ئەڤرۆ نیوز:
پشتی یانا ھال سیتی دوھی د یاریا خوە یا گەرا ٣٧ ژ خولا پرێمێر لیگ توشی خوسارەتیەکا مەزن بووی ل سەر دەستێ یانا کریستال پالاس ب چار گولان بێ بەرامبەر کو ئەڤ یاریا بوو ھەردو یانا ب یاریەکا گرنگ د ھاتە ھژمارتن کو خوسارەتیا ھال سیتی دێ ب فەرمی پاشڤەزفریتە خولا پلا ئێک و خوسارەتیا کریستال دا رەوشا وێ لاواز کەت بۆ مانا وێ دخولێ دا.
تیما کریستال پالاس شیا خوە ژ پاشڤەزفرینا خولێ بەری ب دووماھیی ھاتنا یاریێن خولێ ب حەفتیەکێ قورتال بکەت دەمێ شیای سەرکەفتنا مەزن ل سەر ھال سیتی توماربکەت ب چار گولان بێ بەرامبەر یانا ھال ب فەرمی پاشڤەزفری خولا پلا ئێک و بەری ڤێ حەفتیێ ژی ھەردو یانێن میدلزبرا سەندرلاند ژی ب فەرمی داکەفتینە خولا پلا ئێک و ھەر ئێک ژ یانێن نیوکاسل و برایتون پلیتێن دەربازبوونێ بۆ خولا نایابا ئنگلتەرا مسوگەرکرینە و ھەتا نوکە ھەڤرکی دناڤبەرا چار یانێن دی ژی ھەیە ل قوناغا پلەی ئوڤن ئەوژی فولھام و رێدینگ و شیفیل وینزدای و ھیدیرسفیلد تاون .

ھال ستی و میدلزبرا و سەندرلاند پاشڤەزفرینە خولا پلا ئێک

ھەردو یانێن نیوکاسل و برایتون ب فەرمی دەربازبوونە و پلێتا سی ھێشتا دناڤبەرا چار یانان دا مایە

ئەڤرۆ نیۆز،ھەژار مەعروف:
تیما تەپا پێ یا دیاربەکر سپور بۆ سالا چارێ ل دویڤ ئێک نەشیا دەربازی خولا پلا دو یا تورکیا بیت پشتی ئەڤرۆ د یاریا خوە یا دووماھیێ دا ژ قوناغا پلەی ئوڤ خوسارەت بووی ل گەل یانا ساکاریا سپور ب دو گولان بەرامبەر گولەکێ.
ھەژی گوتنێ یە بۆ سالا چارێ ل دویڤ ئێک یانا دیاربەکر سپور ل یاریا دووماھیا پلەی ئوڤ بۆ دەربازبوونێ بۆ خولا پلا دو خوسارەت بیت و نەشێت دەربازی پلا دو یا تورکیا بیت

ئەڤرۆ نیوز،ھەژار مەعروف:
ھێرشبەرێ خودان شیان شارەزا دیرک کاوت شیا سەرکێشا تیما خوە فینورد روتردام بکەت بۆ برنا ناسناڤێ خولا ھولەندا پشتی شیای د یاریا ئەڤرۆ دا ھاتریک توماربکەت و فینورد شیا د یاریا خوە گەرا دووماھیێ دا سەرکەفتنێ ل سەر یانا ھێرکیلوس توماربکەت ب سێ گولان بەرامبەر گولەکێ ھەرسێ گولێن فینورد روتردام دیرک کاوت تومارکرن و ب ڤی ئەنجامی فینورد خالێن خوە گەھاندنە ٨٢خالان و ناسناڤێ خولێ یێ وەرزێ ٢٠١٦-٢٠١٧ ھاتە خەلاتکرن و یانا ئەیاکس ئەمستردام رێزا دوێ ٨١ خالان .
ھەژی گوتنێ یە ماوێ ١٨ سال بوو یانا فینورد نەشیابوو ناسناڤێ خولێ ب دەستخوڤە بینت کو دووماھی جار وەرزێ ١٩٩٨-١٩٩٩ بوو ناسناڤێ خولا ھولندا ب دەستخوڤە بربوو کو ناسناڤێ وێ یێ ئەڤ سالە دبیتە ناسناڤێ ١٥ دیروکا یانێ دا.

دیرک کاوت ل سالا ٢٠٠٦ ژ خولا ھولەندا بەر ب خولا ئنگلتەرا چوو بو ژ یانا فینورد ھاتبو ڤەگوھاستن بۆ یانا لیڤەرپول ھەتا ٢٠١٢ ل گەل وێ یانێ بەردەوام بوو ل سالا ٢٠١٢ ھەتا ٢٠١٥ یاری ل یانا فەرنەربخچە یاری کر و ل سالا ٢٠١٦ ھاتە ڤەگوھاستن بۆ یانا فینورد روتردام و شیا سەرکێشیا ئەوان بکەت بۆ برنا ناسناڤێ خولێ یێ ١٥ و پشتی بورینا ١٨ سالان جارەکا دی شیان ناسناڤی ب دەستخوڤە بینن

ھەلکەفتێن جەماوەرێ یانا فینورد پشتی بورینا ١٨ سالان جارەکا دی شیان ناسناڤی ب دەستخوڤە بینن