ئه‌ڤرۆ نيوز:
پشتى شاندێ ئێكه‌تيێ و پارتى ئه‌ڤرۆ كوم بووين، پشتى كۆمبوونێ راگه‌هاندنه‌ك به‌لاڤكرن و تێدا رژدى ل سه‌ر كاراكرنا په‌رله‌مانى كرن كو د خزمه‌تا ريفراندومێ دا بيت.
پارتى و ئێكه‌تى رژديێ ل كاراكرنا په‌رله‌مانى دكه‌ن
نووترين نووچه
- هیڤیدارین ئەنجامێن هەلبژارتنان د خزمەتا ڤەژاندنا هەرێمێ دا بن
- پێدڤییە وەلاتی ژ ململانێیا هەرێمی دووربێخین
- كۆمبوونا مەسرور بارزانی و سۆدانی دێ ئەنجامێن باش هەبن
- سەرۆكێ هەرێما كوردستانێ و قونسلێ ئەلمانیا پێكئینانا حوكمەتا هەرێمێ گەنگەشەكر
- نێچیرڤان بارزانی پێشوازی ل قونسلێ مسرێ كر
- مەسرور بارزانی بۆ سۆدانی: پێدڤییە مووچە ژ ناكۆكییا سیاسی بهێتە دوورئێخستن
- گۆتن و کریارێن دەستهەلاتێ ل دۆر پرسا کوردی گەلەک ژێک دوورن
- سەرۆك بارزانی: دانیێل میتێران رۆلەكێ گەلەك مەزن د بەرگریكرنێ ژ دۆزا گەلێ كورد دا هەبوو
- نێچیرڤان بارزانی: پێکڤە دێ شێین روو ب روویێ گوهۆڕینا سەقای بین
- پێدڤییە سەرژمێری بۆ مەبەستێن سیاسی نەهێتە بكارئینان
سه‌ره‌كى Twitter
بهايێ زێر و زيڤى ل بازارێن دهۆكێ
گوهۆڕين كه‌فتنه ره‌وشا دراڤى
ئه‌ڤرۆ نيوز:
رێڤه‌به‌ريا چاڤدێريا بازرگانى راگه‌هاند كو ئه‌ڤرۆ رێكه‌فتى 23ى نيسانا 2017ێ بهايێ دراڤى ل بازارێن پارێزگه‌ها دهۆكێ ب ڤى ره‌نگێ ل خوارێ يه:
| 1 دولارێ ئه‌مريكى | 1255 |
| 1 يۆرۆيێ ئه‌ورۆپى | 1325 |
| 1 ليرێ توركى | 35340 |
بۆ وه‌رگرتنا نووترين پێزانينان ل سه‌ر ره‌وشا دراڤى ژماره “2” بۆ شورتكودێن “KOREK “2279 يان “Asiacell “4593 يان ژى ب ره‌نگه‌كێ به‌رده‌وام سه‌ره‌دانا مالپه‌رێ ئه‌ڤرۆ نيوز www.evronews.net بكه.
وه‌زاره‌تا ناڤخۆ دێ 300 ده‌رچوويێن ئاماده‌يى و زانكۆيێ دامه‌زرينيت
ئه‌ڤرۆ نيوز:
شيره‌تكاره‌كێ وه‌زيرێ ناڤخۆ ل هه‌رێما كوردستانێ ئاشكه‌را كر كو ناڤ نڤيسين بۆ دو خولێن ئه‌فسه‌ريێ كو بۆ 300 قوتابيان دێ هێنه ڤه‌كرن ژ ئه‌ڤرۆ ده‌سپێكر و دێ ب رێيا ئون لاين بيت و ئه‌و كه‌سێن مه‌رج ژێ دگرن دشێن د ڤان 10 رۆژان دا ناڤێن خوه تۆمار بكه‌ن.
ليوا به‌ختيار بابان شيره‌تكارێ وه‌زيرێ ناڤخۆ ل هه‌رێما كوردستانێ بۆ رووداو گۆت: “ژ رۆژا 23ى نيسانا 2017ێ ناڤ نڤيسين بۆ دو خۆلێن ئه‌فسه‌ريێ ل كوليژا پۆليسى يا هه‌ولێر دێ ده‌سپێكه‌ت و دێ د رێيا ئون لاين و فورمان دا بيت و 10 رۆژان ژى دێ يا به‌رده‌وام بيت”.
