ئەڤرۆ نیۆز،زنار تۆڤی:
ئەڤ شەڤە دیاریا دوماهیا کۆپا فرنسا یا تەپاپێ دا یانا پاریس سانجێرمان شیا سەرکەفتنێ ل سەر یانا ئانجی تۆمار بکەت و کۆپا فرنسا ب دەست خۆڤە بینیت.
پشتی هەردو یانێن پاریس سانجێرمان و ئانجی گەهشتینە یاریا دوماهیێ ژ کۆپا فرنسا یا تەپاپێ،ئەڤ شەڤە هەردو یانە هاتنە هەمبەری ئێک و پشتی یاریەکا پری هەڤرکی یانا پایتەختێ فرنسا شیا سەرکەفتنێ ل سەر یانا ئانجی تۆمار بکەت ب گولەکا پاقژ و ئەڤ قارەمانیە ب دەست خوەڤە ئینا.
ئه‌ڤرۆ نيوز:
پتريا جاران هه‌موو خێزان د هه‌يڤا ره‌مه‌زانێ دا گه‌له‌ك جورێن خوارنێ به‌رهه‌ڤ دكه‌ن و ب ڤێ چه‌ندێ ژى هه‌كه هه‌ر تشته‌كى كێم ژى ل سه‌ر فتارێ بخۆن زيانێ دگه‌هيننه خوه، به‌لێ ل ڤێره بۆ رۆژانێن هه‌يڤا ره‌مه‌زانێ ڤێ خوارنا سڤك و ب ساناهى به‌رچاڤ دكه‌ين كو دشيان دايه بۆ خوه مفايى ژێ وه‌ربگرن يان ژى بۆ هه‌ر رۆژه‌كا دى بيت.
رێيا چێكرنێ:
دێ ل ده‌سپێكێ تێكه‌له‌كێ به‌رهه‌ڤ كه‌يى پێكهاتى بيت ژ ڤان كه‌رستان؛ تێكه‌لێ ماسيێ، دۆشاڤا ته‌ماتێ، فلفلا سۆر، فلفلا ره‌ش، خوێ، له‌يموندز، ماست، زه‌يت، پۆترا پيڤازێ و پۆترا سيرێ.
دێ وان هه‌موو كه‌ره‌ستان پێكڤه تێكه‌ل كه‌يى و تێكڤه ده‌يى، هه‌تا باش دهێنه تێك شێلان.
پاشان دێ ماسيا خوه هه‌كه يا به‌رهه‌ڤ بيت به‌رهه‌ڤ كه‌يى و هه‌كه نه ژى دێ ڤه‌كه‌يه ڤه و پاقژ كه‌يى و شووى هه‌تا به‌رهه‌ڤ دبيت و دێ كه‌يه د سێنيا فرنێ دا و دێ ڤێ تێكه‌لێ باش كه‌يه سه‌ر و پاشان دو سێ ده‌مژمێران هێلى.
پشتى ته ئه‌ڤ تێكه‌له تێدا دێ كه‌يه دێ ل دووڤ حه‌زا خوه هنده‌ك تشتان وه‌كو پيڤاز و له‌يمون و باجانان كه‌يه سه‌ر و كه‌يه د فرنێ دا.
د فرنێ ژى دا پێدڤى ب زێده‌تر ژ ده‌مژمێره‌كێ يه هه‌تا ب دروستى به‌رهه‌ڤ ببيت، به‌لێ شێوازێ قه‌لاندنێ ژى ل سه‌ر حه‌زا مرۆڤى دمينيت، ئه‌ڤه ژبلى جورێ فرنێ يا هه‌يى زوو تشتى به‌رهه‌ڤ دكه‌ت و يا هه‌ى ژى نه بۆ نمۆنه يا غازێ يان يا كه‌هره‌بێ.
نوكه به‌رهه‌ڤ بوو هه‌وه عافيه‌ت بيت.
به‌رهه‌ڤكرن: په‌يجێ خوارنێت دايكا ئاشنايێ
ئەڤرۆ نیۆز،زنار تۆڤی:
ئەڤ شەڤە دیاریا دوماهیا کۆپا ئێکەتیا ئنگلیزی دا یانا ئەرسینال شیا سەرکەفتنێ ل سەر یانا چێلسی تۆمار بکەت و کۆپا ئێکەتیا ئنگلیزی ب دەست خۆڤە بینیت.
پشتی هەردو یانێن ئەرسینال و چێلسی گەهشتینە یاریا دوماهیێ ژ کۆپا ئێکەتیا ئنگلیزی،ئەڤ شەڤە هەردو یانە هاتنە هەمبەری ئێک و پشتی یاریەکا پری هەڤرکی یانا ئەرسینال شیا سەرکەفتنێ ل سەر یانا چێلسی تۆمار بکەت ب دو گۆلان بەرامبەر گۆلەکێ،هەر چەندە یاریزانەکێ یانا چێلسی ب کارتا سۆر هاتە دەرخستن و ڤێ چەندێ باندۆرا خوە ل سەر یاریێ هەبوو،لەوما یانا ئەرسینال شیا ب رەنگەکێ باش کونترۆلا یاریێ بکەت و چەندین دەلیڤێن گۆلکرنێ ژی ژێ چوون،لێ هەر ب سەرکەفت.
