ئەڤرو نیوز :
ئێک ژ کومپانیێن بەرھەمئینانا میموریێن دەرکی ( خارجی ) رابوویە ب درۆستکرنا میموریەکێ بۆ موبایلێن زیرەک کو دکاریت رووبەرێ میموری زێدەتر بکەت ، و بڤێ یەکێ ژی موبایل بلەزتر دبیت و زێدەتر ژی دکاریت بەرگریا بکارئینانا موبایلێ بکەت.
ھون دکارن ب رێیا سەحکرنا ڤیدیویا د لینکى دا ، ئەڤێ ئەپلیکەیشنێ لسەر موبایلا خوە بجە بکەن.
ئەڤرو نیوز ، نەوزاد زادە ھلوری:
وەلاتیەکێ گوندێ بالندا ل دەڤەرا بارزان ب جارا دوویێ کومەکا کەوان ل چەند دەڤەرێن دن دکریت و ل ژینگەھا دەڤەرا بارزان ئازاد دکەت.
محەمەد چیچوی بالندی ئاکنجیێ گوندێ بالندا یا سەر ب دەڤەرا بارزان دیارکر کو بۆ جارا دوویێ یە ئەو کومەکا کەوان ئازادکەت و بۆ ئەڤرو نیوز گۆت: (ھەر د کەڤن دا من کەیف ب کوڤی و سرۆشتی دھێت و بەردەوام بەرگەریانێ ژ بۆ پاراستنا وان دکەم ، و دلێ من زور دمینتە ب کەوان ڤە دەما دبینم د قەفەسەکێ دانە و ھندەک کەس کرین و فروتنێ پێ دکەن و ئازادیا وان تێکدایە ، ژبەرڤێ بو جارا دوویێ وەکو ئەرکەک نیشتمانی و مروڤایەتی من کومەکا کەوان کو پێکھاتبوون ژ نێزیکێ ١٥ کەوان ژ خەلکی کرین و دوڤدا ئازادکرن ، و ب ھزرا من کەو ل چول و چیا جوانترە و دەنگێ وان ژی خوشترە)
زێدەتر گۆت: (ھەر کەوەک من ب بھایەکێ کرینە ، بەلێ پرانیا وان ژی لسەر ٣٠ ھەزار دیناران من کرینە ، و کرینا وان ژی ھەموو ل دەڤەرێن دن بوویە بەلێ ئازادکرنا وان ل ژینگەھا دەڤەرا بارزانە ژ بەرکو ئەز پشتراستم ئەگەر ل جھەکێ دن ئازاد بکەم جارەک دن دێ ھێنە گرتن ، بەلێ ئەگەر ل ژینگەھا بارزان ئازاد بکەم دووبارە ناھێنەگرتن ژبەرکو ب بریارا سەرۆکێ ھەرێما کوردستانێ مەسعود بارزانی ژینگەھا بارزان دھێتە پاراستن و سزایێن گران ژی بو سەرپێچیکەرێن ژینگەھی و کوشتنا کوڤیان ھەنە)
ئه‌ڤرۆ نيوز:
ئۆسامه نوجێفى سه‌رۆكێ هه‌ڤپه‌يمانيا موته‌حيدون بۆ چاكسازيێ، ئه‌ڤرۆ پێكئينانا پارتيه‌كا نوو راگه‌هاند ب مه‌ره‌ما رزگاركرنا وه‌لاتى ب هاريكاريا ناڤبه‌را هێزێن سياسى يێن مه‌زن.
نوجێفى ئه‌ڤرۆ رۆژا ئه‌ينى رێكه‌فتى 12ى گۆلانا 2017ێ د كۆنگره‌كێ رۆژنامه‌ڤانى دا ل هه‌ولێر راگه‌هاند كو پارتيا “بۆ عيراقه‌كا ئێكگرتى” دامه‌زراند و كارێن خوه يێن قانوونى يێن ته‌مام كرينه و ژ لايێ گه‌له‌ك ژ هێزێن سياسى ڤه پێشنيازا هه‌ڤپه‌يمانيێ يان رێكه‌فتنێ بۆ كريه به‌رى ب رێڤه‌چوونا هه‌لبژارتنان.
