ئه‌ڤرۆ نيوز:
ژماره “چنه” ژ رۆژناما “صباح كوردستان” ژ لايێ ده‌زگه‌هێ ميديا عيراقى ده‌ركه‌فت.
سه‌نڤيسه‌رێ ڤێ رۆژنامێ رۆژنامه‌ڤانێ پارێزگه‌ها دهۆكێ هه‌ڤال زاخۆيى يه و ل به‌غدا وه‌شانا خوه دكه‌ت و دێ ب ره‌نگه‌كێ حه‌فتيانه ل رۆژێن پێنجشه‌مبى ده‌ركه‌ڤيت.
هه‌ڤال زاخۆى ل سه‌ر په‌يجێ خوه يێ تۆڕا جڤاكيا فه‌يسبۆكێ ئاشكه‌را كريه كو ئه‌ڤ رۆژنامه ب زمانێ كوردى ده‌ردكه‌ڤيت و ل پشكێن تايبه‌ت ب وه‌رگێرانێ كارمه‌ندێن شاره‌زا د ڤى وارى دا هه‌نه.
ئه‌ڤرۆ نيوز:
مه‌سعود بارزانى سه‌رۆكێ هه‌رێما كوردستانێ پرسا ريفراندۆمێ ل گه‌ل ئه‌نتۆنيۆ گوتێريس، سكرتێرێ گشتى يێ نه‌ته‌وێن ئێكگرتى به‌حس كر.
ب گۆره‌ى پێزانينێن ل به‌ر ده‌ست ئه‌ڤرۆ نيوزد كۆمبوونا ناڤبه‌را سه‌رۆك بارزانى و ئه‌نتۆنيۆ گۆتێريس پرسا ئه‌نجامدانا ريفراندۆمێ به‌حس كريه.
ئێڤاريا ئه‌ڤرۆ ئه‌نتۆنيۆ گۆتێريس، سكرتێرێ گشتى يێ نه‌ته‌وێن ئێكگرتى ب سه‌ره‌دانه‌كێ گه‌هشتبوو هه‌ولێر پشتى ل دانێ سپێدێ سه‌ره‌دانا به‌غدا كرى.
ئه‌ڤرۆ نيوز:
شاره‌زايا ئه‌مريكى د وارێ رۆژنامه‌ڤانيا ژماره‌يى دا ئيمى وێب دياركر كو ئه‌و پێشكه‌فتنا ل ڤێ دووماهيێ دهێته پێش د وارێ رۆبۆتان دا رۆله‌كێ مه‌زن دژيانا مرۆڤان دا دگێرن و گه‌فن بۆ سه‌ر كارێ مرۆڤان د هنده‌ك واران دا و هه‌روه‌كو ئه‌ڤێن ل خوارێ دياركرى:
1- كاشێر (پاره‌وه‌رگر):
ژ ده‌ستدانا كارێ ئه‌و كه‌سێن پاره و قه‌ر و كريا وه‌ردگرن و كاشێران يێ نێزيك بوويى، هه‌ر وه‌كو د ڤێ ڤه‌كۆلينێ دا ديار ته‌كنولۆژيا دێ زوو جهێ وان وه‌رگريت بۆ ئه‌نجامدانا ڤان كاران.
2- بازاركه‌ر:
شاره‌زايا ئه‌مريكى پێشبينى دكه‌ت كو ئاميرێن كارێ ريكلامكرن و بازاركرنێ و نامان ب ره‌نگه‌كێ گه‌له‌ك باش يێ پێش دكه‌ڤن. ئاشكه‌را ژى كر كو بزاڤێن نوو يێن هه‌ين و ئاماژێ بۆ چه‌ندێ دكه‌ن كو سرۆشتى كاركه‌ران دهێته خواندن بۆ ريكلامێ و ئه‌ڤه ژى پتر يا كارايه و گۆت: “ئه‌ڤه گه‌له‌ك دێ باشتر بيت ژ يا نوكه دبينين”.
3- خزمه‌تا كاركه‌ران:
گه‌له‌ك ژ كۆمپانيێن مه‌زن خزمه‌تێن خوه يێ كاركه‌ران ڤه‌گۆهاستنه وه‌لاتێن وه‌كو هندێ و يێن ئاستێ دانا كريێ تێدا يێ كێم. به‌لێ ئالاڤێن نوو يێن شرۆڤه‌كرنا بيروبۆچوون و به‌رسڤدانا وان يێن به‌رسڤا گه‌له‌ك پرسان دده‌ن دێ بيته ئه‌گه‌ره‌ك كو ژمارا كارگه‌ران بهێته كێمكرن و ئه‌و جهێ وان بگرن.
