ئەڤرۆ،بیستێر حکمەت
ل ژێر دروشمێ بەرەف کوردستانەکا سەربەخۆ ئەڤرۆ سەرۆکاتیا زانکۆیا پۆلیتەکنیک ل گەل پەیمانگەھا تەکنیکی یا ئامێدیێ ب ھەڤکاری ل گەل دەڤەرداریا قەزا ئامێدیێ رابوون ب ئەنجامدانا غاردانەکا درێژ (ماراسون) بۆ زێدەتر ٢٥٠ یاریزانان کو پێکھاتی بون ژ ماموستا و قوتابی و فەرمانبەرا کو پشکداران ب درێژاھیا پێنج کیلومەتران غاردا دڤێ ماراسونێ دا کو ل دەستپێکا ھاڤینگەھا سیلاڤێ ھەتا ئاڤاھیێ پەیمانگەھا تەکنیکی یا ئامێدیێ.
پشتی ھەڤرکیەکا درێژ دناڤبەرا پشکداران یاریزان سەیدو شەمو ژ ئاکرێ ل رێزا ئێکێ ھات و ئاراس بەشار ژ بەردەرەش ل رێزا دویێ ھات پشیو بیروس ژ دھۆکێ ل رێزا سیێ ھات و ل دووماھیێ خەلات ل سەر دەە یاریزانانێن ئێکێ ھەتا دەھێ ھاتنە بەلاڤەکرن.

زاخۆ,ھشیار دوبانکی:
یاریزانەکێ باژێرێ زاخۆ ب یاریا شەرێ ئازاد د دیدارەکێ دا بۆ رۆژناما ئەڤرۆ ئاشکرا کر ئەوی نوکە سەرەدانا وەلاتێ تایلەند کریە ب مەرەما پشکداری کرنێ د خولەکا راھێنانی دا ل وی وەلاتی بۆ ماوێ پازدە رۆژان.
زێدەتر مەریوان ئیبراھیم حەمید یاریزانێ یاریا شەرێ ئازاد ل زاخۆ دیارکر ئەو کەسێ ئێکێ یە ل سەر ئاستێ پارێزگەھا دھۆک و ھەولێر پشکداریێ د ڤان جورە خولا دا دکەت و راھێنانێ وانا دبێژیتی دڤێ خولێ دا قارەمانێ وەلاتێ تایلەندە و ھەردیسان چەندین ناسناڤ ل سەر ئاستێ وەلاتێن ئورۆپی و ئاسیا ب دەستخوڤە ئینای نە.
ناڤبری زێدەتر گوت: بەری دەمەکێ درێژ من خوە ماندی کر بتنێ بۆ وێ چەندێ بشێن پشکداریێ د خولەکا ناڤدار دا بکەم ل سەر ئاستێ ئورۆپا و ئاسیا سوپاس ب خودێ شیام پشکداریێ دڤێ خولێ دا بکەم و دێ یێ بەردەوام بم ل سەر کاروانێ خوە بۆ ڤێ یاریێ و ئارمانجا من ئەوە ل ماوێ بھێت پشکداریێ د خولەکا ب ھێزتر دا بکەم .
مەریوان ئاماژە ب وێ چەندێ ژی کر ئەڤ یاریە یتا ھەی ل سەر ئاستێ ھەرێمێ لێ شارەزایێن ڤێ یاریێ نین بتنێ چەند کەسان باوەرنامە ب ڤێ یاریێ وەرگرتی یە ب مەرەما وێ چەندێ بشێن خولێن وەرزشی ل کوردستانێ ڤەکەن و ھیڤیا من ئەوە ئەو کەسێن باوەرنامە ھەی پتر خوە ماندی بکەن ب ڤێ یاریێ پشکداری د خولێن ب ھێزتر دا بکەن و داخوازی ژ بەرپرسێن وەرزشی ل کوردستانێ کەم خولێن ب ھێز ل کوردستانێ ڤەکەن بۆ پێشئێخستنا ڤێ یاریێ .

ئەڤرۆ نیوز:
یانا بایرن میونخ یا ئەلمانی جەماوەرێ خوە دلنیا کر ل دور ئەو ھنگافتنا یاریزانێ وێ یێ نەمساوی داڤێد ئەلبا توشبویێ و نەچاربوین پشتی بورینا ١٧ دەقیقا ژ دەمێ یاریا وان ل گەل یانا ماینز د چارچوڤێ خولا ئەلمانیا ل شەمبیا بوری ئەوا ب وەکھەڤی ب دووماھی ھاتی.
زێدەتر یانا ئەلمانی د بەیان نامەکێ دا ل مالپەرێ خوە یێ فەرمی راگەھاندیە کو یاریا وان ل ھەمبەر ماینز ببەروەخت ب ھنگافتنا نە چاڤەرێکری یا ئەلبای ب دووماھی ھات و زێدەتر ئاشکەراکریە پشتی تیمێ نوشداری پشکێنینا ڤی یاریزانی کری دیاربویە کو ھنگافتن ل چوکێ وی یە و نە یا مەترسیە و راھێنەر کارلو ئەنشلوتی یێ چاڤەرێ دووماھی بریارا تیمێ نوشداریە بو بریاردانا کرنا یاریێ یان نە ل روژا چارشەمبی ل ھەمبەر یانا بروسیا دورتموند د چارچوڤێ قارەمانیا کاسا ئەلمانیا.