ئه‌ڤرۆ نيوز:
پشتى بابه‌تێ هه‌رسێ كارمه‌ندێن باژێرێ زاخۆ يێن كه‌نالێ وار گه‌رم بوويى و گه‌له‌كان به‌حس ل وێ چه‌ندێ كرى كو هاتينه لادان، كه‌نالێ وار روونكرنه‌ك به‌لاڤكر و ئه‌ڤه ژى ده‌قێ وێ يه:
رونكرنه ک ژ که نالئ وار
ژ شفیدی وه ره ده نگویئ لادانا هه ر سئ بیژه ران ( په یمان خواجه و دلژار عدنان و شفان عبدی) ل تورین جفاکی دا به لاف بوویه هه ر ئیکی وه کو شروفه داینئ . سوپاسیا هه می بینه رو هه فال و هوگرین waartv دکه ین ئه فه گروفئ هندئ یه کو خه مخورئن فی که نالی و کارمه ندین وی نه . لئ ده رباره ی بابه تئ فان هه ر سئ به رئزان د فان خالادا بو وه رونکه ین :
1- هه رسئ بیژه ر ده سپیکا فه بوونا waartvv تا نهو ل فی که نالی کار دکه ن و ده مئ قه یرانا دارایی دژوار ژی بووی گه له ک کارمه ندا کارئ خو هیلا و گه له ک ژی هاتنه لادان ژ کاری ، لئ ئه ف هه ر سئ به ریزه ل سه ر کا رئ خو مان . کارگیریا که نالی کاودانئ وان لبه ر چاف گرت چو نکی ژ زاخو هاتن ده وام هه فتیی دوو یان سئ روژا دکر .
22- پشتی قه یرا ن لسه ر که نالی پیچه ک سفک بووی ئاگاداریا وان هاتیه کرن کو ئیدی هه ر چ نه بیت چوار تا پینج روژان ده وامئ بکه ن دوو روژان بهینفه دان بن . بو زانین هه می کارمه ندین دی روژه ک بهینف دا ن هه یه . لئ دیاره فان براداران ئه فه پئ نه خوش بوو چونکی هه ر سئ فه رمانبه رن ل هنده ک فه رمانگه هین حکومی .
33- ئه ف هه رسئ براده ره ب خواستا خو چه ند روژه ژ ده وامئ فه قه تیانه . لئ تا کو نها نه چ بریار ده رهه قی وان ده رچووینه و نه هاتینه لادان و تا نوکه هیشتا کارمه ندن و هه ر گا فا پیگیریی ب ده واما خو بکه ن چ ئاریشه نابن . ده رگه هئ وار بو هه ر که سئ دلسوزو خه مخورئ کارئ خو یئ فه کریه .
ئه‌ڤرۆ نيوز:
پشتى ئه‌نجلينا جۆلى خوه ژ براد بێت دايه به‌ردان ب چه‌ند هه‌يڤان، جاره‌كا دى ئه‌ڤ هه‌ردو ستێرێن هۆليۆدێ يێ ژڤانان دده‌نه ئێكدۆ هه‌ر وه‌كو ژ نوو يێن ئه‌ڤيندار بووين.
ب گۆره‌ى مالپه‌رێ ئێزشۆبێز ئه‌نجلينا جۆلى و براد بێت يێ دووباره ئه‌ڤينا خوه بۆ ئێكدو ديار دكه‌ن پشتى ماوێ چه‌ند هه‌يڤه‌كا ژ ژێكجودابوونێ.
ب گۆره‌ى پشكا لايڤ ستايل يا مالپه‌رێ ناڤبرى ل ڤێ دووماهيێ چه‌ندين جاران د حه‌فتيێ دا ژڤان داينه ئێكدۆ و ل گه‌ل ئێك هاتينه ديتن و رۆژانه ژى ب تله‌فۆنێ ل گه‌ل هه‌ڤدۆ د ئاخڤن.
ئه‌ڤى ژێده‌رى ئاماژه ب وێ چه‌ندێ ژى كريه كو هه‌ردو هه‌ڤژينێن به‌رى وه‌سان يێ ل گه‌ل ئێك دێ بێژى ئه‌ڤه چه‌ندين ساله هه‌ڤدۆ نه‌ديتيه و يێ دووباره ژڤانان دده‌نه هه‌ڤدۆ.
ل هه‌يڤا ئيلۆنا سالا بۆرى ئه‌نجلينايێ داخوازا به‌ردانێ ژ براد بێت كربوو و ژ وى ده‌مى و هه‌تا نها ژبلى ديتنا زارۆيان هه‌ڤدۆ نه‌ديت بوو.
فوتوگرافەر ، ئەرکان ولاتی ژێری:
ئەڤێن ل خوارێ چەند دیمەنەکێن دوھی یێن سەنتەرێ قەزا ئامێدیێ نە ئەو باژێرێ کو جیھان ب جوانیا خوە حێبەتی کری.