4- كاركه‌رێن گارگه‌هان:
دڤێت گه‌له‌ك كاركه‌رێن گارگه‌هان خوه ئاماده بكه‌ن ژ بوو ژ ده‌ستدانا كارێن خوه ژ ئه‌گه‌رێ رۆبۆتان، ئه‌وێن دێ كارێ وان و مه‌زاختيێ وان و ده‌مێ بهێنڤه‌دانا وان كێمتر بيت هه‌ر وه‌كو ئه‌نترنێت دبێژيت. دبيت كارێن خوه ژى باشتر و ب له‌زتر ئه‌نجام بده‌ن.
5- فرۆشيار:
شاره‌زايا ئه‌مريكى ديار دكه‌ت كو بلوكشێن كو به‌رنامه‌كێ كۆمپيۆته‌رى يه بۆ رێكخستنا سيسته‌مێ بيكتۆن يێ دارايى، دشێت كێشێن مامه‌لان ب ره‌نگه‌كێ ئۆتۆماتيكى و هوور و باوه‌رپێكرى چاره بكه‌ت و يێ به‌رهه‌ڤه جهێ خوه ل كه‌رتێن به‌نكى و گره‌نتى و بيمه‌كرنا ئاڤاهيان. دبيت ريكلاما بلوكشن پێنگاڤا ئێكێ يا ڤێ رێ يه.
6- رۆژنامه‌ڤان:
پشتى ئه‌نترنێتێ ده‌ست دانايه سه‌ر گه‌له‌ك رۆژنامان، كارێ كاركه‌ران ژى د حه‌زا كارێ ئاسته‌نگان دا(رۆژنامه‌ڤانيێ) دا، هنده‌ك خوارزمى يێن دهێنه چێكرن دشێن ستوريان(بابه‌تێن رۆژنامه‌ڤانى) دروست بكه‌ت و بدانيته سه‌ر مالپه‌رێن ئه‌لكترۆنى بێى ده‌ستكاريا مرۆڤان. رۆژنامه‌ڤانێن رۆبۆت گه‌له‌ك بابه‌ت و ده‌نگوباس يێن بۆ ئاژانسێن ده‌نگوباسان يێن به‌رهه‌ڤكرين و گه‌له‌ك مفا يێن گه‌هاندينه كۆمپانيان.
7- پارێزه‌ر:
وێب وه‌سان هزر دكه‌ت كو ب گۆره‌ى هنده‌ك ئه‌پليكه‌يشنێن پاشه‌رۆژێ دبيت گه‌له‌ك ژ كارێن پارێزه‌ران ل پاشه‌رۆژێ نه‌مينيت، نڤيسينا وه‌سيه‌تێ و به‌ردان وه‌كو نمۆنه، ئه‌ڤه ژى چو پێنه‌ڤێت دێ ئه‌ڤ به‌رنامه باشتر و ب بهايه‌كێ كێمتر وى كارى كه‌ن.
8- كاركه‌رێن به‌ر تله‌فۆنان:
تله‌فونێن ئه‌ردى يێن دهێنه كێمكرن و ل جهێ وان ئاميرێن مۆبايلێ يێ جهى دگرن، ئه‌ڤه ژى دێ بيته ئه‌گه‌ر گه‌له‌ك كه‌سێن ل وان كۆمپانيان كار دكه‌ن بميننه بێ كار و پاشان ژى بهێنه لادان، وێب دبێژيت: “سيسته‌مێ نوو دێ گه‌له‌ك كاران لاده‌ت كو دراستى دا ئێدى پێدڤى ب هه‌بوونێ نابيت”.
ئه‌ڤرۆ نيوز:
ب ره‌نگه‌كێ فه‌رمى فيدراسيۆنا ته‌پا پێ يا جيهانى “فيفا” بڕيار دا ژمارا هه‌لبژارتيێن پشكداربوويێن مۆنديالا 2026ێ زێده بكه‌ت.
فيدراسيۆنێ ل سه‌ر مالپه‌رێ خوه يێ فه‌رمى نووچه به‌لاڤكريه و راگه‌هانديه كو ژمارا هه‌لبژارتيێن مۆنديالا 2026ێ كو هه‌تا نوكه وه‌لاتێ مێڤاندار يێ ديار نينه بۆ 48 هه‌لبژارتيان دێ هێته زێده‌كرن.