ب، ئەڤرۆ:
یانا بەرشەلونە یا ئسپانی ئیمزاکرنا ھەڤبەستا ستێرا یانا توتنھام یا ئێنگلیزی کریستیان ئاریکس کریە ئارمانجا خوە بو دەمێ ڤەگوھاستنێن ھاڤینا ئەف سالە یێن یاریزانا ل دووڤ راپورتەکا روژناما سەن یا بریتانی و زێدەتر ئەو چەندە ژی خویاکریە کو یانا بەرشەلونە وەسا دبینت ئاریکس باشترین بژاردەیە بو ھاریکاریا یاریزانێن وان یێن ھێلا ھێرشبەریێ میسی و سوارێز و نیماری.
ھەروەسا ڤێ روژنامێ ئەو چەندە ژی ئاشکەراکریە کو دشیاندایە یانا بەرشەلونە یاریزانێ خوە یێ دانیمارکی یێ بەرێ مایکل لاوردوب ب کاربینت بو رازیکرنا وەلاتیێ خوە ئاریکسی ژبو ڤەگوھاستنێ بو بەرشەلونە و خولا ئسپانیا.
دھێتە زانین ڤی یاریزانی ھەڤبەستا توتنھام ل دووماھیا سالا بوری ھەڤبەست ئیمزاکریە و ل پەی ڤێ ھەڤبەستێ بریارە ھەتا ٢٠٢٢ بمینت، لێ یانەکا مەزنا وەکو بەرشەلونە دشێت وی رازیبکەت بھێتە ڤەگوھاستن.
ئاریکس ھەتا نوکە یازدە گول بو توتنھام تومارکرینە و ١٨ پاسێن ئێکلاکەر ھەبوینە و زێدەتر رولەکێ کاریگەر ل گەل یانا خوە ھەبویە ژبو تومارکرنا ئەنجامێن باش و ئەف چەندە بویە ھاندەر یانا بەرشەلونە وی ب ھەلبژێریت ژبو ب ھێز ئێخستنا ھێلا ھێرشبەریێ.

ئەڤرۆ ، قەیس وەیس :
ئێکەتیا لەش جوانیا نێڤدەولی بریارا دا رێکخستنا قارەمانیا کیڤن لیبرون کلاسیک ل عیراقێ بھێتە ئەنجام دان و تێدا دیارکریە قارەمانی یا ڤەکریە و ھەمی وەلاتێن روژئاڤا ناڤین دشێن پشکداریێ بکەن ل دووڤ پەیامەکێ ئێکەتیا نێڤدەولی د سایتێ خو یێ فەرمی دا بەلاڤکری.
سکرتێرێ ئێکەتیا لەش جوانیا پارێزگەھا دھۆکێ داخویانیەکا تایبەت دا بو روژناما ئەڤرۆ گوت: پشتی قارەمانێ جیھانێ کیڤن لیبرون ھاتیە کوردستانێ و دگەل دا نوونەرێن ئێکەتیا لەش جوانیا نێڤددەولەتی و رەوشا کوردستانێ ب گشتی و یاریا لەش جوانیێ ب تایبەتی دیتی رازی بون قارەمانیەکا ب ناڤێ کیڤن لیبرون یا کلاسیک ھەر ژ ١٤ حەتا ١٦ مەھا حەفت بھێتە ئەنجام دان ل عیراقێ کو ھەردو باژێرێن دھۆک و ھەولێر بتنێ بەربژێرن بو دانانا ڤێ قارەمانیێ .
ئازاد سالح بەردەوامی دا ئاخفتنا خوە و گوت: ھەر سێ ئێکەتیێن کوردستانێ و یێن دھۆک و ھەولیٍَرێ کومبون دگەل ڤێ لیژنێ کرن ل دور ڤێ قارەمانیێ کو دێ یا ڤەکری بیت و د وێ باوەریێ دانە دێ چەندین وەلاتێن دەور و بەر پشکداریێ کەن کو دێ ل دویف یاسایێن دەولەتی قارەمانی ھێتە برێڤەبرن و ھەر دیسان مە داخازکر کوردستان ببیتە ئەندامەک ل ئێکەتیا دەولەتی دا و دبیت د دەمێ قارەمانیێ دا بەرسڤا داخازا مە بھێتە دان .
ل دووماھیێ ئازادی دیار کر کو ئەڤ قارەمانیە دەلیڤەیە بو یاریزانێن کوردستانێ تایبەت یێن پارێزگەھا دھۆکێ خو پێ دیاربکەن و ببنە قارەمانێن دەولەتی ھەر وەسان دەلیڤەکا مەزنە دادڤانێن مە خوە کو تێدا پشکداریێ بکەن و بسەر نوتیرن رێنمایێن دادڤانیا جیھانی کار بکەن .