سەنتەرێ قەزا ئامێدیێ کو دبیتە پایتەختێ میرگەھا بەھدینان ئێکە ژ باژێرێن ھەری جوان ل جیھان و عیراقێ ، و لگورەی مالپەرا ” دستراکتیفای ” یا جیھانی ئامێدێ ئێکە ژ ٣٠ جوانترین باژێرێن جیھانێ و ل رێزا ٢٤ێ دھێت و کەفتیە بەرا باژێرێن فەرەنسا و کرواتیا و پرتوگال و ئوسترالیا.
ئامێدیێ ب دوراتیا ٨٠کم دکەڤیتە رۆھەلاتا پارێزگەھا دھۆک و خودانا جوانترین دیمەنێن سرۆشتی یە و چەندین ھاڤینگەھێن گەشت و گوزاری ھەنە ژ وانان ھاڤینگەھا سیلاڤ و شکەفتا ئینشکێ و گەلیێ شێرانە … ھتد و مێژوویا درۆستبوونا ئامێدیێ بو سالێن ٨١٠-٨٢٠ دزڤریت و ئێکەمین کەس ل ئامێدیێ بویە قایمقام خەندان ئاغا بوویە.
رووبەرێ قەزا ئامێدیێ ٢٨٩٠کم٢ و ١٤٠٠م ژ روویێ دەریایێ بلندە ، دورماندورێن قەزا ئامێدیێ پێکدھێن ژ قەزایێن ئاکرێ ل باکوور و مێرگەسوور ل رۆژھەلاتێ و پارێزگەھا ھەکاری ل باشوور و رۆژئاڤایا وێ ژی پارێزگەھا دھوکێ یە.
ئەڤرۆ نیۆز،زنار تۆڤی:
کومەلا نۆشدارێن نشتەرگەرێن گشتی ل کوردستانێ ھاتە دامەزراندن و دەستەیەک ژ 5 کەسان وەک نوونەرێن باژێرێ دھوکێ ژی ھاتنە دەست نیشانکرن.
دکتۆر دلدار حاجی موسا ئێک ژدامەزرێنەرێن کومەڵا نۆشدارێن نشتەرگەرێن گشتی یە ل کوردستانێ بۆ دواڕۆژ گۆتیە،پشتی پێکوڵ و ماندیبوونەکا زێدە ل رێکەفتی ٢٠١٧/٥/١١ کومەڵا نۆشدارێن نیشتەرگەرێن گشتی یێن کوردستانێ هاتە دامەزراندن.
دیارکر ژی: دەستەیەک ژ 5 کەسان وەک نوونەرێن باژێرێ دھوکێ ھاتنە دەست نیشانکرن و دھەمان دەمدا یەکەم دیدارا خو یا زانستی مە ئەنجامدا.
دکتۆر دلدار دیارکر:ب ئامادە بوونا راگرێ کولیژا پزیشکی و سەروکێ بوردا عیراقی و سەرۆکێ بوردا کوردستانێ ل دھۆکێ دگەل دەستەیا باڵا یا کومەڵا نیشتەرگەرێن گشتی ل ھەولێرێ کومەڵا نۆشدارێن نشتەرگەرێن گشتی ل کوردستانێ ھاتە دامەزراندن.
گۆت ژی:ئارمانجا مە ژ دامەزراندنا ڤێ کومەلێ بۆ رێکخستنا کارێن نۆشدارێن نشتەگەرێن گشتی یە ل کوردستانێ و ئەم دێ ھەموو نۆشدارێن نشتەرگەریێ کوم کەین داکو ل بن سیبەرا ئێک کومەلە مافێن وان و نەخۆشان بھێنە پاراستن.
هەروەسا گۆتیە،ئەم دێ گۆڤارەکێ دەرێخین، بناڤێ نۆشدارێن نشتەرگەرێن کوردستانێ.
ئه‌ڤرۆ نيوز:
ره‌جه‌ب ته‌يب ئه‌ردوگان سه‌رۆك كۆمارێ توركيا راگه‌هاند، سۆپايێ وه‌لاتێ وى دێ ئۆپه‌راسيۆنێ ل قه‌نديلى دژى چه‌كدارێن په‌كه‌كێ ئه‌نجام ده‌ت.
ئه‌ردۆگان ئه‌ڤرۆ د كۆنگره‌كێ رۆژنامه‌ڤانى دا به‌رى به‌ر ب چينێ ب رێ ب كه‌ڤيت، راگه‌هاند كو وه‌لاتێ وى يا پێدڤى بيت دێ كه‌ت بۆ به‌رسينگگرتنا داعش و د ئاماده‌نه بۆ ب دووماهى ئينانا هه‌موو “گرۆپێن تيرۆرستى”.