د مۆنديالێ دا 16 هه‌لبژارتى ژ كيشوه‌رێ ئورۆپا و 9 ژ ئه‌فريقيا و 8 ژ ئاسيا و 6 ژ ئه‌مريكا لاتينى و 6 ژ كۆنكاكاف و هه‌لبژارتيه‌كێ ئوقيانۆسى دێ پشكداريێ د قاره‌مانيێ دا كه‌ن، ژ وان ژى 46 هه‌لبژارتى دێ ب رێيا ڤاڤارتنان بن و ئێك مێڤاندارا قاره‌مانيێ و ئێك ژى ب رێيا پاشكۆى دێ گه‌هنه قاره‌مانيێ و ب ڤى ره‌نگى دێ ژمارا هه‌لبژارتيان ته‌مام كه‌ن، به‌لێ د ئه‌گه‌رێ مێڤانداريكرنا قاره‌مانيێ ژ لايێ دو وه‌لاتان دا چو هه‌لبژارتى وه‌كو پاشكۆ ناهێن.
Bureau of the Council recommends slot allocation for the 2026 FIFA World Cup: https://t.co/TtuQ7ZsyNW
— FIFA Media (@fifamedia) March 30, 2017
ئه‌ڤرۆ نيوز:
به‌رپرسێ ميحوه‌رێ باشوورێ كه‌ركووك يێ پێشمه‌رگێ كوردستانێ وه‌سا ره‌سۆل ئه‌ڤرۆ رۆژا پێنجشه‌مبى راگه‌هاند كو بلندكرنا ئالايێ كوردستانێ ل كه‌ركووك مافه‌كێ سرۆشتى يێ گه‌لێ كورده، خۆيا ژى كر كو پێدڤيه ئه‌و ئالا يێ بلند بيت ژ به‌ر كو پێشمه‌رگه‌ى به‌رامبه‌ر وێ چه‌ندێ خوين يا رێتى.
د داخۆيانيه‌كێ دا بۆ رۆژنامه‌ڤانان، ئه‌ڤرۆ رۆژا پێنجشه‌مبى 30ى ئادارا 2017ێ وه‌ستا ره‌سۆل گۆت: “ئاريشا هه‌رێما كوردستانێ ئه‌وه كو ژ لايێ به‌غدا ب تنێ ڤه ناهێته دوورپێچكرن، داخۆاز ژى ژ حوكمه‌تا ناڤه‌ندى كر كو بهێته سه‌ر خه‌ت دا كو ئاريشێن كه‌ركووك بهێنه چاره‌كرن”.
ئاماژه ب وێ چه‌ندێ ژى كر كو ژ لايێ له‌شكرى ڤه هه‌رێما كوردستانێ يا زڤريه سه‌ر هه‌رێما كوردستانێ، ب تنێ يا مايى ژ لايێ ئيدارى ڤه ژى ئه‌ڤ ئه‌چه‌نده بهێته كرن.
ئه‌ڤرۆ نيوز:
سكرتێرێ گشتى يێ نه‌ته‌وێن ئێكگرتى گه‌هشته فرۆكخانا نێڤده‌وله‌تى يا هه‌ولێر و ژ لايێ مه‌سعود بارزانى سه‌رۆكێ هه‌رێما كوردستانێ ڤه هاته پێشوازيكرن.
ئێڤاريا ئه‌ڤرۆ رۆژا پێنجشه‌مبى رێكه‌فتى 30ى ئادارا 2017ێ ئه‌نتۆنيۆ گوته‌رێس، سكرتێرێ گشتى يێ نه‌ته‌وێن ئێكگرتى گه‌هشته فرۆكخانا نێڤده‌وله‌تى يا هه‌ولێر و ژ لايێ مه‌سعود بارزانى سه‌رۆكێ هه‌رێما كوردستانێ و فه‌لاح مسته‌فا به‌رپرسێ په‌يوه‌نديێن ژ ده‌رڤه يێن هه‌رێما كوردستانێ و كه‌ريم شنگالى وه‌زيرێ ناڤخۆ يێ حوكمه‌تا هه‌رێما كوردستانێ ڤه هاته پێشوازيكرن.
پشتى سه‌ره‌دانا خوه بۆ ئوردن، ئه‌نتۆنيۆ گوته‌رێس، سكرتێرێ گشتى يێ نه‌ته‌وێن ئێكگرتى ئه‌ڤرۆ گه‌هشته به‌غدا يا پايته‌ختێ عيراقێ و ل گه‌ل به‌رپرسێن به‌غدا شه‌رێ داعش و پرسا ئاواران گه‌نگه‌شه كرن.
