ئه‌ڤرۆ نيوز:
رێبه‌رێ ته‌ڤگه‌را سه‌در داخوازێ ژ به‌شار ئه‌سه‌د سه‌رۆكێ سۆريا دكه‌ت ده‌ست ژ كار بكێشيت و دبێژيت: “رۆلێ ئه‌مريكا ل ده‌ڤه‌رێ يێ نه‌رێنى يه”.
موقته‌دا سه‌در، رێبه‌رێ ته‌ڤگه‌را سه‌در ل دۆر هێرشا ئه‌مريكا بۆ سه‌ر سوريا راگه‌هاندنه‌ك به‌لاڤكر و د راگه‌هاندنێ دا دبێژيت: “رۆلێ ئه‌مريكا ل دڤه‌رێ يێ نه‌رێنى يه و گه‌لێ سۆريا د ئێكانه ره‌زامه‌نديێ ل دۆر ڤى بابه‌تى بده‌ن”.
ئه‌ڤرۆ نيوز:
كه‌شناسيا هه‌رێمێ پێشبينيا خوه بۆ سه‌قايێ سوبه به‌لاڤ كر كو هه‌ڤده‌م سوبه رۆژه‌كا بهێنڤه‌دانه و وه‌لاتى ژبه‌ر وه‌رزێ بوهارێ و بهێنڤه‌دانێ حه‌ز دكه‌ن بچنه ده‌رڤه‌ى باژێرێ.
كه‌شناسى پێشبينيا وێ يه‌كێ دكه‌ت كو سوبه ئاسمان د ناڤبه‌را عه‌ڤر و نيڤ عه‌ڤر دا و ل گه‌ل بارينا بارانێ ل هنده‌ك ده‌م و جهان
ئه‌ڤرۆ نيوز:
کچەکا 17 سالی دلێ خوە بۆ ئەڤرۆ ڤەدکەت و دبێژیت: ئەز قوتابیا 10 ئامادەیی مە ئەڤە بۆ ماوێ 5 ھەیڤایە ئەز و گەنجەک حەز ژ ئێکدو دکەین کو ئەو 23 سالە و پولیسە، لێ بەری وی من و کەسەکێ دیتر حەز ژ ئێکدو دکر، بەس ئەو کەس نە یێ راستگو بوو ل گەل من و ل گەل کچکا د ئاخڤت ژبەر ڤێ چەندێ من ھێلا، پشتی ھینگێ ئەو گەنجێ نھا حەز ژ من دکەت زانی و گوتە من من نەزانی کو تە بەرا ھینگێ پەیوەندیەکا ئەڤینیێ گرێدا بوو، ھەکە من حەز ژ تە نە دکر، من ژی گوتێ ئەڤە تشتەک بو بوری لێ وی گوت: ھەما ئەم دێ ئێکدو ھێلین و ئەز نەشێم تە بخو بینم دا بەختێ تە رەش نەبیت پشتی ئەز ھێلایم لمن زڤریڤە، لێ ژبەرکو مە پێک نە دکر و ئاریشە دناڤبەرا مە دا پەیدا بوون و وی ئاخفتنەکا گەلەک کێم گوتە من ئەز پێ ئێشام و ئاجز بووم و من خوە ژێ دوور کر و ئەز ل گەل نا ئاخڤم نزانم ئەز چ بکەم بمینمە ل گەل یان بھێلم ھوون چ دبێژن؟
قوتابیا ھێژا:
تو کچەکا گەنجی و بچووکی و لدووڤ ھەستێن خوە دچی و ئەڤە دێ تە ئێختە ئاریشان. ل ڤێ قوناغێ بەھرا پتر ھزرا خوە بێخە سەر پاشەرۆژا خوە و باش بخوینە و نمرێن باش بدەست خوەڤە بینە و بگەھە زانکویەکا باش . ل وی دەمی دێ مێشکێ تە پتر بەرفرەە بیت و دێ بریارەک باشتر دەی. ژلایەکێ دیڤە ھەولدە زال ببە ل سەر ھەستێن خوە، چونکو ل ڤێ قوناغێ کور و کچ حەز دکەن ھەڤالا دروست کەن و خێزانێ پێک بینن، بەلێ بەھرا پتر ئەڤ کەسێن ھەڤژینیێ د ژیەکێ بچووکدا پێک دئینن دکەڤنە ئاریشا ئەڤجا چ بەردان بیت یان (خیانەتا ھەڤژینیێ) یان زەلام ژنا دوویێ بینیت، چ جارا وان کارا نەکە و سەر خوە قەبیل نەکە ئێک ئاخفتنەکا کێم بێژتە تە ھەولدە ئەڤ سەربورا ب سەرێ تە ھاتی بخوە مفای ژێ وەرگرە, ژبەرکو ھەر مروڤەک دەما دکەڤیتە خەلەتیا بخوە مفای ژێ وەردگریت, ئەڤجا تو ژی مفای ژ شاشیێن خوە وەرگرە و ڤان جورە کریارا دوبارە نەکە ,بزڤرە خواندنا خوە ,بلا ئەڤ بریارە ل ژیەکێ گونجایی بیت باشترە بریارێن پێک ئینانا ژیانا ھەڤژینیی پشتی ژیێ 18 سالیێ بن داکو مرۆڤ ھزرێن شارەزا ژێ وەرگریت.