گۆتژى: “بڕيارا ئه‌مريكا بۆ ب چه‌ككرنا يه‌په‌گێ دێ هه‌ڤركيێ د ناڤبه‌را په‌يوه‌نديێن ستراتيژى يێن ئه‌مريكا و توركيا دا دروست كه‌ت”.
ب گۆتنا ئه‌ردۆگان “ئه‌مريكا نوكه د قووناغه‌كا ڤه‌گوهاستنێ دا دژيت و پێدڤيه د هه‌ستيار بين و ب هشيار سه‌ره‌ده‌ريێ ل گه‌ل بكه‌ين”.
سه‌رۆك كۆمارێ توركيا به‌حس ل وێ چه‌ندێ ژى كر كو شانده‌ك ره‌وانه‌ى ئه‌مريكا كريه و كۆمبوون ل گه‌ل به‌رپرسێن په‌يوه‌نديدار ئه‌نجام دايه ده‌رباره‌ى چه‌ككرنا يه‌په‌گێ و سه‌ره‌دانا ڤێ جارێ د وێ ده‌ربارێ دا دێ يا ئێكلاكه‌ر بيت.
9ى گۆلانا ئه‌ڤ ساله ئيدارا دۆنالد تره‌مپ سه‌رۆكێ ئه‌مريكا ره‌زامه‌ندى ده‌ربڕى ب دانا چه‌كى ب يه‌په‌گێ سه‌ره‌رايى نه‌رازيبوونا دژوارا توركيا كو يا هه‌ڤده‌م بوو ل گه‌ل نێزيكبوونا سه‌ره‌دانا ئه‌ردۆگان بۆ ئه‌مريكا.
ئه‌ردۆگان ئاماژه ب وێ چه‌ندێ ژى كر كو د چارچۆڤێ سه‌ره‌دانا خوه دا بۆ ئه‌مريكا دێ پرسا فه‌لستين و فه‌تحولا گوله‌ن ل به‌رى هه‌ر تشته‌كێ به‌رنامێ كارێ وى بيت.
ئه‌ڤرۆ نيوز، نيوار محه‌مه‌د سه‌ليم:
هه‌رده‌م ئه‌سيوبيا كانيه‌كا دابونه‌ريت و ره‌وشێن سه‌ير بوويه ل جيهانێ، هنده‌ك بنه‌مال ره‌نگێن سه‌ير و جودا يێن دژوار ژ ئه‌شكه‌نجه‌دانێ دژى ژنان ب كار دئينن ژ بوو بۆچوونێن خوه يێن سه‌ير، ئێك ژ وان ژى يا بنه‌مالێن “هندوكێن سۆر”ه يا ئه‌سيوبيا كو ژنان جه‌لد دكه‌ن.
ژماره‌كا وێنان هاتنه ديتن كو ژ لايێ وێنه‌گر “جێرمى هانته‌ر” ڤه هاتينه گرتن كو يێن ئاهه‌نگه‌كا بنه‌مالا “ئۆكۆلى بۆلا”نه، خه‌لكێ وێ بنه‌مالێ پشت به‌ستنێ ل سه‌ر جه‌لده‌دانا كچێن گه‌نج دده‌ن، ئه‌و وه‌سان هزر دكه‌ن كو ئه‌ڤه نيشانا رێزگرتنێ يه به‌رامبه‌ر ئه‌و قوربانيدانا زه‌لامێن بنه‌مالێ دده‌ت، ب گۆره‌ى ژێده‌ره‌كى ژ ده‌يلى مه‌يل يا بريتانى.
ئه‌ندامێن ڤێ بنه‌مالێ وه‌سان دبينن كو گه‌له‌ك لێدانا لاشێ ژنێ ته‌كستێ ل سه‌ر ڤيانا وێ بۆ ئه‌ڤينێ دكه‌ت، خوه هه‌كه كه‌فته د كاودانه‌كێ گه‌له‌ك دژوار ژى دا دێ شێت خوه راگريت، ل به‌رامبه‌ر ڤێ چه‌ندێ ژى چو داخوازيه‌كا زه‌لامێ خوه بن پێ ناكه‌ت پشتى هاتيه جه‌لده دان.