رۆژا ئه‌ينى 28ى ئادارا 2017ێ ئه‌نتۆنيۆ گوته‌رێس سه‌ره‌دانا ئوردن كربوو، ژبلى پشكداريا وى د كۆمبوونا كۆمكارا عه‌ره‌بى دا، سه‌ره‌دانا كه‌مپێن ئاوارێن سوريێ ل ئوردن كر.
ئه‌ڤرۆ نيوز:
ڤه‌كۆلينه‌كێ ل ڤێ دووماهيێ ئاشكه‌را كركو هۆله‌ندى بلندترين مرۆڤێن جيهانێ نه و ئه‌ندۆنۆسى كوتترينن ل سه‌ر ئاستێ عه‌ره‌بان ژى لوبنانى بلندترينن و عيراقى كوتترينن.
ب گۆره‌ى ڤه‌كۆلينه‌كا نوو كو ژ لايێ رێكخراوێن ساخله‌ميا جيهانى و يونسێڤ ڤه ده‌ركه‌فتيه، تێدا ئاشكه‌را كريه كو ل سه‌ر ئاستێ جيهانێ وه‌لاتيێن وه‌لاتێ هۆله‌ندا بلندترين مرۆڤێن جيهانێ نه ب بلنداهيا مه‌تره‌ك و 838سه‌نتيمه‌تر و ل رێزا دويێ ژى وه‌لاتيێن مۆنتينيگرۆ دهێن ب درێژاهيا مه‌تره‌ك و 832 سه‌نتيمه‌تر، پاشان ژى دانيماركى و نه‌رويجى دهێن ب مه‌تره‌ك و 826 سه‌نتيمه‌تر.
نزمترين مرۆڤێن جيهانێ ژى يێن وه‌لاتێ ئه‌ندۆنيسيا نه ب بلنداهيا مه‌تره‌ك و 858 سه‌نتيمه‌تر، بۆليڤى د سه‌ر وان دا دهێن ب مه‌تره‌ك و 6 سه‌نتيمه‌تر و پاشان ژى فليپينى ب مه‌تره‌ك و 619 سه‌نتيمه‌تر.
ل سه‌ر ئاستێ وه‌لاتێن عه‌ره‌بى ژى وه‌لاتيێن لوبنانى ل رێزا ئێكێ دهێن ب بلنداهيا مه‌تره‌ك و 76 سه‌نتيمه‌تر و پاشان ژى وه‌لاتێ سعودى دهێت ب مه‌تره‌ك و 746 سه‌نتيمه‌تر و پاشان ژى سورى دهێن ب مه‌تره‌ك و 73 سه‌نتيمه‌تر.
نزمترين مرۆڤێن وه‌لاتێن عه‌ره‌بى ژى وه‌لاتێ عيراقێ ل رێزا ئێكێ دهێت كو دبنه نزمترين مرۆڤێن وه‌لاتێن عه‌ره‌ب ب رێژا مه‌تره‌ك و 65 سه‌نتيمه‌تر.
ئه‌ڤرۆ نيوز:
دوهى رۆژا چارشه‌مبى 29ى ئادارا 2017ێ لژنا بلند یا سەرپەرشتیا موەلیدێن پارێزگەھا دھۆکێ کومبوونا خوه یا ھەیڤانە ل ھولا کومبوونا یا قایمقامیا قەزا دھۆکێ گرێدا ب سەروکاتیا قایمقامێ قەزا دھوکێ و سەرۆکێ لژنێ و ب ئامادەبوونا ئەندازیار و ئەندامێن لژنا بلند یا سەرپەرشتیا موەلیدێن پارێزگەھا دھۆکێ و نوونەرێن پارێزگەرى، رێڤەبەریێن کەھرەب، بەرھەمێن گازێ ل دھوکێ، جڤاتا باژێرڤانيا دھۆکێ و نوونەرێن لژنێن موەلیدا ل قەزایێن دھۆک، سێمێل، زاخو، ئامێدی، ئاکرێ، شێخان و بەردەرەش.
هه‌ر د ڤێ كۆمبوونێ دا لژنا سه‌رپه‌رشتا مواليدان ل پارێزگه‌ها دهۆكێ راپۆرتا خوه يا هه‌يڤا سێ به‌لاڤكر كو تێدا بهايێ ئه‌مپێرێ كاره‌بێ بۆ هه‌يڤا سێ و به‌رنامێ كاركرنا وان يێ هه‌يڤا چار ئاشكه‌را كريه.
