ئەڤرۆ نيوز:
وەزیرێ بەرڤانیا بەلجیکی راگەھاند، ئامادەکاری بۆ ھندێ دھێتە کرن، ھێزەکا لەشکریا مەزن ل گەل چەک و تەقەمەنیان بۆ ھەرێما کوردستانێ بھێنە رەوانەکرن.
ستیڤن ڤاندۆیپۆت وەزیرێ بەرگریا وەلاتێ بەلجیکا ھەروەسا گۆت: ھنارتنا ھێزەکا لەشکرێ بۆ ھەرێما کوردستانێ ب مەرەما ب دووماھیی ھاتنا تیرۆرستێن داعشێ یەو دژی داعشێ و ھندەک ئالیێن وەکی داعشێ، ھێزێن مەژی ژمارەکا لەشکری و چەندێن ترۆمبێلێن لەشکری و چەک و تەقەمەنی لەشکری بۆ ھەر کارەکێ پێدڤی ھەبیت.
ھەروەسا دیارکر، بڕیارە ھەتا ب دووماھاتنا سالا 2017 بەلیجکا یا بەردەوام بیت بۆ ھنارتنا لەشکری خوە ل ھەرێما کوردستانێ، دیسا ئاشکرا ھەکە یا پێدڤی بیت ھەتا سالا 2018 ئەو دێ ل ھەرێما کوردستانێ مینن.

ئەڤرۆ نيوز:
ئەمیندارێ گشتیێ رێکخراوا بەدر و فەرماندێ پلە بلندێ حەشدا شەعبی، دکونگرەکێ رۆژنامەڤانی دا راگەھاند، بۆ کونترۆکرنا دەڤەرێن ژێر دەستێ داعشێ مۆلەتێ ژ کەسەکێ وەرناگرن.
ئەمیندارێ گشتیێ رێکخراوا ناڤبری ھادی ئەلعامری ھەروەسا دبێژیت، کێشا دەڤەرێن ناکۆکێ لسەر پێدڤی ب ماددێ 140 دستورێ عیراقێ ھەیە بھێتە چارەکرن، و سەرۆک کۆمارێ عیراقێ یێ بەرپرسە ژ بجھنەئینانا مادێ 140، زێدەتر دبێژیت، ئەو ل سەر ئۆپراسیۆنا خوە دێ دبەردەوام بن، ھەتا دەڤەرێن سنوری یێن عیراقێ و سووریا کونترۆل دکەن.

ئه‌ڤرۆ نيوز:
چاڤدێرەکا سیاسی ئاماژە بوێ چەندێ دکەت، کو بەغدا ھەرجارێ بەھانەیەکێ دبینە ژبۆی دستوور و قانوونا بجە نەئینیت ھەمبەر ھەرێما کوردستانێ و دیارکر، ھەکە بەغدا ھەست ب بەرپرسیاریێ نەکەت ھەمبەر دانا مافێن ھەرێما کوردستانێ نابیت کورد وەک بەرێ ڤەگەڕن بەغدا و پشکداری د ھەلبژارتنێن داھاتیێن عێراقێ دا بەکەن.
لانە محەمەد، چاڤدێرا سیاسی و پەرلەمانتارا بەرێ یا عێراقێ بۆ رۆژناما ئەڤرۆ گۆت: ئەڤە دەمەکە بەحسێ پشکداریا ھەرێما کوردستانێ د ھەلبژارتنێن داھاتیێن عێراقێ دا دھێتەکرن و بۆیە پرسەکا گەرم، ب دیتنا مە ئەف چەند سالێن بۆری ئەزموونەکە بۆ ھەرێما کوردستانێ کو حوکمەتا عێراقێ وەکە پێدڤی ل ھەمبەر دانا مافێن خەلکێ ھەرێما کوردستانێ نەبوویە و ھەرجارێ بەھانەیەکێ بۆ بجە نەئینانا قانوون و دستووری دبینیت، ھەتا کار گەھشتە بڕینا موچە و بودجێ ھەرێما کوردستانێ ولادانا بەرپرسێن کورد دناڤا حوکمەتا عێراقێ دا، ئەڤەژی بووینە ئەگەرێ ڤێ چەندێ ھەرێما کوردستانێ و سەرکرداتیا کورد بێ ئومێدبووینە ل بەغدا، ب نێڕینا من مادەم بەغدا ھەست ب بەرپرسیارەتیێ نەکەت ھەمبەر ھەرێما کوردستانێ نابیت ھەرێم ژی بڤی شێوەیێ بەری َڤەگەڕیت بۆ بەغدا و پشکداری حوکمەتێ دا بکەت، بەلکۆ بشێوەیەکێ دیکە و گورەی سیاسەتا بەغدا کورد ڤەگەڕن.
لانە محەمەد ھەروەسا گۆت: ھەکە بھێت و عێراق ھەر یا رژدبیت لسەر رەفتارێن خوە ل گەل ھەرێما کوردستانێ و نابیت ھەرێما کوردستانێ پشکداری د ھەلبژارتنێن داھاتی دا بکەت ل گەل عێراقێ، چونکە ئەم وەکی کورد شەریکین د پڕۆسا سیاسیا عێراقێ دا و ئەم نەچووینە بەغدا تنێ چەند کەسەک نوونەرێن ھەرێما کوردستانێ بن بەرۆڤاژی ئەگەر مەرەم پلە و پۆستە مە ئەف پلە و پۆست نەڤێن و دڤێت پشکداربین د بڕیارێن سیاسی و دەستھەلاتێ دا، ب کورتی ئەگەر رەوش یا ھوسابیت و بەغدا نەھێتە چو رێیەکێ کورد پشکداری ھەلبژارتنێن داھاتیێن عێراقێ دا نەکەن و جوداببن ژ دەولەتا عێراقێ.
لدۆر رەوشا عێراقێ بۆ ھەلبژارتنان لانەخانێ دیارکر، رەوش نەیا گونجایە و ھێشتا چەندین دەڤەرێن عێراقێ بن کۆنتڕۆلا داعش ماینە و ب سەدان ھزار وەلاتیێن عێراقی ئاوارە بوونەو لسەر مال و حالێن خوە نینە، ئەڤەژی ئەگەرەکە کو دڤێ قۆناغێ دا ھەلبژارتن نەھێنەکرن و پێشبینی دھێتەکرن ئەف ھەلبژارتن نەھێنەکرن، ھەتا لایەنێن سونە نەڕازینە ل رێڤەچوونا ھەلبژارتنان ژبەرکو پتریا عەرەبێن سونە نوکە ئاوارە و نەشێن دەنگێ خوە بدەن.