژمێرێن شەری پێشمەرگەی شیا هێرشا وان بشکینیت و زیانێن زۆر ژی ب وان بگەهینیت)
زێدەتر گۆت: (ژ ئەنجامێ شەرێ دناڤبەرا داعش و پێشمەرگەی ، دوو پێشمەرگە ژ ئەنجامێ ترومبێلەکا بومبەکریا داعش برینداربووینە ، چەکدارێن داعش خوە ل گوندێ حلێوە ڤەکێشا و نوکە رەوش ئارامە)