ئه‌ڤرۆ نيوز:

ل 28/2/20177 لیژنا بلند یا سەرپەرشتیا موەلیدێن پارێزگەها دهۆكێ‌ كومبوونا خو یا هەیڤانە ل هولا كومبوونا یا قایمقامیا قەزا دهۆكێ‌ گرێدا ب سەروكاتیا رێزدار جهور علی عزیز / قایمقامێ‌ قەزا دهوكێ‌ و سەروكێ‌ لیژنێ‌ و ب ئامادەبوونا ئەندازیارو ئەندامێن لیژنا بلند یا سەرپەرشتیا موەلیدێن پارێزگەها دهۆكێ‌ نوینەرێن پارێزگەهێ‌ ،رێڤەبەریێن كەهرەب ، بەرهەمێن گازێ‌ ل دهوكێ‌ ،جڤاتا شارەوانیا دهۆكێ‌ و نوینەرێن لیژنێن موەلیدا ل قەزایێن دهۆك،سێمێل،زاخو،ئامێدی،ئاكرێ‌،شێخان وبەردەرەش..دڤێ‌ كومبوونێ‌دا دان و ستاندن هاتنە كرن وچەندین بریار هاتنە دان لسەر بابەتێن رەوشا كەهرەبێ‌ وكاركرنا موەلیدا و نرخێ‌ ئەمپێری بۆ مەها شواتێ‌(هەیڤا 2) ، ودانانا بەرنامێ‌ كاركرنا موەلیدا بۆ هەیڤا ئادارێ‌

* نرخی ئەمپێرێ‌ كارەبا موەلیدا یێ‌ ( هەیڤا – 2 – شواتێ‌ ) ب ڤی شێوێ‌ ل خوارێ‌ یە :
1- قەزایینَ دهوك،سمیل و زاخو ودەڤەرێن سەر ب وانڤە  9.500 ) نەهـ هزارو پێنج سەد دینارن.
2- ل قەزا ئاكرێ‌ وناوچەیێن ( دینارتەوبجیل وگردەسین )/سەنتەر (9.5000 ) نەهـ هزارو پێنج سەد دینارن.. ل ناوچەو گوندێن دەورو بەرێن ئاكرێ‌ فیدەرێ‌(گردەسێن- شەرمن و ئومەرخۆشان) ( 7.250 ) هەفت هزارو دوو سەدو پێنجی دینارن ول فیدەرێ‌ ( دینارتە و بجیل ) ( 7.000 ) هەفت هزار دینارن و ئەو جهێن بەلێندەر موەلیدێن وان برێڤە دبەت ل فیدەرێ‌ (گردەسێن -شەرمن و ئومەر خۆشان ) ( 7.250 ) هەفت هزارو دوو سەدو پێنجی دینارن.
4- ل قەزا بەردەرەش/سەنتەر( 7.000 ) هەفت هزار دینارن. ول ناوچا( كەلەك ) (6.5000 ) شەش هزارو پێنج سە دینارن .ول ( بشیریان ) (6.500) شەش هزارو پێنج سە دینارن ول (كانی ئەسپان،ئیسماوە و زەنگەنان) (6.500)شەش هزارو پێنج سەد دینارن. ول ناوچا (دارەتوو ) (6.500)شەش هزارو پێنج سەد دینارن ،ول ناوچا(رۆڤیا/بەلێندەر) (6.500 )شەش هزارو پێنج سەد دینارن.
5- ل سەنتەرێ‌ قەزا شێخان ( 7.7500 ) هەفت هزارو هەفت سەدو پێنجی دینارن. ول ( ناوچا چرە) ( 7.750 ) هەفت هزارو هەفت سەدو پێنجی دینارن. ول( كەلەكچی ودولیشان ) ( 7.750 ) هەفت هزارو هەفت سەدو پێنجی دینارن ،ول ناوچا ( قسروك ) ( 7.750 ) هەفت هزارو هەفت سەدو پێنجی دینارن ، ل (مهەتێ‌ ) ( 7.500 ) هەفت هزارو پێنج دینارن. ول(وان ناوچە ودەڤەرێن كومپانیا بێخال موەلیدێن وان برێڤەدبەن ل سنورێ‌ قەزا شێخان) فیدەرێ‌ (هزار جووت،لەكان،كفرێ‌ ) ( 7.750 ) هەفت هزارو هەفت سەدو پێنجی دینارن ،وفیدەرێ‌(خنس،شەهیا) ( 7.750 ) هەفت هزارو هەفت سەدو پێنجی دینارن.
6- ل ناحیا باعدرێ‌ ( 8.000 ) هەشت هزار دینارن.ول(ئێسیا) ( 7.0000 ) هەفت هزار دینارن ول ناوچا ئەتریش و بلدێشا ( 7.500 ) هەفت هزارو پێنج سەد دینارن.
7- ل قەزا ئامێدیێ‌ /(سەنتەر) ( 9.500 ) نەه هزارو پێنج سەد دینارن ،ول(سەرسنگی) ( 9.5000 ) نەه هزارو پێنج سەد دینارن ،ول (دێرالوكێ‌) ( 9.500 ) نەه هزارو پێنج سەد دینارن ول ( شێلادزێ‌) ( 9.500 ) نەه هزارو پێنج سەد دینارن ول ناوچا چەمانكێ‌ ( 9.500 ) نەه هزارو پێنج سەد دینارن.
88- ل دەڤەرێن سنورێ‌ قایمەقامیا قەزا سێمێلێ‌ ئەوژی (سمایل ئاڤا، بالقوس، خراب دیم وگرشین و مقبلێ‌ باتێلێ‌ وباستكێ‌) ( 9.500 ) نەه هزارو پێنج سەد دینارن .ودەڤەرێن ئەمپێری ل زاخو ( 9.500 ) نەه هزارو پێنج دینارن.
9- ل دەڤەرێن ( كورا ،مانگێش ،زاویتە وباگێرا) ( 9.500 ) نەه هزارو پێنج سەد دینارن.
10- ل شوقێن پارێزگەها دهوكێ‌ كو بەرنامێ‌ كاركرنا موەلیدا ( 199 ) دەمژمێرییە وئەوێن موەلیدێن وان نە سەرب پرۆژەی ڤە ( 14.000 )چواردە هزار دینار.ول شقێن زاخو ( 14.000) چواردە هزار دینارن.ول وان شقێن كۆ بەرنامێ‌ كاركرنا موەلیدێن وان ( 24 ) دەمژمێری ( 18.250 ) هەژدە هزارو دوو سەدو پێنجی دینارن.
11- ل ناوچا (ئەلقوش /سەنتەرێ‌ ناوچێ‌) (9.5000 ) نەه هزارو پێنج سەد دینارن. ول (جراحی-بوزا-شێخكا- بێبان ونفێریێ‌) ( 7.000 ) هەفت هزار دینارن ول ( خەتارێ‌ – دوغاتا – منارە- تلسین و بابیرا) ( 2.250 ) دوو هزارو دوو سەدو پێنجی دینارن.
تێبینی:
• بەرنامێ‌ كاركرنا موەلێدا ل سەنتەرێن قەزایێن دهوك،زاخو و سێمێل بۆ مەها ( كانوینا شباتێ‌- هەیڤا 2/2017 ) دێ‌ بڤی رەنگێ‌ لخوارێ‌ بیت :
– ژ دەمژمێر 7:00 سپێدێ‌ تا دەمژمێر 9 سپێدێ‌ موەلیدە دێ‌ كاركەن.
– ژ دەمژمێر 2:00 ئێڤاری تا دەمژمێر 2:00 شەڤ موەلیدە دێ‌ كاركەن.
– بەرنامێ‌ كاركرنا موەلیدان ل (كۆمەلگەهێن شوقان) دێ‌ ( 19 ) دەمژمیری بیت ، ژ دەمژمێر 7:00 سپێدێ‌ تا دەمژمێر 2 شەڤێ‌ موەلیدە دێ‌ كاركەن ل هەر دەمێ‌ كەهرەبا گشتی دڤی ماوەیدا هاتە برین.
– بەرنامێ‌ كاركرنا موەلیدان ل قەزایێن دی و دەڤەرێن سەر ب وان ڤە ، دێ‌ لدویف رەوش و داخوازییا كارگێریێن وان و خەلكێ‌ وان بیت .
* هیڤیدارین ژ خودانێن موەلیدا پێگریێ‌ ب بەرنامێ‌ لیژنا سەرپەرشتیا موەلیدان بكەن ئەوێ‌ لسەری دیاركری ، وداخوازێ‌ ژ هەلبژێرێن بەرێز دكەین ، هەر جهەكێ‌ موەلیدا ل تاخێ‌ وی پێگریێ‌ نەكەت ، لیژنا مە ب سكالایەكا نڤیسی ئاگەهدار بكەت داكو پێرابوون د دەرهەقێ‌ وان دا بهێنە ئەنجامدان.

