ئه‌ڤرۆ نيوز:
ئیمانوێل ماکرۆن 65.9% ده‌نگێن هه‌لبژارتنێن فره‌نسا بده‌ستڤه‌ئينان د به‌رامبه‌ردا مارين لو پێن 34.1% ژ ده‌نگان بده‌ستڤه ئينان و ب ڤێ يه‌كێ ماكرۆن بوو سه‌رۆكێ نوو يێ فره‌نسا.
ماکرۆن بۆ سەروك كومارێ نوو يێ فره‌نسا
نووترين نووچه
- مە بزاڤێن مەزن یێن كرین گرنگییەكا تایبەت ب كەرتێ چاندنێ و پیشەسازییا خوارنێ بدەین
- هیچ ئالییەكێ سیاسی نەشێت چاوانییا پەیوەندیێن د ناڤبەرا بەغدا و هەولێرێدا دیار بكەت
- تمامبوونا جۆتسایدێ شێخان – لالش، دێ ئاسانكارییەكا مەزن بۆ سەرەدانكەرێن لالش كەت
- نەخوەشخانەیا پەنجەشێرێ ب ئاست و كوالێتییەكا بلند دێ كەڤیتە د خزمەتا وەلاتییاندا
- پەرلەمانتارەك: ئەمریكا و ئۆپێك فشارێن ل ئیراقێ دكەن بۆ هنارتنا پەترۆلا هەرێما كوردستانێ
- ل نێزیك پارتی دێ بارەگەهێ مەكتەبا رێكخستنێ ل كەركووكێ ڤەكەت
- دەلیڤەیا سەختەكاریێ ب رێكا تەكنەلۆژیایێ یا هاتیە كێمكرن و دەنگ ب دەستی ژی دێ هێنە هەژمارتن
- پێدڤییە نیازپاكی و ئیرادەیەكا راستەقینە بۆ چارەسەركرنا كێشەیان هەبیت
- پێدڤییە هەوا هەلبژارتنان د سەقایەكێ ئازاد دا و دوور ژ گرژیێ بهێنە ئەنجامدان
- مەسرور بارزانی: ب هێزبوونا پارتی ب هێزبوونا كوردستانێیە
سهرهكى Twitter
رێژا باران بارينێ
ئوزێل بوویە ئەڤیندارێ کچه‌کا که‌رکوکی
ئەڤرۆ:
ستێرا ھێلا ناڤینا یانا ئەرسینال و ھەلبژارتیێ ئەلمانیا مەسعود ئوزێل ماوەکێ درێژە پەیوەندێن نەھینی ل گەل ئەکتەرا بەرنیاس یا تورکی ئەمینە گولشن ھەیە و رۆژنامەیێن ئورۆپی و تورکی چەندین جاران ئەڤ چەندە دیارکریە و وێنەیێن ئەوان ل وەلاتێن ژێک جودا بەلاڤەکرینە ل سەر پەرێن رۆژنامەیێن خوە.
رۆژنامەیێن تورکی ل ڤێ حەفتیێ گرنگی ب نوچەیێن خوە دایە و ئەو سەرەدانێن بەردەوام یێن یاریزانێ یانا ئەرسینال مەسعود ئوزێل بۆ وەلاتێ تورکیا تایبەت باژێرێ ئەیستەنپول دەرکەفتنێن وی یێن بەردەوام ل گەل ئەکتەرا بەرنیاس ئەمینە بوویە جھێ گرنگیا مانشێت رۆژنامەیێن تورکی و ئەوان رۆژناما وەسا ژی دیارکریە مەسعود ئوزێل و ئەمینە گەلەک نێزیکی ئێک بووینە و یاریزانێ یانا ئەرسینال داخوازیا ھاوسەرگیری ژی ئەکتەرا تورک کریە .