ده‌رباره‌ى مه‌رجێن وه‌رگرتنا ده‌رچوويێن زانكۆيێ كو دێ 100 كه‌سان بۆ خولێ وه‌رگرن، ئه‌وى شيره‌تكارێ وه‌زاره‌تا ناڤحۆ ئاشكه‌را كر كو دڤێت ژيێ وان د ناڤبه‌را 22 بۆ 25 سالان دا بيت و ده‌رچوويێن ئاماده‌يى ژى كو ب تنێ يێن وێژه‌ى و زانستى دهێنه وه‌رگرتن 200 كه‌سن و دڤێت ژيێ وان ژى د ناڤبه‌را 18 بۆ 22 سالان دا بيت و خۆل ژى دێ 22 هه‌يڤان ڤه‌كێشيت.
هه‌ر ب گۆره‌ى رێنمايان پێدڤيه بلنداهيا كه‌سێ پێشكێش دكه‌ت ژ 170سم كێمتر نه‌بيت و ده‌رچوويێ ئاماده‌يى ل سالا 2016ێ سه‌رجه‌مێ نمره‌يان ژ 60%ێ وێڤه هه‌بيت و سالێن به‌رى وێ ژى ژ 63% كێمتر نه‌بيت. بۆ كه‌سوكارێن شه‌هيدان مه‌رجێ نمرێ لابريه.
پارتى و ئێكه‌تى ب سه‌رپه‌رشتيا بارزانى يێ د كۆمبوونێ دا
نوشدارێن دھۆکێ خرڤەبوونەک ئەنجامدا
ئەڤرۆ نێوز، لەزگین جوقی:
بەرپرسێ راگەھاندنێ ل رێڤەبەریا گشتی یا ساخلەمیا دھۆکێ، دیارکر:” ئەڤرۆ 23ى نيسانا 2017ێ ژێر دروشمێ نوشدار و کارمەندێن ساخلەمیێ ھەڤکارن د گەل وەلاتیان دژی سیستەمی ساخلەمیێ یێ لاواز و نە رێک و پێک خرڤەبوونەک ئەنجامدان”.
حەمزە رەزیکی، بەرپرسێ راگەھاندنێ ل رێڤەبەریا گشتی یا ساخلەمیا دھۆکێ، دیارکر” نوشدار و کارمەندێن ساخلەمیێ پاداشتنامەک بەلاڤکرن و تێدا دیارکرینە سەرەرایی ھێرشکرنا تیرۆرستێن داعش و قەیرانا دارایێ و نەبوونا مووچەکێ کونجایێ د گەل ژیانا کەرتی ساخله‌ميێ ئەم شیاینە باشترین خزمەتا پێشکێشی خەلکێ خوە بکەین”.
نوشدار و کارمەندێن ساخلەمیێ یاداشتنانەک بەلاڤکرن و تێدا ھاتیە: ل ڤی دووماھیێ ھیرَشەکا توند ژ لایێ ھندەک دەزگەھێن راگەھاندنێ و کەسایێن دوور ژ بەرپرسیاتی ل سەر کەرتی ساخلەمیێ دھێتە کرن ئەم دبینن ئەڤە خزمەتا وەلاتیان ناکەت و خەلک دێ بیتە قوربانی ئەم ئێدانا ھەر ھێرشەکا ب ڤێ شیوەیێ دکەین.
نوشدار وکارمەندێن ساخلەمیێ د پاداشتنامەیا خوە دا دبیژن: پێدڤیە ل سەر حکومەتی گەرەنتیا ژیانا کارمەندان ب شیوەیەکێ گشتی بھێتە کرن و کەسانێن دبنە ئەگەری پەیداکرنا فەوزایێ و تەشھیرا سومعەتا کەرتێ ساخلەمیێ دکەن دووڤ یاسایی بھێنە سزادان و ئەم ھەموو بەلگەنەمان گۆم دکەین دا کو نە ھەر کەسەک ل جھێ خوە ببیتە دادوەر و بریاران ل دووڤ حەزین خوە یێن کەسایەتیێ بدەت و نابیت چو کارمەند بیێ بریارا دادوەری ڤەکۆلینی بھێنە گرتن و زیندانکرن.
