ئەڤرو نیوز :
کێمبوون یان نەمانا شەحنا موبایل و کومپیوتەری رۆژانە دبیت مە مژول بکەن ، ھندەک ھزر و بیرێن شاش ل بارا چەوانیا شەحنکرنا ئەڤان ئامیران ژی ھەنە ، بەلێ ژروویێ زانستی ژی ڤە پێدڤی ناکەت مرۆڤ خوە دلگران بکەت.
پاتریێن موبایل و کومپیوتەرێن نھا ژ جورێ ( لیتیوم ئایون )ن کو باشترە نەھێلین شەحنا وێ تە ژی ببیت ، ئەڤێن ل خوارێ ھندەک ژ وان حالەتانە.
– شەحنکرنا چاریک یان نیڤ یان ژی ب تەمامی یا موبایل و کومپیوتەری ، چوو زیان نینن لسەر وان ، ئەڤە ب حەزا تەڤە گرێدایە.
– ئامیرێن نوو ھندەک ھەست ژ بۆ ھاتینە درۆستکرن ھەر دەما کو پر بوو ژ شەحنێ ئەو بخوە دێ ژ شەحنکرنێ راوەستیت ، ھون دکارن لسەر کارەبێ ب ھێلن و چوو زیان ژی نینە.
– پێدڤی ناکەت ھەتا شەحنا موبایل و کومپیوتەری دووماھی نەھێت نەداینە سەر شەحنێ ، باشترە ھەردەما پاتری بویە ٢٠% بھێتە شەحنکرن.
– ھون دکارن ب درێژاھیا روژێ پاترا موبایل و کومپیوتەرێ خوە لسەر شەحنێ بھێلن ، بەلێ نابیت د وی دەمی دا یاری و ئەنترنێت و تێلەفوون پێ بھێنەکرن ژبەرکو کارکرنا لسەر شەحنێ دێ ھێزێ ل پاتریێ کێشیت و دێ بیتە ڤولتیا کارەبایی ب تایبەتی ئەگەر کارەبا نەیا رێکخستی بیت وەکو کارەبا مالیدێن ئەھلی ، رەنگە ئەڤ یەک ژی ببیتە سەدەما پەقینا پاتریێ یان ژی گەرمبوونا وێ.
– ھەموو باتریان ژیەکێ بو دەستنیشانکری ھاتیە دیارکرن ، پرانیا پاترێن موبایل و کومپیوتەران ژی ژ جورێ (لیتیوم)ن و دناڤبەرا ژیێ ٣ بو ٤ سالیێ خوە دگرن.
– ھندەک ئامیر ژی بلەز پر شەحن دبن و بلەز ژی دھێنە خوارێ کو ئەڤێ یەکێ ژی چوو زیان نینن ، بەلکو پەیوەندی ب ھندەک تشتێن دن ھەیە وەکو ھێز و ڤولتیا کارەبێ و پلا گەرماتیا ژورا خانویی و کارپێکرنا ھندەک ئەپلیکەیشنان و وای فای و بلوتوز … ھتد.
– ئەگەر ھەوە ڤیا بو دەمەکێ زور ئامیرێن ھەوەیێن موبایل و کومپیوتەری لسەر شەحنێ ب مینن بو نموونە شەڤێ ھەتا سپێدێ لسەر شەحنێ بیت ل وی دەمی باشترە موبایل و کومپیوتەر د کەش و ھەوایەکێ سار و ھین دا بھێتەدانان ب تایبەتی لسەر کاشی و سەبەیێ ب رەنگەکێ کو پاتری بکەڤیتە سەر عەردی.
ژێدەر : تورا میدیایی یا خەلک
نيشاندان