وەسان ژی ھاتیە ئاشکراکرن ل ئەوان رۆژنامەیێن تورکی کو یاریزان ئوزێل ب شێوەکێ رومانسی مەزن داخوازیا ئەمینە گولشن کریە کو ١٠٠ گولێن سور ل گەل گوستیرکەکا ئەلماس یا ب کوژمەکێ مەزن یێ پارەی پێشکێش ئەکتەرا تورک کریە بۆ وێ چەندێ وەکو دیاریا ھاوسەرگیریێ.
ھەژی گوتنێ یە ئەمینە گولشن ل سالا ٢٠١٤ ب جوانترین کچا وەلاتێ تورکیا ھاتبو خەلاتکرن وەکو شاھا تورکیا و پشکداری د چەندین دراما و ریکلامێن تورکی دا کریە و بابێ وی خەلکێ باژێرێ کەرکوک ل باشورێ کوردستانێ و دایکا وی خەلکا وەلاتێ تورکیا یە .
هه‌لبژارتیێ چین کوژمه‌کێ مه‌زن پێشکێشی راهێنه‌ره‌کێ ئورۆپی کر
ئەڤرۆ:
راپورتێن رۆژنامەڤانی ل وەلاتێ ئیسپانیا دیارکرینە راھێنەرێ ھەلبژارتیێ ئەلمانیا یواخیم لوف ھەڤبەستەکا مەزن ل بەر دەستێ ئەوی یە کو دبیتە مەزنترین ھەڤبەست ل جیھانێ.
رۆژناما ئاس یا ئیسپانی ئاشکراکریە ھەکە لوف ل سەر داخوازیا ئێکەتیا چینێ رازیبوو دێ بیتە خودانێ ھەڤبەستەکا مەزن و زێدەتر ژ یا ھەلبژارتیێ ئەلمانیا ب رێژەکا گەلەک مەزن و وێ رۆژنامێ دیارکریە ژی ئێکەتیا تەپا پێ یا چینی کوژمێ ٢٥ ملیون یورۆیا بۆ ھەر وەرزەکی پێشکێشکریە و داخوازی ژی کریە ھەڤبەستا ھەلبژارتیێ چینی ئیمزابکەت بۆ دو وەرزان ئانکو دو وەرزان دا دێ ٥٠ ملیون یورۆیا وەرگریت.
ھەژی گوتنێ یە یوافیم لوف ھەڤبەستا خوە ل گەل ھەلبژارتیێ ئەلمانیا درێژکریە ھەتا ٢٠٢٠.
كولیژا زانستێن ساخله‌میێ ئێكه‌م ڤیستیڤالا خۆ یا زانستی سازكر
ئه‌ڤرۆ نيوز:
لژێر دوریشمێ (جڤاكێ ساخله‌م ئارمانجا مه‌یه)ئه‌ڤرو سپێدێ 7-5-20177ل باخچه وهولێن كولیژا زانستێن ته‌ندورستی وب ئاماده‌بونا به‌رێز فه‌رهاد ئه‌مین ئه‌تروشی پارێزگه‌رێ دهوكێ ودكتور مصلح دهوكی سه‌روكێ زانكویا دهوكێ ، كولیژازانستێنته‌ندورستیئێكه‌مڤیستیڤالاخویازانستیسازكر.
درێ ورسمێن ڤه‌كرنا ڤیستیڤالێ دا اسماعیل محمد راگرێ كولیژا زانستێن ته‌ندورستی په‌یڤه‌ك خاند بخێر هاتنا مێهڤانان كر ودیاركر كو ئارمانج ژ ڤیستیڤالێ ئه‌وه خزمه‌تا خه‌لكی بهێته كرن وكاروخزمه‌تێن كولیژا زانستێن ته‌ندورستی بو خه‌لكی بده‌نه ناسكرن.
پاش به‌رهه‌ڤبویا گه‌ریانه‌ك ل سه‌ر پشكێن ڤیستیڤالێ كر وژنێزیك هایداری كار وخزمه‌تا پشكێن كولیژا ناڤبری بوون.