نوونەرا جزیرا بوتان رەوشا خوە باش کر و ئامەد دەلیڤەیا ئێکسەر بوونێ ب زحمەت ئێخست
ئەڤرۆ،ھەژار مەعروف:
ئەڤرۆ یاریێن گەرا بەری دووماھیێ ژ خولا پلا سێ و دو یا تورکیا یا تەپا پێ ھاتنەکرن کو حەفت یانێن باکورێ کوردستانێ د ھەردو خولان دا پشکدارن یانا ئامەد دخولا پلا دو یا تورکیا دا پشکدارە دەلیڤەیا خوە بۆ ئێکسەر بۆ دەربازبوونا خولا پلا ئێک یا تورکیا ب زحمەت ئێخست پشتی دوھی وەکھەڤبووی ژ دەرڤەی یاریگەھا خوە ل گەل ھاچیتەپە ل باژێرێ ئەنقرە وەکھەڤبووی بێ گول و خالێن خوە گەھاندنە ٦٣ سالان رێزا دوێ پاراست و ھەڤرکا وێ یانا ئیستەنبول سپور وەکھەڤبووی ب گولەکێ و تیما ئیستەنبول خالێن وێ بوونە ٦٥ خال کو ھەردو یانە مانە ل سەر یاریا دووماھیێ پێدڤی یە ئیسەنبول سپور ل یاریا بھێت وەکھەڤبیت و ئامەد سەرکەفتنێ ل یاریگەھا خوە توماربکەت ھەتا ئێکسەر دەربازی خولا پلا ئێک بیت. ژلایەکێ دوڤە ل یاریێن خولا پلا سێ ل یاریێن کوما ئێکێ دا نوونەرا جزیرا بوتان یانا جزیرە سپور شیا سەرکەفتنەکا مەزن ل یاریگەھا خوە ل سەر یانا مەناڤگات سپور توماربکەت ب چار گولان بێ بەرامبەر و رەوشا خوە باش کر بۆ مانا خوە دخولێ دا پێدڤی ب خالەکێ یە ل یاریا بھێت ھەتا ب فەرمی پاراستنا مانا خوە بکەت و د ھەمان کوم دا ڤان سپور توشی خوسارەتیەکا مەزن بوو ل سەر ئەرزیم ب چار گولان بەرامبەر گولەکێ و چو کارتێکرن ل ڤان نەکر ژبەرکو مانا خوە مسوگەر کریە و د یاریێن کوما دوێ دا دێرسم رەوشا وی لاواز بوو پشتی توشی خوسارەتیێ بوو ل سەر دەستێ یانا یاسلی بورسا سپور ب سێ گولان و د یاریا بھێت دا پێدڤی یە دێرسم سەرکەفتنێ توماربکەت بەرامبەر ھەڤرکا وێ وەکھەڤ بیت ھەتا مانا خوە مسوگەر بکەت و د ھەمان کوما دا باتمان سپور سەرەرای خوسارەتیا خوە مانا خوە مسوگەر کریە و د کوما سیێ دا دیاربەکر ب فەرمی پلێتا دەربازبوونا پلەی ئوڤ مسوگەر کر پشتی شیای سەرکەفتنێ ل سەر بوردو سپور تومارکری و بینگول سپور شیا سەرکەفتنەکا گرنگ ل سەر یانا دەرنچە سپور توماربکەت ب گولەکێ و مانا خوە د سالا ئێکێ دا د خولا پلا سێ یا تورکیا دا مسوگەر بکەت.
یانەکا یونانی دخوازیت ھەڤبەستا یاریزانەکێ عیراقی ئیمزا بکەت
ئەڤرۆ:
یانا باوک سالونیکا یا یونانی کەفتیە د دانوستاندنان دا ل گەل یاریزانێ ھەلبژارتیێ عیراقێ و یانا ئەھلی یا سعودی سەعەد عەبدولئەمیر ژبو ئیمزاکرنا ھەڤبەستێ بو ماوێ سێ سالان.
زێدەتر ژێدەرەکێ نێزیک ڤی یاریزانی خویاکریە کو یانا یونانی داخوازا ئیمزاکرنا ھەڤبەستێ ژ عەبدولئەمیری کریە و بو ھەر سالەکێ دێ کوژمێ ملیون دولاران وەرگریت، د دەمەکی دا کو یانا سعودی ناخوازیت دەستان ژێ بەردەت، لێ ئەف یاریزانێ عیراقی دخوازیت بەر ب کرنا یاریێ ل یانا یونانی بچیتە ئەوا دێ پشکداری یاریێن دەربازبونێ بیت یێن قارەمانیا یانێن ئوروپا و ھەکە ب سەرنەکەف دێ پشکداری خولا یانێن ئوروپا یورپا لیگا بیت و زێدەتر ئەف ئەزمونە دێ یا ب بھابیت بو ڤی یاریزانی ژلایێ ھونەری ڤە.
دھێتە زانین سەعەد عەبدولئەمیر کاپتنێ ھەلبژارتیێ عیراقێ بوو د خولا ئولومپییاتێن ریو دی جانیرودا ل بەرازیلی و ل گەلەک یاریێن ھەلبژارتیێ عیراقێ ژی ل ڤاڤارتنێن دەربازبونا کاسا جیھانێ.