ئەڤرو نیوز :
یانەیا ئارسینال دوماھی ناسناما خولا نافخوەیی یا ئینگلتەرا دەستخوڤە ئیناو بویە قارەمان.
ئێڤاریا ئەڤرو دەمژمێر ١٩:٣٠ یاریا دوماھیێ ژ خولا ئێکەتیا جاما ئینگلتەرا دناڤبەرا ھەردوو یانەیێن ئارسینال و چێلسی ھاتە ئەنجام دان و د ئەنجام دا ئارسینالێ شیا سەرکەفتن بینیت و ببیتە قارەمانا جاما ئێکەتیا ئنگلتەرا.
یاریا دنابڤبەرا ھەردوو یانەیان د بەرژەوەندیا ئاسینال ٢ گولان بەرامبەر ١ گولەکێ ب دوماھی ھات ، و ھەردوو گولێن ئارسینال ژی ژلایێ سامشێزو رامسیی ڤە ھاتینە تومارکرن و گولا ئێکانەیا چێلسی ژی ژلایێ کوستاری ڤە ھاتە تومارکرن.
ئه‌ڤرۆ نیوز:
خێزانا سه‌رۆككۆمارێ توركیا، ره‌جه‌ب ته‌یب ئه‌ردۆغان خۆدانێن كه‌شتییه‌كا په‌ترۆلێ نه ب بهایێ 29 ملیۆن دۆلاران، كو بریێه‌كا نهێنی و ده‌رڤه‌ی ئاخا توركی بده‌ست ڤه ئینایه.
میدیا ئه‌ورۆپی د راپۆرته‌كا لێكۆلینكرنێ دا ئه‌ڤ گاڤا خێزانا ئه‌ردۆغانی دیار كر و راگه‌هاند: خێزانا ئه‌ردۆغانی بووینه خۆدانێن كه‌شتییه‌كا په‌ترۆلێ ب ناڤێ ئاگداش بریێا خوه ڤه‌دزینێ ژ دانا باجه‌یان و بكارئینانا گراڤێن مالتا و ئایل ئۆڤ مه‌ن بۆ پاراستنا نهێنییا خوه.
ئه‌ڤرۆ نیوز:
سه‌رۆكێ ئه‌مریكا دۆنالد ترامپ راگه‌هاند كو وه‌لاتێن هه‌ڤپه‌یمانییا ناتۆ ده‌ست ب زێده‌كرنا مه‌زاختنا پاره‌ی د هه‌ڤپه‌یمانیێ دا كرییه، دو رۆژان پشتی وی ره‌خنه ژ وه‌لاتێن ئه‌ندام كری كو ئه‌و وه‌ك پێدڤی پشكا خوه ژ پاره‌یان ناده‌ن و بارێ گران سه‌ر ئه‌مریكا یه.
ترامپ د تویته‌كێ دا ل تۆرا جڤاكی گۆت: گه‌له‌ك ئه‌ندامێن ناتۆ ل سه‌ر دانا پاره‌یه‌كێ پتر رازی بوون، بارینا پاران ده‌ست پێ كر و ناتۆ دێ گه‌له‌ك بهێزتر بیت.”
ئه‌ڤرۆ نیوز:
دو زه‌لامان ل باژارێ پۆرتلاند یێ ئه‌مریكا بزاڤ كرن دژی هێرشكه‌ره‌كی به‌رگریێ ژ دو ژنێن موسلمان بكه‌ن لێ هه‌ردو ژ ئالیێ هێرشكه‌ری ڤه هاتنه كوشتن.
روودان ل سه‌ر شه‌مه‌نده‌فره‌كا ناڤ باژاری ل ئێكه‌م رۆژا ره‌مه‌زان چێبوویه، په‌یڤداره‌كی ب ناڤێ پۆلیسێن پۆرتلاند راگه‌هاند: ل ده‌مژمێر 04:30 ئێڤاری زه‌لامه‌كی ده‌ست ب گۆتنێن كرێت هه‌مبه‌ری دو ژنان و ئایینێ وان گۆتن و ل وان را كره هه‌وار كو دیاربوو موسلمان بوون، سێ زه‌لامان ژی مایتێكرن كر و پشتگیری ژ هه‌ردو ژنان كر، لێ وی كه‌سێ هه‌رسێ زه‌لام دانه به‌ر كێران د ئه‌نجام دا دویا گیانێ خوه ژده‌ست دا و ئێك ژی بریندار بوو، پاشی هێرشكه‌ر هاته گرتن، لێ هه‌ردو ژن ل وی جهی نه‌مان به‌ری پۆلیس بگه‌هن و نه‌شیان هه‌ڤپه‌یڤینێ د گه‌ل وان دا بكه‌ن. ”
ئەڤرو نیوز :
فەرماندەیێن بالایێن پولیسێن موسل بو خەلکێ پارێزگەھا موسل یێن بەرەیێ چەپ و پشکەک ژ بەرەیێ راستێ دیارکر کو ب چوو رەنگان نابیت نیقاب و حیجاب ل جھێن گشتی و فەرمانگەھان بھێتە گرێدان ، بەروڤاژی دێ ھێنە سزادان، و ژلایەکێ دنڤە داعشێ دیارکر کو ھەر ئافەرتەکا نیقاب و حیجابێ نەگرێدەت بەروڤاژی دێ ھێتە سزادان.