بەرسڤدان، ڤەکولەرێ جڤاکی: عەبدولجەبار عەبدولرەحمان
ئه‌ڤرۆ نیوز:
وه‌زیرێ ده‌رڤه یێ ئه‌مریكا، رێكس تیله‌رسۆنی ئاماژه كره به‌شار ئه‌سه‌د، سه‌رۆكێ رژێما سووریێ و راگه‌هاند: نها كار دهێته كرن بۆ پێكئیناناا هه‌ڤپه‌یمانییه‌كێ ب مه‌ره‌ما ژناڤبرنا دكتاتۆرێ سووری.
هه‌روه‌سا ناڤهاتی دۆپات كر كو ئه‌و خواندنێ بۆ بزاڤێن سه‌ربازی ل سووریێ دكه‌ن.
پشتی هێرشا كیمیایی ل ئدلبێ هاتییه كرن و ب سه‌دان كه‌س بووینه قوربانی، سه‌رۆكێ ئه‌مریكا دیار كر كو وی هه‌لوه‌ستێ خوه ل دۆر ئه‌سه‌دی گوهری و رژێما سووریێ ب وێ هێرشا خوه “گه‌له‌ك گه‌له‌ك هێلێن سۆر ده‌رباز كرن”.
ئه‌ڤرۆ نیوز:
سه‌رۆككۆمارێ توركیا، ره‌جه‌ب ته‌یب ئه‌ردۆغانی راگه‌هاند: هه‌ر ده‌ما ئه‌مریكا ئۆپه‌راسیۆنه‌كا سه‌ربازی ل سووریێ ده‌ست پێ كر، وه‌لاتێ وی ئاماده‌یه پشتگیریێ لێ بكه‌ت.
ئه‌ڤه د ده‌مه‌كی دایه كه‌نالێ (CNN) یی ئه‌مریكی دیاركر كو سه‌رۆكێ ئه‌مریكا، دۆنالد ترامپ خواندنێ بۆ بزاڤه‌كا سه‌ربازی ل سووریێ دكه‌ت، ئه‌و ژی پشتی هێرشا كیمیایی یا ئدلبێ.
ئه‌ڤرۆ نيوز:
کچەکا 18 سالی دلێ خوە بۆ ئەڤرۆ ڤەدکەت و دبێژت: ئەز قوتابیا پولا 12 ئامادەیی مە، ئەڤە بۆ ماوێ 4 ھەیڤایە ئەز حەز ژ گەنجەکی دکەم کو ئەو ژی تەمەت منە و خۆدان کارە، لێ نھا گەلەک یێ ل گەل من ھاتیە گوھۆرین و گرنگیێ بمن نادەت بەری نھا وی ژی حەز ژ من دکر، لێ د ڤی دەمی ل گەل من نا ئاخڤیت و ھەجەتا دگریت و دبێژیت ئەز ناگەھم و من کارێ ھەی و ھەردەم دبێژیت تو خوە د من ناگەھینی، ئەڤجا من دڤێت وەکو بەرێ بزڤریت ھندەک جارا دێ حەفتیەک بۆریت ئەز 5 خولەکا ل گەل د ئاخڤم و ئەز گەلەک ھزرا دکەم مێشکێ من یێ ئالوزە و نزا چ بکەم ھیڤیە چارەیەکێ بۆ من بۆ زانین مە برێکا فەیسبۆکی ئێکدو نیاسیە و پتر ژ جارەکێ مە ھەڤدو دیتیە من نەڤێت ئەز وی ژ دەست بدەم؟
کچا ھێژا:
ئاریشا تە کو ئەڤ کوڕە تە پاش گوە دھاڤێژت, ئەگەر بو تە د زڤرن تو حەز دکەی خوە گەلەک پێڤە گرێ دەی و دەمێ وی دکوژی و ئەو خۆدان کارە, دڤێت تو بزانی گەنکی دەمێ وی یێ ڤالایە دا کو تو ل گەل باخڤی, ژبیر نەکە تو قوتابیا پولا شەشێ ئامادەیی و دڤێت تو بخوینی دا ئەنجامێن باش بینی، چونکی شەشێ ئامادەیی پاشەرۆژا تەیە و ژبیر نەکە ئێک نمرە پاشەرۆژا مروڤی د گۆھۆریت و ھەکە تو خوە مژوولی ئەڤینێ بکەی دێ کارتێکرنێ ل ئاستێ تە یێ خواندنێ کەت. خالا دی یا گرنگ زەلام حەز ناکەت کچ خوە گەلەک نیزیکی وی بکەت ئەڤجا پتر خوە راگرە و سمعەتا خوە پارێزە.