ل نێزیک پرا خانی ل زاخۆ دێ ھێتە ب دووماھی ئینان
ئه‌ڤرۆ نيوز:
سەرۆکێ باژێرڤانیا قەزا زاخۆ بۆ رۆژناما ئەڤرۆ دیار کر کو کار کرن د پڕۆژێ پرا خانی دا ل قەزا زاخۆ یێ بەردەوامە و دبێژیت: ل دەمەکێ نێزیک دێ ب دووماھی ھێت و کەڤیتە د خزمەتا وەلاتیان دا.
بژار مونیب، سەرۆکێ باژێرڤانیا قەزا زاخۆ ئاشکرا کر، پشتی سێ سالان کارکرن د پڕۆژێ پرا خانی دا ل قەزا زاخۆ نوکە پڕۆژە د قوناغێن دووماھیێ دایە و گۆت: “ھەردو جاددێن ل رەخێن پرێ ھاتینە قێرکرن و دوھی 22/4/2017 دەست ب بۆیاغکرنا شۆستێ پرێ ھاتە کرن”.
سەرۆکێ باژێرڤانیا قەزا زاخۆ ئاماژە ب وێ چەندێ ژی کر، د دەمەکێ نێزیک دا پڕۆژێ پرا خانی دێ ھێتە ب دووماھی ئینان و کەڤیتە د خزمەتا وەلاتیان دا.
ژڤانێ به‌لاڤكرنا ده‌رمالێ هاندنا مامۆستايان هاته ئاشكه‌را كرن
ئه‌ڤرۆ نيوز:
سەرۆکێ ئێکەتیا مامۆستایێن کوردستانێ دیار کر کو بڕیارە ڤێ حەفتیێ دەرمالێ ھاندانا مامۆستا بھێتە بەلاڤکرن و پارە ژی بۆ ڤێ مەرەمێ یێ ھاتیە مەزاختن و دبێژیت: سێ پێشنیار بۆ پێداچوونا مووچێ مامۆستایان ھاتینەکرن و بڕیارە پێشنیارەکێ ل دۆر زێدەکرنا مووچێ مامۆستایان بدەینە لایەنێن پەیوەندیدار.
عەبدولواحد محەمەد حاجی، سەرۆکێ ئێکەتیا مامۆستایێن کوردستانێ بۆ رۆژناما ئەڤرۆ ئاشکرا کر، بڕیارە ڤێ حەفتیێ دەرمالێ ھاندانا مامۆستایان بھێتە بەلاڤکرن و گۆت: “ل گۆرەی پێزانینێن ل وەزارەتا دارایی و ئابووری بۆ مە ھاتین، لیستێن ناڤێن مامۆستایان ل دارایی چووینە گەنجینێ و نوکە لیستێن ناڤێن مامۆستایان ل بانکێن ھەرێما کوردستانێ ینە و بڕیارە ڤێ حەفتیێ دەست بە بەلاڤکرنا پارێ ھاندانێ بھێتەکرن، چونکو حوکمەتێ پارێ پێدڤی بۆ بەلاڤکرنێ یێ بەرھەڤکری و ئەڤ دەرمالێ دھێتە بەلاڤکرن یێ ھەیڤا ئێکە، ژ بەرکو بەری نوکە دەرمالێ ھەیڤا دوازدە ل سەر پەروەردێن ھەرێما کوردستانێ ھاتبوو بەلاڤکرن”.
عەبدولواحیدی گۆتژی: “ئەم بەردەوام بزاڤان بۆ باشترکرنا ژیانا مامۆستایان دکەین، دیسا پارێ رێکخراوا ئەلمانی ژی ھاتیە بەلاڤکرن، بەلێ ب تنێ بۆ جارەکێ بوویە و ئێدی ناھێتە بەلاڤکرن، بەلێ بڕیارە دەستکاری د پاشەکەفتکرنا مووچێ فەرمانبەران دا بھێتەکرن و ھەتا نوکە دو ھەتا سێ پێشنیاران ھاتینەکرن، ھەر دەمێ بابەت ھاتە سەر بجە ئینانێ د ناڤبەرا زێدەکرنێ و دەرمالەی دا، ئەم ژی دێ پێشنیارا خوە دەینە حوکمەتێ، چونکو ھەکە بھێت و پێداچوون د پاشەکەفتکرنا مووچەی دا بھێتەکرن دەرمالە نامینیت”.
نيشاندان
WP Facebook Auto Publish Powered By : XYZScripts.com