ئةظرؤ نيوز:
وەزارەتا خواندنا بلند و ڤەکۆلینێن زانستی کریا خواندنێ ل زانکۆ و پەیمانگەھێن ئەھلی ئەرزان کر، پەیڤدارێ وەزارەتا خواندنا بلند ژی دیار کر، پێدڤیە ھەموو زانکۆ و پەیمانگەھێن سەر ب وەزارەتێ ڤە پێگیری ئەرزانکرنێ بن.
عەباس ئەکرەم، پەیڤدارێ وەزارەتا خواندنا بلند و ڤەکۆلینێن زانستی بۆ رۆژناما ئەڤرۆ گۆت “سالا بۆری ب ئەگەرێ قەیرانا دارایی، وەزارەتا خواندنا بلند و ڤەکۆلینێن زانستی کریا خواندنێ ل زانکۆیێن ئەھلی 15%ێ کێم کر و ل پەیمانەگەھێن ئەھلی ژی کرێ 10%ێ ھاتە کێمکرن، بۆ ئەڤ سالە ژی وەزارەتێ بڕیار دایە ب ھەمان شێوە کرێ بھێنە کێمکرن و داشکاندن بۆ بھێتەکرن، ژبەرکو قەیرانا دارایی یا بەردەوامە و ئەڤ کریا بەرێ یا زۆرە بۆ قوتابیان، ھەموو زانکۆ و پەیمانگەھێن سەر ب وەزارەتێ ڤە ھاتینە ئاگەھدارکرن بۆ کێمکرنا کریێ ھەتا پێگیریێ پێ بکەن”.
ژلایێ خوەڤە ژی شوکریە شێخانی ئەنداما لیژنا پەروەردێ و خواندنا بلند ل پەرلەمانێ کوردستانێ بۆ رۆژناما ئەڤرۆ گۆت “مە وەک پەرلەمان چەندین جاران داخوازا کێمکرنا کریا خواندنێ کریە و بۆ ڤێ مەرەمێ ب نڤیسارا فەرمی ھەردو وەزارەتێن پەروەردە و خواندنا بلند ھاتینە ئاگەھدارکرن، نوکە ژی ئەڤ کریا دھێتە وەرگرتن ژ قوتابیان ھەمبەر خواندنێ ل زانکۆیێن ئەھلی زۆرە و پێدڤیە ھێشتا ھاتبا ئەرزانکرن و داشکاندن 25%ێ ھاتبا کرن نەکو 15%ێ بھێتەکرن”.