هه‌ژی گوتنێ یه دبه‌رنامێن ڤیستیڤالێ دا (400) جورێن بشكنینێن جورا وجور ودانا رێنمایێن ته‌ندورستی بو مێهڤانان وخه‌لكێ پێڤدی وبێ به‌رامبه‌ر دێ هێنه ئه‌نجامدان.
دانا سزایێ سه‌ر ترومبێلان ب قست كه‌ته دبوارێ بجهئینانێ دا
دهۆك ، نه‌وزاد زاده هلۆرى:
پشتى كومبوونه‌كا به‌فره‌ه ل رێڤه‌به‌ریا گشتى یا هاتن و چوونا دهوكێ بریار هاته‌دان كو سزایێ لسه‌ر ترومبێلان ببیته قست و شوفێر دكارن ژ ئه‌ڤرۆ وێڤه سه‌ره‌دانا رێڤه‌به‌ریا ناڤبرى بكه‌ن بو پێشكێشكرنا مامه‌له‌یێن خوه.
ئازاد ته‌ها به‌رپرسێ راگه‌هاندنا رێڤه‌به‌ریا گشتى یا هاتن چۆنا دهۆكێ بو ئه‌ڤرۆ نیوز گۆت : ( د كومبوونا ئه‌ڤرۆ یا رێڤه‌به‌ریا گشتى یا هاتن و چوونا دهۆكێ دا دانوستاندنه‌كا زۆر لسه‌ر چه‌وانیا وه‌رگرتن و دانانا میكانیزمه‌كێ بو وه‌رگرتنا سزایێ لسه‌ر ترومبێلان هاته‌كرن و د ئه‌نجام دا بریار هاته‌دان كو ژ ئه‌ڤرۆ وێڤه شوفێر دكارن سزایێن لسه‌ر ترومبێلێن خوه ب شێوه‌یێ قست بده‌ن و نها ده‌رگه‌هى َوه‌رگرتنا مامه‌له‌یان به‌رامبه‌ر شوفێران هاته‌ڤه‌كرن و ئه‌و دكارن ئه‌ڤرۆ وێڤه مامه‌له‌یێن خوه ل رێڤه‌به‌ریا هاتن و چوونا دهوكێ پێشكێش بكه‌ن )
زێده‌تر گۆت : ( دانا سزایى ب شێوه‌یێ قست ژلایێ شوفێران تنێ بو ده‌ما ساله‌كێ یه و ئه‌و شوفێرێ دڤێت ب قست بده‌ت پێدڤى یه سووزنامه‌یه‌كێ ب ده‌ستنڤیس ل گه‌ل ناسناما بارێ كه‌سایه‌تى و ره‌گه‌زناما عیراقى و كارتا نیشتمانى و سالانه‌یا ترومبێلێ و وێنه‌یێن ره‌نگاوره‌نگ ل گه‌ل خوه بینیت و پێشكه‌شى رێڤه‌به‌ریا مه بكه‌ت داكو مامه‌له‌یێن وى ب هێنه ب رێڤه‌برن )
رێڤه‌به‌ری گشتى یا هاتن و چونا دهوكێ دكه‌ڤیته كومه‌لگه‌ها دومیز ل رۆژئاڤا دهكێ ، و ل گوره‌ى ئاخفتنێن به‌رپرسێ راگه‌هاندنا هاتن و چوونا دهوكێ پشتى بورینا ساله‌كێ دى َماه‌یێ دانا قستان دوماهى هێت و جاره‌ك دن بو سزایێ سه‌ر ترومبێلان بو حاله‌تێ به‌رێ زڤریت ڤه.