بەرسڤدان، ڤەکولەرێ جڤاکی: عەبدولجەبار عەبدولرەحمان
ئه‌ڤرۆ نيوز:
شێوەرمەندەکێ بەرێ یێ وەزارەتا سامانێن سرۆشتی دیار کر ئەگەر بھێت و کەرکووک بھێتە ڤەگەڕاندن بۆ سەر ھەرێما کوردستانێ دێ ب پارێ فرۆتنا پەترۆلێ بۆدجە و مووچە ھێنە مەزاختن و کوردستان دێ بیتە وەلاتەکێ دەولەمەند و گۆت: پارێزگەھا کەرکووکێ خودانا باشترین و زۆرترین پەتڕۆلا یەدەکە و د شیان دایە رۆژەکێ پتری ئێک ملیۆن بەرمیل بھێتە بەرھەمئینان.
دکتۆر عەلی حەسەن بەلو، شێوەرمەندێ بەرێ یێ وەزارەتا سامانێن سرۆشتی یا حوکمەتا ھەرێما کوردستانێ بۆ رۆژناما ئەڤرۆ گۆت: ئەگەر ھەرێما کوردستانێ ب شێوەیەکێ فەرمی بڕیارا دەولەتا سەربخۆ رابگەھینیت، ئەڤە ژلایێ نێڤدەولەتی ڤە ئابووریا ھەرێما کوردستانێ دێ ب شێوەیەکێ بەرچاڤ بەرەف پێشڤەچیت و گەشێ کەت، چونکە د دەمێ نوکە دا ب ئەگەرێ نەبوونا دەولەتێ زۆر بڕیارێن ھەنە بۆ باشترکرنا رەوشا ئابووریا ھەرێما کوردستانێ ھەرێم نەشێت ئەڤان بڕیارا دەر بکەت، چونکە ھێشتا ئەم یێ د چارچوڤێ دەولەتا عیراقێ دا و ژلایێ ئابووری ڤە گرێدای بەغداینە، ئەڤە ژی بوویە ئاستەنگ ل ھەمبەر ڤێ چەندێ کو ھەرێما کوردستانێ نەشێت ب تمامی ب سەر قەیرانا ئابووری دا زال ببیت و ئابووریا ھەرێمێ وەکی پێدڤی بەرەف پێشڤە ببەت، چونکە ئەڤ قەیرانا ب سەر ھەرێما کوردستانێ دا ھاتی ھەمان قەیران ل بەغدا ژی ھەیە، بەلێ بۆ تمامکرنا مووچێ فەرمانبەران عیراق ھەر ھەیڤ کۆژمەکێ پارەی ل بانکا ناڤەندی ل پارێ یەدەکێ خوە ڤەدکێشیت و ئەڤێ ڤالاھیا کورتئینانا بۆدجەی تژی دکەت، بەلێ ئەگەر ھەرێما کوردستانێ ببیتە ولاتەکێ سەربخۆ ئەڤە جڤاکێ نێڤدەولەتی دێ وەک دەولەت سەرەدەریێ دگەل ھەرێما کوردستانێ کەن و چەندین رێک ھەنە بۆ ھاریکاریا ھەرێما کوردستانێ، وەکی چاوا ولاتێن کۆمەک بەخش ھاریکاریا عیراقێ دکەن، ب ھەمان شێوە دێ ئەڤ ھاریکاری بۆ کوردستانێ ژی ھێنەکرن، عیراق چەندین قەڕ بدەستڤە ئیناینە و ئێک دینار بەھرا ھەرێما کوردستانێ نەدایە، لەوڕا ئەڤ قەیرانە پتر ب ھەرێما کوردستانێ ڤە دیارە و کێمتر بەغدا ڤەگرتیە.