د ڤێ ئاهه‌نگا هۆڤانه دا، ئه‌وا ل دۆلا رووبارێ ئۆمۆ دا هاتيه ئه‌نجام دان، ژن ب حه‌زا وان دهێنه جه‌لده دان و بێ كو ئه‌و بهێنه نه‌چاركرن بۆ ده‌ربڕين ژ ئه‌ڤينا خوه بۆ گه‌نجى، زه‌لام ژى د دو ره‌وشێن گه‌له‌ك جودا و گرنگ دا دبۆريت د ڤێ ئاهه‌نگێ دا ئه‌و ژى سه‌نتكرن و خوه هه‌لاڤێتنه ل سه‌ر گاى. هه‌كه شيا ڤان هه‌ردو قووناغان ده‌رباز بكه‌ت رامانا وێ چه‌ندێ دگه‌هينيت كو نوكه يێ گه‌هشتيه قووناغا گه‌هشتنێ و بالقبوونێ و يێ ئاماده‌يه بۆ پێكئينانا خێزانێ.
كچ ژ لايێ ئه‌ندامێن خێزانا خوه ڤه دهێنه جه‌لده دان يان ژى نێزيكێن خوه و د به‌ر را ژنێن دى يێن بنه‌مالێ سترانان د به‌ر را دبێژن، پشتى جه‌لده دانێ وێنه ل سه‌ر لاشێ وان دهێنه چێكرن دا كو شوونووارێن لێدانێ ل سه‌ر ديار نه‌كه‌ن. ژن شانازيێ ب وێ لێدانێ دكه‌ن، نيشانا وێره‌كى و زيره‌كيا وايه ل مه‌يدانێ.
ئه‌ڤ بنه‌مالێن عه‌شيره‌تان دكه‌ڤنه لايێ باشوورێ پايته‌ختێ ئه‌سيۆبيا “ئه‌ديس ئابابا” ئه‌ڤێن دكه‌ڤنه سه‌ر ده‌ريا “تۆركانا” مێژوونڤيسێ ناڤدارێ ئيتالى “كارلۆ كونتى روسينى” ديار دكه‌ت كو ئه‌ڤ پارچا ئه‌سيۆبيا “مۆزه‌خانه‌كا ملله‌تايه” ب كێمى هه‌شت بنه‌مالێن سه‌ره‌كى لێ دژين و نێزيكى 200 هزار كه‌سانه.
ل ڤێ پارچا جيهانێ خه‌لكێ بنه‌مالان گه‌له‌ك يێ دووره ژ كارتێكرنا ده‌ره‌كى و ته‌كنۆلۆژيايێ ئه‌ڤا جيهان ڤه‌گرتى و ئه‌و پێشكه‌فتنێن د جڤاكان دا دهێنه پێش، ئه‌ڤه بنه‌مالێن ساده يێن ده‌سپێكى نه پشت به‌ستنێ ل سه‌ر كه‌رستێن سرۆشتى دكه‌ن، يا ژ هه‌موويا سه‌ره‌كيتر له‌هيا رووبارێ ئۆمۆ يه، كو دشيانێن وان دايه سالێ سێ جاران چاندنێ بكه‌ن و پشت به‌ستنێ ل سه‌ر وێ چه‌ندێ بكه‌ن.
ئەڤرۆ نیوز،زنار تۆڤی:
هەر دو یانێن مانچستەر یۆنایتد یا ئنگلیزی و یانا ئەیاکس ئەمستەردام یا هولەندی گەهشتنە یاریا دوماهیا یورۆپا لیگێ و ئەڤ چەندە هات،پشتی کو یانا مانچستەر یۆنایتد ل یاریگەها خوە وەک هەڤبووی ل گەل یانا سلتافیگۆ ب گۆلەکێ ل شەڤا بوری،لێ د یاریا چۆنێ دا مانچستەر یۆنایتد سەرکەفتن ل سەر یانا سلتا فیگۆ یا ئیسپانی تۆمارکربوو،ب گۆلەکێ بێ بەرامبەر و ب ڤی ئەنجامی مان یۆنایتد گەهشتە یاریا دوماهیێ.
هەروەسا ل شەڤا بوری یانا لیۆن یا فرنسی شیا سەرکەفتنێ ل سەر یانا ئەیاکس ئەمستەردام یا هولەندی تۆماربکەت ب سێ گۆلان بەرامبەر گۆلەکێ،لێ ڤێ چەندێ تێرا هندێ نەکر کو لیۆن بگەهیتە یاریا دوماهیێ،چونکی د یاریا چۆنێ دا ئەیاکس ئەمستەردام یا هولەندی چار گۆلێن پاقژ ل سەر یانا ئۆلمپیک لیۆنا فرنسی تۆمارکربوون و خوە گەهاندە یاریا دوماهیا یورۆپا لیگێ.
نيشاندان