په‌یمانگه‌ها هونه‌رێن جوان ڤیستیڤالا خۆ یا 24 ب كونسێرتا موزیكێ ده‌ست پێكر
ئه‌ڤرۆ نيوز:
ل ژێر دوریشمێ ((هونه‌ره‌كێ ئازاد ژبو وه‌لاته‌كێ سه‌ربه‌خو)) ل رۆژا 6-5-20177ل هولا كونگرا ب ئاماده‌بونا فه‌رهاد ئه‌مین ئه‌تروشی پارێزگه‌رێ دهوكێ وچه‌ند به‌رپرسێن حزبی وئیداری په‌یمانگه‌ها هونه‌رێن جوان ڤیستیڤالا خو یا 24ێ ب كونسێرتا موزیكێ ده‌ست پێكر.
ل ده‌ستپێكێ بشار محمد تاهر رێڤه‌به‌رێ په‌یمانگه‌ها هونه‌رێن جوان ل دهوكێ په‌یڤه‌ك خاند وگوت : ئیرو جهێ شانازیێ یه ئه‌م شیاینه ڤیستیڤالا خو یا 24ێ بگێرین وسوپاسیا وان هه‌موو لایه‌نان كر یێن به‌رده‌وام پشته‌ڤانیا په‌یمانگه‌ها هونه‌رێن جوان كری هه‌تا ئیرو شیاینه ڤیستیڤالا خو یا 24ێ سازبكه‌ت .
هه‌روه‌سا گوت: ل دویڤ بانگه‌وازا سه‌روك مسعود بارزانی بو خو ئاماده‌كرنێ بو ریفراندومێ وپاشی بو سه‌رخوه‌بونێ مه ئه‌ڤ ساله دوریشمێ هونه‌ره‌كێ ئازاد بو وه‌لاته‌كێ سه‌ربه‌خو هه‌لبژارت كو هه‌ر ئێك ژمه ژلایێ خوڤه یێ هاریكاربیت بو سه‌ربه‌خوییێ .
پاش ده‌ست ب برگێن كونسێرتێ هاته كرن وئه‌ڤ سرودو وسترانه هاتنه گوتن(سرودێن هونه‌رمه‌ند- راوستن- ئێك رێزی – سترانێن شه‌ده شل- كه‌ره‌مكه- ته‌شی ومیر- دلبه‌ر – ئێڤار – ئورمیه ودندك هنار- كوكتێلا خه‌زال- فلكلورێ شنگالێ وسترانا زالمێ ته‌مه).
هه‌ژی گوتنێ یه ڤیستیڤال هه‌تا 9-5-2017 دێ یا به‌رده‌وامبیت وسوبه‌هی روژا 7-5–2017 پێشانگه‌ها شێوه‌كاری دێ هێته ڤه‌كرن ول روژێن دوڤدا چه‌ند شانوگه‌ری دێ هێنه نمایشكرن.
بۆچی غازات پەیدادبن؟
ئه‌ڤرۆ نيوز:
ئەو ئێشانێن ژ ئەنجامێ گەلەک ھاتن و چوونا گەدەی لێ ددەن پەیدادبن یان ژ ئەنجامێ کومڤەبوونا ھەوای و ھندەک غازاتێن دی نیشانا ھندێ یە کو زک نە یێ دروستە و یان ھەوای وەردگریت.
زاروکێن شیرخۆر چ ئەوێن شیرێ دایکێ یان شیرێ قودیکا دخون ئەوژی ھەوای دگەل دادعویرن و تووشی ئالوزیان دبن و اشترە پشتی ھەر شیردانەکێ زاروی بدانیە ل سەر دەستێ خۆ و تەپا ل پشتا وی بدەی، غازات پەیدادبن و ھندەک جاران میکروب ژی ژ ئەنجامێ ترشبوونا خوارنێ پەیدادبن و ئەو میکروب دناڤ رووڤیکان دا وەرارێ دکەن.
ئەگەرێن پەیدابوونا غازاتان و وەرمینا زکی:
• داعویرانا ھەوای دگەل بلەز خوارنێ.
• گەلەک زێدە خوارن.
• خوارنا زادێ نەھەڤسەنگ.