ئەڤرۆ نیوز:
راھێنەرێ یانا بروسیا دورتموند یا ئەلمانی ئاشکەراکر کو دبیت ژ شیانێن یاریزانێ خوە یێ بەرھەڤکەرێ گولان نوری شاھین بێ باربیت بو ماوەکێ درێژ ب ئەگەرا ھنگافتنێ.
شاھین یێ ٢٨ سالی توشی ھنگافتنێ بو ل دەمێ پشکداریا وی د یاریا یانا بروسیا دا ل ھەمبەر بروسیا مونشێن کلادباغ د چارچوڤێ خولا ئەلمانیا ل روژا شەمبیا بوری ئەوا تێدا یانا وی ب سەرکەفتنی ب سێ گولان بەرامبەر دو گولان.
زێدەتر توماس توخێل دیارکر کو ھنگافتنا یاریزانێ وی دێ بیتە ئەگەرێ دوورکەفتنا وی بو ماوەکێ درێژ.
یاریزانێ تورکی نوری شاھین ل ڤان سالێن بوری گەلەک توشی ھنگافتنێ دبیت و ھەر جار بو ماوێ چەند حەفتیان دووردکەڤیت و ڤەدگەریت.
ژلایەکێ دووڤە دبیت بەرەڤانێ یونانی ژی سوکراتیس باباستاسو بولس ژی ژ پێکھاتیێ دورتموند یێ کێم بیت بو یاریا ھەمبەر بایرن میونخ د یاریێن قوناغا پێش دووماھیا کاسا ئەلمانیا دا و توخێلی دیارکریە کو ب زەحمەتە ئەف یاریزانە ژی بشێت چارەسەربیت بەری یاریێ ل روژا چارشەمبی.

ئەڤرۆ نیوز،ھەژار مەعروف:

سەروکێ ئێکەتیا تەپا پێ ل سەر مالپەرێ کومەلایەتی یێ ئێکەتیا تەپا پێ یا کوردستانێ بەلاڤەکر پشتی یاریێن خولا کوردستانێ ب دووماھی ھاتین کو یانا پێشمەرگا ھەولێر شیا بیتە قارەمانا وەرزێ ٢٠١٦-٢٠١٧ یێ خولا کوردستانێ یێ تەپا پێ و سەروکێ ئێکەتیا تەپا پێ د پەیاما خوە دا سوپاسیا ھەمی جھێن پەیوەندیدار و دەستەیا راھێنەر و دادڤانێن خولێ یاریزان رۆژنامەڤان وەرزشی کر ئەوێن ئەڤ سالە ھاریکار ل گەل خولا پێشمەرگەیێ کوردستانێ و دیارکر ژی رولێ ئەوان ھەمیا ژبیر ناکەین و ب ھەبوونا ئەوان ئەڤ خولە ب سەرکەفتیانە ب دووماھی ھات. سەروکێ ئێکەتیا تەپا پێ سەفین کانەبی ھەردیسان سەبارەت وێنەگرێن وەرزشی ل کوردستانێ ئاشکراکریە ئەو باش زانیت بۆ یاریا گەرا دووماھیێ ژ خولا کوردستانێ یا دناڤبەرا پێشمەرگا ھەولێر و کەرکوک ھەمی وێنەگرێن فوتوگراڤی دلگران ژبەر ئەو بریارا ئێکەتیا تەپا پێ دای بتنێ دو وێنەگر دێ ل ناڤا یاریگەھێ ئامادەبن و دیارکر ژی ئەڤ بریارە نە بریارا وی بتنێ بوو بەلکو د کومبوونا دووماھیێ یا بەری یاریێ دا بریار ل سەر ھاتبوو دانێ و داخوازا لێبورینی ژ ھەمی وێنەگرێن فوتوگراڤی دخوازت بوو وێ بریارا ھاتیە دانێ لێ دخوازیت ئەڤ بریارە نەبیتە ئەگەرێن تێکدانا پەیوەندیا دناڤبەرا فوتوگراڤێن کوردستانێ و ئێکەتیا تەپا پێ و ئەو بریار ژی ھاتبوو دانێ ژبەرکو یاریگەھا پێشمەرگا ھەولێر یا بچووک بوو ھەکە ھەمی باش دزانن یاریا دووماھیا یا وەرزێ بوری یا خولا کوردستانێ ھژمارەکا مەزن یا فوتوگراڤا ئامادەی یاریگەھا ھەولێربوون.