دکتۆر عەلی بەلوی گۆت ژی: ئەگەر بھێت و ببینە دەولەت کەرکووک ژی بکەڤیتە سەر دەولەتا کوردستانێ ئەڤە وی دەمی دێ کوردستان شێت چالێن پەتڕۆلا کەرکووکێ سەخبێر کەت و ئاستێ بەرھەمئینانا پەترۆلا کەرکووکێ بگەھینتە ئێک ملیۆن بەرمیل د رۆژەکێ دا، ژبەرکو کەرکووک خوەدیێ زۆرترین رێژا پەتڕۆلا یەدەکە و چەندین سالە چالێن وێ نەھاتینە سەخبێکرن، د دەمێ ڤەگەڕیانا کەرکووکێ دا بۆ سەر ھەرێما کوردستانێ دڤێت عیراق کۆمپانیا ئەترۆلا باکور ڤەکێشیت ل کەرکووکێ مایتێکرنێ د پەتڕۆلا کەرکووکێ دا نەکەت، ھەروەسا کوردستانێ یا دەولەمەندە ژ غازا سرۆشتی و دگەل پەتڕۆلا ناڤخۆ و یا کەرکووکێ دێ دشیان دابیت مووچێ فەرمانبەران و بۆدجێ کوردستانێ بھێتە دابینکرن.
ئه‌ڤرۆ نيوز:
شیرەتکارەکێ وەزارەتا بازرگانیا ھەرێما کوردستانێ ئاشکرا کر کو بڕیارە ل شوونا ئاھێن خوارنێ یێن نەھاتینە بەلاڤکرن پارە ل سەر وەلاتیان بھێتە بەلاڤکرن و گۆت: “نوکە وەزارەتا بازرگانیا عیراقێ بەرھەڤیێن ڤێ چەندێ دکەت”.
فەتحی محەمەد عەلی، شیرەتکارێ وەزارەتا بازرگانی و پیشەسازیا حوکمەتا ھەرێما کوردستانێ بۆ رۆژناما ئەڤرۆ دیار کر کو بڕیارە ل شوونا ئاھێن خوارنێ پارە ل سەر وەلاتیێن ھەرێما کوردستانێ بھێتە بەلاڤکرن و نوکە وەزارەتا بازرگانیا عیراقێ بەرھەڤیێن ڤێ چەندێ دکەت و گۆت: “بۆ ڤێ مەرەمێ و ھەموو پارێزگەھێن عیراقێ و ھەرێما کوردستانێ ھاتینە ئاگەھدارکرن، بەلێ ھێشتا ژڤانێ بەلاڤکرنێ نەھاتیە دیارکرن، چونکی بۆ ھەر پارێزگەھەکێ کۆژمەکێ پارەی ھاتیە دیارکرن”.
ناڤھاتی ئاماژە دا وێ چەندێ کو ئەو پارە دێ ل گۆرەی ئەو ماددێن خوارنێ یێن نەھاتینە بەلاڤکرن ھێتە دیارکرن، چونکی ئاھێن خوارنێ ب شێوەکێ وەکھەڤ ل پارێزگەھێن عیراقێ ناھێنە بەلاڤکرن و گۆت: “ئەم بەردەوام دووڤچوونا کوالێتیا ئاھێن خوارنێ دکەین و گەلەک جاران وەلاتی گازندان ژ جۆرێ ئاھێن خوارنێ یێن دھێنە بەلاڤکرن دکەن، بەلێ ھەموو گرێدای بەغدایە و ب تنێ ئەو ئاھێن خوارنێ ب ترێلان دگەھنە ھەرێما کوردستانێ و ئەم ژی وەکو وەزارەت ل سەر وەلاتیان بەلاڤ دکەین ژ بەر ڤێ چەندێ ھەکە جۆرەکێ ئاھێن خوارنێ یێ باش نەبیت گۆنەھا مە نینە”.
ئه‌ڤرۆ نيوز:
كه‌ركووك چاڤه‌رێ به‌غدا دكه‌ت دا كو داخوازيێن وان بۆ ئه‌نجامدانا ريفراندۆمێ به‌رسڤ بده‌ت، ل ده‌مێ به‌رسڤ نه‌دانێ ژى، ئيدارا كه‌ركووك كارتێن دى ل به‌رامبه‌ر به‌غدا ئاماده كرينه و پێشبينى دهێته كرن د داهاتى دا ب كاربينيت، كو گرنگترين ژى نه‌دانه‌ده‌ستا داهاتێ كه‌ركووكێ و برينا هێزا كاره‌بێ يه ل سه‌ر به‌غدا.
نيشاندان