• خوارنێن کو گەلەک ترشاتی تێدا ھەبیت.
• گەلەک ڤەخوارنا ئاڤێ دگەل خوارنێ.
• ڤەخوارنا ڤەخوارنێن غازی وەک ( پیپسی و کولا و …ھتد).
• خوارنا پشتی وەستیان و بێ ئارامیێ.
• گەلەک ڤەخوارنا بیرێ.
• گەلەک خوارنێ سپییاتیان وەک ماست و پەنیری.
• خوارنێن کو باش نەھێنە ھەرسکرن وەک ( پیڤاز و گەلەمی و ..ھتد).
• گەلەک خوارنا خوارنێن رووشال تێدا وەک دانک و زەرزەواتان.
مرۆڤ دشێت خو پیچەک ژ نەخوشیێ، وەرمینا زکی ب پارێزیت ب کارئینانا ھندەک جورێن چارەسەریێ وەک ڤەخوارنا کاچکەکێ بچووک یێ بیکاربوناتێن سودیوم.
دھەموو ئێشانێن مەعیدێ و زکی دا، نەدوورە مرۆڤی کولبوونا وێ یان ھەودانەک یان رووڤیکا کۆرە یان ھەر تشتەکێ ژڤی رەنگی ھەبیت، ئەگەر ھات و ئێشان گەلەک د دژوار بن و گەلەک دوبارە ببین، پێدڤیە قەستا نوشدارەکێ تایبەتمەند بکەن ژبو دەستنیشانکرن و چارەسەریێ.
دەنگۆیێ وەغەرکرنا خوە رەت دکەت
ئەڤرۆ نيوز:
بەری دو رۆژان ل ھژمارەکا سایت و پەیجێن جۆرا و جۆر نووچەیێ وەغەکرنا سترانبێژ محسن بەندی ھاتبوو بەلاڤکرن، لێ وی ب خوە ئەڤ چەندە بۆ ئەڤرۆ رەتکر، و گۆت:
چو راستی بۆ نین، بتنی دو دەمژمێران من تەلەفۆنا خوە گرت بوو، ھەروەسا ل وێ رۆژێ سەیرانا گۆندێ مە بوو، لەورا وی کەسێ نووچە بەلاڤکری ب دەلیڤە دیتیە و ئەڤ دەنگ و باسە بەلاڤکریە، من ژی دڤێت وی کەسی ببینم یێ ئەڤ چەندە کری، چونکو بنەمالا مە ھەموو عاجز بوون و خووشکا من دلگرتی ببوو، ژبەر ڤی دەنگ و باسی ژبەرڤێ چەندی جھێن پەیوەندی دار ل سەر ڤی چەندێ د ئاگەھدارن و دێ دووڤچوونا وان کەسان کەت یێن ئەڤ تشتە بەلاڤکرین، و سوپاس بۆ خودێ ساخلەمیا من گەلەکا باشە.
خەلاتێ باشترین ئەکتەرا کچ وەرگرت
ئه‌ڤرۆ نيوز:
دیمەن زەندی، ئەکتەرا سەرەکیا فلمێ سینەمایی (رەشەبا) یێ کو ھاتیە نیشاندان ل فلمە فیستەڤالا دھۆکێ د پەیجێ خوە یێ تایبەت یێ فەیسبووکی دا بەلاڤکریە کو وێ خەلاتێ باشترن ئەکتەرا کچ دفیستەڤالەکا سینەمایی دا ل ولایەتا لوس ئەنجلۆس ل وەلاتێ ئەمریکا وەگرتیە، و سوپاسیا ھەمو گرۆپێ فلمی رەشەبا کریە، ب تایبەت دەرھێنەر حسێن حەسەن و خوەشحالیا خوە دیارکریە ودبێژیت: ئەز ڤی خەلاتی دکەمە دیاری بۆ ھەموو کچێن ئێزدی.
نيشاندان
WP Facebook Auto Publish Powered By : XYZScripts.com