هه‌ر چه‌نده ل ده‌سپێكێ راگه‌هاند بوو كو ل هه‌ر ئێك ل گۆندێن ته‌لوه و بێتاسێ و ئه‌ڤريكێ ئه‌مپێرێ كاره‌بێ دێ ب 5500 ديناران بيت، به‌لێ ئه‌ڤرۆ جاره‌كا دى قائيمقاميا دهۆكێ ل سه‌ر په‌يجێ خوه يێ فه‌يسبۆكى روونكرنه‌ك به‌لاڤكر و تێدا بهايێ ئه‌مپێرى ل ڤان ده‌ڤه‌ران زێده‌تر لێ كر.
لژنا سەرپەرشتیا موەلیدان ل پارێزگەها دهۆكێ راگەهاند ل گوندێن (تەلوە و ئەڤریكێ و بێتاسێ) بهایێ ئەمپیرێ كارەبێ بۆ هەیڤا ئادارێ (8750) دیناران، بێ كو ئه‌گه‌رێن ڤێ گوهۆڕينا ژ نيشكه‌كێ ڤه ئاشكه‌را بكه‌ت يان لاپه‌نێ رابوويى ب ڤێ گوهۆڕينێ د بهايێ ئه‌مپێرێ كاره‌بێ دا كو بۆ هه‌ر ئه‌مپێره‌كى 3250 دينار زێده كرينه.
ئه‌ڤرۆ نيوز:
ئه‌ڤرو به‌ری نیڤرو 30-3-20177 به‌رێز فازل میرانی سكرتێرێ مه‌كته‌با سیاسی یا پارتی دیموكراتی كوردستان سه‌را پارێزگه‌ها دهوك دا ژلایێ به‌رێز فه‌رهاد ئه‌مین ئه‌تروشی پارێزگه‌رێ دهوكێ پێشوازی لێ هاته كرن.
د هه‌ڤدیتنه‌كێ دا به‌حسێ ره‌وشا پارێزگه‌ها دهۆكێ و ئه‌و كار و خزمه‌تا بۆ خه‌لكێ پارێزگه‌هێ دهێته پێشكێشكرن و پێدڤیێن خه‌لكێ پارێزگه‌هێ ب پروژێن خزمه‌تكاری ب گشتی هاته كرن.
هه‌ردوو لا ته‌كه‌زی ل سه‌ر هه‌ڤكاری وهاریكاریێ كر بو باشتر خزمه‌تكرنا وه‌لاتیێن پارێزگه‌ها دهوكێ كر.
ئه‌ڤرۆ نيوز:
ھەموو کچ خەونێ ب ھندێ ڤە دبینن کو رۆژا ئاھەنگا وێ یا خۆش بیت و سەروبەرێ وێ یێ جوان بیت،ھەروەسا خەوێ ب ھندێ ژی ڤی دبینیت کو شەڤا ئاھەنگا وێ ب سەرکەفتی دەرباز ببیت و یا رۆمانسی بیت.
ھەروەسا د ھەیڤا ھنگڤینی دا پێدڤیە بووک خوە ئامادە بکەت و ھەیڤەکێ بەری داوەتێ بکەت خوە باش بەرھەڤ بکەت،دیسا ل سەر وێ پێدڤیە چەند خوارنا نەخۆت بەری ماوێ بووکینیێ.
1- بھارات: خوارنا وان ب رێژەیەکا زۆر دبیتە ئەگەرێ نەخۆشیان د لەشی دا.
2- ڤەخوارنێن گازی: دبیتە ئەگەرێ ئێشانا گەدێ و دێ ئازارا بۆ دروستکەت.
3- خوارنێن ئامادەکری: پێدڤیی خوە ژ خوارنێن ئامادەکری دوور بکەت،بتایبەتی خوارنێن بلەز،ژبەرکو دێ کارتێکرنێن نەرێنی ل سەر دەروونێ وێ دروستکەت.
4- خوارنێن قودیکان: پێدڤیە خوە ژ گوشتێ قویکان دووربێخیت،چونکی رێژەکا زۆر یا ماددێ زنکی تێدا ھەیە.
5- شیر و پەنیر: ئەو شیر و پەنیرێ ژ دەرڤە دھێت کاریگەریا خوە ل سەر گەدەیێ دکەت و د ئازرینیت.
6- کافایین: پێدڤیە ل سەر بووکێ کافاینێ نە ڤەخۆت بتایبەتی د شەڤێ دا.
7- مریشک: پێدڤە کچ گەلەک مریشکا نەخۆن،چونکی دێ کارتێکرنێ ل سەر ساخلەمیا وان کەت،ژبەرکو ھۆرمۆن ب مریشکا دھێنەدان.
نيشاندان