عەمید روکن واسیق ئەلئەحەدی فەرماندەیێ پولیسێن نەینەوا دیارکر کو ژبەر رەوشا ئێمناھی ئەوان داخواز ل ئافرەتێن موسل کریە کو نابیت نیقاب و حیجابێ گرێدەت و گۆت: ( نابیت ب چوو رەنگان ل بەرەیێ چەپێ موسل ئافرەت و کچ ل ناڤا بازاری و فەرمانگەە و جھێن گشتی نیقاب و حیجابێ گرێدەن ژبەرکو داعشێ پلان ھەیە ب رێیا ئافرەتێن حیجاب و نیقاب ھێرشێ بو چەند جھێن ئەمن و ئاسایشا دەڤەرێ و ھێزێن پولیسان بکەن )
زێدەتر گۆت: (نابیت چوو وەلاتی ل دەمژمێر شەشێ ئێڤاری وێڤە ھاتن و چوونێ بکەن ب تایبەتی ب رێیا پایسکلان ھەتاکو موسل ب تەمامی نەھێتە کونتروکرن و نابیت چوو کەس ژی موبایلا بفروشن )
ل بەرەیێ راستێ موسل شەرەکێ گران دناڤبەرا ھێزێن عیراقێ و چەکدارێن داعشێ دھێتەکرن ، ھەر چەندە کو شەرەکێ گران ژی ھەیە ، بەلێ داعشێ لسەر ھەموو کچ و ژنان فەرزکریە کو دڤێت نیقاب و حیجابێ گرێدەن ، بەروڤاژی دێ ب توندی ھێنە سزادان.
ئەڤرۆ نیۆز،زنار تۆڤی:
یانا ریال مەدرید یا ئیسپانی رەنگێ درێسێ خوە بۆ یاریا دوماهیا خۆلا چامپیۆنس لیگا ئورۆپی دا ئاشکرا دکەت ل هەمبەری یانا یۆڤێنتۆس یا ئیتالی،کو دێ یاریا دوماهیێ ل رۆژا شەمبی 3.6.2017 ل یاریگەها کاردیف ل ویلز هێتە ئەنجامدان.
د ڤێ یاریێ دا یاریزانێن یانا شاهانە دێ درێسێ بنەفشی ل بەرخوە کەن،هەر چەندە ئەڤ رەنگە یێ یەدەکە ل یانا ریال مەدرید دا،لێ بریار دایە ب وی رەنگی یاریێ بکەن.
ئەڤرو نیوز :
نێچیرڤان بارزانی سەروکێ حکومەتا ھەرێما کوردستانێ د پەیامەکێ دا ئیدانا ھێرشا لسەر قوبتیێن مسرێ کر و دیارکر کو پێدڤی یە جڤاکێ نیڤدەولەتی ب رژی کار لسەر پرسا تیرورێ بکەن.
نێچیرڤان بارزانی سەروکێ حکومەتا ھەرێما کوردستانێ دیار کو ئەو ب توندی ئیدانا ھێرشا سەر قوبتیێن مسرێ دکەن و گۆت: (ھەڤخەمین ژ بوو گیان ژ دەستدان و برینداربوونا وەلاتیێن قوبتیێن مسری و سەرەخوشیێ ل کەس و کارێن قوربانیان و حکومەتا مسرێ دکەین و ژ خودایێ مەزن دخوازین کو جھێ وان بەحشت بیت و شیفایێ بو ژی برینداران فرێبکەت ، ھەلبەت ئەڤ کریارا تیرورستی رامانە کو تیرور دیاردەیەکا جیھانی یە و پێدڤی یە جڤاکێ نیڤدەولەتی ب رژی کار لسەر پرسا تیرورێ بکەن و ب دەستەکێ ب ھێزتر روو ب روویێ ئەوان ببەنەڤە)
دھێتە زانین کو ئەڤرۆ د ھێرشەکێ دا بوسەر دوو پاسێن نەفەر ھەلگر ل باژێرێ منیەیا مسری ٣٠ کەس ژ قوبتبیان گیانی َخوە ژ دەست دا و ھژمارەک ژی برینداربوون کو د چونە ئێک ژ کەنیسەیێن ئەوی باژێری.
نيشاندان